Шинь И, Хятад

2020 оны 7-р сардБи Жао Жижянь ах, Ли Мүшинь эгч хоёртой хамт усалгааны ажлыг хариуцаж байлаа. Тэд дөнгөж сурч эхэлж байсан тул зарчмыг ойлгож, ажлаа аль болох хурдан мэддэг болоход нь би тусалж, ойлгохгүй зүйл гарвал тэд надаас асуудаг байв. Хэсэг хугацааны дараа, хоёулаа давуу талтай болохыг би анзаарлаа. Жижянь ах сайн хэв чанартай, зарчмыг хурдан сурдаг, Мүшинь эгч маш чадварлаг, үнэхээр эмх цэгцтэй, бүтээмж сайтай. Ажил даалгах бүрд тэд Бурханы үгийг хурдан олж, шинэ итгэгчийн бэрхшээлийг шийдвэрлэж чаддаг байв. Тэдэнтэй харьцуулахад би тааруухан, төдийлөн үр бүтээлтэй ажилладаггүй, тэдэн шиг хурдан сэтгэдэггүй, шинэ итгэгчдийн асуудлыг нэлээн удаан тунгаан бодох ёстой болдог, миний хувьд бүх зүйл тэднийхээс удаан, илүү хүнд байдаг юм шиг санагддаг байлаа. Хожим нь тэд ажлаа илүү мэддэг болохын хэрээр аажмаар гол үүрэг гүйцэтгэж эхлэв. Заримдаа услагчдын асуултад бид хамтдаа хариулах хэрэгтэй болоход би урдах ажлаа дуусгаагүй байдаг учраас Мүшинь эгч “Санаа зоволтгүй ээ, бид хоёрын шууд хариулж чадах энгийн асуултууд байна” гэдэг байсан юм. Үүнийг сонсоход надад таагүй санагддаг байлаа. Намайг удаан ажилладаг болохоор надтай хэлэлцвэл бүх зүйлийг саатуулна гэж тэд айдаг юм биш үү гээд өмнө нь хэзээ ч мэдэрч байгаагүй орхигдсон мэдрэмж төрж, тэр ч байтугай, “Миний хэв чанар яагаад ийм дулимаг юм бэ? Би уян хатан сэтгэдэггүй, хариу үйлдэл удаантай, тэдэн шиг залуу, ухаантай биш, харин тэд бүх зүйлд үр бүтээлтэй. Цаашдаа би хамгийн чадваргүй нь болох юм биш үү? Тэд намайг юу гэж бодох бол? Намайг ийм удаан хугацаанд усалгааны ажил хийж байгаа хэр нь дөнгөж сурсан өөрсдөөс нь доогуур түвшинд байсаар байна гэх байх. Энэ хэтэрхий ичгэвтэр хэрэг” гэж бухимдсан. Өөрийгөө сайн биш гэж бодогдуулахгүйн тулд би нууцаар ажиллаж, өдөр бүр шинэ хүмүүстэй уулзахад илүү цаг зарцуулж, Бурханы үгийг олж, шинэ итгэгчдийн асуудлыг бодож үзэхээр хичээж эхлэв. Хувцсаа угааж, хоол идэх минь хүртэл цагийн гарз санагдаж, Бурханд маш их залбиран, үүрэгтээ илүү үр дүнтэй байхад минь туслаач гэж Бурханаас гуйлаа. Гэтэл юм санаснаар болсонгүй, хэчнээн шаргуу ажилласан ч үр дүн муутай байв. Нэг л мэдэхэд би үүргээ гүйцэтгэх урам зориггүй болж, маш олон асуудлыг хамтрагчдадаа өгч шийдүүлдэг байсан. Би хэв чанар муутайгаа ухаарсан учраас чадах зүйлээ л хариуцаж, миний байдал улам муудсаар, үүрэгтээ үнэхээр идэвхгүй болж, ажлынхаа асуудлуудыг анзаарахаа болилоо. Сайнгүй байдалтай байгааг минь хараад хоёр хамтрагч маань надтай нөхөрлөх санаачилга гаргасан ч би хүлээн аваагүй. Би нөхцөл байдлаа өөрчилж ер чадалгүй, зарим асуудлыг цаг тухайд нь шийдвэрлэж чадаагүй бөгөөд энэ нь миний усалгааны ажлын үр дүнд нөлөөлж байв.

Удирдагч миний байдлыг олж мэдээд, надтай нөхөрлөж, энэ нь хэв чанартай чинь ямар ч хамаагүй, харин нэр хүнд, байр суурийг хэтэрхий их хүссэнээс болсон, ажлаа саатуулахгүйн тулд байр байдлаа даруйхан өөрчлөх хэрэгтэй гэлээ. Би сайнгүй байдалтай, үүрэгтээ хариуцлагын мэдрэмжгүй, өмнө нь шийдэж чаддаг байсан асуудлаа шийдвэрлэж чадахгүй, Ариун Сүнсний гэгээрлийг мэдэрч чадахгүй, хөшүүн, мулгуу байгаагаа ухаарч, Эзэн Есүсийн хэлсэн зүйлийг бодсон юм. “Учир нь хэнд байна, түүнд өгөгдөж, тэр элбэг дэлбэг байх болно: харин хэнд байхгүй байна, түүнд байгааг нь хүртэл түүнээс авна” (Матай 13:12). Би Бурханы хүсэлтэй нийцэхгүй зүйл хийж байсан тул Бурхан надаас нүүрээ нууж байжээ. Би бага зэрэг айсан тул “Бурхан минь, миний үүрэг үнэхээр хэцүү, би Таны удирдамжийг мэдэрч чадахгүй байна. Намайг гэгээрүүлж, залж чиглүүлж, өөрийгөө эргэцүүлж, асуудлаа ойлгоод, буруу байдлаа өөрчлөх боломж олгооч” гэж залбирлаа. Дараа нь би өөрийнхөө байдалтай холбоотой Бурханы үгийг олсон юм. Бурхан ингэж хэлсэн байдаг: “‘Учир нь хэнд байна, түүнд өгөгдөж, тэр элбэг дэлбэг байх болно: харин хэнд байхгүй байна, түүнд байгааг нь хүртэл түүнээс авна’ (Матай 13:12) гэж Эзэн Есүс нэгэнтээ хэлсэн. Энэ үг ямар утга учиртай вэ? Хэрвээ чи өөрийн үүрэг, ажлыг гүйцэтгэх ч үгүй, эдгээрт өөрийгөө зориулах ч үгүй байх юм бол нэгэнтээ чинийх байсан зүйлийг Бурхан авна гэх утгатай. ‘Авна’ гэж юу гэсэн үг вэ? Энэ нь хүний хувьд яаж мэдрэгддэг вэ? Чи өөрийн хэв чанар, авьяас билгээрээ олж авах боломжтой байсан зүйлээ олж авч чадахгүй, юу ч мэдрэхгүй, яг л шүтлэггүй хүнтэй адил байж магадгүй. Бурхан бүх зүйлийг авах гэж энийг хэлнэ. Хэрэв чи үүрэгтээ хайнга байж, төлөөс төлөхгүй, чин сэтгэлээсээ хандахгүй бол нэгэнтээ чинийх байсан зүйлийг Бурхан авах бөгөөд үүргээ гүйцэтгэх эрхийг чинь хурааж, чамд энэ эрхийг олгохгүй… Чамд үүргээ гүйцэтгэх үргэлж утгагүй санагдаж, хийх юм байхгүй мэт санагдаж, хувь нэмэр оруулж чаддаггүй бол, хэрвээ чи хэзээ ч гэгээрдэггүй, ашиглах ухаалаг байдал, мэргэн ухаангүй гэдгээ мэдэрдэг бол асуудалтай: Энэ нь чамайг үүргээ биелүүлэх зөв сэдэлгүй, зөв замгүй, бас Бурхан сайшаадаггүй, байдал чинь хэвийн биш гэдгийг харуулдаг. ‘Би яагаад үүргээ гүйцэтгэхдээ замгүй байдаг юм бэ? Би үүнийг судалсан, энэ нь миний мэргэжлийн цар хүрээний зүйл—би бүр үүндээ ч сайн. Мэдлэгээ ашиглахаар оролдох үедээ би яагаад чаддаггүй юм бэ? Яагаад мэдлэгээ ашиглаж чаддаггүй юм бэ? Юу болоод байна вэ?’ гэж чи эргэцүүлэх ёстой. Энэ нь санамсаргүй хэрэг үү? Энд асуудал байна. Бурхан хэн нэгнийг ерөөх үед тэр хүн ухаалаг, мэргэн, бүх асуудлыг тодорхой хардаг, түүнчлэн авхаалжтай, сэрэмжтэй, нэн чадварлаг болдог; тэрээр хийж байгаа бүхэндээ эв дүйтэй, онгодтой байх бөгөөд өөрийнх нь хийдэг юм бүхэн маш амархан, ямар ч бэрхшээл өөрт нь саад болж чадахгүй гэж бодно—тэр хүн Бурханаар ерөөгдсөн байдаг. Хэн нэгэн хүнд өөрийнх нь хийж буй бүхэн хэцүү, төвөгтэй, утгагүй, ойлгомжгүй санагдаж, түүнд юу ч хэлсэн ойлгохгүй бол энэ нь юу гэсэн үг вэ? Энэ нь түүнд Бурханы удирдамж байхгүй, Бурханы ерөөл байхгүй гэсэн үг юм. Зарим хүн ‘Би өөрийгөө зориулсан байхад яахаараа Бурханы ерөөлийг хардаггүй байна аа?’ гэдэг. Чи өөрийгөө зориулж, хүчин чармайлт гаргадаг ч зарчмын дагуу үйлдэхээр эрж хайдаггүй бол зүгээр л үүргээ аргацааж байна. Чи яаж ер нь Бурханы ерөөлийг харж чадах юм бэ? Хэрвээ чи үүргээ гүйцэтгэхдээ үргэлж хайнга байж, хэзээ ч хичээнгүй байдаггүй бол Ариун Сүнсний гэгээрэл, гэрэлтүүлэлтийг хүртэхгүй, Бурханы удирдамж юм уу Бурханы ажилгүй байх бөгөөд үйлдлээс чинь ямар ч үр дүн гарахгүй. Хүний хүч чадал, эрдэм мэдлэгт найдсанаар үүргээ сайн гүйцэтгэж, асуудлыг сайн зохицуулах маш хэцүү. Хүн бүр өөрсдийгөө ганц нэг юм мэддэг, жаахан ноу-хаутай гэж боддог ч юмыг тааруухан хийж, юмс үргэлж буруугаар эргэж, олон нийтийн шүүмжлэл, доог тохууг төрүүлдэг. Энэ нь асуудал юм. Хүн илт шалихгүй мөртөө өөрийгөө ноу-хаутай гэж бодоод, хэнд ч бууж өгдөггүй. Энэ нь хүний уг чанарын асуудалтай холбоотой” (Үг. III Боть: Эцсийн өдрүүдийн Христийн яриа. Үнэнч шударга хүн байснаар л жинхэнэ хүний төрхийг амьдран харуулж чадна). Бурханы үгийг уншаад би жаахан балмагдсан. Сүүлийн үед надад бүх зүйл хэцүү, ядаргаатай байлаа. Би ажлынхаа асуудлыг анзаарахгүй, өмнө нь зохицуулж чаддаг байсан асуудалтайгаа тулгараад хүчин мөхөс санагдаж байсан. Үүний учир нь би тэрслүү байдалтай амьдарч, Бурхан надаас нүүрээ нууж, Би мэдрэмжгүй, дүйнгэ, мулгуу, болхи болсон байжээ. Би шинэ итгэгчдийг нэлээд удаан хугацаанд усалж, үзэгдлийн талаарх зарим үнэнийг ойлгож, зарим зарчмыг эзэмшсэн байсан. Цаг хугацаа өнгөрөхийн хэрээр үүрэгтээ илүү сайжрах ёстой ч би улам муудсаар, Ариун Сүнсний удирдамжийг огт мэдэрч чадахгүй, үүрэгтээ хандах хандлага минь Бурханы хувьд жигшмээр байжээ. Бурханы үгээс би Түүний зөвт, ариун байдлыг харсан юм. Бурхан зарчимд үндэслэн хүмүүсийг ерөөж, эсвэл юмыг нь авдаг. Хүмүүс үүрэгтээ зүрх сэтгэл, бүх зүйлээ зориулж, Бурханыг сэтгэл хангалуун байлгах зорилготой байх үед Ариун Сүнсний ажлыг олж авах амархан. Тэд үүргээ гүйцэтгэхдээ гүн ойлголттой байж, асуудлыг олж илрүүлж, хэрхэн шийдвэрлэхээ мэддэг, үүргээ гүйцэтгэхдээ улам сайжирсаар байдаг. Харин хүмүүс үнэнч шударга биш, байнга нэр хүнд, байр суурь боддог бол Ариун Сүнсний ажлыг олж авах амаргүй. Тэгээд тэд хөшүүн, дүйнгэ болж, өмнө нь байсан чадваруудаа ч харуулж чаддаггүй. Ийм маягаар үүргээ сайн гүйцэтгэх боломжгүй. Энэ хугацаанд ямар байдалтай байснаа би эргэцүүлсэн. Хоёр хамтрагчтайгаа ажиллаж эхэлснийхээ дараа эхлээд би ачаа үүрч, ажлаа аль болох хурдан сурахад нь тэдэнд тусалсан ч тэд хурдан ахиц гаргаж, бүх талаараа надаас чадварлаг байгааг олж мэдээд аюулд орсон мэт санагдаж, өөрийн голлох чиг үүргийг алдах вий гэж айсандаа буруу замаар орж эхэлсэн. Хангалтгүй байгаагаа тэдэнд харуулахгүйн тулд шөнөжин шаргуу ажиллаж, усалгаагаа үр дүнтэй хийхийн тулд шинэ итгэгчидтэй цуглаан хийхэд илүү их цаг зарцуулсан. Гэхдээ хэчнээн шаргуу ажиллаж, ямар ч төлөөс төлсөн, миний гүйцэтгэл тэднийхээс бага хэвээр байлаа. Би хамтрагчидтайгаа өрсөлдөхөд хамаг эрч хүчээ зориулж, тэр ч байтугай, илүү их ажил гүйцэтгэж, нэр нүүрээ хамгаалахын тулд Бурханаас тусламж гуйсан. Би хэтэрхий ухаангүй байжээ. Би Бурханыг ашиглаж, хуурч байсан—энэ нь яаж үүргээ гүйцэтгэсэн хэрэг байх юм бэ? Би харамсаж, Бурханд залбиран, “Өө Бурхан минь, би үүргээ сайн гүйцэтгэлгүй, нэр хүнд, байр суурийн араас хөөцөлдөж, усалгааны ажилд саад болж байжээ. Би Танд гэмшмээр байна” гэсэн.

Үүний дараа Бурханы үгийн нэг хэсгийг уншсан нь надад үнэхээр тус болсон юм. Төгс Хүчит Бурхан ингэж хэлсэн байдаг: “Үүргээ сайн гүйцэтгэж чадах эсэх чинь авьяас билиг, агуу хэв чанар, хүн чанар, хүчин чадал, ур чадвараас чинь шалтгаалахгүй; чи үнэнийг хүлээн авдаг хүн мөн эсэх, үнэнийг хэрэгжүүлж чаддаг эсэхээс чинь хамаарна. Хэрвээ чи үнэнийг хэрэгжүүлж, бусдад шударгаар хандаж чадвал бусадтай эв найртай хамтран ажиллаж чадна. Хүн үүргээ сайн биелүүлж, бусадтай эв найртай хамтран ажиллаж чадах эсэхийн гол түлхүүр нь үнэнийг хүлээн авч, дуулгавартай дагаж чадах эсэхээс хамаардаг. Хүмүүсийн хэв чанар, авьяас, чадвар, нас зэрэг нь гол зүйл биш, бүгд хоёрдогч зүйл бөгөөд хүн үнэнийг хайрладаг эсэх, үнэнийг хэрэгжүүлж чаддаг эсэх нь хамгийн чухал юм. Номлол сонссоныхоо дараа, үнэнийг хайрлаж, үнэнийг хэрэгжүүлж чаддаг хүмүүс энэ нь зөв гэдгийг хүлээн зөвшөөрнө. Тэд бодит амьдрал дээр хүмүүс, үйл явдал, эд зүйлстэй тулгарах үедээ эдгээр үнэнийг хэрэгжүүлнэ. Тэд үнэнийг хэрэгжүүлж, энэ нь өөрсдийнх нь бодит байдал, амийнх нь нэг хэсэг болно. Энэ нь тэдний биеэ авч явах, аливааг хийх хэм хэмжээ, зарчим болно; тэдний амьдран харуулдаг, илэрхийлдэг зүйл болно. Үнэнийг хайрладаггүй хүмүүс ч бас номлол сонсоод зөв гэдгийг нь хүлээн зөвшөөрөх бөгөөд өөрсдийгөө бүгдийг нь ойлгосон гэж бодно. Тэд уг номлолыг зүрх сэтгэлдээ тэмдэглэж авдаг ч ямар нэг зүйлийг хийхдээ бодолцож үздэг зарчим, хэм хэмжээ нь юу вэ? Тэд аливааг үргэлж өөрийнхөө ашиг сонирхлын дагуу бодолцон үздэг; тэд үнэнийг ашиглан аливааг бодолцон үздэггүй. Үнэнийг хэрэгжүүлэх нь өөрсдийг нь хохироох вий гэж айж, бусдад шүүмжлүүлж, дорд үзэгдэж—нэр нүүрээ алдахаас айдаг. Тэд энэ, тэрийг бодолцон үзээд, эцэст нь ‘Би зүгээр л байр суурь, нэр хүнд, ашиг сонирхлоо хамгаалъя, энэ нь гол зүйл. Эдгээрийг хангагдах үед би сэтгэл хангалуун байна. Эдгээр зүйл хангагдаагүй бол би үнэнийг хэрэгжүүлэхдээ баярлахгүй, надад таатай ч санагдахгүй’ гэж боддог. Энэ нь үнэнийг хайрладаг хүн мөн үү? Яавч биш” (Үг. III Боть: Эцсийн өдрүүдийн Христийн яриа. Үүргээ зохистой биелүүлэхэд эв найртай хамтын ажиллагаа шаардлагатай). Үүргээ хангалттай гүйцэтгэхэд хүний хэв чанар, билиг авьяас, нас чухал биш, харин үнэнийг хайрлаж, хэрэгжүүлдэг эсэх нь гол түлхүүр гэдгийг би Бурханы үгээс олж мэдсэн юм. Тэд үнэнийг хайрлаж, хэрэгжүүлдэггүй атлаа үг хэлж, үйлдэхдээ нэр нүүр, байр сууриа л бодож, чуулганы ажлыг сахидаггүй бол хэв чанар, билиг авьяас нь хэчнээн дээгүүр байлаа ч үүргээ сайн гүйцэтгэхэд хэцүү байна. Харин би хэв чанар сайтай, уян хатан сэтгэлгээтэй хүн үүргээ сайн гүйцэтгэдэг, насаар ах, хэв чанараар дулимаг хүмүүс хэчнээн шаргуу ажилласан ч амжилт олохгүй гэж боддог байв. Би үнэнийг ойлгодоггүй, харин байнга өөрийн үзлээр хүмүүс, юмсыг хардаг байжээ. Үнэхээр мунхаг, мэдлэггүй байж! Бурхан хүмүүст өөр өөр хэв чанар, билиг авьяас хайрлаад, биднээс өөр өөр зүйл шаарддаг. Чуулган биднийг хамт ажиллахаар зохицуулдаг тул хүн бүр тус тусын давуу талаа гаргаж, нэгнийхээ сул талыг нөхсөнөөр үүргээ хамтдаа сайн гүйцэтгэж чаддаг. Хэв чанар сайтай хоёр хамтрагчтай байснаар манай ажлын бүтээмж нэмэгдэж, асуудлыг илүү шуурхай шийдвэрлэж, ажил маань саатахгүй байх байсан. Би эгогоо орхиж, бусдын давуу талаас суралцсан бол илүү хурдан ахих байсан бус уу? Би хамтрагчид шигээ хэв чанартай байгаагүй ч ажлаа хийж чадахааргүй тийм дутуу дулимаг байгаагүй. Би зөв хандлагатай байж, үүрэгтээ бүх хичээл чармайлтаа зориулж, нухацтай авч үзэхэд бэлэн байсан бол асуудлыг илүү тодорхой харж, илүү хурдан шийдвэрлэж чадах байлаа. Би нэр хүнд, байр суурийнхаа хувийн ашиг, алдагдлыг бодохоо болих ёстой байв. Дараа нь би Бурханы шаардлагыг хэрэгжүүлэх дээр ажиллаж, хамтрагчидтайгаа өрсөлдөхөө больж, үүрэгтээ зүрх сэтгэлээ зориулсан юм. Цаг хугацаа өнгөрөхийн хэрээр миний байдал аажмаар өөрчлөгдөж, ажил маань ч сайжирсан.

Төд удалгүй өнөөх асуудал гарч ирж, намайг гайхшируулав. Бурханы эцсийн өдрүүдийн ажлыг дөнгөж хүлээн авсан хэдэн шинэ итгэгч манай чуулганд шилжин ирж, тэднийг услах ажлыг Жижянь ах бид хоёр хариуцав. Жижянь ах усалгааны ажлыг хийгээд их удаагүй хэр нь тэдний асуудлыг шийдвэрлэхэд яг тохирсон Бурханы үгийг олж чаддаг, нөхөрлөл нь үнэхээр тодорхой байдаг байв. Би тэдний зарим асуудлыг шийдвэрлэж чаддаг ч түүн шиг тодорхой ярилцаж чаддаггүй, шинэ хүмүүст Жижянь ахын нөхөрлөл минийхээс илүү таалагддаг байлаа. Би үнэхээр их атаархсан. Жижянь ах ийм бага хугацаанд ажиллачхаад маш хурдан ахисан байтал би тэр түвшинд хүрэх гэж энэ олон жилийг зарцуулсан болохоор түүнээс үнэхээр дор байгаа санагдсан. Хүмүүс ойлгохгүй асуудлаа шийдүүлэхээр Жижянь ах дээр очиж байгааг хараад би бүр ч их атаархав. Хэв чанар сайтай байх нь яалт ч үгүй өөр юм. Бусдаар бишрүүлээд зогсохгүй үүрэгтээ бага хүчин чармайлт гаргаж, илүү үр дүнд хүрдэг гэсэн үг. Жижянь ах шиг хэв чанартай байсан бол би ч бас бүх хүнээр бишрүүлэх байсан байх. Гэхдээ би аль хэдийн 50 гарчихсан, хэв чанар маруухан. Хэчнээн шаргуу ажилласан ч энэ түвшиндээ гацна. Нэг л мэдэхэд би үүргээ гүйцэтгэх урам зориггүй болж, шинэ итгэгч асуулт асуух бүрд Жижянь ахаар хариулт өгүүлж, өөрөө хэдхэн энгийн юм нэмж хэлдэг байлаа. Би үүрэгтээ улам идэвхгүй болж, Бурханаас улам холдож, залбирах үедээ юу хэлэхээ мэдэхгүй, зарим шөнө бүр залбирч байхдаа унтчихдаг болж, аюултай байдалд байгаагаа ухаараад, эрж хайж, бодож тунгааж байсан юм. Хэв чанараар дулимаг гэдгээ хараад би үүргээ гүйцэтгэхдээ сөрөг, идэвхгүй болсон. Үүний цаана ямар завхарсан зан чанар байна вэ?

Сүүлд нь би Бурханы үгээс илүү ихийг уншсан. “Хэн ч өөрийгөө төгс, эрхэм хүндэт, эрхэмсэг юм уу бусдаас онцгой гэж бүү бодог; энэ бүхэн бүгдээрээ хүний биеэ тоосон, мэдлэггүй зан чанараас үүдэлтэй. Өөрийгөө үргэлж бусдаас өөр гэж бодох нь биеэ тоосон зан чанараас үүдэлтэй; дутагдлаа хэзээ ч хүлээн зөвшөөрч чадахгүй, алдаа, бүтэлгүйтэлтэйгээ нүүр тулж огт чадахгүй байх нь биеэ тоосон зан чанараас болдог; бусдыг өөрөөсөө дээгүүр юм уу өөрөөсөө илүү гэдэгтэй эвлэрч огт чадахгүй байх нь биеэ тоосон зан чанараас үүдэлтэй; бусдыг өөрөөсөө давуу, хүчтэй гэдгийг хэзээ ч зөвшөөрөхгүй байх нь биеэ тоосон зан чанараас үүдэлтэй; бусдын бодол, санал, үзэл бодол өөрийнхөөс чинь дээр гэдгийг хэзээ ч хүлээн зөвшөөрч чадахгүй, өөрийнхөөс чинь дээр байх үед сөрөг болж, ярихыг хүсэлгүй, гонсойж, сэтгэлээр унаж, бухимдаж байгаа бол энэ нь биеэ тоосон зан чанараас үүдэлтэй юм” (Үг. III Боть: Эцсийн өдрүүдийн Христийн яриа. Биеэ авч явахдаа хүний баримталбал зохих зарчим). Бурханы үг яг миний байдлыг илчилсэн юм. Би хэв чанараа хамтрагчдынхтайгаа харьцуулж, эн тэнцэхгүй байх үедээ сөрөг болж, ухарч няцаж, биеэ тоосон зан чанарт захирагдаж байжээ. Биеэ тоосон зангаасаа болж би сул тал, дутагдалтайгаа зохих ёсоор нүүр тулж чадахгүй, тэр тусмаа бусад хүн надаас илүү сайн юм уу илүү чадварлаг бол хүлээн зөвшөөрч чаддаггүй байлаа. Хамтрагчид маань бүх талаар надаас илүү чадалтай, бүлэгт гол үүрэгтэй байж, хүн бүрийн бишрэл, сайшаалыг хүртэхийг хараад би тавгүйтэж, тэнцвэрээ алдаж, тэр бодит байдлыг хүлээн авч чадаагүй. Хэв чанар минь бусдынхаас дор байгааг хүлээн зөвшөөрсөн хэдий ч зүрх сэтгэлдээ эвлэрэхгүй, тэдэнтэй нууцаар өрсөлдөж, тэдэнтэй тэмцэлдэж, өөрийгөө харьцуулахаар шийдэж, тэднийг давж чадахгүй болохоороо үүрэгтээ сөрөг, эрч хүчгүй болдог байв. Энэ миний биеэ тоосон зан чанар биш гэж үү? Би үнэхээр биеэ тоосон, мэдлэггүй байжээ!

Би антихристүүдийн зан чанарыг илчилсэн Бурханы үгийн нэг хэсгийг бас бодлоо. Бурхан ингэж хэлсэн байдаг: “Антихристийн хувьд байр суурь, нэр хүнд бол тэдний амь, насан туршийн зорилго нь байдаг. Тэд хийж байгаа бүхэндээ хамгийн түрүүнд ‘Миний байр суурь яах бол? Бас миний нэр хүнд яах бол? Үүнийг хийгээд надад нэр хүнд ирэх болов уу? Хүмүүсийн сэтгэлд эзлэх байр суурийг минь өргөх болов уу?’ гэж боддог. Тэдний хамгийн түрүүнд боддог зүйл нь тэр бөгөөд антихристийн зан чанар, мөн чанартай гэдгийг нь хангалттай баталдаг; эс бөгөөс тэд эдгээр асуудлыг бодолцож үзэхгүй байх байсан. Антихристийн хувьд байр суурь, нэр хүнд бол зүгээр нэг нэмэлт шаардлага биш, тэргүйгээр байж чадахаар хамаагүй зүйл бүр ч биш гэж хэлж болно. Тэдгээр нь антихристүүдийн уг чанарын нэг хэсэг, яс цусанд нь байдаг, төрөлхийн зүйл юм. Антихристүүд байр суурь, нэр хүндтэй болох эсэх талаар хайхардаггүй биш; тэдний хандлага ийм биш. Тэгвэл тэдний хандлага ямар байдаг вэ? Байр суурь, нэр хүнд тэдний өдөр тутмын амьдрал, өдөр тутмын байдал, өдөр тутамдаа эрмэлзэж байдаг зүйлтэй нь нягт холбоотой байдаг. Тиймээс антихристүүдийн хувьд байр суурь, нэр хүнд бол тэдний амь юм. Тэд яаж ч амьдарч, ямар ч орчинд амьдарч, ямар ч ажил хийж, юуг ч эрэлхийлж, ямар ч зорилготой байсан, амьдралын чиглэл нь ямар ч байсан, энэ бүгд сайн нэр төртэй, дээгүүр байр суурьтай байхад төвлөрдөг. Тэгээд энэ зорилго өөрчлөгддөггүй; тэд ийм зүйлсийг хэзээ ч хойш тавьж чадахгүй. Энэ бол антихристүүдийн жинхэнэ нүүр царай, тэдний мөн чанар билээ. Тэднийг ууланд балар харанхуй ойн гүнд тавьсан ч гэсэн байр суурь, нэр хүндийн араас хөөцөлдөхөө болихгүй. Тэднийг ямар ч бүлэг хүмүүсийн дунд тавьсан бай, байр суурь, нэр хүндээс өөрийг бодохгүй. Антихристүүд бас Бурханд итгэдэг хэдий ч байр суурь, нэр хүнд эрэлхийлэхийг Бурханд итгэх итгэлтэй адилтгаж, ижил хэмжээнд авч үздэг. Өөрөөр хэлбэл, Бурханд итгэх итгэлийн замаар алхахдаа тэд бас өөрийн гэсэн байр суурь, нэр хүндийг эрэлхийлдэг. Ингэж хэлж болно, Антихристүүд зүрх сэтгэлдээ, Бурханд итгэх итгэл болон үнэний эрэл хайгуул нь байр суурь, нэр хүндийг эрэлхийлэх явдал; байр суурь, нэр хүндийг эрэлхийлэх нь бас үнэнийг эрэлхийлэх явдал бөгөөд байр суурь, нэр хүндийг олж авах нь үнэн болон амийг олж авах явдал юм гэж боддог. Ямар ч нэр хүнд, байр суурьгүй, хэн ч өөрийг нь биширч, хүндэтгэж, дагадаггүй гэж санагдвал тэд маш их бухимдаж, Бурханд итгэх утгагүй, ямар ч үнэ цэнгүй гэж боддог бөгөөд ‘Бурханд ингэж итгэх нь бүтэлгүйтэл үү? Ямар ч найдваргүй юу?’ гэж дотроо боддог. Тэд зүрх сэтгэлдээ ихэвчлэн иймэрхүү зүйл бодож, Бурханы гэрт яаж өөрсдөдөө зай гаргаж болох, чуулганд яаж сүрхий нэр төртэй болох талаар тунгаан боддог, ингэснээр хүмүүс өөрсдийг нь ярихад сонсдог, юм хийхэд нь дэмждэг, хаа явсан газарт нь дагадаг болж, өөрсдөө чуулганд дуу хоолой, нэр төртэй болж, үр ашиг эдэлж, байр суурьтай болно. Тэд ихэвчлэн ийм зүйл боддог. Эдгээр нь тийм хүмүүсийн эрэлхийлдэг зүйл юм” (Үг. IV Боть: Антихристүүдийг илчлэх нь. (III хэсэг)). Антихристийн зан чанарыг илчилсэн Бурханы үг үнэхээр зүрх шимширмээр, хэцүү байлаа. Тэд нэр хүнд, байр суурийн араас хөөцөлддөг нь зүгээр нэг түр зуурын зүйл биш, харин яс маханд нь байдаг, бүх амьдралынх нь зорилго юм. Тэдний хувьд байр суурь юм бүхнээс дээгүүр, тэр ч бүү хэл амь шиг нь чухал байдаг. Антихристүүд үргэлж олны дунд байр эзлэхийг хүсдэг, бусдаас дор байхыг хүсдэггүй. Үүргээ урам зоригтой гүйцэтгэхэд нь бусдын хүндэтгэл, бишрэл тэдэнд хэрэгтэй. Тэгэхгүй бол сөрөг, хойрго болж, тэр ч бүү хэл Бурханд итгэх ямар ч сонирхолгүй болдог. Миний зан авир антихристийн зан авираас ямар ялгаатай байсан юм бэ? Бусад хүмүүс намайг хүндэлж, үнэлэхэд би урам зоригтой болж байсан ч хамтрагчид маань бүх талаар надаас давж, надаас илүү гарч, байр суурийн төлөөх хүсэл минь биелэхгүй байх үед үүргээ гүйцэтгэхдээ ачаа мэдрэхээ больсон. Одоо усалгааны ажил маш чухал байгаа, шинээр ирсэн маш олон хүнд усалгаа яаралтай хэрэгтэй байгаа. Би үнэн замд суурийг нь аль болох хурдан тавихын тулд үнэнд суралцаж, Бурханы ажлыг ойлгоход нь тэдэнд туслах ёстой байсан. Гэтэл би зүрх сэтгэлээ зориулаагүй. Миний зүрх сэтгэлд өөрийн минь нэр хүнд, байр суурь л байсан бөгөөд би бүх зүйлийг Жижянь ахад даатгаж, үүргээ зохих ёсоор гүйцэтгээгүй. Надад хүн чанар огт байсангүй! Үүргээ сайн гүйцэтгээгүй гээд өөрийгөө буруутгаж, гэмшээгүй. Нэр төр, байр сууриа алдах нь надад амиа алдаж байгаатай адил шаналгаатай байсан. Би ашиг алдагдлаа тооцоолж, тийм шалтгаанаар сөрөг, сул дорой болдог байлаа. Хамтрагчид шигээ илүү сайн хэв чанартай болж, надаас хүн бүр ойлгохгүй зүйлээ асууж, надтай ярилцах гэж намайг зорьж ирэн, бүлэгт гол үүрэгтэй байхыг би дандаа хүсдэг байлаа. Энэ л миний байнга араас нь хөөцөлдөж, олж авахыг хүсдэг зүйл байв. Хүмүүс намайг хүндэтгэж, бишрэхэд би анхаарлаа төвлөрүүлж байсан. Ийм төрлийн эрэл хайгуул, үзэл бодол нь антихристийнхтэй адилхан байсан биш үү? Би буруу замаар явж, Ариун Сүнсний удирдамжийг алдсан учраас хийж гүйцэлдүүлэх ёстой байсан үүргээ гүйцэлдүүлээгүй. Тиймээс би өндөр байр суурьтай болж, хүн бүрээр бишрүүллээ ч гэсэн эцэст нь Бурхан намайг таягдан хаях бус уу? Үүнийг ойлгоод би бага зэрэг айж, байр суурийг эрэлхийлснээр Бурханыг эсэргүүцэх замаар явж байж гэдгээ харсан! Би буруу эрэл хайгуулаа өөрчилж, бусадтай өрсөлдөхөө больж, гүйцэтгэх ёстой үүргээ гүйцэтгэхийг хүслээ.

Үүний дараа би хэрэгжүүлэлтийн замыг эрж хайсан юм. Тэгээд Бурханы эдгээр үгийг бодлоо. “Хүн үүргээ сайн биелүүлэхийн тулд юу хийх ёстой вэ? Хүн үүргээ бүх зүрх сэтгэл, бүх эрч хүчээрээ биелүүлдэг байх ёстой. Бүх зүрх сэтгэл, эрч хүчээ ашиглах гэдэг нь үүргээ биелүүлэхэд бүх бодлоо дайчлан, бусад зүйлд автахгүй байх, дараа нь өөрт байгаа эрч хүчээ ашиглаж, бүх хүч чадлаа шавхан, өөрийн хэв чанар, авьяас билэг, давуу тал, ойлгосон зүйлийг ажилдаа зориулна гэсэн үг юм. Чи аливааг ойлгодог, хүлээн авдаг бөгөөд чамд сайхан санаа байгаа бол энэ талаар бусадтай ярилцах ёстой. Эв зохицолтой хамтран ажиллах гэдэг нь энэ юм. Ингэж чи үүргээ сайн биелүүлнэ, үүргийн гүйцэтгэл чинь хангалттай байна. Хэрвээ чи үргэлж бүхнийг өөрөө авч, агуу зүйлсийг ганцаараа хийж, анхаарлыг бусад дээр биш өөр дээрээ байлгахыг хүсдэг бол үүргээ биелүүлж байгаа хэрэг мөн үү? Чиний хийж байгаа зүйлийг дарангуйлал гэж нэрлэдэг юм; энэ нь жүжиглэж буй хэрэг. Энэ нь үүргийн гүйцэтгэл биш, сатанлаг зан авир. Хүн ямар ч давуу тал, авьяас билэг, онцгой чадвартай байсан, бүх ажлыг ганцаараа хариуцаж чадахгүй; тэд чуулганы ажлыг сайн хийе гэвэл эв найртай хамтран ажиллаж сурах ёстой. Тийм учраас, эв найртай хамтын ажиллагаа нь үүргээ гүйцэтгэх хэрэгжүүлэлтийн зарчим юм. Чи бүх зүрх сэтгэл, бүх эрч хүч, хамаг үнэнч байдлаа ашиглаж, хийж чадах бүхнээ өргөн барьж байгаа цагт үүргээ сайн гүйцэтгэж байна” (Үг. III Боть: Эцсийн өдрүүдийн Христийн яриа. Үүргээ зохистой биелүүлэхэд эв найртай хамтын ажиллагаа шаардлагатай). Бурханы үг надад хэрэгжүүлэлтийн замыг өгсөн. Хэв чанар минь хамаагүй байжээ. Үнэнч шударга зүрх сэтгэлтэй, бусадтай эв найртай ажиллаж, хамаг чадлаараа ажиллаж, хийх ёстой бүх зүйлээ сайн хийж, заль мэх гаргахгүй бол энэ нь Бурханы хүсэлтэй нийцнэ. Үнэндээ Бурхан бид гуравт өөр өөр хэв чанар, давуу тал өгсөн учир бид нэг нэгнээ нөхөж чадах байсан. Хоёр хамтрагч маань хэв чанар сайтай, ажилдаа үр бүтээлтэй, асуудлын гол хэсгийг хардаг нь миний дутууг нөхдөг байжээ. Миний хэв чанар жаахан дутуу дулимаг ч тэднээс насаар ах учир юмыг арай илүү няхуур, цогц байдлаар авч үзэж чадах байсан. Бид тус бүрдээ давуу талтай, хамтдаа ажиллаж чадвал ажилд маань тустай байх байлаа. Гэтэл үнэнийг эрж хайхын оронд хамтрагчдынхаа давуу талыг өөрийнхтэйгөө харьцуулж байсан нь би сөрөг, идэвхгүй байж, үүргээ гүйцэтгэж чадаагүй гэсэн үг байв. Энэ талаар одоо бодоход би үнэхээр дэндүү тэнэг байжээ. Үүнийг ойлгосон болохоор дараа нь үүргээ гүйцэтгэхдээ би илүү идэвх санаачилгатай байж, ямар ч асуудал, бэрхшээлтэй тулгарсан, хамтрагчидтайгаа ярилцдаг болсон. Хэв чанар, эсвэл насанд баригдахгүй болох үед үүргээ гүйцэтгэхэд хавьгүй илүү амар санагдсан. Хүн бүрийн давуу талыг харуулан хамтран ажиллах үедээ бид хоорондоо эвтэй ажиллаж чадна. Тэгээд бүгд хамтдаа эв найртай ажиллаж, усалгааны ажил илүү амжилттай байдаг.

Энэ эгчийн туршлагыг уншаад миний сэтгэл үнэхээр хөдөлж, энэ нь надад Бурхан ы хэлсэн зүйлийг сануулсан юм: “Та нар олуулаа эсвэл цөөхүүлээ үүргээ хамт гүйцэтгэж байсан ч, нөхцөл байдал ямар ч байсан, хэзээ ч байсан хамаагүй, нэгэн сэтгэл, нэгэн зүрхтэй байх гэсэн энэ нэг зүйлийг бүү март. Ийм байдалтай амьдарвал чи Ариун Сүнсний ажилтай болж болзошгүй” (Үг. III Боть: Эцсийн өдрүүдийн Христийн яриа. Гуравдугаар хэсэг). Нэр хүнд, байр суурийг орхиж, бусадтай эвтэй ажиллах үедээ бид Ариун Сүнсний удирдамжийг олж авч, үүрэгтээ сайн үр дүн гаргана.