1 Эцсийн өдрүүдэд төрсөн хүмүүс ямар хүмүүс вэ? Тэд бол хэдэн мянган жилийн турш Сатаны завхралыг туулж, маш гүнзгий завхарсан болохоор хүний төрхтэй байхаа больсон хүмүүс юм. Бурханы үгийн шүүлт, гэсгээлт, илчлэлтийг туулж, байлдан дагуулагдсаныхаа дараа тэд Бурханы үгэн дотроос үнэнийг олж авч, чин сэтгэлээсээ Бурханд үнэмшдэг; Бурханы талаарх ойлголтод хүрч, Бурханыг туйлын дуулгавартай дагаж, Түүний хүслийг хангалуун байлгаж чаддаг. Эцсийн эцэст, Бурханы удирдлагын төлөвлөгөөгөөр олж авдаг бүлэг хүмүүс нь ийм хүмүүс байх болно. Бурханы хүслийг хангаж чаддаг хүмүүс нь Сатаны завхралд хэзээ ч өртөөгүй, эсвэл эцэстээ аврагддаг хүмүүс юм гэж чи хэлэх үү? Бүхий л удирдлагын төлөвлөгөөний явцад олж авдаг хүмүүс нь Бурханы хүслийг ойлгож чаддаг, Бурханаас үнэнийг авч, Бурханы шаарддаг амь болон хүний төрхийг эзэмдэг хүмүүс билээ.

2 Хүмүүс анх бүтээгдэх үедээ ердөө л хүн шиг харагддаг, мөн амьтай байлаа. Гэвч, Бурханы шаарддаг, олж аваасай гэж хүсдэг хүний төрх тэдний дотор байгаагүй юм. Эцэст нь олж авах бүлэг хүмүүс бол эцэстээ үлдэх хүмүүс бөгөөд тэд бас Бурханы шаарддаг, Түүний таашаадаг, Түүнийг хангалуун байлгадаг хүмүүс юм. Хэдэн мянган жилийн удирдлагын төлөвлөгөөнд, Бурханы усалгаанаас гарсан, Сатантай хийсэн дайны тусламжтайгаар Бурханы хангасан бүр их зүйлийг энэ хүмүүс олж авсан билээ. Энэ бүлгийн хүмүүс нь анх Бурханы бүтээсэн хүмүүсээс дээр байдаг; хэдийгээр тэд завхралд өртсөн ч энэ нь гарцаагүй зүйл бөгөөд Бурханы удирдлагын төлөвлөгөөний цар хүрээнд багтдаг асуудал юм. Энэ нь, Бурханы төгс хүчин, мэргэн ухааныг төдийгүй Бурханы зохицуулж, төлөвлөж, биелүүлсэн бүхэн хамгийн агуу гэдэг баримтыг хангалттай харуулдаг.

“Үг. III Боть: Эцсийн өдрүүдийн Христийн яриа. Гуравдугаар хэсэг”-ээс шинэчлэн найруулав