Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

“Шүүлт”-ийн нууцыг илчлэх нь

2

Эн Хуй, Малайз улс

Намайг Эн Хуй гэдэг, 46 настай. Би Малайзад амьдардаг, Эзэнд итгээд 27 жил болж байна. 2015 оны 10 дугаар сард би ажилд орохоор өөр хот руу нүүсэн юм. Шинэ хамт олон маань бүгд чаатлах, шинэ найз олох, зураг нийтлэхдээ Фэйсбүүк ашигладаг, Фэйсбүүкийн томоохон хорхойтнууд байлаа. Намайг Фэйсбүүк дээр бүртгэлгүй гэдгийг мэдээд тэд надад бүртгэл нээн тохируулж өгсөн бөгөөд хэрхэн онлайнд нэвтэрч, ашиглахыг би аажмаар сурсан юм. Эзэн доторх зарим нэг ах, эгчийнхээ нийтэлсэн зүйлийг заримдаа хараад тэдгээрийг бусадтай хуваалцаж, “таалагдлаа” гэж дардаг байв. Заримдаа би Эзэнийг магтсан зүйл нийтэлж, эсвэл зарим нэг сайн найзтайгаа Эзэний нигүүлслийг хуваалцдаг байлаа. Амьдралдаа өдөр бүр сэтгэл хангалуун байгаа мэт надад санагддаг байсан юм.

2016 оны 2 дугаар сарын тэр нэг өдөр, нэг сайн найзынхаа Фэйсбүүк хуудсыг үзэж байгаад энэ нийтлэлийг харсан юм: “Бид өнөөдөр бүлэг дээрээ шүүлтийн тухай асуудлыг хэлэлцлээ. Бид бүгд өөр өөр зүйл хэлсэн боловч ерөнхийдөө ямар утга учиртай гэдэг дээр санал нийлсэн. Нэг хүн: ‘Би хуучны учир утгагүй зүйлийг ойлгодоггүйн дээр, эдгээрийг хэлж зүрхэлдэггүй. Учир нь энэ бол ирээдүйд Бурханы хийх зүйл бөгөөд бид элдвээр оролдож, сохроор тааж болохгүй’ гэж хэлсэн. Өөр нэг хүн: ‘Дуулал 75:2-т Товлосон цаг ирэхэд Би шулуун шударгаар шүүх болно’ гэдэг. Хүн нэг бүрийн хийдэг бүх зүйлийг Бурхан тэмдэглэж байгаа тул Эзэн Есүс бүх хүнийг шүүхээр эргэж ирэх үедээ яг л кино тоглуулж байгаа мэт бидний үйл хэргийг бүгдэд илчлэх болно. Тиймээс бид тамд унагах Бурханы шүүлтээс зайлсхийхийн тулд байнга зөв шударга байх ёстой ба мууг үйлдэж огт болохгүй” гэж хэлсэн. Бас нэг хүн: “Библид ийн өгүүлсэн байдаг: ‘Агуу цагаан сэнтий болон дээр нь заларсан Нэгнийг би харлаа, Түүний дүр төрхөөс тэнгэр, газар зугтсан ба тэдний хувьд байх газар олдсонгүй. Их, бага үхсэн хүмүүс Бурханы өмнө зогсож байгааг би харлаа; номнууд дэлгээстэй байв: өөр нэг ном дэлгээстэй байсан нь амийн ном байлаа: үхэгсэд өөрсдийнхөө үйлсийн дагуу уг номонд бичигдсэн зүйлсээр шүүгдэв’” (Илчлэл20:11-12). Эцсийн өдрүүдэд Эзэн эргэж ирэх үедээ аварга том ширээг тэнгэрт байрлуулаад ард нь сууна гэдгийг энэхүү бичвэрээс бид харж байна. Тэгээд Тэрээр хуйлмал бичгийг ширээн дээр дэлгэж, бүх хүн төрөлхтөн газарт сөгдөн суух бөгөөд хүн болгоны нэрийг дуудаж хийсэн үйл хэргийнх нь дагуу тэднийг нэг бүрчлэн шүүх болно. Эзэн сайн хүмүүсийг тэнгэрийн хаанчлалд аваачна, харин муу хүмүүсийг там руу хаяна’ гэж хэлсэн.”

Тэр нийтлэлийг уншиж дуусаад сандал дээрээ суух үед хүмүүсийг шүүж буй Эзэн Есүсийн бүдэг бадаг дүр зураг санаанд бүрэлдэн бий болов: Эзэн, сэнтийд сууж, хүмүүс ширээний өмнө өвдөг сөгдөх бөгөөд Бурханд шүүгдэхийн тулд бүх нүглээ улайж, Эзэн хүн бүрийг үйл хэргийнх нь дагуу тэнгэр лүү юм уу там руу илгээнэ. 20 гаруй жилийн турш Эзэний үнэнч дагагч байснаа, мөн Түүний зааварчилгааг биелүүлэхээр хичээнгүйлэн зүтгэснээ би бодож үзэв. Эзэн миний сүсэг бишрэлийг хараад тэнгэрт аваачна гэж би итгэж байлаа… Гэтэл энэ бүхнийг бодох зуур надад гэнэт нэг санаа төрлөө: Одоо би Интернет ашиглаж мэддэг болсон юм чинь, “шүүлт” гэж хайгаад юу гарч ирэхийг нь харж яагаад болохгүй гэж? Би хөтчөө нээгээд үг бичсэн ба аль холбоос дээр дарснаа санахгүй байгаа ч гайхалтай нь дараах өгүүлбэр гарч ирсэн юм: “Бурханы гэсгээлт, шүүлт нь хүний авралын гэрэл. ” Энэ өгүүлбэр тэр дороо миний анхаарлыг татсан тул цааш нь уншихаар вэб сайт руу нь оров. Вэб сайт ачаалах зуур тааламжтай агаад бодолд автуулам энэхүү магтан дууг би сонслоо, “Амьдралдаа хэрвээ хүн ариусгагдаж, зан чанартаа өөрчлөлт гаргаж, утга учиртай амьдралыг амьдран харуулж, бүтээлийн үүргээ биелүүлэхийг хүсвэл Бурханы гэсгээлт, шүүлтийг хүлээн зөвшөөрөх ёстой ба Бурханы сахилгажуулалт, Бурханы цохилтыг өөрөөс нь хол байлгах ёсгүй, тэгвэл чи Сатаны жолоодлого болон эзэмшлээс өөрийгөө чөлөөлж, Бурханы гэрэлд амьдарч чадна. Бурханы гэсгээлт, шүүлт нь гэрэл, хүний авралын гэрэл бөгөөд хүний хувьд хамгийн сайн ерөөл, хамгийн агуу нигүүлсэл, хамгийн сайн хамгаалалт гэдгийг мэдэж ав. Хүн Сатаны эзэмшил дор амьдардаг ба махан биед оршин байдаг; хэрвээ тэр ариусгагдахгүй мөн Бурханы хамгаалалтыг авахгүй бол бүр ч илүү доройтох болно. …”

Магтан дуу дуусахад би үгийг нь тунгаан бодсон ба миний сэтгэлийг үнэхээр хөдөлгөсөн билээ. “Бурханы гэсгээлт болон шүүлт бидний авралын гэрэл үнэхээр мөн гэж үү? Энэ нь хүн төрөлхтний хамгаас агуу хамгаалалт, нигүүлсэл мөн үү? Бид үүнийг хэрхэн ойлгох вэ? Хүмүүс ариусгагдаж, утга учиртай амьдралаар амьдрахын тулд Бурханы гэсгээлт, шүүлтийг хүлээн зөвшөөрөх ёстой гэсэн үг үү?” гэж би бодож эхэллээ. Магтан дууны үгийг тунгаан бодоход олон асуулт миний толгойд эргэлдэж байсан юм. “Хэрвээ Бурхан хүнийг шүүх байсан бол хүн яллагдахгүй гэж үү? Шүүлт яахаараа авралын гэрэл болдог билээ?” гэж би бас бодов. Ингэж илэрхийлсэн зүйл хэзээ ч сонсож байгаагүй учраас би сониучирхаж, бага зэрэг догдоллоо. Магтан дуунд өгүүлсэн шүүлт нь шүүлтийн тухай миний ойлголтоос өөр байсан ч шүүлт нь гүнзгий ач холбогдолтой бөгөөд хүний ирээдүй, хувь заяатай холбоотой мэт үл ялиг санагдсаар байсан юм. Магтан дууг хаанаас гаргасан болохыг шалгаад Төгс Хүчит Бурханы Чуулганаас гэдгийг олж мэдсэн тул Төгс Хүчит Бурханы Чуулганы вэб сайт руу оров. Вэб сайт нь шинэлэг, сэтгэл татам нүүр хуудастай байсан бөгөөд агуулга нь сонсох материал, унших материал, дуу, хэлэлцүүлэг гэх мэт өөр олон зүйлээр баялаг, олон янз байхыг олж мэдлээ. “Энэ вэб сайтын тухай надад яагаад хэн ч хэлээгүй байдаг билээ? Ийм сайн зүйл байхад хэн ч мэдээгүй болохоор надтай хуваалцаж чадаагүй юм уу?” гэж би дотроо бодлоо. Би “ном” гэсэн нэртэй холбоос дээр дараад, гарч ирсэн жагсаалтыг доош гүйлгэж байтал “Амийн оролтын туршлагын тухай гэрчлэлүүд” гэсэн ном байхыг олж харлаа. Түүн дээр дартал Бурханы шүүлтийн тухай асуудалтай холбоотой гэрчлэлүүд ихэвчлэн байхыг харав. Жишээ нь: “Бурханы шүүлт, гэсгээлт намайг аварсан”, “Бурханы шүүлт, гэсгээлт миний хувьд агуу аврал байсан”, “Бурханы шүүлт, гэсгээлтээс би хайрыг нь харсан”, “Бурханы шүүлт, гэсгээлт нүгэлт сүнсийг минь сэрээсэн”, “Бурханы шүүлт, гэсгээлт намайг зөв замд оруулсан.” Ажилдаа явах цаг нэлээд дөхчихсөн байсан тул би тэдгээр гэрчлэлийн зарим хэдийг нь товчхон харахаас өөр аргагүйд хүрэв. Завхарсан зан чанар нь хэрхэн өөрчлөгдсөнийг бүх зохиогч тайлбарласан байснаас гадна Бурханд итгэх итгэлийнхээ дутагдал, завхрал, буруу үзэл гэх мэтийн талаар, мөн эдгээр нь Төгс Хүчит Бурханы шүүлтийн үгийн хүчээр хэрхэн өөрчлөгдсөн талаар өгүүлсэн байлаа. Энэ нь “Бурханы гэсгээлт, шүүлт нь, хүний авралын гэрэл”-н талаарх миний сонирхлыг улам татав. Шүүлт нь яллагдахыг хэлээгүй байж болох уу? Хүн болгоны төгсгөлийг тодорхойлох тухай биш байж болох уу? “Бурханы гэсгээлт, шүүлт нь, хүний авралын гэрэл”-д өгүүлсэн зүйлийг уг үндсээр нь ойлгох учиртайгаа би мэдэж байсан тул догдолж эхлэв. “Амийн оролтын туршлагын тухай гэрчлэлүүд” нь Бурханд итгэхэд нь хүмүүс туслахад туйлын их хэрэгтэй ном байж болох юм, тиймээс үүнийг сайн судлах хэрэгтэй гэсэн дүгнэлтэд би хүрсэн юм. Гэвч цаг үлдээгүй тул би компьютерээ унтраагаад ажилдаа явлаа.

Тэр шөнөдөө би унтаж чадалгүй орон дотроо хөрвөөх зуур Төгс Хүчит Бурханы Чуулганы вэб сайтын зургууд миний толгойд орж ирсээр байв. Ялангуяа миний толгойноос “Бурханы гэсгээлт, шүүлт нь, хүний авралын гэрэл” гэх өгүүлбэр огт салахгүй байсан бөгөөд энэ өгүүлбэр дэх “шүүлт” гэдэг нь чухам юуг хэлснийг мэдэхийг би үнэхээр их хүсэж байлаа.

Маргааш нь би босонгуутаа Төгс Хүчит Бурханы Чуулганы вэб сайтыг нээгээд “шүүлт” гэсэн үг орсон бүхнийг хайж эхлэв. Би “Христ шүүлтийн ажлыг үнэнээр хийдэг” гэсэн гарчигтай нийтлэлийг олж харсан бөгөөд тэр дотроос эдгээр үгийг уншсан юм: “Өмнө нь хэлсэн үгэн дэх ‘шүүлт’ буюу шүүлт Бурханы гэрээс эхэлнэ гэдэг нь эцсийн өдрүүдэд Түүний сэнтийн өмнө ирдэг хүмүүс дээр Бурханы өнөөдөр хийх шүүлтийг хэлдэг. Магадгүй зарим хүмүүс, эцсийн өдөр ирэхэд Бурхан тэнгэрт том ширээ засаж, дээр нь том цагаан бүтээлэг дэвсээд, бүх хүмүүсийг газарт өвдөг сөгдүүлэн агуу сэнтийдээ суунгаа Тэрээр хүн бүрийн нүглийг илчилж, тэгснээрээ тэднийг тэнгэр рүү дээш гарах, эсвэл доор байгаа гал болон хүхэрт нуур луу илгээхийн аль нэгийг шийддэг гэсэн ер бусын төсөөллүүдэд итгэдэг байх. Хүний төсөөлөл ямар байхаас үл хамааран Бурханы ажлын мөн чанар өөрчлөгдөхгүй юм. Хүний төсөөлөл гэдэг бол хүний тархинаас гарч байгаа бодлоос бүтсэн зүйлээс өөрцгүй бөгөөд хүний харсан болон сонссон зүйлийг нийлүүлж, нэгтгэсэн зүйл юм. Иймд төсөөлсөн зүйл нь хэчнээн гоё байгаад зүгээр л зураг төдий байх ба Бурханы ажлын төлөвлөгөөг орлож чадахгүй гэж Би хэлдэг. Эцсийн эцэст бүх хүн Сатанаар завхруулагдсан учраас тэд яаж Бурханы бодлыг ойлгож чадах юм бэ? Хүн Бурханы шүүлтийн ажлыг нэн гайхамшигтай гэж боддог. Тэрээр шүүлтийн ажлыг Бурхан Өөрөө хийж байгаа учраас энэ нь маш агуу цар хүрээтэй, энгийн хүмүүст ойлгомжгүй байх учиртай гэж итгэдэг; үүний дуу чимээ тэнгэр газрыг доргиох ёстой; эс бөгөөс тэр нь яаж Бурханы шүүлтийн ажил байж чадах юм бэ? Энэ нь шүүлтийн ажил тул Бурхан нэн агуу сүрлэг байх ёстой ба шүүгдэж байгаа хүмүүс нь өвдөг дээрээ сөхрөн орилж уйлж, өршөөл хүсэж байх ёстой гэдэгт тэр итгэдэг. Тийм дүр зураг асар их сонирхол татам агаад гүнээ сэтгэл хөдлөм байх ёстой. … Хүн бүр Бурханы шүүлтийн ажлыг хосгүй гайхалтай гэж төсөөлдөг. Гэвч Бурхан хүмүүсийн дунд шүүлтийн ажлаа аль хэдийн эхэлсэн бөгөөд энэ хооронд чи амар тайван унтсаар л байгаа гэдгээ мэддэг үү? Бурханы шүүлтийн ажил албан ёсоор эхэлсэн гэж бодож байх үед чинь энэ нь Бурхан газар, тэнгэрийг аль хэдийн шинээр бүтээж байх цаг гэдгийг мэддэг үү? Магадгүй тэр үед чи амьдралын утга учрыг дөнгөж ойлгосон байх боловч Бурханы өршөөлгүй шийтгэлийн ажил бөх унтаж буй чамайг там руу аваачих болно. Тэгэхэд л чи Бурханы шүүлтийн ажил аль хэдийн дууссаныг гэнэт ухаарах болно.” Би энэ үгсийг уншаад үнэхээр гайхлаа. Эдгээр нь Бурханы эцсийн өдрүүдийн шүүлтийн ажлын тухай хүмүүсийн сэтгэлийн гүн дэх бодлууд, тэдний үзэл бодлыг маш нарийн нягт илчилдэг үг юм. Илэрхийлсэн санаа бодлууд нь жинхэнэ, бодитой мэт санагдсан. Миний баримталсаар ирсэн, тэнгэр дэх шүүлтийн тухай санаа зөвхөн миний төсөөлөл байсан юм гэж үү? Хүмүүс бүгд Бурханы шүүлтийг нууцлаг, ер бусын гэж төсөөлдөг болохыг энэ хэсэг харуулж байна. Түүнчлэн, шүүлтийн ажил аль эрт эхлээд удаж байгаа бөгөөд удахгүй дуусна гэдгийг энэ нь илтгэдэг. Мөн энэ нь Бурханы илрэлийг яаравчлан эрж хайхад хүмүүсийг уриалдаг. Эдгээр нь Бурханы үг байж болох юм гэж бодох үед миний сэтгэл дахиад л догдолсон бөгөөд Бурханы шүүлтийн утга учрыг тэр даруй ойлгох хүчтэй хүсэл надад төрсөн юм. Гэхдээ Төгс Хүчит Бурханы Чуулганы вэб сайт дээр хэтэрхий олон агуулга байсан тул тэрхэн мөчид хаанаас эхлэхээ би мэдэхгүй байлаа. Тиймээс Төгс Хүчит Бурханы Чуулганы гишүүдийг хайж олоод, аливаа зүйлийг ойлгоход минь тусалж чадах эсэхийг үзэхээр шийдэв.

Би Төгс Хүчит Бурханы Чуулганы вэб сайт дээрх чатын өрөөг ашиглаж “шүүлт”-ийн талаар илүү ихийг мэдэж авах сонирхолтой байгаагаа тэдэнд хэлж зурвас үлдээсэн юм. Нэг хүн надад тэр дор нь хариулсан бөгөөд Төгс Хүчит Бурханы Чуулганы хоёр эгчийг танилцуулсан нь, надтай харилцсан Лиу Хуй, Ли Мэй хоёр бай.в. Тэдэнтэй харилцах явцдаа, тэр хоёр эгч нээлтэй, шударга, шулуухан хүмүүс болохыг олж мэдсэн нь сэтгэлээ уудлан ярилцах хүслийг надад төрүүлсэн юм. “Төгс Хүчит Бурханы Чуулганы вэб сайт маш сайн юм гэж би үнэхээр боддог. Бүх төрлийн сүнслэг ном, магтан дуу, клип, сайн мэдээний кино, Бурханы үгийн уран уншлага гэх мэт зүйлс байдаг. Үнэхээр их агуулга байдаг ч Бурханы шүүлт гэдэг нь ямар утгатай болохыг би ердөө ойлгохгүй юм. Би ‘Христ шүүлтийн ажлыг үнэнээр хийдэг’ гэдгийг л уншсан, энэ нь Бурханы шүүлтийн ажил аль хэдийнээ эхэлсэн бөгөөд тэнгэр дэх шүүлтийн талаарх санаа бол хүний төсөөллийн үр дүн төдий гэсэн утгатай мэт санагдсан. Энэ нь шүүлтийн тухай миний ердийн ойлголтоос нэлээд өөр байна. Та нар энэ сэдвийн талаарх өөрийн мэдлэгийг надтай хуваалцаж болох уу?” гэж би тэдэнд хэлсэн юм.

Ли Хуй эгч: “Бурханыг магтъя! Хамтдаа эрж хайн, нөхөрлөе! Бурханы эцсийн өдрүүдийн шүүлтийн ажил тэнгэрт хийгдэнэ гэж итгэхдээ би чамтай адил боддог байсан. Гэтэл Төгс Хүчит Бурханы үгийг уншиж, ах, эгч нартай нөхөрлөсний дараа, энэ нь ердөө миний төсөөлөл байсныг би ухаарсан. Бурханы шүүлтийн ажил тэнгэрт, эсвэл газарт хийгдэх эсэхийг Библи дэх зарим зөгнөлд тодорхой өгүүлсэн байдаг. Жишээ нь, Илчлэл 14:6–7-д ингэж хэлдэг: ‘Тэнгэрийн дундуур өөр нэг тэнгэрэлч нисэж байгааг би харлаа. Газар дээр оршин суугчид, бүх үндэстэн, овог, хэлтэн, ард түмэнд тунхаглах сайн мэдээ түүнд байгаа ба тэр чанга дуугаар, “Бурханаас эмээж, Түүнд алдрыг өргө; учир нь Түүний шүүлтийн цаг ирлээ: тэнгэр, газар, тэнгис ба усны ундаргыг бүтээсэн Түүнийг шүтэн мөргө гэв.’ Дуулал 96:13-д ингэж хэлдэг: ‘Учир нь Тэр ирж байна, учир нь Тэрээр газар дэлхийг шүүхээр ирж байна. Тэрээр ертөнцийг зөв шударгаар, хүмүүсийг үнэнээрээ шүүнэ.’ Иохан 9:39-д ингэж хэлдэг: “Шүүлтийн төлөө Би энэ дэлхийд ирсэн тул хардаггүй хүмүүс харж магад юм.” Эдгээр библийн эшлэлд “газар дээр оршин суугчдад номлох мөнхийн сайн мэдээтэй байх”, “учир нь Тэр газар дэлхийг шүүхийн тулд ирдэг” болон “Шүүлтийн төлөө Би энэ дэлхийд ирсэн” гэж дурддаг. Эндээс, эцсийн өдрүүдэд Бурхан хүний ертөнцөд биеэр ирэх ёстой ба Тэрээр шүүлтийн ажил хийж, бүх хүнийг, бүх үндэстнийг шүүхээр ирэх болно гэдгийг бид харж болно. Дээр нь нэмээд, Бурхан хүн төрөлхтнийг бүтээхээсээ өмнө дэлхий дээрх бүхнийг бүтээсэн тул бидэнд зориулсан, амьдрах тухтай орчин бэлэн болчихсон байсныг Библийг уншсаны хувьд бид мэднэ. Бурхан дараа нь хүн төрөлхтнийг бүтээж, тэнгэрт биш, газар дэлхий дээр амьдруулахаар зохицуулсан. Тэгвэл бид яаж тэнгэрт очих боломжтой байх юм бэ? Завхарсан хүн төрөлхтөн энэ газар дээрх Бурханы шүүлтийг хүлээн зөвшөөрөхөөс өөр сонголтгүй. Патм арал дээр байхдаа Иохан агуу цагаан сэнтий тэнгэрт байхыг харсан гэж Илчлэлийн номд тэмдэглэсэн байдаг. Үнэндээ энэ нь ердөө л Иоханы үзэгдэл байсан ч зарим хүн үүнийг эцсийн өдрүүдийн үеэр Бурхан эргэж ирэхдээ хүмүүсийг тэнгэрт шүүнэ гэсэн үг гэж шууд утгаар нь тайлбарласан байдаг. Энэ бол зөгнөлийн талаарх хүний ердийн үзэл, төсөөлөл, буруу тайлбар бөгөөд Бурханы ажлын бодит байдал биш юм.”

Би үүнийг сонсоод мэл гайхлаа: Эгч нарын надтай хуваалцсан библийн бүх эшлэлийг би уншсан мөртөө эдгээр үгийн жинхэнэ утгыг яагаад хэзээ ч анзаараагүй байдаг билээ? Тийм ээ! Газар дэлхий дээр амьдраг гэж Бурхан хүн төрөлхтнийг бүтээсэн байтал бид яаж тэнгэрт очих боломжтой байх билээ? Миний итгэл үнэхээр тодорхой бус, мэдлэггүй байдлаар дүүрэн байв!

Ли Мэй эгч дараа нь надтай үүнийг нөхөрлөлөө: “Эцсийн өдрүүдэд Бурхан газар дээрх шүүлтийн ажлыг хийхийн тулд бие махбодтой болоод зогсохгүй, Түүний ажил аль хэдийнээ эхлээд удаж байгаа бөгөөд удахгүй дуусна. Бурханы шүүлтийн ажлыг хүмүүсийн төсөөлдөг шиг тэнгэрт хийдэггүй, мөн тэдний итгэдэг шиг хүмүүсийг яллах явдал ч биш юм. Үнэн хэрэгтээ, Бурханы шүүлтийн ажил дуусахаас өмнө, Бурханы сэнтийн өмнө очдог хүн бүхэн бол Бурханы үгээр шүүгдэж, шалгуулж, цэвэрлэгддэг хүмүүс билээ. Бурханы шүүлтийг хүлээн зөвшөөрч, ариусгагддаг бүх хүнийг Бурхан хаанчлал руу аваачих болно. Харин Бурханы үгийн шүүлтээс татгалздаг хүмүүсийн хувьд нүгэлт уг чанар нь Бурханы шүүлтээр цэвэрлэгдэхгүй тул тэд нүгэл дунд амьдарч, нүгэл үйлдсээр байх болно, тэд худал ярьж, хүмүүсийг хуурч, Бурханы эсрэг тэрсэлж, Бурханыг эсэргүүцнэ. Нүглийнхээ улмаас тэд тамд устах ба энэ нь Бурханы зөвт зан чанарын жинхэнэ илрэл юм. Энэ он жилүүдэд Эзэнд итгэж ирсэн бид итгэлийнхээ төлөө нүглээсээ золин авруулсан боловч нүгэлт уг чанарын маань асуудал шийдвэрлэгдээгүй гэдгийг гүнээ ухаарсан юм. Бид Эзэнийг дагадаг ч нөгөөтээгүүр Эзэний зааварчилгааг байнга зөрчдөг, харин ч бүр махан биеийн хүслээ дур зоргоор нь тавьж, худал хэлэх, хүмүүсийг хуурах, далдуур муулах, алдар нэр, эд хөрөнгийг олохын тулд бүхнээ зориулах гэх мэт нүгэл үйлддэг. Бид хоосон хийрхэлд шунан дурлаж, материаллаг ертөнцийн ёрын муу чиг хандлагын араас хөөцөлддөг. Гэх мэтчилэн бий. Ялангуяа шалгалт, осол, гай гамшигтай тулгарах үедээ бид Бурханыг буруугаар ойлгоод, дараа нь Бурханы тухай гомдоллож, бүр Түүнээс урвадаг. Бид нүгэл үйлдээд түүнийгээ улайх байнгын нөхцөл байдал дунд амьдарч байгаа ч нүгэлт уг чанарынхаа дөнгөнөөс огт салж байгаагүй гэж хэлж болно. Библид ийн хэлсэн байдаг: “ариун байдалгүйгээр хэн ч Эзэнийг харахгүй” (Еврей 12:14). Бидэн шиг завхарсан хүмүүс Бурханы хаанчлалд орж яаж чадах билээ? Төгс Хүчит Бурхан ийн хэлжээ: “Дөнгөж золин аврагдсан боловч өөрчлөгдөөгүй, эсвэл Бурханаар төгс болгуулаагүй чам мэтийн нүгэлтэн Бурханы зүрх сэтгэлийн дагуу байж чадах уу? Одоо ч гэсэн хуучин хэвээрээ байгаа чиний хувьд, Есүсээр авруулсан бөгөөд Бурханы авралын улмаас нүгэлтэн гэж тооцогдохгүй байгаа чинь үнэн боловч чи нүгэлтэй биш, бохир заваан биш гэдгийг энэ нь батлахгүй. Хэрвээ өөрчлөгдөөгүй юм бол чи яаж ариун байж чадах юм бэ? Дотроо чи бохир заваанаар дүүрч, хувиа хичээсэн агаад өөдгүй, гэсэн ч чи Есүстэй хамт буухыг хүссээр байдаг—тийм азтай явдал байх уу! Бурханд итгэх итгэлдээ чи нэг алхмыг орхисон: Чи зүгээр л золин аврагдсан, гэхдээ өөрчлөгдөөгүй. Чи Бурханы зүрх сэтгэлийн дагуу байхын тулд, чамайг өөрчилж, ариусгах ажлыг Бурхан биечлэн хийх ёстой; эс бөгөөс чи зөвхөн золин аврагдах боловч ариун байдалд хүрэх боломжгүй байх болно. Ийм маягаар чи Бурханы сайн ерөөлийг хуваалцах эрхгүй байх болно, учир нь чи хүнийг удирдах Бурханы ажилд нэг алхмыг орхигдуулсан, энэ нь өөрчлөгдөж, төгс болох гол алхам юм. Иймээс дөнгөж золин аврагдсан нүгэлтэн чи Бурханы өв залгамжлалыг шууд өвлөн авах чадваргүй” (Үг нь махбодоор илэрсэн номын “Нэршил болон ялгамж чанарын талаар”). Иймээс эцсийн өдрүүдийн үеэр Бурхан Өөрийн төлөвлөгөөг хэрэгжүүлж, завхарсан хүн төрөлхтний хэрэгцээний дагуу хүмүүсийг шүүх, гэсгээх, цэвэрлэх үе шатыг гүйцэтгэж байгаа билээ. Зорилго нь, биднийг Сатаны эзэмшлээс бүрмөсөн аварч, нүгэлт уг чанарын маань дөнгийг үгүй хийх явдал бөгөөд ингэснээр бид ариусгагдаж, аврагдаж чадна. Эндээс, Бурханы эцсийн өдрүүдийн шүүлтийн ажил нь бүхэлдээ цэвэрлэх болон аврах явдал гэдгийг бид харж болно. Энэ нь хүмүүсийн төсөөлдөг шиг биднийг яллах тухай биш юм.”

Лиу Хуй эгч надтай бас ийн нөхөрлөсөн билээ: “Тэр тийм шүү, Эн Хуй эгч ээ. Бодоод үзье, хэрвээ Бурханы шүүлтийн ажил биднийг яллах, шийтгэх явдал байсан бол Сатаны нөлөөгөөр ихэд завхарсан бидний хэн нь ч аврагдахгүй, эсвэл Бурханы хаанчлалд орж чадахгүй байх байсан. Хэрвээ ийм байсан бол Бурханы шүүлтийн ажил байхын хэрэг юу сан билээ? Төгс Хүчит Бурханы үг нь эцсийн өдрүүдэд Бурхан яагаад шүүлтийн ажил хийдгийг болон үүний ач холбогдлыг бидэнд тодорхой өгүүлдэг. Төгс Хүчит Бурханы үгээс хоёр хэсгийг уншицгаая: “Хүний бүхий л амьдрал Сатаны эзэмшил дор өнгөрсөн, өөрийгөө Сатаны эзэмшлээс чөлөөлж чадах хүн нэг ч үгүй билээ. Бүгд өчүүхэн төдий ч утга учир, эсвэл үнэ цэнэгүйгээр, бохир заваан дэлхийд, завхрал, хоосрол дунд амьдардаг; тэд махан биеийн төлөө, шунал тачаалын төлөө, Сатаны төлөө тийм хэнэггүй амьдралаар амьдардаг. Тэдний оршин тогтнолд өчүүхэн төдий ч үнэ цэнэ байхгүй. Хүн, Сатаны эзэмшлээс өөрийгөө чөлөөлж чадах үнэнийг олж авах чадваргүй билээ. Хэдийгээр хүн Бурханд итгэж, Библи уншдаг ч, өөрийгөө Сатаны эзэмшлийн хяналтаас хэрхэн чөлөөлөхийг ойлгодоггүй. Эрин үеүдийн туршид, маш цөөхөн хүн энэ нууцыг нээж олсон, маш цөөн хүн үүнийг хөндсөн… Хэрвээ хүн ариусгагдахгүй бол бүр бохир заваан; хэрвээ тэр Бурханаар хамгаалуулж, халамжлуулаагүй бол Сатаны хоригдол хэвээр үлдэх болно; хэрвээ тэр шүүгдэж гэсгээгдээгүй бол Сатаны харанхуй нөлөөний дарлалаас зугтах ямар ч аргагүй байх болно. Чиний харуулдаг завхарсан зан чанар болоод амьдран харуулдаг дуулгаваргүй зан авир, Сатаны эзэмшил дор амьдарсаар байгааг чинь батлахад хангалттай юм. Хэрвээ чиний оюун санаа болон бодол ариусгагдахгүй бол, мөн чиний зан чанар шүүгдэж, гэсгээгдэхгүй бол бүхий л оршихуй чинь Сатаны эзэмшилд байж, оюун санааг чинь Сатан захирч, бодлыг чинь Сатан жолоодож, бүх оршихуй чинь Сатаны гарт байдаг” (Үг нь махбодоор илэрсэн номын “Петрийн туршлага: гэсгээлт, шүүлтийн талаарх түүний мэдлэг”-ээс). “Шүүлт болон гэсгээлтийн ажлаар дамжуулан өөрийнх нь дотор байгаа бохир, ялзарсан мөн чанарын талаар хүн бүрэн мэдэж авах бөгөөд бүрэн өөрчлөгдөж, цэвэр болж чадна. Зөвхөн ийм маягаар л хүн Бурханы сэнтийн өмнө буцан очих үнэ цэнтэй болж чадна. Өнөөдөр хийгдэж байгаа бүх ажил нь хүнийг ариусгаж, өөрчлөх зорилготой; үгээр хийсэн шүүлт, гэсгээлтээр мөн цэвэршүүлэлтээр дамжуулан хүн ялзралаа хаяж, ариусгагдаж чадна” (Үг нь махбодоор илэрсэн номын “Бие махбодтой болохын нууц (4)”-өөс). Тэгвэл Бурханы үгийг уншаад бидэнд ямар санагдсан бэ? Тэдгээрийг нэг талаас нь харвал, Бурханы үг туйлын бодитой бөгөөд бидний амьдралын бодит нөхцөл байдлыг маш сайн тодорхойлсон мэт санагддаг. Нөгөө талаас нь харвал, хэрвээ бид Бурханы сэнтийн өмнө очихыг хүсвэл бузар муухайн болон завхралаас өөрсдийгөө холдуулж, Сатаны харанхуй нөлөөллөөс зугтахын тулд эхлээд Бурханы шүүлт, цэвэрлэлтийг дайрч өнгөрөх ёстой нь харагдаж байна. Тэр үед л бид Бурханы хаанчлал руу Түүгээр хүргүүлэх эрхтэй болно. Бурханы эцсийн өдрүүдийн шүүлтийн ажилгүйгээр бид Бурханы сэтгэлийн дагуух хүмүүс болохуйцаар цэвэрлэгдэхгүйн дээр Бурханы хаанчлалд орж чадахгүй нь гарцаагүй. Бид ердөө л нүгэл үйлдэж, Бурханыг эсэргүүцсэн хэвээр байх бөгөөд эцэстээ Бурханаар тамд устгагдах болно. Үнэндээ, Төгс Хүчит Бурханы Чуулганы ах, эгч нарын бодит гэрчлэлүүдээс Бурханы шүүлт, гэсгээлт бол хүмүүсийг авардаг гэрэл болохыг харж болно. Сатаны бид бүхнийг завхруулсан боловч бид Төгс Хүчит Бурханы өмнө очиж, Бурханы үгэн дэх шүүлт, гэсгээлтийг хүлээн авч чадах тул бидний амь зан чанар аажмаар өөрчлөгддөг. Бид Бурханд дуулгаваргүй байж, Бурханыг эсэргүүцдэг байдлаас хүлээн зөвшөөрч, дуулгавартай байх байдал руу; биеэ тоосон, өөрийгөө зөвтгөдөг, хэнийг ч дуулгавартай дагахыг хүсдэггүй байдлаас аминч үзлээ хойш тавьж, үнэн болон зөв зүйлд захирагддаг байдал руу шилждэг. Түүнчлэн Бурханы шүүлт, гэсгээлтэд илэрхийлсэн бүхэн бол үнэн, мөн Бурханы зөвт, ариун зан чанарын илэрхийлэл тул Бурханы шүүлт, гэсгээлтийг туулах тусмаа бид Бурханыг төдий чинээ их мэддэг. Бид Бурханыг мэдэх тусмаа хүмүүс болон үйл явдлыг төдий чинээ нэвт шувт харж чадна. Улмаар бидний үзэл бодол, үнэ цэн янз бүрийн түвшинд өөрчлөгддөг. Бид улам бүр Бурханыг хүндэтгэж, Түүнээс эмээж, дуулгавартай болдог. Энэ бол Төгс Хүчит Бурханы шүүлт, гэсгээлтийн бидэнд үзүүлдэг үр нөлөө юм. Хэрвээ Бурханы үгэн дэх үнэний гэрлийн шүүлт бидэнд байхгүй бол бид харанхуйд амьдарч, өдөр бүр ахин дахин нүгэл үйлдээд түүнийгээ улайсаар нүглийн дөнгөнөөс хэзээ ч салахгүй. Ийм нөхцөл байдалд Бурхан биднийг яаж ер нь Өөрийнхөө хаанчлалд аваачиж чадах билээ?”

Ли, Лиу эгч нартай нөхөрлөсний дараа миний сэтгэлд тод гэрэл ассан мэт санагдлаа. Тэдний ийн хэлсэн нь үнэн байв: Манай чуулганы пастор, ахлагч болоод ах, эгч нар бүгд нүглийн хүлээсээс өөрсдийгөө салгаж чадаагүй. Би ч бас өөрөө байнга нүгэл үйлдэж, Эзэний үгийг хэрэгжүүлж чаддаггүй байв. Нүгэл үйлдээд түүнийгээ улайх амьдралаа үргэлжлүүлсээр байгаа нь Бурхан эргэн ирж, шүүлт болон цэвэрлэлтийн ажлыг хийх хэрэгтэйг нотолж байна. Хэрвээ би эцсийн өдрүүдийн Бурханы ажлыг судлаагүй бол эдгээр үнэнийг хэзээ ч ойлгохгүй байжээ. Төгс Хүчит Бурханы үгийг уншиж, эгч нарын нөхөрлөхийг сонсох боломжийг олгосон Бурханы удирдлагад би маш их талархаж байна. Бурханы үгэн дэх шүүлтээр дамжуулан зан чанар нь өөрчлөгдсөн тухай өгүүлсэн Төгс Хүчит Бурханы Чуулганы ах, эгч нарын бичгээр үйлдсэн гэрчлэлийг би бас тунгаан бодсон. Дараа нь Бурханы эцсийн өдрүүдийн шүүлтийн ажлын талаар бага зэрэг ойлгосон мэт надад санагдсан юм. Миний буруу ташаа үзэл арилж, Бурханы шүүлт, гэсгээлт нь нүглээс зайлж, ариусгалтыг олж авахад бидэнд чухал болохыг одоо би мэдэж авсан.

Дараа нь би эгч нараас: “Тэгвэл Төгс Хүчит Бурхан шүүлтийн ажлыг яаж хийдэг юм бэ?” гэж асуулаа. Лиу Хуй ингэж хариулав: “Бурханыг магтъя! Чи маш чухал асуулт асуулаа. Төгс Хүчит Бурханы үгээс хоёр хэсгийг уншицгаая, тэгвэл бид илүү тодорхой ойлголттой болно. Төгс Хүчит Бурхан ийн хэлжээ: “Шүүлтийн ажлаа хийхдээ Бурхан хүний угийн чанарыг ердөө хэдхэн үгээр тодорхой болгодог биш; Тэрээр удаан хугацаанд үүнийг илчилж, харьцаж, засдаг. Илчлэлт, харьцалт болон засалтын эдгээр аргыг энгийн үгээр орлуулж болохгүй, харин хүний огтхон ч эзэмшдэггүй үнэнээр орлуулж болно. Зөвхөн ийм төрлийн аргуудыг л шүүлт гэж үздэг; зөвхөн ийм шүүлтээр л дамжуулан хүн захирагдаж, Бурханд бүрэн дуулгавартай итгэх ба цаашлаад Бурханы тухай жинхэнэ мэдлэгийг олж авч чадах юм. Шүүлтийн ажлын авчирдаг зүйл нь Бурханы үнэн царайны тухай хүний ойлголт болон өөрийнх нь тэрслүү байдлын тухай үнэн мэдлэг юм. Шүүлтийн ажил нь хүнд, Бурханы хүслийн тухай, Бурханы ажлын зорилгын тухай, түүний хувьд ойлгомжгүй байдаг нууцлаг байдлуудын тухай ихээхэн ойлголт олж авах боломжийг олгодог. Энэ нь мөн хүнд өөрийн ялзарсан мөн чанар болон өөрийн ялзралын үндсийг таних, хүний муухайг нээн илрүүлэх боломжийг олгодог. Эдгээр үр дүнг бүгдийг нь шүүлтийн ажил авчирдаг, учир нь энэ ажлын мөн чанар нь үнэндээ Бурханы үнэн, зам, амийг Түүнд итгэж байгаа бүх хүмүүст нээх ажил юм. Энэ ажил нь Бурханы хийдэг шүүлтийн ажил юм. Хэрэв чи эдгээр үнэнийг чухал гэж авч үзэхгүй, үргэлж тэдгээрээс зайлсхийх эсвэл тэднээс салах шинэ аргыг бодож байдаг бол Би чамайг хүнд нүгэлтэн гэж хэлнэ” (Үг нь махбодоор илэрсэн номын “Эцсийн өдрүүдийн христ л хүнд мөнх амийн замыг өгч чадна”-аас). “Христийн ярьсан үнэнд найдахгүйгээр амийг олж авахыг хүсдэг хүмүүс газар дэлхий дээрх хамгийн инээдэмтэй хүмүүс, харин Христийн авчирсан амийн замыг зөвшөөрдөггүй хүмүүс хийсвэрлэлд автдаг. Иймд Би эцсийн өдрүүдийн Христийг зөвшөөрдөггүй хүмүүс Бурханаар үүрд үзэн ядагдана гэж хэлдэг. Христ бол эцсийн өдрүүдэд хаанчлалд хүргэх хүний гарц бөгөөд үүнийг хэн ч тойрч эс гарна. Христээр дамжилгүйгээр хэн ч Бурханаар төгс болгуулахгүй. Чи Бурханд итгэдэг, иймээс чи Түүний үгсийг зөвшөөрч, Түүний замыг дуулгавартай дагах ёстой. Чи үнэнийг хүлээн авч, амийн хангалтыг зөвшөөрөхгүйгээр ерөөл хүртэнэ гэж санахын ч хэрэггүй. Христэд үнэхээр итгэдэг тэр бүх хүмүүсийг амиар тэтгэхийн тулд Тэр эцсийн өдрүүдэд ирдэг. Түүний ажил нь хуучин эринг төгсгөж, шинэ эринд оруулахын төлөө бөгөөд энэ нь, шинэ эринд орох тэр бүх хүмүүсийн замнах ёстой зам юм. Хэрэв чи Түүнийг зөвшөөрч чадахгүй, оронд нь Түүнийг яллаж, доромжилж, хяхаж хавчдаг бол чи мөнхийн галд шатаж, Бурханы хаанчлалд хэзээ ч орж чадахгүй” (Үг нь махбодоор илэрсэн номын “Эцсийн өдрүүдийн христ л хүнд мөнх амийн замыг өгч чадна”-аас). Хүн төрөлхтний хэрэгцээний дагуу хүмүүсийг цэвэрлэж, авардаг бүх үнэнийг илэрхийлэхийн тулд эцсийн өдрүүдэд Бурхан Өөрөө бие махбодтой болсныг Төгс Хүчит Бурханы үгээс харж болно. Энэ нь хүн төрөлхтөнд хандах Бурханы халдашгүй зөвт зан чанарыг харуулдаг. Бурхан үгээрээ дамжуулан хүмүүсийн уг чанар, мөн чанарыг болон завхралынх нь жинхэнэ төрх байдлыг илчилдэг. Төгс Хүчит Бурханы илэрхийлсэн шүүлтийн үгийг хүлээж авснаар л бид өөрсдийнхөө биеэ тоосон, зальхай, аминч зан, муу муухай байдал зэргээ мэдэж авч чаддаг, энэ нь сатанлаг уг чанар болоод завхарсан зан чанарын маань нэг хэсэг юм. Бурханы шүүлт, гэсгээлтийг хүлээн зөвшөөрснөөр л бид Бурханы зөвт зан чанарыг мэддэг ба Бурханыг хүндэлж, жинхэнээсээ гэмшдэг зүрх сэтгэлтэй болж чадна. Дараа нь бид завхарсан зан чанараа өөрчилж, цэвэрлэж чадна, энэ нь Бурханы шүүлтийн ажлын ач холбогдол, мөн авралд хүрэх цорын ганц зам юм. Эн Хуй эгч ээ, бид Бурханы үгийг аль чадахаараа нухацтай уншиж байгаа цагт, Бурханы эцсийн өдрүүдийн шүүлтийн ажлын ач холбогдол бидэнд тодорхой болох бөгөөд гагцхүү эцсийн өдрүүдийн Христ л хүмүүст мөнх амийг өгч чадна гэдгийг бид харах болно.”

Эзэнийг магтъя! Эгч нартай ярилцсанаар би маш ихийг олж авсан. Хэдийгээр Бурханы шүүлт, гэсгээлтийг хараахан туулаагүй байгаа ч тэдэнтэй нөхөрлөж “Амийн оролтын туршлагын тухай гэрчлэлүүд”-ийг уншсанаар Бурханы шүүлт, гэсгээлт хүмүүсийг үнэхээр өөрчилж чадах юм шиг надад санагдсан юм. Намайг өөрчилж, ариусгах Бурханы шүүлт, гэсгээлтийн үе шат надад ч бас үнэхээр их хэрэгтэй гэж надад санагдсан бөгөөд ингэснээр би тэнгэрийн хаанчлалд хүргэгдэх эрхтэй болно. Хожим нь, дахиад хэдэн өдөр нөхөрлөсний дараа, Бурханы шүүлтийн ажил болоод Бурханы нэртэй холбоотой үнэний талаар би илүү ихийг ойлгож авав. Би бас жинхэнэ Христийг хуурамчаас нь, жинхэнэ чуулганыг хуурамч чуулганаас нь хэрхэн ялгаж танихыг бас сурлаа. Бурхан бие махбодтой болох тухай, Бурханы ажил, хүний ажлын хоорондох ялгаа, хүн төрөлхтнийг Сатан хэрхэн завхруулдаг тухай, мөн Бурхан бидний хэрхэн авардаг талаарх үнэнийг би олж мэдсэн. Гэх мэтчилэн. Төгс Хүчит Бурхан бол үнэхээр эргэж ирсэн Эзэн Есүс мөн гэдэг баттай дүгнэлтэд би хүрсэн бөгөөд Төгс Хүчит Бурханы эцсийн өдрүүдийн ажлыг би баяртайгаар хүлээн авлаа. Бурханыг магтъя! Дараа нь би Бурханы үгийг унших ханашгүй их хүсэлтэй болов. Чуулганы амьдралаар амьдарч, ах эгч нартай үнэнийг нөхөрлөж, Бурханы үгийн усалгаа, хоол тэжээлийг хүлээн авснаар миний сүнс жинхэнэ тэжээлийг олж авч байгаа мэт надад санагдсан юм. Миний харсан бүхэн Библи дэх Илчлэлийн номын энэ зөгнөлтэй адил байв: “Харагтун, Би үүдэнд зогсоод тогшиж байна: Хэрвээ хэн нэгэн Миний дуу хоолойг сонсоод хаалгаа нээвэл, Би түүн дотор орж, түүнтэй хамт, тэр Надтай хамт хооллох болно” (Илчлэл 3:20). Өнөөдөр, би энэ зөгнөл биелснийг харахаар зогсохгүй, энэ нь над дээр биечлэн хэрэгжсэн мэт санагдсан. Төгс Хүчит Бурханы үг зүрх сэтгэлийн минь үүдийг тогшсон бөгөөд Бурханы дуу хоолойг сонсож, Бурханы шүүлтийн ажлыг мэдэж, Түүний өмнө эргэж очих боломжийг надад олгосон юм. Бурханыг магтъя! Бүх алдар Төгс Хүчит Бурханд байг!

Холбогдох агуулга

  • Надад мөнгөнөөс илүү үнэ цэнтэй эд баялаг бий

    Нэгэн эмэгтэй багаасаа л мөнгөтэй хүн байхыг мөрөөддөг байсан ч хэд хэдэн удаа чармайсны эцэст мөрөөдлөө мөн л биелүүлэлгүй, шаналан амьдарч байлаа. Дараа нь тэрээр Бурханы үгийг уншиж, Бурханы хүслийг ойлгосон бөгөөд шаналлаасаа эцэст нь ангижирч, мөнгөнөөс илүү үнэ цэнтэй эд баялгийг олж авчээ. Юу мөнгөнөөс илүү үнэ цэнтэй вэ? Олж мэдье гэвэл түүний туршлага болон гэрчлэлийг уншаарай...

  • Сүнсний хүлээснээс салах нь

    Ву Вен    Шинжоу Хот, Хенань Муж Би мэдрэмтгий зан чанартай сул дорой хүн. Бурханд итгэдэггүй байхдаа би амьдралд тохиолддог зүйлсээс б…

  • Амьдралын гэрэл гэгээтэй замаар алхах нь

    Би дэлхийн чиг хандлагуудын араас хөөцөлддөг нэгэн байсан ба өөрийгөө зугаа цэнгэлийн амьдралд орхихийг хүсдэг байсан ба бие махбодын таашаалыг л анхаардаг байв.

  • Зол завшаан ба золгүйтэл

    Дужуань, Япон Би хятадын хөдөөгийн тосгоны ядуу айлд төрсөн юм. Гэр бүл маань ядуу байсан болохоор амттан, тоглоом битгий хэл, дараагийн хоолоо хэзээ …