Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Библид Есүсийн эргэн ирэх хоёр арга замыг зөгнөдөг

28

Жоу Жин

Нэг өдөр би интернэтээс эрчимтэй хэлэлцүүлэг олж харлаа. Бөмбөрцгийн баруун хагаст шөнөөр дөрвөн цуст сар үзэгдсэн нь төгсгөлийн цаг үеийн анхааруулга бөгөөд дэлхий даяар томоохон газар хөдлөлт улам олширч байгаа талаар хүмүүс хэлж байлаа. Тэгээд би дотроо ингэж бодсон юм: “Дөрвөн цуст сар аль хэдийн тохиолдсон, тэнгэрийн эрхсийн үзэгдэл аль хэдийн харагдаж, дэлхий даяар байн байн гамшиг тохиож, алан хядах ажиллагаа нэмэгдэж, байнга дайн гарч байгаа… Эзэн эргэн ирэх тухай зөгнөл үндсэндээ биелсэн гэдгийг бүх тэмдэг харуулж байгаа атал биднийг авахаар үүлэн дээр бууж ирж байгааг нь би яагаад өнөөг хүртэл хараагүй байдаг билээ? Эзэн хараахан эргэн ирээгүй хэрэг үү, эсвэл эргэн ирчхээд байхад нь би хараагүй хэрэг үү? Эзэний эргэн ирэлтийг би яаж угтан авч болох вэ?” Энэхүү төөрөгдөл сэтгэлийг минь ээдрээтүүлж, би яах учраа олохоо байлаа. Тэгээд энэ асуудлыг жаахан тодорхой ойлгохоор хичээн, Эзэнд ахин дахин залбирч, Түүнийг эргэн ирэхэд нь угтан авах чадвартай байж, Түүнд хаягдахгүйн тулд намайг гэгээрүүлж, залж чиглүүлээч гэж Түүнээс гуйж эхлэв.

Хэсэг хугацааны дараа, хэдэн сарын турш уулзаагүй байсан Гань эгч надтай уулзахаар ирэв; үүнийг Эзэн зохицуулсан гэдгийг би мэдэж байлаа. Гань эгч олон жил Эзэний төлөө ажиллаж байсан бөгөөд бодлоготой, гярхай хүн байсан юм. Эгч миний асуудлыг шийдвэрлэх чадвартай байж магад гэж бодсон учраас би ингэж хэллээ: “Гань эгч ээ, би нэг зүйлийн талаар жаахан төөрөлдөөд, энэ талаар эрэлхийлмээр байна. Библид ‘Дараа нь тэд сүр хүч болон агуу алдартайгаар үүлэн дээр ирэх хүний Хүүг харна’ (Лук 21:27). ‘Харагтун, Тэр үүлсийн хамт ирнэ; нүд бүр Түүнийг харна, Түүнийг жадалсан хүмүүс ч бас харна: газар дэлхийн бүх овог Түүнээс болж гашуудна. Тийм ээ, Амен.’ (Илчлэл 1:7) хэмээн тэмдэглэсэн байдаг. Эзэн ирэх үедээ агуу их алдар суу, хүч чадалтайгаар үүлэн дээр бууж ирнэ; тэгээд ил тод илэрч, хүн бүр Түүнийг харж чадна гэж энд хэлж байна. Иймээс Эзэн биднийг тэнгэр лүү аваачихын тулд үүлэн дээр ирэхийг бид үргэлж хүлээсээр ирлээ. Одоо дэлхий даяар гамшиг, газар хөдлөлт, өлсгөлөн болж, үе үе дайн гарч, үүнээс гадна тэнгэрийн эрхсийн олон үзэгдэл тохиож байна. Эзэний эргэн ирэх тухай зөгнөл үндсэндээ биелсэн гэдгийг бүх тэмдэг харуулж байгаа атал Эзэн биднийг авахаар үүлэн дээр бууж ирэхийг бид яагаад бас л хараагүй юм бэ? Үнэндээ юу болоод байна аа?”

Гань эгч миний хэлэхийг сонсоод, жаахан бодсоныхоо дараа ингэж хэллээ: “Чиний энэ асуулт бол Эзэнийг хоёр дахь удаа ирэхэд нь угтахаар найдаж байгаа бид бүхний ойлгохыг хүсдэг зүйл юм. Хэрвээ бид Түүнийг эргэн ирэхэд нь угтан авахыг хүсвэл эхлээд Эзэн эцсийн өдрүүдэд үнэндээ яаж ирэх вэ гэдгийг мэддэг байх ёстой—энэ нь амин чухал! Үнэн хэрэгтээ, Эзэн чиний дурдсан шиг үүлэн дээр л ирэх бус, өөр замаар ирэх тухай зөгнөлүүд Библид байдаг. Жишээ нь, Илчлэл 16:15-д: ‘Харагтун, Би хулгайч мэт ирнэ.’ хэмээсэн байдаг. Мөн Илчлэл 3:3-т ‘Тиймээс чи юу хүлээн авснаа болон сонссоноо санаж, түүнийгээ сахиж, гэмш. Хэрэв чи сэрэхгүй бол Би хулгайч мэт очих ба ямар цагт Би чам дээр очихыг чи мэдэхгүй.’ гэдэг. Үүнээс гадна Матай 24:44-т: ‘Тиймээс та нар бас бэлэн бай. Хүний Хүү та нарын бодоогүй цаг мөчид ирнэ.’ гэж бий. Эдгээр зөгнөлд Эзэн хулгайч шиг нууцаар ирэх бөгөөд үүнийг нь хэн ч мэдэхгүй гэдэг. Эгч ээ, бидний дөнгөж сая ярилцсан бичвэрийг хар даа: Зарим хэсэгт Эзэнийг үүлэн дээр ил тодоор эргэн ирнэ гэсэн байдаг, харин бусад газарт нь Тэрээр нууцаар ирэх бөгөөд хэн ч мэдэхгүй гэсэн байна. Бид үүнийг ер нь бодож үзсэн бил үү? Эзэний эргэн ирэлт гэх адилхан нэг зүйлийн талаар зөгнөлүүд яагаад өөр өөр зүйл хэлдэг билээ?”

Би эгчийн хэлсэн зүйлийг төдийлөн ойлгоогүй бөгөөд “Тийм шүү. Илчлэл 1:7-д: ‘Харагтун, Тэр үүлсийн хамт ирнэ; нүд бүр Түүнийг харна, Түүнийг жадалсан хүмүүс ч бас харна:’ гэсэн байдаг. Гэхдээ Илчлэл 16:15-д ‘Харагтун, Би хулгайч мэт ирнэ.’ гэдэг шүү дээ. Энэ юу гэсэн үг вэ? Эзэн үнэндээ яаж ирэх юм бэ?” гэж дотроо бодлоо.

Төөрөлдсөндөө би эгчид ингэж хариуллаа: “Эдгээр зөгнөлийн зарим нь Эзэнийг ил тодоор бууж ирнэ гэдэг бол зарим нь Түүнийг нууцаар ирнэ гэдэг. Эдгээр нь хоорондоо зөрчилдөөнтэй харагддаг ч Эзэний үг бүтэлгүйтэхгүй гэдгийг би мэднэ, гэхдээ л би одоо үүнийг ойлгохгүй байна. Энэ талаар надтай жаахан нөхөрлөөч дээ.”

Гань эгч инээмсэглэн, “Эзэн итгэмжит бөгөөд эдгээр зөгнөл биелж, гүйцэлдэх болно. Хэдийгээр эдгээр нь зөрчилдөөнтэй харагддаг ч огт тийм биш. ‘Хулгайч мэт’ гэдэг нь Эзэн нууцаар эргэн ирнэ гэж хэлдэг бөгөөд ‘үүлтэй хамт ирнэ’ гэдэг нь Түүний ил тод ирэхийг хэлдэг. Өөрөөр хэлбэл, Эзэн эргэн ирэхдээ эхлээд нууцаар ирээд, дараа нь ил тод харагдана” гэж хэлсэн юм.

Би гайхсандаа, “Эхлээд нууцаар, дараа нь ил тодоор!” хэмээн уулга алдлаа.

“Тийм ээ, Эзэн эргэн ирэхдээ эхлээд бие махбодтой хүний Хүү болж нууцаар ирнэ, тэгээд тэрхүү ажлаа дуусгамагцаа үүлэн дээр ирж, бүх улс үндэстний бүх ард түмэнд ил тод харагдана” гэж эгч тэвчээртэйгээр тайлбарлав.

“Тэгвэл Эзэн эхлээд бие махбодтой хүний Хүү болж нууцаар ирээд, дараа нь үүлэн дээр гарч ирэх юм уу? Би анх удаа л ийм зүйл сонслоо!” гэж би догдлон хэллээ.

Гань эгч инээмсэглэн, ингэж хэлэв: “‘Судрын эшлэлээс нэмж харцгаая, тэгвэл чи ойлгоно! Эзэн Есүс ингэж хэлсэн юм: ‘Аянга зүүнээс цахилж, баруун зүгт ч гэсэн гялбадаг шиг; хүний Хүүгийн ирэлт нь ч мөн тийм байх болно’ (Матай 24:27). ‘Учир нь тэнгэрийн нэг хязгаараас нөгөө хязгаар хүртэл цахилдаг аянга шиг; хүний Хүү ч бас Өөрийн өдөртөө тийнхүү байх болно. Гэхдээ тэр эхлээд олон зовлон туулах ёстой бөгөөд энэ үеийнхэнд гологдоно’ (Лук 17:24-25). Эдгээр эшлэлд ‘хүний Хүү’ болон ‘хүний Хүүгийн ирэлт’-ийг дурддаг. ‘Хүний Хүү’ гэдэг нь хүнээс төрсөн, хэвийн хүн чанартай, жирийн хүнтэй яг адилхан хооллож, хувцас хунар өмсөж, амьдарч, үйлддэг бөгөөд гаднаа ердийн л нэг хүн шиг харагддаг. Гэхдээ Тэрээр бурханлаг мөн чанартай, үнэнийг илэрхийлэх чадвартай байдаг бөгөөд хүн төрөлхтнийг аврах ажлыг хийдэг. Эзэн Есүс махбодод биеллээ олсон Бурханы сүнс байсан учраас ‘хүний Хүү’ гэж нэрлэгдсэн, мөн гаднаасаа хэвийн, жирийн харагддаг байсан хэдий ч тэрхүү махбод нь мөн чанартаа Бурхан байсан бөгөөд бүрэн бурханлаг чанартай байсантай энэ нь яг адилхан. Иймээс Эзэн Есүс бол Христ, Бурхан Өөрөө байсан юм. Иймээс Эзэн Есүс ‘хүний Хүү’ болон ‘хүний Хүүгийн ирэлт’-ийн тухай дурдсан. Энэ нь бүгд эцсийн өдрүүдэд Бурхан бие махбодод эргэн ирэхийг хэлж байсан юм. Библид мөн ‘Гэхдээ тэр эхлээд олон зовлон туулах ёстой бөгөөд энэ үеийнхэнд гологдоно’ хэмээсэн байдаг. Бурхан Өөрийгөө махбодоор хувцаслаж, хүний Хүү болоод хүн төрөлхтний дунд нууцаар ирэх үед л Бурхан гэдгийг нь хүмүүс таньж чаддаггүй; тэд бие махбодтой болсон хүний Хүүг ердийн хүн гэж андуурдаг тул Бурханыг голж, гүтгэж, шүүж, тэр ч бүү хэл бие махбодтой болсон Бурханы эсрэг тэрсэлж, эсэргүүцдэг гэдгийг бид бүгд мэднэ. Иймээс Бурхан ‘их зовлон эдэлнэ’. Эзэн Есүс махбодоор илэрч, ажиллах үедээ хүн төрөлхтний гололт, доромжлол, тоглоом тохуу, гүтгэлэг, яллалтыг амсаж, эцэст нь загалмайд цовдлогдсонтой энэ нь яг адилхан юм. Хэрэв Эзэн эргэн ирэх үедээ үүлэн дээр бууж ирэн, хүмүүст ил тод илрэх байсан бол үүнийг нь хүн болгон хараад, айсандаа чичирч, нүүрээрээ газар унан Бурханд мөргөх байсан юм. Хэн ч Бурханы эсрэг тэрсэлж, эсэргүүцэж зүрхлэхгүй. Тэгвэл, ‘Гэхдээ тэр эхлээд олон зовлон туулах ёстой бөгөөд энэ үеийнхэнд гологдоно’ гэдэг нь яаж биелэх юм бэ? Иймээс Эзэн эхлээд нууцаар, махбодод эргэн ирэх бөгөөд дараа нь үүлэн дээр ил тод илэрнэ гэдэгт бид бат итгэлтэй байж болно.”

Эгчийн хэлсэн үгийг сонсоод, би дотроо тунгаан бодлоо. “Тэгвэл Эзэн эргэн ирэх үедээ эхлээд нууцаар ирнэ, дараа нь үүлэн дээр ил тод харагдана гэх үг нь Библийн үндэслэлтэй юм байна. Би энэ олон жилийн турш Библи уншиж ирсэн мөртөө Түүнийг хоёр өөр арга замаар эргэн ирнэ гэдгийг яагаад хэзээ ч олж мэдээгүй юм бол? Хөөх! Гэхдээ Эзэн яагаад эхлээд махбод болж, нууцаар ирээд, дараа нь ил тод харагдах юм бэ? Яагаад тэгж байгаа юм бэ? Би асуух хэрэгтэй юм байна.” Тэгээд би ингэж хэллээ: “Гань эгч ээ, Эзэн эхлээд нууцаар эргэн ирээд, дараа нь ил тод харагдана гэж би таны нөхөрлөлөөс ойлголоо. Ингэж авч үзвэл Библийн зөгнөлүүд зөрчилдөхгүй байх шиг байна. Гэхдээ Эзэн яагаад эхлээд нууцаар ирж, дараа нь ил тод харагдахыг би үнэхээр ойлгохгүй байна. Энд байгаа Эзэний хүсэл юу юм бэ?”

Гань эгч ийнхүү хариулав: “Үнэндээ эцсийн өдрүүдэд Бурхан эхлээд бие махбодтой болж, нууцаар ажиллаад, дараа нь ил тод харагдах нь бүхэлдээ Түүний ажилд шаардлагатай зүйл бөгөөд завхарсан хүмүүс бидэнд бас хэрэгтэй зүйл юм. Бид Эзэнд итгэн, Эзэн Есүсээр золин авруулж, нүглээ уучлуулсан. Гэхдээ нүгэлт уг чанар маань бидэнд гүн гүнзгий нэвчсэн хэвээр байдаг бөгөөд бид өөрийн эрхгүй байнга нүгэл үйлдэж, тэр ч бүү хэл Бурханы эсрэг тэрсэлж, эсэргүүцэх зүйл хийдэг. Энэ бол үгүйсгэх аргагүй баримт юм. Ехова Бурхан ‘та нар ариун бай, учир нь Би ариун билээ’ (Леви 11:45). хэмээсэн байдаг. Мөн Еврей 12:14-т ‘Ариун байдалгүйгээр хэн ч Эзэнийг харахгүй.’ хэмээдэг. Байнга нүгэл үйлдээд, дараа нь нүглээ улайж байдаг бидэн шиг хүмүүс Эзэний царайг харах ямар ч үнэ цэнгүй бөгөөд тэнгэрийн хаанчлалд ороход тэнцэхгүй. Иймээс Эзэн Есүс аль эрт эдгээр зөгнөлийг айлдсан: ‘Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана: учир нь Тэр Өөрийн санаагаар ярихгүй; харин сонссон зүйлээ Тэр ярих болно: мөн Тэр ирэх зүйлсийг та нарт харуулна’ (Иохан 16:12-13). ‘Намайг голж, Миний үгийг хүлээж авдаггүй хүнийг шүүх шүүгч байдаг: Миний хэлсэн үгс түүнийг эцсийн өдөр шүүх болно’ (Иохан 12:48). Мөн Илчлэл 2:7-д: ‘Чуулгануудад Сүнс юу айлдаж буйг чихтэй бүхэн сонсогтун; ялагчид Би Бурханы диваажингийн дунд буй амийн модноос идэхийг зөвшөөрнө.’ гэсэн бий. Эзэн эцсийн өдрүүдэд ирэхдээ илүү их үг илэрхийлж, Бурханы гэрээс эхлэн шүүлтийн ажил хийж, хүн төрөлхтнийг өөрчилж, ариусгаж, авран, биднийг Сатаны эзэмшлээс бүрэн аврахаар ирнэ гэдгийг би эдгээр зөгнөлөөс ойлгосон юм. Үүний зэрэгцээ, Түүний эцсийн өдрүүдийн ажил хүмүүсийг төрлөөр нь ангилж, жинхэнэ ба хуурамч итгэгчид, буудай ба үрийн сүүл, хонь ба ямааг илчлэх бөгөөд үүгээр дамжуулан сайныг шагнаж, мууг шийтгэнэ. Бурханыг нууцаар ажиллаж байгаа цаг үед Бурханы шүүлтийн ажлыг хүлээн зөвшөөрсөн хүмүүс Бурханы сэнтийн өмнө өргөгдөнө. Тэд Бурханы үгийн шүүлт, гэсгээлтийг туулж, сатанлаг уг чанар, Бурханыг эсэргүүцдэгийнхээ уг үндсийг үнэхээр таньж мэднэ. Түүнчлэн ямар ч халдлагыг хүлцдэггүй Бурханы зөвт зан чанарыг ойлгож авна. Тэдний завхарсан зан чанар аажмаар ариусаж, өөрчлөгдөнө; тэд үнэнийг эрж хайх, Бурханаар бүрэн аврагдах замд алхан орна. Харин Бурханыг нууцаар ажиллаж байх хугацаанд Түүний илрэлтийг хэзээ ч эрж хайдаггүй, тэр ч бүү хэл Бурханы үг, ажлыг голж, ялладаг хүмүүс нь Бурханы эцсийн өдрүүдийн ажлаар үл итгэгч, ёрын муу хүмүүс гэж илчлэгдсэн хүмүүс байх болно. Бурхан нууц ажлаа дуусгах үедээ сайныг шагнаж, мууг шийтгэхийн тулд агуу гамшиг буулгаад, эдгээр гамшгийн дараа бүх хүнд ил тод харагдана. Бурханыг голж, эсэргүүцсэн хүмүүс өөрсдийнх нь голж, эсэргүүцэж байсан Нэгэн бол үнэхээр эргэн ирсэн Эзэн Есүс гэдгийг олж харах үедээ цээжээ дэлдэж, уйлж, шүдээ хавирна. Энэ нь Эзэний: ‘Харагтун, Тэр үүлсийн хамт ирнэ; нүд бүр Түүнийг харна, Түүнийг жадалсан хүмүүс ч бас харна: газар дэлхийн бүх овог Түүнээс болж гашуудна. Тийм ээ, Амен.’ (Илчлэл 1:7) хэмээх үгийг биелүүлдэг. Бурханы ажил мэргэн ухаанаар дүүрэн бөгөөд энэ нь бас Бурханы зөвт байдлын илэрхийлэл юм гэдгийг бид үүнээс харж болно.”

Гань эгчийн энэ нөхөрлөлийг сонсоод зүрх сэтгэл минь нэлээд гэгээлэг боллоо; Эзэний эргэн ирэх тухай зөгнөл ийнхүү биелнэ гэдгийг би ухаарсан юм. Эзэн эргэн ирэхдээ үнэнийг илэрхийлж, шүүлтийн ажил хийж, бүлэг ялагчдыг бүтээхийн тулд эхлээд бие махбодтой болж, нууцаар ирнэ; үүнийхээ дараа л Тэрээр хүн төрөлхтөнд ил тод харагдана. Бурханыг нууцаар ажиллах хугацаанд ажлыг нь хүлээн зөвшөөрдөггүй, Бурханы үг, ажлыг улайран шүүж, ялладаг хэн боловч үнэнийг үзэн яддаг хүн бөгөөд Бурханыг ил тод харагдах үед гамшигт унаж, шийтгүүлэхээс өөр аргагүй. Бурхан бас энэ аргыг ашиглан буудай ба үрийн сүүл, хонь ба ямаа, сайн зарц ба муу зарцыг ил болгож, бүх хүнийг төрлөөр нь ангилна. Бурхан үнэхээр маш ухаалаг, тун төгс хүчтэй юм! Эзэн яг яаж ирэх гэж байгааг би урьд нь огт ойлгоогүй бөгөөд Эзэний үүлэн дээр бууж ирэхийг хүлээн, тэнгэр дэх үүлсийг мунхаглан ширтэхээс өөрийг мэддэггүй байлаа. Эзэний хоёр дахь удаагаа ирэх тухай бүх зөгнөлийг би хэзээ ч үнэхээр эрж хайж, тунгаан бодоогүй тул Түүний нууцаар ирэх тухай зөгнөлүүдийг анзаараагүй юм. Энэ нь маш аюултай байв! Хэрвээ би ингэж хүлээсээр байсан бол Эзэнийг угтан авч чадахгүйгээр барахгүй Бурханаар бүрэн авруулж, тэнгэрийн хаанчлалд орох боломжоо алдах байлаа! Үүнээс болж би жаахан санаа зовсон тул “Гань эгч ээ, тэгвэл Эзэнийг нууцаар ирэх үед Түүний ажлыг олж, Түүнийг эргэн ирэхэд нь угтан авахын тулд бид яах ёстой вэ?” гэж яаран асуулаа.

Эгч инээмсэглэн, ингэж хэллээ: “Эзэн эцсийн өдрүүдэд эргэн ирэхдээ илүү их үг айлдан, хүнийг шүүж, цэвэрлэх ажлыг хийнэ гэдгийг бид Библид зөгнөсөн зүйлээс сая харлаа. Иймээс Түүнийг хоёр дахиа ирэхэд нь угтан авах гол түлхүүр бол Түүний эцсийн өдрүүдийн ажлыг хүлээн зөвшөөрч, Бурханы шинэ ажилтай хөл нийлүүлэх явдал юм. Эзэн Есүс ‘Шөнө дөлөөр хашхирах дуу гарч, Хараач, Сүйт залуу ирлээ; Түүнийг угтан авцгаа гэлээ’ (Матай 25:6). ‘Миний хонин сүрэг Миний дуу хоолойг сонсдог, Би тэднийг мэддэг бөгөөд тэд Намайг дагадаг.’ (Иохан 10:27) хэмээсэн байдаг. Бурханы хоньд Бурханы дуу хоолойг сонсож чаддаг; Бурханы айлдварыг сонсон, тэдгээрээс Бурханы дуу хоолойг таньж чаддаг бүх хүн Эзэний илрэлтийг угтан авч чадна. Петр, Иохан, Матай зэрэг Эзэн Есүсийн шавь нартай энэ нь яг адил. Тэд тэнгэрийн хаанчлалын сайн мэдээний тухай Эзэн Есүсийн номлолыг сонссоны дараа Тэр бол өөрсдийнх нь хүлээдэг байсан Мессиа мөн гэдгийг үг, ажлаас нь тодорхойлж чадсан учраас эргэлзэх зүйлгүйгээр Түүнийг дагасан. Тэд ухаалаг охид байсан. Хэрэв бид Эзэнийг хоёр дахиа ирэхэд нь угтан авахыг хүсвэл мөн л ухаалаг охид байж, Түүний дуу хоолойг сонсоход анхаарлаа төвлөрүүлэх учиртай. Хэрвээ Эзэн аль эрт эргэн ирж, шинэ үг айлдаад, хүнийг шүүж, ариусгах ажил хийж байгаа гэж хэн нэгэн хэлэхийг сонсох юм бол үүнийг нь судлахдаа цаг алдаж болохгүй. Тэгээд Бурханы үг, ажил мөн гэдгийг нь баталгаажуулж чадаж байгаа цагт үүнийг хүлээн зөвшөөрч, захирагдах ёстой. Ингэснээр бид Эзэнийг эргэн ирэхэд нь угтан авч, Түүнтэй хамт зоогт оролцож чадна.”

Гань эгчийн нөхөрлөлийг сонсоод би догдлон, ингэж хариуллаа: “Эзэнд талархъя! Эзэнийг хоёр дахиа ирэхэд угтан авах гол түлхүүр нь ухаалаг охин байж, Бурханы дуу хоолойг анхааралтай сонсох явдал гэдгийг би одоо эцэст нь мэдлээ. Тэр үгийг Бурхан айлдсан гэдгийг баталгаажуулж чадсан цагт яаран хүлээн зөвшөөрөх ёстой. Энэ бол Түүнийг эргэн ирэхэд нь угтан авах цорын ганц арга зам юм байна. Өө, Гань эгч ээ, тантай уулзсанаас хойш хэдхэн сар л болсон. Гэтэл та ийм их зүйлийг яаж ингэж хурдан ойлгож авсан юм бэ?”

Эгч баяртайгаар ингэж хэллээ: “Эзэнд талархъя! Би нэг ном уншсаны дараа л өнөөдрийн ярьсан бүхнээ ойлгож авсан юм. Өнөөдөр би тэр номоо авчирсан. Хамтдаа үзвэл яасан юм бэ?”

Би магнай хагартлаа баярлан, “Гайхалтай!” гэж хэлэв.

Холбогдох агуулга

  • Хамгийн сайн боловсрол (1-р хэсэг)

    Лю Енг Би энэ жил 50 настай, бага байхаасаа л хуучны алслагдсан, уулын ядуу тосгонд амьдарч байсан. Манай гэр бүл найман гишүүнтэй байсан ба хамгийн а…

  • Гэмшил гэж юу вэ?

    бид Эзэнд олон жилийн турш итгэж, нүглээ Түүнд байнга улайдаг боловч нүгэл үйлдэх чадвартай хэвээр байгаа бөгөөд нүгэл үйлдэж, нүглээ улайх ёрын тойрогт амьдардаг шүү дээ. Бид жинхэнэ гэмшил гэж юу болохыг одоо ч ойлгодоггүй болохоор нүглээс хараахан чөлөөлөгдөөгүй юм шиг байна. Иймээс жинхэнэ гэмшил гэж юу болохыг тодорхой мэдэх нь тэнгэрийн хаанчлалд ороход маань туйлын чухал юм. Өнөөдөр, энэ асуудлыг хамтдаа судалцгаая.

  • Хүмүүс загалмайн авралыг хүлээн авсныхаа дараа ч гэсэн нүглээсээ салж яагаад чаддаггүй вэ?

    Загалмайн авралыг хүлээн авсан мөртөө нүгэл үйлддэг хүмүүс Эзэнийг эргэн ирэх үед мөн л тэнгэрийн хаанчлал руу шууд өргөгдөж чадах уу?

  • Библийн түүхүүдийг тайлбарлах нь: Лазарын амиллын ар дахь Бурханы хүсэл

    Шэньвэй, Хятад Лазарыг Эзэн Есүс амилуулсан нь Библид тэмдэглэгдсэн байдаг: “гэхэд талийгаачийн дүү Марта Түүнд, ‘Эзэн минь, одоо тэр өмхийрсөн байгаа…