Фанфан, Хятад

Манай гэр бүлийнхэн бүгдээрээ Эзэн Есүст итгэдэг, би бол энгийн л итгэгч бөгөөд аав минь чуулганы хамтран зүтгэгчдийн нэг билээ. 2004 оны хоёрдугаар сард би Төгс Хүчит Бурханы эцсийн өдрүүдийн ажлыг хүлээн зөвшөөрсөн бөгөөд тун удалгүй хаанчлалын сайн мэдээг хамгийн бага охин дүүдээ номлосон юм. Анхандаа би Бурханы зарим нэг үг болон үнэнээр өөрийгөө зэвсэглэн Бурханы эцсийн өдрүүдийн ажлыг аавдаа гэрчлэх гэж байв. Харин надад гайхшрал төрүүлсэн зүйл нь, Төгс Хүчит Бурханы эцсийн өдрүүдийн ажлыг хүлээн зөвшөөрсөн гэдгийг минь сонсоод аав надад саад болж, үүнээс сэргийлэхийг оролдон галзууртлаа уурласан юм.

Нэг орой, аав гэрт минь уцаарлан ирээд, надад: “Би чамайг миний болон чуулганы удирдлагын зөвлөгөөг үл тоож, Зүүний Аянгад итгэх юм гэж хэзээ ч санасангүй! Чи удирдагчийн гэр лүү яаралтай явж, гэмшсэн чинь дээр дээ. Эзэнээс нүглийг чинь өршөөхийг гуй” гэж хэллээ. Би хариуд нь: “Аав аа, би Төгс Хүчит Бурханы үгнээс их уншсан, тэдгээр нь Бурханы дуу хоолой гэдэгт үнэхээр итгэж байна. Төгс Хүчит Бурхан бол эргэн ирсэн Эзэн Есүс бөгөөд би үүнд итгэлтэй байна. Нигүүлслийн эрин үе хэдийнээ дууссан, бид нар одоо Хаанчлалын эрин үед байна. Бурхан шинэ ажил хийж, биднийг Хурганы хуримын зоогонд аваачихаар ирсэн. ‘Тэд бол Хургыг хаашаа ч явсан дагадаг хүмүүс юм’ (Илчлэл 14:4). гэж Библид хэлдэггүй гэж үү? Төгс Хүчит Бурханд итгэснээр би Хурганы хөлийн мөрийг дагаж байна…” гэв. Гэхдээ намайг юу ч хэлсэн бай аав минь алийг нь ч сонсох сонирхолгүй байсан ба чуулганы удирдагчдын нэгтэй уулзуулахаар авч явах гэж зүтгэсээр байлаа. Нөхөр минь ч бас аавтай нэгдэж надад шахалт үзүүлэв. Аавын минь нүүр царайны байдал анхны бүлэглэл рүү минь намайг буцаан аваачихаар бүрэн шийдсэн байгааг надад хэлж өгөв. Сэтгэл хөдлөл нь ширүүсэж, нөхцөл байдал дордож болохыг ухаараад би өөрийн эрхгүй бага зэрэг сандрав. Иймд, би Бурханд чимээгүй залбирч, хамгаалалт болон удирдамж гуйлаа. Бүх зүйл миний төсөөлсний дагуу болов: Намайг ямар ч үг хэлүүлэлгүйгээр аав машинд хүчээр суулгаж, нөхөр маань чуулганы цуглааны байр луу жолоодов. Би барилга руу орохдоо, жар далан хүн тэнд хүлээж байхыг харав, миний хамгийн бага охин дүүг хадам ээж нь авчирсан байлаа—тэд бүгд нууцаар үгсэж, бид хоёр луу бүгд зэрэг дайрах гэж байгааг би ухаарсан юм. Өрөөнд байсан хүн бүр дүү бид хоёр луу жигтэй харж байсан бөгөөд зарим нь бидэн рүү зааж, өөр хоорондоо шивнэлдэж байлаа. Чуулганы ахлах удирдагчдын нэг нь бидэн рүү яаран алхаж ирээд, Төгс Хүчит Бурханд итгэхээ болихыг даруй шаардаж эхлэв. Тэгээд тэр эцсийн өдрүүдийн Бурханы ажлыг өчүүхэн ч болгоомжлолгүйгээр яллаж, доромжилж эхэллээ. Тэр бүр баахан цуу яриа ч хэлэв, жишээлбэл: “Зүүний Аянгад нэгдсэн хүмүүс хэзээ ч гардаггүй, эсвэл хэрвээ тэд орговол, хамраа огтлуулж, нүдээ ухуулдаг…” Эдгээр худал хуурмаг болон удирдагчдын турхиралт нь аав болон охин дүүгийн минь хадам ээжийг улам унтууцуулж, тэвдүүлсэн ба удирдагчийг бидний төлөө залбирал хэлэхэд тэд бидний нүдийг аниуллаа. Тэдний хийж байгаа зүйлийг би маш их эсэргүүцсэн бөгөөд удирдагчийг бидний төлөө залбирч байхад бид юу ч хэлсэнгүй. Гэхдээ удирдагчийн тараасан цуу яриа надад хэдийнээ гүнзгий сэтгэгдэл үлдээсэн билээ.

Гэртээ харихад тэдгээр айдас төрүүлсэн цуу яриа чихэнд минь цуурайтаж, сэтгэл санааны минь тайван байдлыг алдагдуулж байгааг би сонссоор байлаа. Би Бурханы үгэнд ч анхаарлаа төвлөрүүлж чадсангүй. Төгс Хүчит Бурханы Чуулганы Жанг эгчтэй хэдийнээ хэсэг хугацаанд холбоотой байснаа мөн түүний үг яриа, ааш зан нь үргэлж даруу төлөв агаад илэн далангүй байсныг бодов. Жанг эгч мөн бидэнтэй нөхөрлөхдөө их хайр халамжийг харуулсан бөгөөд энэ нь чуулганы удирдагчийн дүрсэлсэнтэй огтхон ч адилгүй байлаа. Гэхдээ үүнээс ч илүү чухал нь Төгс Хүчит Бурханы үг үнэн байсан ба эрх мэдэл, хүч чадлаар дүүрэн байлаа. Тэдгээр нь ямар ч хүний илэрхийлж чадах зүйл биш байсан учраас магадгүй Бурханы хоолой байсан байх аа. Тийм юм бол Төгс Хүчит Бурханы Чуулганыг тойроод яагаад ийм олон аймшигтай цуу яриа байсан хэрэг вэ? Тэгээд би Төгс Хүчит Бурханы эерэг талыг эхэлж бодоод, дараа нь сөрөг талыг нь ахин дахин бодон унтаж чадалгүй орондоо шөнөжин хөрвөөлөө. Маргааш өдөр нь би нойрмог, тамир тэнхээгүй—илэрхийлэхийн аргагүй түгшүүртэй байлаа–юу ч хиймээргүй санагдаж байсан юм. Миний хамгийн бага охин дүү хүрч ирэв, тэрээр удирдагчийн болон хадам ээжийнхээ дайралтуудыг тэсэж чадаагүй нь, мөн Төгс Хүчит Бурханд итгэхээ больсон нь удалгүй тодорхой болсон ба одоо надаас ч мөн тэгэхийг шаардаж байлаа. Би тэсвэр алдан түүнд ингэж хэлэв: “Дүү минь, санаа зовсныг чинь би мэдэж байна, би ч бас их будилж, сэтгэл гонсгор байна. Гэхдээ энэ асуудлыг би их тунгааж үзсэн ба Эзэнээс ч удирдамж хүсэн залбирсан, иймээс удирдагчид юу ч хэлсэн бай, бидэнд итгэлтэй байж болох нэг зүйл бий, тэр нь Төгс Хүчит Бурханы үгийг хэзээ ч хүн хэлж чадахгүй юм. Эдгээр үг Бурханы дуу хоолой мөн гэдэгт би итгэлтэй байна. Би “Хурганы нээсэн хуйлмал ном” – г олон удаа уншсан бөгөөд энэ ном Бурханы зургаан мянган жилийн удирдлагын төлөвлөгөөний нууцуудыг ил болгодог. Номыг уншсан нь, хүн төрөлхтнийг аврах Бурханы ажил 3 үе шатаар хийгдэж байгааг болон эцсийн өдрүүдийн үгээр шүүх шүүлтийн ажил нь хүмүүсийг нэгд нэггүй аврах ажил гэдгийг надад сургасан билээ. Зөвхөн шүүлтийн ажил л биднийг нүгэлт уг чанарын дөнгөнөөс салгаж, ариусгалтад хүргэж чадна, тэгснээр бид тэнгэрийн хаанчлал руу өргөгдөж болох юм. Номын агуулга нь Библи дэх Эзэний зөгнөлүүдтэй бүрэн нийцдэг ба Библид байхгүй олон үнэнийг бас илчилдэг. Зөвхөн Бурхан л эдгээр үнэн болон нууцыг мэдэж чадна. Ийм учраас, Төгс Хүчит Бурханы үг бол Бурханы дуу хоолой гэдэгт, мөн Төгс Хүчит Бурхан бол бидний хүсэн хүлээж байсан эргэн ирсэн Эзэн Есүс гэдэгт би маш итгэлтэй байна! Дүү минь, бидний итгэл буруу биш ээ. Чи юу ч хийсэн бай, үнэн минь, бидний итгэл бугий орхиорой!” Хамгийн бага охин дүүгээ явсны дараа, би маш их гуниглаж, ийнхүү бодлоо: “Төгс Хүчит Бурхан бол мэдээжийн хэрэг эргэн ирсэн Эзэн Есүс. Энэ бол үнэхээр үнэн бөгөөд зөв. Ийм байхад, яагаад чуулганы удирдагчид болон гэр бүл маань биднийг Түүнд итгүүлдэггүй билээ?” Намайг яг үүнийг бодож байтал, нөхрийн минь гар утас дуугарав: Энэ нь аав байлаа, намайг гэр лүү нь яаралтай очихыг тэр хүсжээ. Аав намайг ахин зовоох гэж байгааг би мэдсэн учраас явмааргүй байна гэж хэлсэн боловч нөхөр минь намайг барьж аваад, машиндаа суулгав. Гэрт нь очиход, хамгийн бага дүү болон хадам ээж нь хэдийн тэнд байхыг харлаа. Намайг хараад аавын минь царай ширүүсэж: “Урд шөнө, чуулганы удирдагч Эзэн Есүсийн өмнө та нарын нүглийг наманчлахын төлөө залбирсан. Гэтэл та хоёрын хэн нь ч нүглээ улайж, гэмшихийг хүсэхгүй байна. Би та хоёрыг өнөөдөр энд дуудлаа, ингэж байж л та нар Эзэний өмнө бүрэн гэмшсэн залбирал хэлж чадна. Тэгээд ахиж Төгс Хүчит Бурханд итгээд үзээрэй…” гэв. Энэ бүгдийг сонсоод, би маш их уурлав. Би дотроо: “Төгс Хүчит Бурханы эцсийн өдрүүдийн ажлыг хүлээн зөвшөөрснөөр би Хурганы хөлийн мөрийг дагаж байгаа ба Эзэний эргэн ирэлтийг угтаж байгаа юм. Үүнд нүгэл хаана байна вэ? Би мэдсээр байж худал хэлж, утгагүй зүйл ярихгүй” гэж бодлоо. Намайг гэмшлийн залбирал хэлэх шинжгүй байхыг хараад, аав, ээж, охин дүүгийн хадам ээж намайг бүслэн авч, үгийн дайралтаар гал нээв. Тэд намайг хүчээр “улайлгаж, гэмшүүлэх” – ийн тулд Бурханыг гүжирдэж, доромжилж эхэлсэн бөгөөд нөгөө аймшигтай цуу яриануудын талаар таамаглал дэвшүүлж байлаа. Тэр бүх цуу яриа толгойд минь эргэлдэж, гэр бүлийнхэн маань над руу ойртон давшлахад амьсгал давчдаж, толгой эргэн, бие сульдаж эхлэв. Би дотроо бодлоо: “Хэрвээ тэд над руу энэ мэтээр өдөр бүр дайрвал, би ах эгч нартай холбоо барьж чадахгүй, Бурханы үгийг ч зохих ёсоор унших чадахгүй. Би Бурханд итгэх итгэлийн энэ замаар явж чадна гэж бодохгүй байна…” Тэр агшинд, миний эцэг эх болон хадам ээж нь намайг барьж, дүү бид хоёрын нүдийг хүчээр аниулж, “гэмшүүлэв”. Тэдний хэчнээн түрэмгий аашилж байхыг хараад, би туйлын их гонсойж, нүдэнд минь мэлмэрэх нулимсыг тогтоон барьж чадахгүй байлаа. Би уйлангаа, Эзэнд ингэж залбирлаа: “Эзэн Есүс минь, Төгс Хүчит Бурхан бол Таны эргэн ирэлт гэдгийг би мэднэ, гэхдээ одоо Танд итгэх зориг надад алга. Намайг уучилж, нүглийг минь өршөөхийг би Танаас гуйя…” Энэ үед, би маш их уйлж байсан болохоор үргэлжлүүлж чадаагүй ба залбирал ийнхүү дууссан билээ. Үүний дараа, надад гэнэтхэн маш сул дорой оюун ухаантай агаад зүрх зориг дутмаг санагдаж, Бурханы байгааг огт мэдэрч чадахгүй байлаа. Надад маш тайван бус санагдаж, хамгийн бага охин дүүдээ ингэж хэлэв: “Гэмшлийн залбирлын өмнө надад жаахан хүч үлдсэн мэт санагдсан ч, залбирлын дараа Ариун Сүнс намайг орхисон юм шиг, миний хүч бүхэлдээ шавхагдсан мэт санагдсан. Үнэн хэрэгтээ, Төгс Хүчит Бурханд итгэнэ гэдэг нь Эзэнийг дагаж байгаа хэрэг бөгөөд гэмшлийн залбирал бол Эзэнээс урвах урвалт юм.”

Миний зүрх сэтгэл дэх тэмцэл гэртээ харьсны дараа үргэлжиллээ: Би Төгс Хүчит Бурханы үгээс ихийг уншиж, эдгээр нь Бурханы айлдвар гэдгийг таньсан. Төгс Хүчит Бурхан бол эргэн ирсэн Эзэн Есүс бөгөөд үүнийг хүлээн зөвшөөрөхгүй байх нь Бурханаас урвасан хэрэг, энэ нь намайг аврагдахгүй байхад хүргээд зогсохгүй, мөн Бурханаар яллагдахад хүргэнэ. Гэхдээ хэрвээ би Төгс Хүчит Бурханд итгэхээр зүтгэсэн бол чуулганы удирдагчид болон аав минь намайг үргэлжлүүлэн зовоох байсан бөгөөд одооноос эхлээд би ганц ч өдөр амар тайван байж чадахгүй байх байлаа. Надад цөхрөлтгүй оролдох зориг байхгүй хэмээн би үнэхээр бодов. Миний зүрх сэтгэл үймэрсэн байлаа, би хаашаа л эргэнэ саад бэрхшээлтэй нүүр тулж, юу хийхээ огт мэдэхгүй байлаа. Миний толгой дүйнгэтэж байсан бөгөөд сэтгэлийн хямралд ороход ойрхон мэт санагдаж байлаа. Би Жанг эгчийг ирээсэй гэж хүсэв, тэгснээр би түүнд номыг нь эргүүлэн өгч, амьдралдаа авчирсан зовлонгоосоо салж чадах байлаа.

Хэдэн өдрийн дараа Жанг эгч салонд туслахаар ирэв. Би туйлын их сандарч байсан бөгөөд нөхөр минь түүнийг хараад аавд хэлэх вий гэдгээс санаа зовж байлаа. Улмаар, би сүүлийн хэдэн өдөр болсон зүйлсийг амьсгаа ч авалгүй бүгдийг нь түүнд хэлэв. Тэгээд би хайрцагтай бараан дор нуусан байсан Бурханы үгийн номыг яаран гаргаж, түүнд өглөө. Би түүнд: “Эгч ээ, эцэг эх, нөхөр маань намайг дарамталж байгаа бөгөөд миний анхны урсгалын удирдагчид болон ах, эгч нар надад маш их саад болж, би зодуулж, гэмтлээ. Би цаашид үүнийг тэвчиж чадахгүй нь, иймд та энэ номыг аваад явна уу” гэж хэлэв. Жанг эгч над руу хараад, асар их чин сэтгэлээр ингэж хэллээ: ‘Намайг газар дээр энх тайвныг авчрахаар ирсэн гэж бүү бод: Би энх тайван биш, харин илд илгээхээр ирсэн юм … Хүний дайсан нь өөрийнх нь гэрийнхэн байх болно’ (Матай 10:34-36). гэсэн. Бурхан авралын ажил хийхээр газар дэлхийд ирж байгаа нь зайлшгүй сүнслэг тулааныг бий болгоно гэдгийг бид Эзэний үгнээс харж болно. Учир нь Бурханд чин сэтгэлээсээ итгэж, үнэнийг хайрладаг хүмүүс Бурханы айлдварыг сонсоод, Бурханыг дагах болно. Энэ нь үнэнийг үзэн ядаж, Бурханыг эсэргүүцдэг хүмүүсийн үзэн ядалтыг өдөөх нь гарцаагүй. Үүний үр дүнд, хоёр тал—Бурханд харьяалагддаг эерэг, Сатанд харьяалагддаг сөрөг тал—илчлэгдэж, өөр өөрийн төрөлдөө тавигдах болно. Энэ бол Бурханы төгс хүчит байдал болоод мэргэн ухаан! Эзэн Есүс анх Өөрийн ажлыг хийж эхэлсэн үеийг эргээд бод, Эзэн Есүсийн айлдварыг сонсож, Түүний агуу чадваруудыг нүдээр харсан олон тооны жирийн иудей хүмүүс, Эзэн Есүс бол ирж буй Мессиа гэдэгт итгэж, Түүнийг дагасан. Гэтэл энгийн ардууд өөрсдөөс нь холдож, Эзэн Есүс рүү зүглэж байгааг харсан Иудейн бүх тахилчид, хуулийн багш нар болон фарисайчууд энгийн ардыг хуурахын тулд маш их цуу яриа зохиож, тарааж эхлэх болсон. Эзэн Есүс чөтгөрүүдийг зайлуулахдаа чөтгөрүүдийн хаан Беелзебүлд найддаг бөгөөд Тэр хоол идэж, дарс уух дуртай хэмээн тэд хэлсэн билээ. Эзэн Есүсийг амилахад, Эзэн Есүсийн биеийг шавь нар нь хулгайлсан хэмээн цуу яриа зохиож, үүнийгээ тараахаар Ромын цэргүүдийг мөнгөөр хахуульдсан байдаг. Энэ бол Эзэн Есүсийн авралыг хүлээн зөвшөөрөхөд нь хүмүүст саад болохоор оролдсон тэдний зарим нэг арга зам юм. Эцэст нь шашны удирдагчдынхаа хэлсэн үгэнд итгэж, Эзэн Есүсийг дагаж зүрхлээгүй бүх иудейчүүдэд юу тохиолдсон билээ? Тэд Эзэний авралыг алдаад зогсохгүй, Бурханд шийтгүүлж, хараагдсан: Израиль бараг 2000 жилийн турш алга болсон бөгөөд иудейчүүд дэлхий даяар цөлөгдсөний олонх нь хяхан хавчигдаж, алагдсан билээ. Энэ бол Эзэнийг цовдолж, түүнчлэн Бурханы зан чанарыг ноцтойгоор зөрчсөнийхөө төлөө тэдний туулсан аймшигт залхаан цээрлүүлэлт байсан юм. Өнөөдөр, Бурхан Өөрийн ажлыг хийхээр дахин нэгэнтээ махбод болсон ба түүх давтагдаж байна. Өнөөдрийн шашны удирдагчид бол хуучны фарисайчуудтай адил: Тэд үнэнийг илэрхийлж, хүмүүсийг аврах ажлаа хийхээр ирж байгаа Бурханы бодит байдлыг хардаг боловч үнэнд дургүй учраас Бурханы эцсийн өдрүүдийн ажлыг үгүйсгэж, ялладаг. Өөрсдийн байр суурь, амин зуулгыг хамгаалахын тулд тэд Бурханыг эсэргүүцэж, яллах цуу яриа зохиож, хүмүүсийг хуурч, хянахын тулд эдгээр цуу яриаг ашигладаг. Үнэн замыг хүлээн зөвшөөрсөн итгэгчдэд дарамт үзүүлэхийн тулд тэд юугаа ч мэдэхгүй зарим хүмүүсийг ашиглаж, турхирдаг бөгөөд Төгс Хүчит Бурхан руу эргэхэд хүмүүст саад болж, сэргийлэх үүднээс бүх төрлийн галзуу арга барилыг ашиглан, тийнхүү энэ хүмүүсийн аврагдах боломжийг сүйрүүлдэг. Эгч минь, энэ бол сүнслэг тулаан гэдгийг бид тодорхой харж, Сатаны хорон муу явуулгыг нэвт харах чадвартай байх ёстой…” Жанг эгчийн нөхөрлөлийг сонссоны дараа надад гэнэтийн ухаарал төрөв: Эрт цаг үеэс хойш одоог хүртэл, үнэн зам үргэлж хавчигдаж ирсэн бөгөөд бид үнэхээр одоо явагдаж буй сүнслэг тулаан дунд байжээ! Хуучин урсгалын минь удирдагчид цуу яриа зохиож, Бурханы эцсийн өдрүүдийн ажлыг яллаж байлаа—мөн Төгс Хүчит Бурханд итгэхийг минь болиулахын тулд хяхан хавчиж, дарласан—тэд үнэнийг үзэн яддаг, Бурханы дайснууд байсан учраас тэр юм. Нөхөрлөсөн нь эдгээр зүйл яагаад надад тохиолдож байгааг ойлгоход тусалсан боловч би сул дорой, мөн Бурханы үгийн номыг хадгалахаас хэтэрхий их айсан хэвээрээ л байв. Хэрвээ би хадгалбал, аав болон бусад хүмүүс миний гэрт ирж, үймээн шуугиан тарина гэдгийг, мөн амьдралыг минь улам түвэгтэй болгоно гэдгийг би мэдэж байлаа. Намайг хадны завсар хавчуулагдсан халиуны зулзага шиг байхыг хараад, Жанг эгч надад утасны дугаар өгч: “Эгч ээ, ингэвэл ямар вэ—би Бурханы үгийн номыг гэр лүүгээ авч яваад, танд зориулан аюулгүй хадгалж байя. Та үүнээс жаахан уншмаар санагдах үедээ, зүгээр л над руу залга, би үүнийг тэр дор нь авчиръя” гэлээ. Би зөвшөөрч, Жанг эгчийг гаргаж өгөв. Яг тэр агшинд нөхөр минь гүйж ирээд, Жанг эгч рүү заагаад: “Наад номоо аваад яг одоо яв. Тэгээд дахин битгий ирээрэй, ирэх юм бол би чамд сануулаад өгнө шүү!” гэж ориллоо. Би Жанг эгчийн холдон явахыг хараад, дүрслэхийн аргагүй байдлаар гуниглав.

Анхандаа би, Бурханы үгийн номыг Жанг эгчид буцаан өгвөл, аав намайг дарамтлахаа зогсоож, нэгэнтээ надад байсан тайван амьдрал минь сэргэнэ гэж бодсон юм. Үнэн хэрэгтээ, юмс эсрэгээр эргэж таарав: Би зүрх сэтгэлдээ амар амгаланг олоогүйгээс гадна, үнэн хэрэгтээ тайлбарлахын аргагүй хоосон байдлыг мэдэрч байлаа. Би юу ч хийсэн үхээнц байдалтай байсан бөгөөд Төгс Хүчит Бурханы үг болон Бурханы үгийн магтан дуу миний толгойд өдөр шөнөгүй цаг ямагт эргэлдсээр байв. Төгс Хүчит Бурхан бол эргэн ирсэн Эзэн Есүс мөн бөгөөд Төгс Хүчит Бурханы илэрхийлсэн үг бол үнэн гэдгийг би мэдэж байлаа; гэхдээ чуулганы удирдагчийн надад хэлсэн зүйл болон аав болон бусад хүмүүс намайг дарамталж, дайрч байгаа дүр зураг санаанд орсоор байсан юм. Би ихэд зовон, авирч гарч чадахгүй ёроолгүй нүхэнд унасан мэт санагдаж байлаа. Бас сайн идэж, унтаж чадахгүй байсан ба тархи задрах гэж байгаа мэт сэтгэлээр унасан байлаа. Энэ бүх өвчин дунд би Бурханд сөгдөн, ингэж гуйв: “Өө Бурхан минь, тэнгэр, газар, бүх амьд зүйлийг Бүтээгч минь, би маш их өвдөлт, будилаан дунд байна. Төгс Хүчит Бурхан бол эргэн ирсэн Эзэн Есүс гэдгийг би мэддэг боловч биеийн хэмжээ минь жижигхэн, бас аавынхаа саад болон дайралтуудыг бодохоор би Бурхан Таныг дагахаас айж байна. Бурхан минь, би шийдвэр гаргах чадалгүй, салаа зам дээр гацчихлаа. Би юу хийхээ мэдэхгүй байна, иймд намайг залж чиглүүлж, хөтлөөч…” Залбирлынхаа үеэр ямар нэгэн үл мэдэгдэх шалтгаанаар, би Төгс Хүчит Бурханы эдгээр үгийг гэнэт бодож эхлэв: “Чи юунаас ч айх хэрэггүй. Хэчнээн олон саад тотгор, аюултай тулгарах нь хамаагүй, Миний өмнө чи тууштай байх болно; ямар ч зүйлд бүү саатуулагд, тэгж байж Миний хүсэл хэрэгжинэ. … Бүү ай; Миний дэмжлэг байхад, замыг хэн хааж чадах билээ? Үүнийг сана! Сана!” (Үг. I Боть: Бурханы илрэлт ба ажил. Христийн эхэн үеийн айлдварууд, 10-р бүлэг). Бурханы үг надад хулчгар зүрхээ хатуу болгох хангалттай хүч чадлыг гэнэт өгсөн юм. Тийм ээ! Бурхан миний бамбай байтал энэ газар дээр надад айх юу байх билээ? Нэгэнт би үүнийг үнэн зам гэж хэдийн шийдсэн учир аливаа хүн, үйл явдал, эд зүйлээр хязгаарлагдах ёсгүй. Би харанхуйн хүчийг сэт цохиж, гуйвшгүй шийдвэртэйгээр Бурханыг дагах хэрэгтэй. Бурханы жинхэнэ итгэгчийн хувьд, Сатаны дайсагнасан хүчтэй нүүр тулахдаа Бурханы оршин тогтнолыг зөвшөөрч чадахгүй бол би ямар итгэгч байх юм бэ? Би Сатанд бууж өгч, Бурханаас урваж байгаа юм биш үү? Тэгээд би, гэр бүл болон чуулганы удирдагчдын дарлал бол бүгд сүнслэг тулааны хэсэг бөгөөд хэрвээ тэдэнтэй цуг зогсохоор сонговол Сатаны зальжин урхинд унаж байгаа хэрэг гэж Жанг эгч нөхөрлөлийнхөө үеэр надад хэлснийг санав. Энэ нь аврагдаж, тэнгэрийн хаанчлал руу орох боломжоо би бүхэлд нь алдана гэсэн үг байлаа. Тэгээд би Жанг эгч Бурханы үгийн номыг буцаан авч явснаас хойш өөрийн туулсан сүнслэг зовлонгийн талаар бодсон бөгөөд амьдралдаа Бурхангүй байж чадахгүй юм байна гэдгээ болон Бурханыг орхих нь гэр бүл болон хуучин чуулгандаа хаягдахаас илүү шаналгаатай гэдгийг мэдрэв. Иймд би утсаа авч, Бурханы үгийн номыг буцаан авахын тулд Жанг эгч руу залгаж, уулзах газраа товлолоо.

Үүний дараагаар, нөхрийгөө гэрт байхгүй байх болгонд би Бурханы үгийг уншиж, магтан дуу дуулан өлсгөлөнгөө дарах завшааныг ашигладаг байлаа. Үгийг унших тусам, илүү их таашаадаг байлаа; магтан дуу дуулах тусам, илүү их тайвширч, уужуу санагддаг байв. Миний анхны итгэл үнэмшил дахин сэргэж, бүх шаналал, бэрхшээл өглөөний манан шиг л алга болов. Бурханы үг бол миний амийн тэжээл бөгөөд Бурхангүйгээр байж чадахгүй мэт надад санагдав. Гурван сарын дараа Жанг эгч намайг цуглаанд оролцуулахаар Төгс Хүчит Бурханы Чуулган руу авч явлаа.

Миний нөхөр намайг цуглаанд оролцох гэж байгааг мэдээд, аавд минь хэлэх юм гэж би санаагүй юм. Нэг орой, дээд давхарт байхдаа би хашаанд үлэмж үймээн болохыг гэнэт сонсов. Би хөшгөө нээн, аав минь чуулганы дөрөв, таван хамтран зүтгэгчийн хамт асуудал үүсгэхэд бэлэн мэт яаран ирж байгааг хараад хүйтэн хөлс асгарав. Миний зүрх дэлсэж эхэлсэн бөгөөд би хурдхан сөгдөж, Бурханыг дуудлаа: “Төгс Хүчит Бурхан минь, аав минь намайг ахиж дарамтлахаар өнөө чуулганы хүмүүсийг дагуулан ирлээ, би үнэхээр айж байна. Өө Бурхан минь, миний биеийн хэмжээ жижиг гэдгийг Та мэднэ, тиймээс итгэл үнэмшил болон зүрх зориг хайрлаач…” Тэгтэл Бурханы эдгээр үг гэнэт бодогдов: “Чи дотроо Миний зоригийг тээж, итгэдэггүй төрөл төрөгсөдтэйгөө нүүр тулахдаа зарчимтай байх ёстой. Харин чи Миний төлөө аль ч харанхуй хүчинд бас автагдах ёсгүй. Төгс замаар алхахын тулд Миний мэргэн ухаанд найд; Сатаны хуйвалдаан үйлчилж эхлэхийг бүү зөвшөөр. Миний дэргэд зүрх сэтгэлээ байлгахад бүх хүчин чармайлтаа гарга, Би чамайг тайтгаруулж, зүрх сэтгэлд чинь амар амгалан, аз жаргалыг өгнө” (Үг. I Боть: Бурханы илрэлт ба ажил. Христийн эхэн үеийн айлдварууд, 10-р бүлэг). Бурханы үг надад илүү их итгэл үнэмшил өгч, би цаашид хулчгар, аймхай байхаа болив. Би ингэж бодлоо: “Тэд намайг хэчнээн их дарамтлах нь хамаагүй, би ахин Сатаны урхинд унаж, тэдэнд хууртахгүй. Бурхан намайг бүтээсэн. Бурханд итгэлтэй байж, Бурханыг дагана гэдэг нь зөв, зүй зохистой бөгөөд хэн ч, миний хамгийн ойр дотнын хүмүүс ч, хөндлөнгөөс оролцох эрхгүй. Эцэст нь, би доошоо бууж, аавыгаа болон түүний хамтран зүтгэгчдийг тайван байдлаар угтах боломжтой болов. Тэд намайг хармагцаа бүгд нэгэн зэрэг ярьж эхлэв. Нүүрэндээ “элэгсэгээр халамжилсан” харцтай нэг эмэгтэй хамтран зүтгэгч нь надад: “Фанфанг, чи үнэхээр ухаантай охин шүү дээ, бидэнд ямар санагдаж байгааг чи яагаад ойлгож чаддаггүй билээ. Бид зүрх сэтгэлдээ чиний сайн сайхны төлөө л байдаг шүү дээ. Битгий зөрүүдэл л дээ. Хурдан Эзэн рүү эргэн ирж, гэмш, за юу?” гэж хэллээ. Би хариуд нь маш тайвнаар: “Эгч минь, та нарын хэн нь ч Зүүний Аянгын номлолыг сонсоогүй, хэн нь ч Төгс Хүчит Бурханы үгийг уншаагүй. Төгс Хүчит Бурханыг сохроор яллаж, эсэргүүцэлгүй, үүнийг зүй зохистой судалж шинжлэхийг би та нараас хүсэж байна. Та нар Төгс Хүчит Бурханы үгийг уншихад л болно, тэгээд Төгс Хүчит Бурхан бол эргэн ирсэн Эзэн Есүс мөн эсэхийг мэднэ” гэв. Эгч ингэж хариуллаа: “Тэр номын агуулга нь хэтэрхий сэтгэл булаам учир бид уншиж зүрхэлдэггүй. Үүнд автахад үнэхээр амархан.” Би: “Төгс Хүчит Бурханы илэрхийлдэг зүйл бол бүгд үнэн бөгөөд хүмүүсийг үнэмшүүлж чадах хүчтэй Бурханы дуу хоолой учраас энэ юм шүү дээ. Зөвхөн Бурханы үг л ийм төрлийн эрх мэдэл болон хүч чадалтай. Хүмүүс Бурханы үгэнд татагддагийн шалтгаан нь гэвэл тэдгээрийг уншсанаар хүмүүс үнэнийг ойлгож, амийн хоол тэжээлийг олж авч чаддаг. Хэн амийн амьд усны булгийг олсныхоо дараа орхих билээ?” гэж хэллээ. Тэд үүнд хариулаагүй бөгөөд Бурханыг доромжилсон баахан зүйл хэлж, “гэмшихгүй” бол тамд шүүгдэх болно хэмээн айлгахаар оролдов. Хатуу дуу хоолойгоор би ингэж хэллээ: “Та нар ‘Зүүний Аянгад нэгдсэн хүмүүс хэзээ ч гардаггүй, эсвэл хэрвээ орговол тэд хамраа огтлуулж, нүдээ ухуулдаг…’ хэмээн хэлж Төгс Хүчит Бурханы Чуулганыг гүтгэсэн. Үүнд ямар ч бодитой нотолгоо байхгүй, энэ бол бүгд цуу яриа, хорлонтой гүтгэлэг! Та нар надад хамраа огтлуулж, нүдээ ухуулсан нэг хүн олоод ир. Хэрвээ бодитой нотолгоо гаргаж чадахгүй бол та нар бүгд хүмүүсийг хуурах гэсэн хэдэн худалч л болно. Төгс Хүчит Бурханы хаанчлалын сайн мэдээ хэдийнээ Хятад даяар газар сайгүй тархсан ба айл гэр болгон сайн мэдээг сонссон. Одоо Төгс Хүчит Бурханы Чуулганд дор хаяж хэдэн сая гишүүн бий. Мэдээжийн хэрэг, сайн мэдээг дамжуулах үед үнэнийг үзэн яддаг, үүнийг хүлээн зөвшөөрдөггүй хүмүүс үргэлж байдаг. Харин та нар хамраа огтлуулж, нүдээ ухуулсан ганц хүн харсан уу? Хэрвээ нэг ч гэсэн хүн байсан бол хэвлэл мэдээлэл хэдийнээ үүнийг мэдээлж, улс үндэстэн даяар дуулиан болох байсан. Та нар дүү бид хоёрыг зориудаар их дарамталсан учир бид итгэлээ орхисон. Гэхдээ бид хоёр зүгээр л харагдаж байна, тийм биш гэж үү? Та нар хүмүүсийг хуурахын тулд худал үг хэлж байна. Одоо би Төгс Хүчит Бурханд итгэдэг, би үнэн замыг сонгож, Бурханы хөлийн мөрийг дагаж байна. Надад буруу хийсэн зүйл байхгүй учир гэмших зүйл ч байхгүй. Төгс Хүчит Бурханд итгэх миний итгэл хэзээ ч гуйвахгүй, хэрвээ та нар итгэхгүй бол зүгээр ээ, харин ядаж намайг итгэхэд бүү саад бол. Надад юу тохиолдох тухайд, хүмүүс юу хэлэх нь хамаагүй, учир нь хүн бүрийн хувь заяа Бурханы гарт бий. Бурханы ажилтай хөл нийлүүлж, Бурханы эцсийн өдрүүдийн ажлыг хүлээн зөвшөөрснөөр л хүмүүс сайхан эцсийн хүрэх газартай байх болно. Иймд дахиж ирж, надад бүү саад хий.” Миний амнаас үг гараад удаа ч үгүй байхад, аав минь хурдан, огцом босож, түрэмгий дуу хоолойгоор: “Хэрвээ чи Төгс Хүчит Бурхандаа итгэсэн хэвээр байвал, би чамайг цаашид охиноо гэж үзэхгүй!” гэж сүрдүүллээ.

Харилцаагаа дуусгана гэсэн аавын заналхийллийг сонсоод би өөрийн эрхгүй бага зэрэг гуниглав. Би ингэж бодлоо: “Төгс Хүчит Бурханы үнэний илэрхийлэл бол үнэндээ чуулгануудад хандан Сүнсний хэлдэг зүйл юм. Гэхдээ та сонсдоггүй, харин оронд нь чуулганы удирдагчдын тараадаг цуу яриа, худал хуурмагийг сонсдог. Намайг Төгс Хүчит Бурханд итгэсний төлөө үзэн ядаж, надтай харилцаагаа хүртэл дуусгавар болгохыг хүсэхдээ та яаж тэдэнтэй адилхан байдаг байна аа?” Би энэ талаар бодох тусам, улам гуниглаж, Бурханы үгийн хэсгээс гэнэт бодов: “Бурхан энэ дэлхийг бүтээж, Өөрийн амь хайрласан амьд биет болох хүнийг дэлхийд авчирсан. Дараа нь хүн эцэг эх, төрөл төрөгсөдтэй болж, ганцаар байхаа больсон юм. Хүн энэхүү материаллаг ертөнцийг анх харснаасаа хойш Бурханы тогтоосноор оршин байх заяатай байв. Бурханаас гарсан амийн амьсгал л амьд биет болгоныг өсөж, нас бие гүйцэх хугацааных нь турш дэмждэг билээ. Энэ явцад, хүн Бурханы халамжин дор өсөж байна гэдгийг хэн ч мэдэрдэггүй, харин эцэг эхийнхээ хайр халамжин дор өсөж байгаа ба хүний амийн зөн билэг өсөх үйл явцыг нь чиглүүлдэг хэмээн итгэдэг. Учир нь өөрийнх нь амийг хэн хайрлаж, амь хаанаас ирснийг хүн мэддэггүй бөгөөд амийн зөн билэг хэрхэн гайхамшгийг бүтээдгийг бүр ч мэддэггүй” (Үг. I Боть: Бурханы илрэлт ба ажил. Бурхан бол хүний амийн эх сурвалж). Хэдийгээр миний махан бие эцэг эхээс минь гарсан боловч, миний амийн эх үүсвэр нь Бурхан гэдгийг ойлгоход Бурханы үг надад тусаллаа. Бурханы амийн бэлэггүйгээр, миний бие ялзрах байсан бөгөөд өнөөдөр амьд байгаа минь бүгд Бурханы халамж, хамгаалалтын ач бөгөөд тэгээгүй байсан бол Сатан намайг залгих байсан. Миний эцэг, эх биш, харин Бурхан л миний амийн эх үүсвэр ба Бурханаас өөр хэнтэй ч би харилцаагаа тасалж болно. Миний эцэг эх Эзэний эргэн ирэлтийг эрж хайж, судлах сонирхолгүй байгаад зогсохгүй, тэд Бурханы ажлыг гүтгэж, доромжилж, намайг Бурханаас урвуулахаар хүчээр оролдож байгаа чуулганы удирдагчдын ард 100% зогсож байна. Энэ нь, мөн чанартаа тэд Бурханыг эсэргүүцдэг, Бурханы дайснууд гэдгийг баталдаг, харин би тэдэнд автаж, Бурханыг эсэргүүцэхгүй. Би Бурханы дэргэд зогсож, эцэг эх минь харилцаагаа тасалсан ч эцсээ хүртэл Бурханыг дагах болно. Би бат зогсож, Бурханд гэрчлэл хийх болно. Иймд, би аавдаа хэлэв: “Аав аа, Бурханд итгэх итгэлийн тухайд, би хүмүүсийг биш, Бурханыг дуулгавартай дагах бөгөөд би сэтгэл хөдлөлд ч захирагдахгүй. Хэрвээ таны хэлсэн үнэн болон Бурханы санаа зорилготой нийцсэн бол би таныг сонсох байсан. Харин та намайг Бурханаас урва гэж хэлбэл, би хэзээ ч үүнийг хийхгүй!” Миний шийдвэртэй хандлагыг хараад бүгд толгой сэгсэрч, босоод, урам хугаран явав. Тэр үед надад ялалт байгуулсан мэт санагдаж, Бурханд өөрийн эрхгүй залбирч, чимээгүй талархлаа: “Төгс Хүчит Бурхан минь, Та бол үнэхээр төгс хүчит юм. Таны үг надад итгэл үнэмшил, эр зориг өгч, Сатанд энэхүү шившигтэй ялагдлыг авчирлаа.”

Хэдийгээр шашны нийгэмлэгийн хүмүүс надад түвэг удахаар дахин ирээгүй ч, чуулганы удирдагчид намайг дарлахаар манайхныг өдөөсөөр байлаа. Хэдэн өдөр болоод л тэд гэрт минь ирж намайг бодол санаагаа өөрчлөхийг шахаж, удирдагчийн гэрт очиж, “гэмшихийг” үргэлж шаарддаг байв. Нэг өдөр, манай гэрийнхэн ирж, аав минь намайг хуурахаар Библийн хэсгийг ашиглаж байх зуур ээж минь нэг талд зогсон, удирдагчийн гэр лүү явж, “гэмшихийг” нулимс дуслуулан гуйх болов. Ээжийгээ маш их гунигтай байхыг хараад үнэхээр сэтгэл гонсойв. Би түүний 3 настай байхдаа ээжийгээ алдаж, хойд ээждээ хүчирхийлүүлдэг байсныг нь бодов. Ээж минь амьдралдаа их зовсон бөгөөд одоо жил жилээр сайжирч байв, харин би үнэхээр охины ёсоор ачилж чадаагүй, ялангуяа одоо энэ маягаар би түүний санааг ихээхэн зовоож байлаа. Дараа нь би аавынхаа цагаан царай, буурал үсийг нь харсан бөгөөд энэ нь нулимсаа барьж чадахааргүй болтол минь бүр ч гуниглуулав. Яг хамгийн эмзэг үедээ байхдаа би Бурханы үгийн хэсгээс бодлоо: “Хүмүүсийн дээр Бурханы хийдэг ажлын алхам бүрд, гаднаа энэ нь хүмүүсийн хоорондын харилцан үйлдэл мэт, хүний зохицуулалтаас, эсвэл хүний хөндлөнгийн оролцооноос үүдэлтэй мэт харагддаг. Гэвч нүднээс далдуур, ажлын алхам бүр болон тохиолдож буй бүхэн нь Бурханы өмнө Сатаны тавьсан бооцоо бөгөөд Бурханыг гэрчлэх гэрчлэлдээ бат зогсохыг хүмүүсээс шаарддаг. Жишээ нь, Иовыг шалгасан үеийг авч үзье: Нүднээс далдуур Сатан Бурхантай бооцоо тавьж байсан бөгөөд Иовд тохиолдсон зүйл нь хүмүүсийн үйл хэрэг ба хүмүүсийн үймээн байсан. Та нарт хийж байгаа Бурханы ажлын алхам бүрийн ард Сатаны Бурхантай тавьсан бооцоо байдаг—энэ бүгдийн ард тулаан байдаг” (Үг. I Боть: Бурханы илрэлт ба ажил. Бурханыг хайрлах нь л үнэхээр Бурханд итгэж буй хэрэг). Өнгөн дээрээ эцэг эх минь намайг дарлаж байгаа мэт харагдаж байгаа ч, сүнсний ертөнцөд бол Сатан Бурхантай мөрий тавьж байсныг ойлгоход Бурханы үг надад туслав. Бурхан Иовыг туршиж байх үед Сатаны зарц болж үйлчилсэн эхнэр нь түүнд: (Иов 2:9) Тэгэхэд эхнэр нь түүнд “Чи одоо ч гэсэн үнэнч шударга байдлаа хадгалж байна уу? Бурханыг хараа, тэгээд үх” гэв. гэж хэлсэнтэй адилхан байв. Гэвч Иов Бурханаас айж, хүндэлж, муугаас зайлсан, иймээс эхнэрээ зэмлэн, түүнийг мэдлэггүй, зөрүүд эмэгтэй хэмээн дуудсан бөгөөд өөрийнхөө хэлсэн юугаар ч нүгэл үйлдээгүй билээ. Тэр Сатаны өмнө Бурханд гэрчлэл хийсэн ба Ехова Бурханы нүдэнд тэрээр бүрэн төгс хүн байлаа. Одоо харин би пастор болон ахлагч нарын хэлж байгаа бүх тэнэг утгагүй зүйлд итгэсэн эцэг эхдээ дарлуулж байна. Энэ бол Сатаны сорилтуудын нэг байлаа, учир нь намайг тэдэнд ихээхэн санаа тавьдгийг Сатан мэдсэн ба оролцох боломжийг ашиглаж байсан юм. Надаар Бурханыг үгүйсгүүлж, урвуулахын тулд Сатан эцэг эхээ гэсэн сэтгэлийг минь ашиглахыг оролдсон, энэ нь Сатан хэчнээн өөдгүй, зальжин болохыг харуулдаг! Гэхдээ би явуулга нь үр дүнгээ өгөхийн сэтгэл ханамжийг Сатанд өгөх гээгүй байлаа. Би Бурханы урмыг хугалж, гуниглуулах гээгүй учраас Бурханы дэргэд зогсохоор шийдсэн. Үүнийг дараа миний эцэг эх юу ч хэлж, яаж ч намайг шахсан бай, миний зүрх сэтгэл өчүүхэн ч хөдлөөгүй юм. Миний сэтгэл огтхон ч хөдлөөгүйг хараад эцэг эх минь ихэд урам хугарсан байдалтай явав.

Хожим нэг өдөр, чуулганы удирдагч аавыг минь чуулганы бүх гишүүдийн өмнө зогсоож, намайг чуулганаас хөөгдсөнийг зарлуулав. Удирдагч мөн эцэг эхийг минь ч надаас холдуулав. Чуулганы удирдагч, манай гэрийнхний дарлалын улмаас, нөхөр минь намайг улайран хавчиж эхлэв. Үүргээ биелүүлж байгаад гэртээ харих болгонд тэр намайг цохиж, эсвэл над руу харааж зүхэн хашхичиж, заримдаа бүр намайг оруулалгүй, хаалгаа түгждэг байлаа. Тэр миний цахилгаан скүтер, эсвэл унадаг дугуйг эвдэлж, нэг удаа намайг бүр цагдаагийн газарт хүргэв. Намайг бие, сэтгэлийн ядаргаанд ортол хэрцгийлсэн бөгөөд манай тосгоны хөршүүд ч бас намайг дооглож, гүжирдэж эхлэв. Энэ нөхцөл байдалтай нүүр тулаад, Бурханд итгэх нь үнэхээр тэвчишгүй гэдгийг миний сэтгэл зүйн дорой байдал надад мэдрүүлж эхлэв. Би яаж урагшлахаа мэдэхгүй байсан ба үргэлж Бурханы өмнө сөгдөж, залбирч, уйлж, надад итгэл үнэмшил, хүч хайрлахыг Бурханаас гуйж байлаа. Дараа нь нэг удаа би Бурханы эдгээр үгийг уншив: “Бурханы ялагч гэж хэлдэг хүмүүс нь Сатаны нөлөө болон Сатаны бүслэлт дор, өөрөөр хэлбэл, харанхуйн хүчний дотор байх үедээ ч гэрчлэлд зогсож, анхны итгэлээ хадгалж, Бурханд үнэнч байдлаа хадгалж чаддаг хүмүүс юм. Юу ч болж байсан, хэрвээ чи цэвэр ариун зүрх сэтгэл болон Бурханыг хайрлах жинхэнэ хайраа хадгалж чаддаг бол Бурханы өмнө гэрчлэлд зогсдог бөгөөд энэ бол Бурханы хэлдэг ялагч юм. Бурхан чамайг ерөөх үед эрэл хайгуул чинь гойд сайн байдаг боловч Түүний ерөөл байхгүйд ухарч няцдаг бол энэ нь цэвэр ариун байдал мөн үү? Энэ зам бол үнэн гэдэгт итгэлтэй байгаа л бол чи эцсийг нь хүртэл үүнийг дагах ёстой; Бурханд үнэнч байдлаа хадгалах ёстой. Чамайг төгс болгохын тулд Бурхан Өөрөө газар дээр ирсэн гэдгийг харсан тул чи зүрх сэтгэлээ Түүнд бүхлээр нь өгөх ёстой. Тэр яаж хийдэг нь хамаагүй, эцсийн эцэст чамд тааламжгүй үр дүн товлосон ч гэсэн чи Түүнийг бас л дагаж чаддаг” (Үг. I Боть: Бурханы илрэлт ба ажил. Чи Бурханд өгсөн үнэнч байдлаа хадгалах ёстой). Эцсийн өдрүүдэд, Бурхан бүлэг ялагчдыг бий болгох бөгөөд хүмүүсийг сорихыг Сатанд зөвшөөрөх болно гэдгийг би Бурханы үгээс ойлгов. ХКН- ын дарангуйлал, шашны нийгэмлэгүүдийн дарлал, хамаатан садандаа хаягдах явдал, эсвэл олон нийтийн доог тохуу болон доромжлол байх нь хамаагүй, итгэгч бид нар эдгээр шалгалтыг бодитойгоор туулах ёстой, учир нь дуулгавартай дагаж, үнэнч байж, ямар ч нөхцөл байдалд Бурханд гэрчлэл хийж чаддаг итгэгчид л Бурханаар бүрэн төгс болгуулсан ялагчид юм. Намайг төгс болгож, үнэхээр Түүнд итгэж, найдаж, дуулгавартай болоод үнэнч байж чадах эсэхийг минь харах үүднээс Бурхан эдгээр нөхцөл байдлыг зохицуулсан. Бурханы санаа зорилгыг ойлгосны дараа би Бурханы өмнө очиж, энэ амлалтыг өгөв: Би ямар ч бэрхшээл, дарангуйлалтай нүүр тулах нь хамаагүй, Бурханыг сэтгэл хангалуун байлгах үүднээс би Бурханыг үргэлж шийдвэртэйгээр дагаж, Бурханы бүтээлийн нэг болохын хувьд үргэлж өөрийнхөө үүргийг биелүүлж, Сатаны өмнө Бурханд ялгуусан гэрчлэл хийх болно. Үүний дараа, хэдийгээр нөхөр минь намайг үргэлжлүүлэн дарлаж, саад болохоор улангассан хэвээрээ байсан ч, би Бурханд байнга залбирч, Бурханыг хүндэлж, өдөр бүр Бурханы үгээр зэвсэглэж байв, ийм ч учраас надад зовж байгаа юм шиг санагдаагүй юм. Бурхан ч мөн надад зам нээж өгөв: Миний нөхөр улангасаж, намайг дээрэлхсэнийхээ хариуд Бурханаар хэд хэдэн удаа шийтгүүлсэн ба үүний дараа тэр намайг цохиж, унадаг дугуйг минь дахин эвдэж зүрхэлсэнгүй. Үүнийг туулснаар би Бурханы төгс хүчит байдал, дээд эрх болон Түүний гайхамшигтай үйл хэргийг харав. Бурханы эрх мэдэл болон чадварыг давж чадах ямар ч харанхуйн хүч байхгүйг харсан бөгөөд бид ердөө Бурханд бүрэн найдаж, Бурханы үгийг ашиглан бэрхшээлүүдтэй нүүр тулах хэрэгтэй, тэгвэл Бурхан бидэнд урагшлах зам нээж өгч, Сатаны харанхуйн нөлөөллийг давж гарахад биднийг хөтлөх болно гэдгийг би өөрийн биеэр туулав. Бүхий л хавчлага, зовлонг туулсны дараа, хэдийгээр махан бие минь жаахан зовсон ч гэлээ, би маш ихийг олсон мэт санагдсан юм. Бурханд итгэх миний итгэл үнэмшил улам бүр их болсон нь Бурханы надад өгсөн ерөөл билээ. Төгс Хүчит Бурхан, Тандаа баярлалаа!

Жилийн дараа би Жанг эгчийн хамт хамгийн бага охин дүүгийнхээ ажил дээр очиж, Бурханы эцсийн өдрүүдийн ажлыг түүнд гэрчлэв. Охин дүү минь үүнийг хүлээж авсан бөгөөд түүнийг Бурханы үгийн номыг авах үед, хүн Бурханаар аврагдахад хэчнээн хэцүү болохыг би гүнзгий ойлгов. Хүмүүсийг аврах тухайд Бурхан тун их бодитой юм. Би хацар даган урсах талархлын нулимсаа барьж чадахгүй байсан ба Бурханыг гэсэн талархал, магтсаалаар зүрх сэтгэл минь хөөрлөө! 2006 онд миний хамгийн бага охин дүү, надтай нийлэн, өөр нэг эгчийгээ хаанчлалын сайн мэдээнд итгүүлсэн бөгөөд үүний дараа өөр хэд хэдэн хамаатнаа ч бас Төгс Хүчит Бурханы өмнө авчирч чадав. Үүгээр дамжуулан, худал хуурмагийг зохиож, жинхэнэ итгэгчдэд саад болж, дарлахаар шашны удирдагчид хэчнэээн их улайрахаас үл хамааран Бурханы хаанчлалын сайн мэдээ түгэх бөгөөд хэн ч үүнийг зогсоож чадахгүй гэдгийг би харж чадсан юм. Бурханы хурга үргэлж Бурханы дуу хоолойг сонсож, Бурханы сэнтийн өмнө эргэн ирэх болно. Төгс Хүчит Бурханы хэлдэгчлэн: “Хаанчлал хүний дунд өргөжиж, хүний дунд бүрэлдэж, хүний дунд өндийн босож байна; Миний хаанчлалыг устгаж чадах ямар ч хүч байхгүй” (Үг. I Боть: Бурханы илрэлт ба ажил. Бүх орчлон ертөнцөд хандсан Бурханы айлдварууд, 19-р бүлэг).