Аавдаа “хоригдсон” өдрүүд

2023-07-11

Кианна, Украин

2020 оны зун. Тухайн үед Албина дүү бид хоёр Төгс Хүчит Бурханы Чуулганы “Зүүднээсээ сэрсэн нь” гэдэг видеог үзсэн юм. Тэр видеон дээр Эзэн Есүс аль хэдийн эргэн ирсэн гэсэн нь сонирхлыг маань татсан учраас бид хоёр Төгс Хүчит Бурханы Чуулганы аппыг татаж аваад чуулганы ах эгч нартай холбогдсон. Чуулганы ах эгч нар Төгс Хүчит Бурхан олон үнэнийг илэрхийлж, шүүлтийн ажил хийж, аль хэдийн бүлэг ялагчдыг бий болгосныг бидэнд гэрчилсэн. Би маш их догдолж, Төгс Хүчит Бурханы нэлээд их үгийг уншаад, Төгс Хүчит Бурханы үг эрх мэдэл, хүч чадлаар дүүрэн, бүгд үнэн болохыг харж, жирийн хүн ийм үг илэрхийлж чадахгүй, энэ бол Бурханы дуу хоолой мөн гэдгийг ухаарсан. Төгс Хүчит Бурхан бол эргэн ирсэн Эзэн Есүс! Дүү бид хоёр нэлээд урам зориг орж, Төгс Хүчит Бурханы эцсийн өдрүүдийн ажлыг баяртайгаар хүлээн авч, ах эгч нартай байнга онлайнаар цуглаан хийж, Бурханы үгийг нөхөрлөж байлаа.

Гэвч санаанд оромгүй нь, Төгс Хүчит Бурханы Чуулганы онлайн цуглаанд оролцоод, Ортодокс шүтээнүүдэд залбирахгүй байгааг маань аав хараад, өөр Бурханыг шүтэж, Эзэн Есүсээс урваж байна гэсэн. Аавын ингэж хэлж байгаа нь буруу байсан. Төгс Хүчит Бурханы үгийг уншаад би Төгс Хүчит Бурхан, Эзэн Есүс хоёр нэг Бурхан, нэг Сүнс гэдгийг мэдэж авсан. Тэд өөр өөр эрин үед өөр өөр ажил хийж байгаа Бурханыг төлөөлдөг. Нигүүлслийн эрин үед Бурхан золин авралын ажил хийхийн тулд Есүс гэдэг нэрийг авсан. Одоо эцсийн өдрүүдэд Бурхан шүүлт, цэвэрлэгээний ажлыг хийхийн тулд махбод болж, шинэ нэр авсан. Төгс Хүчит Бурхан гэдэг нь Эзэн Есүсийн эргэн ирэхдээ авсан шинэ нэр юм. Би Төгс Хүчит Бурханд итгэснээрээ Эзэн Есүсээс урваж байгаа юм биш, Эзэний эргэн ирэлтийг угтан авч, Бурханы мөрийг дагаж байгаа. Гэтэл аав Төгс Хүчит Бурханы үгийг уншаагүй, Бурханы ажлыг таниагүй учраас Төгс Хүчит Бурхан бол эргэн ирсэн Эзэн Есүс гэдгийг мэдээгүй. Би аавд тайлбарлах гэж оролдсон боловч аав надад ярих боломж ч олгохгүй, үзэл бодолдоо тууштай зогсож, тэр ч байтугай намайг загнаж, биднийг Төгс Хүчит Бурханы үгийг дахиад уншиж байгааг харвал зодно, биднийг үхтэл нь зодоод, шоронд орох ёстой болсон ч Төгс Хүчит Бурханд итгүүлэхгүйн тулд тэгнэ гэдгээ хэлсэн. Аавын ингэж хэлэхийг сонсоод би цочирдсон. Аав биднийг итгүүлэхгүйн тулд ийм хорон үг хэлнэ гэж би огт төсөөлөөгүй. Тэр өдөр аав биднийг гэрээс хөөж гаргаад, бид хоёр унтлагын хувцастайгаа гадаа хэдэн цаг суухаас аргагүй болсон юм. Тухайн үед би үнэхээр гонсойж, Бурханд залбирч, “Бурхан минь, би бага зэрэг сул дорой байгаа ч хүчтэй байж, энэ бүхнийг туулах ёстойгоо мэднэ. Аав надад яаж ч саад болсон, би Танд итгэсээр байх болно. Надад итгэл, хүч чадал хайрлаач” гэсэн. Яг тэр үед би Бурханы үгийн нэг хэсгийг санасан юм. “Чи дотроо Миний зоригийг тээж, итгэдэггүй төрөл төрөгсөдтэйгөө нүүр тулахдаа зарчимтай байх ёстой. Харин чи бас Миний төлөө ямар ч харанхуй хүчинд бууж өгөх ёсгүй. Төгс замаар алхахын тулд Миний мэргэн ухааныг түш; Сатаны хуйвалдаан биелэх боломж бүү олго. Миний өмнө зүрх сэтгэлээ байлгахад бүх хүчин чармайлтаа гарга, Би чамайг тайтгаруулж, амар амгалан, баяр хөөр авчирна(Үг. I Боть: Бурханы илрэлт ба ажил. Христийн эхэн үеийн айлдварууд, 10-р бүлэг). Бурханы үг зүрх сэтгэлийг минь дулаацуулж, хүч ороход тусалсан. Аав надад яаж ч саад болсон, Бурханы л гарт байх учраас ааваас айх хэрэггүй гэдгийг би Бурханы үгээс ойлгосон. Надад эр зориг, мэргэн ухаан хайрлаач гэж би Бурханд залбирах ёстой, тэгвэл энэ хүнд сорилтыг давж чадна. Үүний дараа, аав намайг байнга загнаж, ах эгч нартай холбогдохыг хориглож, утсыг минь байнга шалгаж байсан ч гэсэн, аавын хяналтаас мултрахын тулд би чадах бүхнээ хийж, ихэвчлэн угаалгын өрөө, шүршүүр, хонгил, цэцэрлэгт нуугдаж, ах эгч нартай чаталж чаддаг байлаа.

Тун удалгүй бид шинээр ирэгсдийг услагчаар бэлтгэгдэж эхлээд, нууцаар үүрэг хүлээж авсан ч услах хэрэгтэй шинээр ирэгсэд аажмаар нэмэгдэж, эцэст нь би тэдэнтэй өдөр бүр өрөөндөө нөхөрлөж, цуглаан хийх болсон. Үүнээс болоод аав намайг дахиад л цуглаан хийж байна гэж сэжиглэхэд хүрч, хяналтаа нэмэгдүүлж, миний утсыг шалгаад зогсохгүй, намайг өрөөндөө ганцаараа байх үед юу хийж байгааг минь харах гэж сэмхэн орж ирдэг байсан. Бас гэрт ажиглалтын камер суурилуулж, бүр эрэгтэй дүүгээр минь намайг хянуулж, хариуд нь бэлэг өгдөг байсан. Заримдаа би чуулган болон миний үүрэгтэй холбоотой бүхнийг утаснаасаа устгаж, цуглааны групп чатаас түр гарахаас аргагүй болдог байсан ч итгэлээ хэрэгжүүлж байгааг минь эцэст нь аав мэдсэн. Тэр өдөр аав дахиад л архи ууж, намайг загнаж эхлэн, тэр ч байтугай Бурханыг доромжилсон зүйл хэлэхэд нь би тэсэж чадалгүй, “Би жинхэнэ Бурхан, эргэн ирсэн Эзэн Есүст итгэдэг. Төгс Хүчит Бурхан хүн төрөлхтнийг аварч, биднийг нүгэл, гамшгаас чөлөөлөхийн тулд олон үнэнийг илэрхийлсэн. Энэ бол авралд хүрэх цорын ганц боломж учраас би итгэлээ хэрэгжүүлэх ёстой. Та Төгс Хүчит Бурханд итгэхийг минь болиулах гэж оролдсоор байвал би эндээс явж, өөр газар амьдрахаас өөр аргагүй болно” гэж хэлсэн. Аав юу ч хэлээгүй, тэр явдлаас хойш хэсэг хугацаанд миний итгэлийн талаар бараг юм хэлээгүй, намайг дарангуйлах гэж оролдохоо больсон. Би энэ бүхэн дууссан гэж бодоод, энэ нь ердөө л шуурганы өмнөх нам гүн гэдгийг огт төсөөлөөгүй. Нэг өдөр би дөнгөж цуглаан эхлүүлж байтал дүү гүйн орж ирээд, аав миний утсыг харъя гэж шаардсан гэж хэлсэн ч аав миний утсыг эвдэж магадгүй гэдгийг би мэдэж байсан болохоор өгөөгүй. Утас бол миний хувьд чуулгантай холбогдох, Төгс Хүчит Бурханы үгийг унших цорын ганц арга зам байсан. Тиймээс би чуулганы нэг эгчтэй яаран холбогдож, гэр бүлийнхээ нөхцөл байдлыг тайлбарлаж, усалж байсан шинээр ирэгсдээ эгчид хуваарилж өгчхөөд дараа нь утсаа нуусан.

Тэр өдөр аав, нагац ахыг урьж авчраад Төгс Хүчит Бурханд итгэхийг маань болиулахыг түүнээс гуйсан. Биднийг дарангуйлахын тулд тэд ямар арга хэрэглэхийг би огт мэдээгүй. Тэгтэл Бурханы зарим үг санаанд орсон юм: “Хүмүүс дээр Бурханы хийдэг ажлын алхам бүрд, гаднаа энэ нь хүмүүсийн хоорондын харилцаа мэт, хүний зохицуулалт, хүний хөндлөнгийн оролцооноос үүдэлтэй мэт харагддаг. Гэвч нүднээс далдуур, ажлын алхам бүр, тохиолдож буй юм бүхэн нь Бурханы өмнө Сатаны тавьсан бооцоо бөгөөд Бурханд гэрчлэл хийхдээ бат зогсохыг хүмүүсээс шаарддаг. Жишээ нь, Иовыг шалгасан үеийг авч үзье: Нүднээс далдуур Сатан Бурхантай мөрий тавьж байсан бөгөөд Иовд тохиолдсон зүйл нь хүмүүсийн үйл, хүмүүсийн хөндлөнгийн оролцоо байсан. Та нарт хийдэг Бурханы ажлын алхам бүрийн ард Сатаны Бурхантай тавьсан мөрий байдаг—энэ бүгдийн ард тэмцэл байдаг(Үг. I Боть: Бурханы илрэлт ба ажил. Бурханыг хайрлах нь л үнэхээр Бурханд итгэж буй хэрэг). “Бурхан ажиллаж, нэг хүнийг халамжилж, тэр хүнийг шинжиж, ивээж, сайшаах үед Сатан ч бас тувт салахгүй мөрдөж, тэр хүнийг хуурч, хорлохыг хичээдэг. Хэрвээ Бурхан нэг хүнийг олж авахыг хүсвэл Сатан Бурханд саад болж, Бурханы ажлыг уруу татаж, үймүүлж, хохироохоор янз бүрийн хорон муу заль мэх ашиглан далд зорилгодоо хүрэхийн төлөө чадах бүхнээ хийнэ. Энэ зорилго нь юу вэ? Бурхан хэнийг ч олж авахыг тэр хүсдэггүй; Бурханы олж авахыг хүсдэг бүх хүнийг тэр өөртөө булааж авч эзэмшихийг хүсдэг, тэднийг хянаж, удирдахыг хүсдэг ба ингэснээр тэр хүмүүс Сатаныг шүтэж, ёрын муу үйл үйлдэхэд нь түүнтэй нэгдэж, Бурханыг эсэргүүцэх юм. Энэ нь Сатаны хорлонтой сэдэл биш гэж үү?… Бурхантай тулалдаж, Түүний араас мөшгөхдөө Сатаны зорилго бол Бурханы хийхийг хүсдэг бүх ажлыг нурааж, Бурханы олж авахыг хүсдэг хүмүүсийг эзэмдэж, хянах, Бурханы олж авахыг хүсдэг хүмүүсийг бүрмөсөн устгах явдал юм. Хэрвээ тэднийг устгахгүй бол тэд Сатаны эзэмшилд орж, түүгээр ашиглуулдаг—энэ бол түүний зорилго(Үг. II Боть: Бурханыг мэдэх тухай. Цор ганц Бурхан Өөрөө IV). Гэрийнхэн маань миний итгэлийг дарангуйлж байгаа нь Сатаны сорилт, садаа байсныг би Бурханы үгээс ухаарсан. Сатан намайг Бурханыг дагаж, Бурханаар авруулахыг хүсээгүй учраас гэрийнхнийг минь ашиглан над руу дайрч давшилж, Бурханыг үгүйсгүүлж, Бурханаас урвуулахаар намайг хүчилсэн. Энэ бол Сатаны зальжин явуулга байсан. Иов сорилт туулах үед Сатан яаж дайрч давшилж байсныг би бодлоо. Иовын бүх эд хөрөнгө сүйрч, үр хүүхдүүд нь үхэж, бүх биеэр нь яр хатги гарсан. Ийм их зовлонг туулж байхдаа ч Иов Бурханыг гэрчилж, Сатаныг шившиглэж чадсан. Иовын үлгэр жишээг давах ёстойгоо би мэдэж байсан. Аав, авга ах хоёр намайг хэчнээн дарангуйлж, саад хийсэн ч гэсэн, би Төгс Хүчит Бурханд тууштай итгэж, бат зогсож, Сатаныг шившиглэх ёстой.

Авга ах манай өрөөнд орж ирэнгүүтээ итгэхээ боль гэж ятгаж эхэлсэн. Авга ах: “Та нар Эзэн Есүсийг орхиж, чуулганд очихгүй байгаа нь Эзэнээс урваж байгаа хэрэг!” гэсэн. Хариуд нь би: “Төгс Хүчит Бурхан, Эзэн Есүс хоёр бол нэг Бурхан. Төгс Хүчит Бурхан олон сая үг илэрхийлж, Бурханы 6,000 жилийн удирдлагын төлөвлөгөө, Бурханы ажлын гурван үе шатны дотоод түүх, түүнчлэн Бурханы нэрсийн нууц гэх мэт тоо томшгүй олон үнэн, нууцыг илчилсэн. Бас хүн төрөлхтний нүгэлт байдлын уг үндэс, Сатаны завхралд өртсөн бидний бодит байдлыг илчилж, авралын замыг бидэнд харуулсан. Дэлхий даяар олон хүн Төгс Хүчит Бурханы үг бол үнэн, Бурханы дуу хоолой гэдгийг хүлээн зөвшөөрч, Эзэний эргэн ирэлтийг угтан авсан. Тэгэхээр бид Төгс Хүчит Бурханд итгэснээрээ Эзэнээс урваж байна гэж та яаж хэлж чадаж байна аа? Эзэн Есүсийг ажлаа хийхээр ирэх үед олон хүн сүмийг орхиж, Эзэн Есүсийг дагасан, тэднийг Ехова Бурханаас урвасан гэж та хэлэх үү? Хүмүүс Эзэн эргэн ирснийг гэрчлэх үед Бурханы дуу хоолойг сонсож, Эзэнийг дагаж чаддаггүй хүмүүс л Эзэнээс үнэхээр урваж байгаа” гэсэн. Үүнийг сонсоод авга ах дүрсхийн уурлаж, “Энийг хараад байгаарай! Миний үгийг огтхон ч бодож үзэхгүй, бүр харин надад сургамжлах гэж оролдож байна. Энэ намайг элсүүлж, чуулгандаа оруулахыг оролдож байна!” гэсэн. Дараа нь авга ахын эхнэр намайг ятгахаар оролдож, тохуурхсан, ёжтой өнгөөр, Бурханд итгэж, бусдыг чуулганд элсүүлэхэд хамаг цагаа үрэхийн оронд бусад эмэгтэйчүүд шиг зүгээр л гэрлэж, тогтвортой гэр бүлтэй болж, ажиллаж амьдрах хэрэгтэй гэсэн. Би хариуд нь “Би итгэгч болсноосоо хойш Төгс Хүчит Бурханы олон үгийг уншиж, олон зүйлийг нэвт харж, амьдралын утга учир, амьдралдаа эрэлхийлэх хамгийн утга учиртай зүйл юу болохыг мэдэж авсан. Цар тахал, дайн дажин, өлсгөлөн эрчимжиж байгаа энэ хэдэн жилд махан биеийн таашаал, тав тух үнэхээр бидний аюулгүй байдлыг баталгаажуулж, биднийг гамшгаас хамгаалж чадах уу? Бид Төгс Хүчит Бурханы ажлыг хүлээж авч, үнэнийг олж авч, нүглээс ангижирч байж л гамшгийн үеэр Бурханаар хамгаалуулж, Бурханы хаанчлалд орж чадна. Энэ бол авралд хүрэх цорын ганц зам” гэсэн. Тэд ганц ч үг хэлээгүй. Шийдэмгий байдлыг минь хараад над руу бөөнөөрөө дайрахын тулд өвөө, өөр нэг авга ах хоёрыг дуудсан. Би хятад ах эгч нар хавчлага, аюул осолтой нүүр тулаад яаж бат зогсож чаддагийг бодож, яг л тэдэн шиг Бурханыг гэрчилж, Сатаныг шившиглэхийг хүссэн учраас Бурханд залбирч, “Өө Бурхан минь! Өвөө болон бусад хүн цаашид надад юу хэлж, хийхийг би мэдэхгүй, намайг итгэл, хүч чадлаар дүүргээч” гэсэн. Өвөө ирэнгүүтээ дүү бид хоёрыг загнаж, бүр суран бүсээ бариад заналхийлж, “Та хоёр Төгс Хүчит Бурханд итгэхээ болихгүй бол миний ач охид байхаа болино шүү!” гэсэн. Үүнийг сонсоод би дотроо “Гэрийнхэн минь бүгдээрээ намайг орхисон ч Төгс Хүчит Бурханд итгэхээ хэзээ ч болихгүй. Эзэн Есүс ингэж хэлсэн: ‘Харин хүмүүсийн өмнө Намайг үгүйсгэсэн хэнийг боловч Би тэнгэр дэх Эцэгийнхээ өмнө үгүйсгэнэ’ (Матай 10:33). Хүн бусад хүнгүйгээр амьдарч хэзээд чадах учраас хүмүүст хаягдах аймшигтай биш, харин Бурханд хаягдвал бүх зүйл дуусна. Тиймээс тэд надад яаж ч саад хийсэн би Бурханыг үгүйсгэхгүй” гэж бодсон. Тэгээд тууштайгаар “Төгс Хүчит Бурхан бол жинхэнэ Бурхан гэдгийг би таньсан. Та нар юу ч гэж хэлсэн, би Төгс Хүчит Бурханд итгэхээ хэзээ ч болихгүй” гэсэн. Дүү ч бас Төгс Хүчит Бурханд итгэхээ болихгүй гэсэн. Тэнд байсан бүх хүн биднийг хэлсэн зүйлд цочирдож, авга ах дүрсхийн уурлаж, миний утсыг барьж аваад, намайг байцааж: “Чи энэ утсаар өдөр болгон хэнтэй яриад байна? Тэд хэн бэ? Нэр нь хэн юм? Тэдний утасны дугаарыг надад өгөөдөх! Тэднийг би цагдаад мэдээлнэ!” гээд, дараа нь надад утсаа нээ гэж хэлсэн. Намайг хариу хэлэхгүй болохоор авга ах улам уурлаж, “Чи ч бүр найдваргүй болсон юм шиг байна, бид юу ч хэлээд сонсохгүй бололтой. Чамайг сэтгэл мэдрэлийн эмч рүү явуулж эмчлүүлэх хэрэгтэй юм байна” гэсэн. Тэдний нүдээр бол, итгэл гэдэг нь ердөө л нэг төрлийн шашны итгэл үнэмшил, Бурханы төлөө золиос гаргаж, өөрсдийгөө зарлагаддаг хүмүүсийг тэд хэвийн бус гэж боддог. Дараа нь гэр бүлийн бусад гишүүн намайг ээлжлэн загнаж, зэмлэсэн ч дүү бид хоёр гуйваагүй, бүр хариу маргаж, эцэст нь тэд залхаад гэр гэртээ харьсан.

Тэд ингээд болиогүй. Хоёр хоногийн дараа Төгс Хүчит Бурханы Чуулганыг гутаасан хэдэн видеог аав бидэнд үзүүлсэн. Тэр видеонууд худал, чуулганыг гүтгэж байгаа гэдгийг би мэдэж байсан учраас маш их дургүй хүрсэн. Би Төгс Хүчит Бурханд итгээд удаагүй байж болох ч үгийг нь уншиж, зарим үнэнийг ойлгосон. Нүглээс ангижирч, ариусгагдахын тулд явах ёстой зам, амьдралд эрэлхийлэх хамгийн утга учиртай зүйл юу болохыг би мэдэж байсан. Би юмыг Бурханы үгэнд үндэслэн хардаг болж, сайн, мууг бага зэрэг ялган таньж чаддаг болж, зарим тал дээр аль хэдийн сайжирч, Төгс Хүчит Бурханд итгэх итгэл минь надад их ашиг тус өгсөн. Би дотоод амар амгаланг мэдэрч, сэтгэл хангалуун болж, энэ бол үнэн зам, Бурхан биднийг залж чиглүүлж байгаа зам гэдэгт итгэсэн. Тиймээс би аавдаа “Та Бурханы эцсийн өдрүүдийн ажлыг судлаагүй байж энэ бүх онлайн цуурхал, худал үгэнд итгэх юм. Энэ нь диаволын худал үг. Би жинхэнэ Бурханд итгэдэг…” гэж хэлсэн ч намайг ингэж хэлэнгүүт аав даруйхан миний үгийг тасалж, дахиад л загнаж эхэлсэн. Хожим нь авга ах дахиад л ирж, намайг дарамталж эхлэн, “Кианна чи бол бидний гэр бүл, бид бүгдээрээ чамд маш их хайртай. Бид чиний төлөө л үүнийг хийж байна. Чи дараа нь бидэнд талархана. Энэ чуулганаас аль болох хурдан яв” гэсэн. Авга ахын үг Сатан Иовын эхнэрийг ашиглан Иов руу дайрч давшилж байсныг санагдуулсан. Иовын эхнэр “Чи одоо ч гэсэн үнэнч шударга байдлаа хадгалж байна уу? Бурханыг хараа, тэгээд үх” гэж хэлсэн (Иов 2:9). Гэхдээ Иов эхнэрийнхээ үгэнд ороогүй, харин “мунхаг эмэгтэй шиг ярилаа” гэж эхнэрээ зэмлэсэн. Одоо манай гэрийнхэн намайг бас шахаж, надад саад хийж байна. Тэд үүнийг миний сайн сайхны төлөө хийж байна гэсэн ч үнэндээ намайг албадаж Төгс Хүчит Бурханыг орхиулах гэсэн. Би тэдний худал үг, хууран мэхлэлтээс залхсан учраас зүгээр л дуугүй сууж, тэднийг үл ойшоож байлаа. Тэдэнд маш их юм хэлмээр байсан ч намайг сонсохгүй гэдгийг нь би мэдэж байсан. Өөрсдийнх нь шаардлагыг дагахгүй байгааг минь хараад аав суран бүсээ авч, нүүр, гар луу хэд хэдэн удаа ороолгоход гар хорсон өвдөж, нулимс хацар даган урссан. Эцэст нь тэд дүү бид хоёрын гар утсыг хурааж авч, бид чуулгантай холбогдох боломжгүй боллоо. Дараа нь аав биднийг үргэлжлүүлэн хянаж, Бурханы үгийг уншихыг маань хориглосон. Намайг ганцааранг минь байлгахгүйн тулд аав намайг хаа явсан газар минь дагаж, тэр ч байтугай царайг минь ажиглаж, намайг юм бодож байгаа юм шиг харагдвал аав: “Итгэдэг тэр Бурханаа бодох гээд үзээрэй!” гэж хашхирдаг байсан. Би Төгс Хүчит Бурханы зарим үгийг санасан юм: “Итгэгчид, үл итгэгчид нь хоорондоо таарамжгүй; харин ч нэг нэгнийхээ эсрэг байдаг(Үг. I Боть: Бурханы илрэлт ба ажил. Бурхан хүн хоёр амралтад хамт орох болно). “Бие махбодтой болсон Бурханд итгэдэггүй хэн боловч чөтгөрийнх байдгаас гадна тэд устгагдах болно… Сатан гэж хэн бэ, чөтгөрүүд гэж хэн бэ, Бурханы дайснууд гэж хэн бэ, Бурханд итгэдэггүй эсэргүүцэгчид биз дээ?(Үг. I Боть: Бурханы илрэлт ба ажил. Бурхан хүн хоёр амралтад хамт орох болно). Бурхан шүтлэггүй хүмүүсийн мөн чанарыг илчилсэн. Гэр бүлийнхэн хамгийн ойр дотно гэж би боддог байсан ч гэрийнхнийхээ дарлал, саад тотгорыг ахин дахин туулсныхаа дараа үүнийг Бурханы үгтэй харьцуулаад, тэдний үнэн төрхийг эцэст нь олж харсан. Тэд Эзэнд итгэдэг хэр нь Эзэний эргэн ирэлт гэх тийм чухал зүйлтэй тулгараад, эрж хайх өчүүхэн ч хүсэл байгаагүй, Бурханы дуу хоолойг сонсож, Эзэнийг угтан аваагүй, тэр ч байтугай шаардлагатай бүх аргыг ашиглан Төгс Хүчит Бурханд итгэхэд маань саад хийж, Төгс Хүчит Бурханыг элдэв янзаар шүүж, ялласан. Тэд бол Бурханыг үзэн яддаг, Бурханыг эсэргүүцдэг хүмүүс. Тэд Бурханы дайсан учраас миний ч бас дайсан байсан. Би тэдэнтэй адил байгаагүй.

Гэрийнхнээ бага зэрэг ялган таньж чадсан ч гэсэн, тэдэнд байнга хянаж, цуглаанд оролцож чадахгүй, дүүтэйгээ ч сүнслэг асуудлаар ганцаарчлан ярилцаж чадалгүй, цаг хугацаа өнгөрөхийн хэрээр би сул дорой болж эхэлсэн. Тэр үед Бурханы үгийн нэг хэсгийг би бодсон юм. “Бүү урам хугар, бүү сул дорой бай, Би чиний хувьд аливааг тодорхой болгоно. Хаанчлалд хүрэх зам тийм ч дардан биш; юу ч тийм энгийн биш! Чи ерөөлүүдийг амархан авахыг хүсдэг, тийм биз дээ? Өнөөдөр хүн бүр гашуун шалгалттай нүүр тулна. Тийм шалгалтгүйгээр Намайг хайрлах зүрх сэтгэл чинь хүчтэй болохгүй бөгөөд Намайг гэх жинхэнэ хайргүй байх болно. Эдгээр шалгалт багахан орчин нөхцөл төдийхнөөс бүрддэг байсан ч гэсэн хүн бүр тэдгээрийг туулах ёстой; ердөө шалгалтын бэрхшээл нь нэгээс нөгөө хүнд ялгаатай байх болно. Шалгалтууд бол Надаас ирж буй ерөөл бөгөөд та нараас хэчнээн олон чинь үргэлж Миний өмнө ирж, Миний ерөөлийг гуйн өвдөг сөгддөг билээ? Тэнэг хүүхдүүд! Та нар үргэлж, сайныг билэгдсэн цөөн хэдэн үгийг л Миний ерөөл гэж тооцогдоно хэмээн боддог ч гашуун зовлон бол Миний ерөөлүүдийн нэг гэдгийг таньдаггүй. Миний гашуун зовлонг хуваалцдаг хүмүүс Миний жаргалыг гарцаагүй хуваалцана. Энэ бол та нарт өгөх Миний амлалт, Миний ерөөл юм(Үг. I Боть: Бурханы илрэлт ба ажил. Христийн эхэн үеийн айлдварууд, 41-р бүлэг). Бурханы үг намайг дулаацуулж, Бурхан надтай тун ойр байгааг би мэдэрсэн. Бурхан миний юу бодож, юу туулж байгааг ойлгож, үгээрээ намайг тайтгаруулж, надад урам зориг өгсөн. Тэнгэрийн хаанчлалд ороход маш хэцүү бэрх байдаг, үнэн зам байнга хавчлагад өртөж, гологдож байдгийн шалтгаан нь Сатан энэ дэлхийг захирдаг, үнэнийг илэрхийлж, хүн төрөлхтнийг аврахаар энд ирэхийг нь Бурханд зөвшөөрдөггүй, Бурханыг дагаж, Бурханд итгэхийг хүмүүст бүр ч зөвшөөрдөггүй гэдгийг би мэдэж байсан. Үр дүнд нь Бурханыг дагаж, Бурханд итгэдэг хүмүүс хавчлагад өртдөг. Нигүүлслийн эрин үед олон хүн Эзэн Есүст итгэснийхээ төлөө хавчлагад өртөж, бүр амиа өгсөн. Одоо Хаанчлалын эрин үед Бурхан хүн төрөлхтнийг аврахаар дахин махбод болсон. Хятадад Төгс Хүчит Бурханд итгэдэг тоймгүй олон хүнийг ХКН баривчилж, хавчиж, зодож, тамласан ч тэд Бурханд тууштай итгэж, Бурханыг гэрчилсээр байгаа. Бурханд итгэснийхээ төлөө гэрийнхнийхээ ийм хавчлагатай нүүр тулаад, Сатаны өмнө Бурханыг гэрчлэх нь миний хувьд маш их нэр төрийн хэрэг байсан. Би зарим нэг бэрхшээлтэй тулгарсан ч үүнд Бурханы сайн санаа зорилго агуулагдаж байсан. Би итгэлгүй, Сатаны явуулгыг нэвт харж чадахгүй байсан учраас Бурхан манай гэрийнхний саад, хавчлагаар дамжуулан ажиллаж, намайг Өөрт нь найдаж, үнэнийг эрж хайж, ялган таньдаг болгож сургахаар ажиллаж байжээ. Энэ нөхцөл байдал надад үнэнийг ойлгож, биеийн хэмжээгээ өсгөхөд тусалсан. Бурханы санаа зорилгыг ухаарсныхаа дараа би илүү тайвширч, түгших минь багасаж, энэ туршлагын үеэр Бурханд найдахаар шийдсэн. Бурхан миний талд байгаа цагт хэн намайг эсэргүүцэж, надад саад хийх нь хамаагүй.

Тэр үед манай гэрийнхэн биднийг байнга хянаж, хавчиж байсан. Бид Бурханыг үгийг уншиж чадахгүй, надад маш муухай байсан болохоор би зугтах талаар бодож үзсэн. Миний бодлоор зугтах л цорын ганц арга зам байлаа. Би гэрээсээ явбал итгэлээ хэвийн хэрэгжүүлж чадах байсан ч зугтах бүх боломж хаагдсан байсан. Аав үргэлж гэртээ байдаг, ааваас яаж мултрахаа би мэдэхгүй, гэр бүлийн бусад гишүүн ч бас намайг хянаж байсан. Дээрээс нь надад мөнгө байхгүй, хаашаа явахаа би мэдэхгүй, намайг зугтвал аав, ах эгч нарыг цагдаад өгөх байх гэж айж, сэтгэлийн гүн хямралд орж, үргэлж уйлж, тийм байгаагаа хэнд ч харуулахыг хүсээгүй. Тэр үед би байнгын айдастай амьдарч, өрөөндөө залбирч байхдаа аав хаалга эвдэж орж ирээд над руу хашхирах вий гэж үргэлж санаа зовж, дүү бид хоёрыг загнаж, зодох вий гэж бүр ч их зовж, ингэж хавчих нь хэр удаан үргэлжлэхийг огт мэдэхгүй байлаа. Ах эгч нар маань бүгд тогтмол цугларч, үүргээ гүйцэтгэж чадаж байхад надад тийм боломж байхгүй байгааг бодохоор би тэдэнд атаархаж байсан тул Бурханд залбирч, “Бурхан минь, гэртээ үнэнийг хэрэгжүүлэх надад маш хэцүү байна. Би цуглаанд оролцож, үүргээ чөлөөтэй гүйцэтгэхийн тулд гэрээсээ явмаар байна. Надад зам нээж өгөөч” гэсэн.

Эцэст нь нэг өдөр би гэрийнхнийхээ бүгдээс нь бултаж, утсан дээрээсээ Бурханы үгийн хоёр хэсгийг харсан юм. Төгс Хүчит Бурхан ингэж хэлсэн байдаг: “Шалгалтыг туулж байхдаа хүмүүс сул дорой болж, дотроо сөрөг байдал тээж, Бурханы хүсэл болон хэрэгжүүлэлтийн замыг ойлгож чадахгүй байх нь хэвийн юм. Гэвч ямар ч тохиолдолд чи Бурханы ажилд итгэлтэй байж, яг л Иов шиг Бурханыг үгүйсгэхгүй байх ёстой. Хэдийгээр Иов сул дорой байж, төрсөн өдрөө хараасан боловч Ехова хүний амьдрал дахь бүх зүйлийг хайрласан, мөн Ехова бол тэднийг бүгдийг нь авч явах Нэгэн мөн гэдгийг тэр үгүйсгээгүй. Түүнийг яаж ч шалгасан тэр энэ итгэлээ хадгалсан. Туршлагынхаа явцад чи Бурханы үгээр дамжуулан ямар цэвэршүүлэлт туулах нь хамаагүй, хүн төрөлхтнөөс Бурханы шаарддаг зүйл бол товчхондоо тэдний итгэл, Өөрийг нь гэх хайр юм. Ийм байдлаар ажилласнаараа Тэр хүмүүсийн итгэл, хайр, тэмүүллийг төгс болгодог. Бурхан төгс болгох ажлыг хүмүүс дээр хийдэг бөгөөд хүмүүс үүнийг харж, мэдэрч чаддаггүй; ийм нөхцөлд чиний итгэл шаардлагатай. Юмыг энгийн нүдээр харах боломжгүй үед хүмүүст итгэл шаардлагатай болдог бөгөөд үзлээ орхиж чадахгүй үед чинь чамд итгэл хэрэгтэй байдаг. Бурханы ажлын талаар тодорхой ойлголтгүй байх үедээ чиний хийх ёстой зүйл бол итгэлтэй байж, дороо бат зогсож, гэрчлэлд зогсох хэрэгтэй. Иов энэ цэгт хүрэх үед Бурхан түүнд харагдаж, түүнтэй ярьсан. Өөрөөр хэлбэл, итгэл дотроосоо л чи Бурханыг харж чадах бөгөөд итгэл байгаа цагт Бурхан чамайг төгс болгоно. Итгэл үгүй бол Тэр үүнийг хийж чадахгүй(Үг. I Боть: Бурханы илрэлт ба ажил. Төгс болгуулах хүмүүс цэвэршүүлэлт туулах ёстой). “Чиний үзэлтэй нийцэхгүй олон зүйл чамд тохиолддог боловч чи тэдгээрийг хойш тавьж, тэдгээр зүйлээс Бурханы үйлдлийн талаар мэдлэг олж авч чаддаг бөгөөд цэвэршүүлэлтийн дунд Бурханыг хайрладаг зүрх сэтгэлээ илчилдэг бол энэ нь гэрчлэлд зогсох билээ. Гэр чинь амар тайван, махан биеийн тав тухад чи дуртай, хэн ч чамайг мөрдөн мөшгөхгүй, чуулган дахь ах эгч нар чинь чамайг дуулгавартай дагадаг бол чи Бурханыг хайрладаг зүрх сэтгэлээ харуулж чадах уу? Ийм нөхцөл байдал чамайг цэвэршүүлж чадах уу? Цэвэршүүлэлтээр л дамжуулан Бурханыг гэх хайраа харуулж чадна, чиний үзэлтэй нийцдэггүй зүйл тохиолдсоноор л чи төгс болгуулж чадна. Олон эсрэг, сөрөг зүйлийн үйлчлэлээр, мөн Сатаны үйлдэл, буруушаалт, үймээн, мэхлэлт гээд бүх төрлийн илрэлийг хэрэглэснээр Сатаны үзэшгүй муухай царайг Бурхан чамд тодорхой харуулж, ингэснээрээ Сатаныг ялган таних, Сатаныг үзэн ядаж, хаях чадварыг чинь төгс болгодог(Үг. I Боть: Бурханы илрэлт ба ажил. Төгс болгуулах хүмүүс цэвэршүүлэлт туулах ёстой). Бурханы үгийг уншаад би Бурханы санаа зорилгыг тодорхой ухаарч, Бурханд итгэхдээ шалгалт, цэвэршүүлэлт туулах ёстойгоо ойлгосон. Ингэж цэвэршүүлэгдэж байж л бид Бурханд итгэх жинхэнэ итгэлийг олж чадна. Иовын түүхийг аваад үзье. Иов шалгалт туулж, гэрчлэлдээ бат зогссоны дараа Бурханд итгэх итгэл нь нэмэгдэж, Сатан шившигтэйгээр сүүлээ хавчин зугтсан. Би Иовыг үлгэр дуурайл болгон, энэ шалгалтын үеэр бат зогсох ёстойгоо мэдэж байсан ч үнэхээр итгэлгүй байгаагаа харсан. Тайван, аюулгүй орчинд тогтмол цуглаан хийж чадаж байгаа үед итгэл минь хүчтэй байж, би бүр “Юу ч тохиолдсон, Бурханыг хэзээ ч буруутгахгүй” гэж хэлж байсан ч гэрийнхэндээ дарлагдаж, гэртээ эрх чөлөөгүй хоригдох үедээ сөрөг, сул дорой болсон. Би Бурханд итгэхээ болиогүй ч үргэлж гомдоллож, бэрхшээлээс зайлсхийхийг үргэлж хүсэж, тав тухтай амьдрал, амар тайван итгэлийг эрж хайсан. Энэ нь Бурханаас урвадаг уг чанартайг минь тодорхой харуулсан. Иов ямар тууштай байсныг бодоход, Сатан өөрийг нь сорьж, өөр лүү нь дайрах үед Иов Бурханд огт гомдоллоогүй, Бурханд ямар ч үндэслэлгүй шаардлага тавиагүй, өөрт нь тийм зүйл тохиолдохыг зөвшөөрсний төлөө Бурханд бүр ч эргэлзээгүй. Иов Бурханыг дуулгавартай дагаж, хүндэлсэн, би тэгээгүй. Бурхан энэ нөхцөл байдлыг ашиглан намайг сорьж, миний итгэлийг төгс болгож байгааг би ухаарсан. Хэрвээ би тав тухтайгаар итгэлээ хэрэгжүүлж, Бурханы бүрдүүлсэн нөхцөл байдлаас зайлсхийхийг үргэлж хүсэж, тэдгээрээс суралцахгүй байвал юу ч үгүй хоцорно. Би жаахан зовж байсан ч Бурхан үргэлж дэргэд минь байж, намайг залж чиглүүлж байсныг би санасан. Намайг сул дорой болох үед Бурханы үг намайг тайтгаруулж, зоригжуулж байсан. Тиймээс би Бурханд гомдоллож яаж болох юм бэ? Би маш мөс чанаргүй байжээ. Гэрийнхэн нь хавчдаггүй ах эгч нарт би атаархдаг байсан ч одоо бодоход, эцэст нь хэн илүү ихийг олж авах вэ? Тав тух, нигүүлсэлд амьдардаг нь ихийг олж авах уу, эсвэл дарангуйлал, бэрхшээл туулдаг нь ихийг олж авах уу? Хариулт нь ойлгомжтой. Бүх зүйл Бурханы гарт, Бурханы зохион байгуулалт дор байдаг, Бурхан утгагүй ажил хийдэггүй. Миний амийн өсөлтөд ямар нөхцөл байдал хамгийн сайныг би биш, Бурхан л мэднэ, тиймээс би дуулгавартай байж, эрж хайх ёстой.

Нэг их удалгүй аав ажил олж, гарч явах нь их болсон. Тэгээд дүү бид хоёр аюулгүй цуглаан хийж, Бурханы үгийг нөхөрлөж чаддаг болсон. Аавын суулгасан ажиглалтын камерын тухайд тэр нь бидний эсрэг ажиллахгүй байгаад зогсохгүй үнэндээ биднийг хамгаалж байсан юм. Учир нь аавыг гэртээ ирэх болгонд ирж байгааг нь бид хоёр камераар хараад, цуглаанаа зогсоож, аавыг дахиад явангуут үргэлжлүүлэн нөхөрлөдөг байлаа. Аавыг гэртээ байх үед бид хоёр цуглаанд оролцож чаддаггүй байсан учраас ааваас дэлгүүр явах зөвшөөрөл авч, энэ боломжийг ашиглан гадаа парк дээр нөхөрлөдөг байсан. 2022 онд манай чуулганы удирдагч шинээр ирэгсдийг услуулахаар намайг томилж, дараа нь би зааварлагч болоод, аав дарамталж, саад болж байсан ч гэсэн үүргээ гүйцэтгэсээр байсан.

Би Бурханы үгийг туулж, Бурханы төгс хүч, мэргэн ухааныг харж, Бурханд итгэх итгэлтэй болж, Бурханд найдаж сурч, асуудлаа шийдвэрлэхийн тулд Бурханы үгийг бие даан идэж ууж, бас Бурханд итгэдэггүй гэрийнхнээ ялган таньж, тэдэнтэй яаж харьцахаа мэдэж авсан. Би тав тухтай амьдарсан бол ийм зүйл огт мэдэж авахгүй байсан. Бурханы ажил маш гайхалтай, бодитой. Би Төгс Хүчит Бурханд чин сэтгэлээсээ талархаж байна!

Дараах: Салаа зам

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?

Холбогдох контент

Аврагдах тухай багахан ойлголт

Линь Чин, Шаньдун муж Христэд итгэгч болсныхоо дараа би, бүх зүйлийг орхиж, өөрийгөө Бурханы төлөө зарлагадаж, чуулганы ажлыг сайн хийж,...

Үнэнийг хэрэгжүүлэх туршлага

Хэншинь   Цуцоу хот, Хунань аймаг Хэсэг хугацааны өмнө, гагцхүү үнэнийг хэрэгжүүлдэг хүмүүс л үнэнийг хүлээн авч, эцэст нь үнэн болон...

Leave a Reply