Жань Чи, Хятад

2007 оны намар эхнэр бид хоёр Бурханы эцсийн өдрүүдийн ажлыг хүлээн авсан юм. Бид хоёр Бурханы үгийг өдөр бүр уншиж, ах эгч нартай хамт цуглаж, үүргээ гүйцэтгэж, сайн сайхан амьдарч, Бурханд маш их талархаж байсан. Эхэндээ хүү, бэр хоёр бидний итгэлийг дэмжиж байсан. Гэхдээ сайн юм удаан үргэлжилдэггүй. Дараа жил нь манай бэр ТВ-ээр Төгс Хүчит Бурханыг зохиомлоор ялласан Коммунист Намын худал мэдээг үзээд, хууртаж, биднийг Намын эсрэг явж байна гээд, итгэлийг маань эсэргүүцэж эхэлсэн. Ах, эгч нарыг цуглаан хийхээр ирэхэд бэр уруу царайлж, оруулахаас татгалзаж, заримдаа бидэнд уцаарладаг байлаа.

Нэг удаа бэр бидний итгэлийг хүчээр болиулахаар оролдож, ХКН Төгс Хүчит Бурханд итгэгчийг олж илрүүлбэл гэрийнхэн нь гурван үеэрээ сүйрнэ, үр хүүхдүүд нь коллежид орж, цэрэгт явж, Намд элсэж, эсвэл албан хаагч болж чадахгүй, ажил, хань ижилтэй болоход хэцүү байх болно гэсэн. Тэгж хэлэхэд нь би уурлаж, бэрдээ хандан “Хүмүүсийн хувь заяа бүхэлдээ Бурханы гарт байдаг. Коммунист Нам тэрийг шийдэхгүй” гэсэн. Бэр маань ууртайгаар “Одоо Коммунист нам эрх барьж байна. Хэрвээ тэд оруулахгүй гэвэл хүн коллежид орж чадахгүй. Тэд зөвшөөрөхгүй бол хүн ажил хийж чадахгүй. Таны итгэл ач нарын чинь ирээдүйд нөлөөлнө!” гээд, уурлан гарч явсан. Бэр зөвшөөрөхгүйгээс болоод ах, эгч нар манайд цуглаан хийж чадахгүй болсон тул бид хоёр зургаан сар чуулганы амьдралаар амьдраагүй. Бид хоёр анх Бурханд итгэхдээ хамаагүй илүү эрч хүчтэй болж, эрүүл мэнд маань эрс сайжирсныг бэр анзаараад, үнэхээр дэмждэг байсан. Гэвч Коммунист Намын худал үгэнд хууртсанаасаа хойш бидний дайсан мэт болж, өдөржин загнаж, итгэлээ боль гэж шаардах болж, тосгоны бусад хүмүүс ч биднийг шоолох болсон. Би бага зэрэг сул дорой болж, Бурханд итгэх дэндүү хэцүү санагдсан тул даруйхан залбираад, Бурханыг хоёр удаа махбод болж, хүн төрөлхтнийг аврахаар газар дээр ирэхэд хүмүүс голж, гүжирдсэн тухай бодлоо. Бурхан эрхэм дээд, агуу ч хүн төрөлхтнийг аврахын тулд л энэ доромжлол, зовлонг тэвчсэн. Завхарсан хүний хувьд би аврагдахын тулд Бурханд итгэдэг ч бэрийнхээ зэвүүцэл, доромжлол, хөршүүдийнхээ тохуурхал, гүжирдлэгээс болоод сөрөг болж, гомдоллосон нь үнэхээр эрүүл ухаангүй хэрэг байсан. Тэр зовлон бол Бурханд итгэж, үнэнийг эрж хайхдаа миний тэвчих ёстой зүйл учраас надад Бурханд найдаж, урагшлах шийдвэр хэрэгтэй байжээ. Эхнэр бид хоёр гэртээ үүрэг гүйцэтгэж чадахгүйгээс хойш гарч сайн мэдээ түгээж болох байсан. Тэр бол бидний гүйцэтгэх ёстой өөр үүрэг байлаа! Тэгээд бид хоёр зарим ах, эгчтэй хамт ажиллахаар гарч, төд удалгүй 10 гаруй найз нөхөд, хамаатнаа Бурханы өмнө аваачсан. Тэрнээс хойш бид сайн мэдээ түгээхдээ бүр ч урам зоригтой болсон.

2012 оны 12-р сард шашны нэг хүн намайг сайн мэдээ түгээлээ гэж мэдээлээд, цагдаа нар намайг цагдан хорих төвд хэдэн цаг саатуулж, ахимаг наснаас минь болоод, бас надаас юу ч олж мэдэж чадаагүй болохоор л сулласан. Тосгондоо буцаж очиход бригадын салбарын нарийн бичгийн дараа намайг хараад даапаалан, “Би таныг гурав, дөрвөн жилийн ял авна гэж бодсон. Та ч гялс гараад иржээ! Өдий насандаа Төгс Хүчит Бурханыг дагаж яах нь вэ?” гэсэн. Тосгоныхон намайг хараад үл тоож, дараа нь ардуур минь инээж, шүүмжилсэн. Үеэл маань намайг илт шоолж, “Ах итгэлдээ солиорчхож! Коммунист Нам газрыг нь хурааж аваад, идэх тариа будаагүй болбол итгэсээр байхыг нь харъя л даа!” гэсэн. Би маш их уурласан. Бидний итгэл бол зөв зам, гэтэл Коммунист Нам биднийг баривчилж, хавчиж, хамаатан садан, хөршүүд маань биднийг дооглож, доромжилж байсан нь үнэхээр шаналгаатай байлаа. Би Бурханы хэлсэн зүйлийг бодсон: “Магадгүй та бүхэн эдгээр үгийг санаж байгаа байх: ‘Учир нь цаг зуурын хөнгөн зовлон маань бидэнд зориулан алдрын мөнхийн жинг үлэмж арвин болгодог.’ Урьд нь та нар бүгд энэ үгийг сонссон атлаа хэн ч энэ үгийн жинхэнэ утгыг ойлгоогүй. Өнөөдөр тэдгээрийн бодит ач холбогдлыг та нар сайн мэднэ. Бурхан эцсийн өдрүүдэд эдгээр үгийг биелүүлнэ, эдгээр нь агуу улаан лууны цагариглан хэвтэж байдаг газар нутагт үүний харгисаар хяхан хавчсан хүмүүс дээр биелэх болно. Агуу улаан луу Бурханыг хавчдаг, Бурханы дайсан тул энэ газар нутагт Бурханд итгэдэг хүмүүс ийнхүү доромжлол, хавчлагад өртдөг бөгөөд эдгээр үг энэ бүлэг хүмүүс, та нарт биелдэг” (Үг. I Боть: Бурханы илрэлт ба ажил. Бурханы ажил хүний төсөөлдөг шиг энгийн үү?). Тийм шүү! Бурхангүй үзэлтэй Хятад улсад Бурханд итгэж, амьдралын зөв замаар явбал бид гарцаагүй доромжлуулж, дарлагдана. Гэхдээ тэр зовлон түр зуурынх, бас энэ нь Бурханыг дагаж, аврагдахын төлөө учраас нэр хүндтэй зүйл. Энэ зовлон үнэ цэн, утга учиртай. Үүнийг ойлгоод би тайвширч, тэгтлээ их дарамтад орохоо больсон.

Тэр сарын сүүлээр хүү маань цагаан сар тэмдэглэхээр эхнэрийн хамт өөр газраас гэртээ буцаж ирлээ. Манай бэр ирэнгүүтээ л эхнэр бид хоёрт уурлаж, “Бурханд битгий итгэ гэж бид хэлсэн ч та хоёр үгэнд орохгүй, өөрсдийнхөөрөө зүтгэсэн! Хэрвээ итгэх юм бол биднийг битгий чирээд бай. Бурханд итгэхээ болих юм бол та хоёр энд амьдарч болно, харин зөрүүдлэн зүтгэвэл эндээс нүүгээрэй. Хэдүүлээ холбоогоо тасалж, хэн хэнийхээ замд саад болохгүй байя” гэсэн. Ингэж хэлж байхдаа бэр уурласандаа эхнэрийг нүүрэн дундуур нь алгадаад авсан. Би бушуухан дундуур нь ороод, “Чи яаж хадам ээжээ цохиж чадав аа?” гэхэд бэр: “Төгс Хүчит Бурханд итгэдэг чинь Коммунист Намыг эсэргүүцэж байна, одоо манай гэрийнхэн бүгд нэр холбогдлоо” гэж хариулсан. “Бурханд итгэхдээ бид зүгээр л цугларч, Бурханы үгийг уншдаг. Коммунист нам итгэгчдийг баривчилж, хавчиж, бүр гэрийнхнийг нь оролцуулдаг. Коммунист Нам бол ёрын муу! Гэтэл чи Намыг үзэн ядахын оронд бид хоёрыг хавчиж, үнэнийг мушгин гуйвуулж, зөв бурууг хольж байна!” гэсэн. Дараа нь бэр өөр юу ч хэлээгүй. Хүү бэрийн бид хоёрт тэгж хандахыг зүгээр л хараад, хөгширсөн бид хоёрыгоо хөөж гаргах гээд зогсож байсан. Миний урам үнэхээр хугарч, нулимс хацар даган урсаж байлаа. Хятадын цагаан сар болж, бусдын үр хүүхэд гэртээ баяртай ирж, уулзаж учирч байхад бэр маань бид хоёрыг гэрээс хөөхийг хүсэж байсан. Бид хоёр хаачих юм бэ? Бас эхнэрээ нулимсаа байн байн арчихыг харах муухай байсан. Бид хоёр 60 гарч, урьдынх шигээ эрүүл биш болсон байлаа. Өвдөөд, асарч халамжлах үр хүүхэдгүй бол яах билээ? Гэртээ үлдвэл бие махбодын тав тухтай байх ч итгэлээ хэрэгжүүлэх аргагүй болно. Би үнэхээр зөрчилдөж, Бурханыг дуудаж, Бурханы удирдамжийг гуйсаар байлаа. Иов шалгалт туулж байсан үеийг бодоход бүх үр хүүхэд, өмч хөрөнгөө алдаж, бүх биеэр нь яр хатги гарсан ч Иов Бурханыг огт буруутгаж, үгүйсгээгүй, харин ч бүр Бурханы нэрийг магтсан. Иов Бурханд чин сэтгэлээсээ итгэж, Бурханы төлөөх гэрчлэлдээ бат зогсож, Бурханы магтаалыг хүртсэн. Тэр үед би ч бас, амар тайван амьдарч, Сатаныг дагах уу, эсвэл зовж, Бурханыг дагах уу гэсэн салаа замын уулзвар дээр зогсож, Бурхан миний бодлыг харж байсан. Энэ үед би ямар ч бэрхшээл, дарлалтай тулгарсан, Бурханыг дагаж, гэрчлэлдээ бат зогсож, Сатаныг шившиглэнэ гэх шийдвэр гаргасан!

Би Бурханы үгийн өөр нэг хэсгийг санасан юм: “Чи үнэний төлөө зовлон зүдүүр туулах ёстой, үнэний төлөө өөрийгөө зориулах ёстой, үнэний төлөө доромжлол амсах ёстой, илүү их үнэнийг олж авахын тулд илүү их зовлон амсах ёстой. Энэ нь чиний хийх ёстой зүйл юм. Амар амгалан гэр бүлийн амьдралын төлөө чи үнэнийг хаях ёсгүй ба түр зуурын таашаалын төлөө өөрийн амьдралын нэр хүнд, ёс жудгийг алдах ёсгүй. Чи сайн сайхан, үзэсгэлэнтэй бүхнийг эрэлхийлж, илүү утга учиртай амьдралын замыг эрэлхийлэх ёстой. Хэрвээ чи энгийн дорд амьдралаар амьдардаг ба ямар ч зорилгыг эрэлхийлдэггүй бол амьдралаа дэмий үрж байгаа хэрэг биш гэж үү? Чи тийм амьдралаас юу олж авч чадах юм бэ? Чи нэг үнэний төлөө бие махбодын бүх таашаалыг орхих ёстой ба багахан таашаалын төлөө бүх үнэнийг хаях ёсгүй. Иймэрхүү хүмүүст ямар ч ёс жудаг, нэр хүнд байдаггүй; тэдний оршин тогтнолд ямар ч утга учир байдаггүй!” (Үг. I Боть: Бурханы илрэлт ба ажил. Петрийн туршлага: гэсгээлт, шүүлтийн талаарх түүний мэдлэг). Бурханд итгэхдээ үнэнийг олж авах нь зовж, төлөөс төлөхийг шаарддагийг би Бурханы үгээс ойлгосон. Үнэнийг эрэлхийлэхийн тулд гэр орон, махан биеийн тав тухаа орхих нь үнэ цэн, утга учиртай. Бас Бурханы эцсийн өдрүүдийн ажил бол Бурханаар авруулж, төгс болгуулах цор ганц боломж. Махан биеийн тав тухыг эдлэхийн тулд үнэнийг эрэлхийлж, олж авах боломжоо алдаж, эцэстээ Бурханаар авруулахгүй байх нь асар мунхаг хэрэг! Би гэртээ эв найртай, ачлал элбэрэлтэй амьдрахыг үргэлж хүсэж, өтөл насандаа харж хандах хүнгүй, амь зууж чадахгүй байх вий гэж санаа зовдог байсан. Би Бурханд огт итгэдэггүй, зовлонг тэсвэрлэх хатуужилгүй, маш жаахан биеийн хэмжээтэй байсан. Иов Бурханд итгэж, гэрчлэлдээ бат зогссон нь үнэхээр алдар суутай зүйл байж! Би Иов шиг байж, үнэнийг олж авахын тулд зовж чаддаг байхыг хүссэн, тийм зовлон үнэ цэнтэй!

Сүүлд нь Бурханы үгийн өөр нэг хэсгийг уншсан нь Бурханы хүслийг арай илүү ойлгоход минь тусалсан юм. “‘Итгэл’ хэмээх энэхүү үг юуг хэлдэг вэ? Итгэл гэдэг нь аливаа зүйлийг харж, барьж чадахгүй үед, Бурханы ажил хүний үзэлтэй нийцэхгүй үед, хүн хүрэхийн аргагүй үед хүнд байх ёстой жинхэнэ итгэл үнэмшил, чин үнэн зүрх сэтгэл юм. Энэ бол Миний ярьдаг итгэл юм. Бэрхшээл зовлон, цэвэршүүлэлтийн цаг үед хүмүүст итгэл хэрэгтэй бөгөөд итгэл нь цэвэршүүлэлтийг дагаж ирдэг зүйл юм; цэвэршүүлэлт, итгэл хоёрыг салгах боломжгүй. Бурхан яаж ч ажилласан, орчин нөхцөл чинь ямар ч байсан чи амийг эрэлхийлж, үнэнийг эрж хайж, Бурханы ажлын талаарх мэдлэгийг эрж хайж, Түүний үйлдлийн талаар ойлголттой байж, үнэний дагуу үйлдэж чаддаг. Ингэх нь жинхэнэ итгэлтэй байх явдал бөгөөд үүгээрээ чи Бурханд итгэх итгэлээ алдаагүй гэдгээ харуулдаг. Цэвэршүүлэлтээр дамжуулан үнэнийг эрэлхийлэхдээ туйлбартай байж чаддаг бол, Бурханыг үнэхээр хайрлаж чаддаг, Түүний талаарх эргэлзээ бий болгодоггүй бол, Тэр юу ч хийсэн Түүнийг сэтгэл хангалуун байлгахын тулд үнэнийг хэрэгжүүлсээр байдаг бол, Түүний хүслийг гүн гүнзгий эрж хайж, Түүний хүсэлд санаа тавьж чаддаг бол чи Бурханд итгэх жинхэнэ итгэлтэй байж чадна” (Үг. I Боть: Бурханы илрэлт ба ажил. Төгс болгуулах хүмүүс цэвэршүүлэлт туулах ёстой). Бурханы үг тов тодорхой байна. Бид бэрхшээл, шалгалттай тулгарч, юу хийхээ мэдэхгүй байх үедээ Бурханд итгэлтэй байж, төгс хүчит дээд эрхэнд нь итгэж, зохион байгуулалт, зохицуулалтад нь захирагдах ёстой. Тэр нь л Бурханд итгэх жинхэнэ итгэл. Итгэлдээ найдан Бурханыг гэрчлэхдээ бат зогсож, Сатаныг шившиглэж, Бурханыг тайвшруулсан Иовтой яг адилхан. Би энэ тухай бодох тусам улам урам зоригтой болсон. Хүүхдүүд минь намайг орхисон ч, ямар ч сонголтгүй үлдлээ ч би Бурханыг дагна! Би эхнэрээ тайвшруулж, “Бид Бурханд итгэснийхээ төлөө зовж, дарлагдаж байна, энэ нь үнэ цэнтэй! Хоёулаа хоол гуйх хэрэгтэй боллоо ч гэсэн Бурхантай хамт явах ёстой!” гэсэн. Эхнэр минь нулимсаа арчаад, “За, тэгвэл энэ гэрээс явъя!” гэсэн юм.

Бид хоёр хуучирч хаягдсан байшин олж, нүүн ороод, тэндээ найман жил амьдарсан. Тэр жилүүдэд хэдийгээр бид хоёр тагзанд амьдарч, бие махбодоороо бага зэрэг тухгүй байсан ч бэр саад болж, үймүүлэхгүй болохоор хэвийн байдлаар цуглаанд явж, Бурханы үгийг уншиж, сайн мэдээ түгээж, үүргээ гүйцэтгэж, зарим үнэнийг мэдэж авч, үгээр дүрслэхийн аргагүй амар тайван, баяр хөөрийг мэдэрсэн. Заримдаа амьдралд маань бэрхшээл тулгарахад ах, эгч нар урам зоригтойгоор тусалж, биднийг сул дорой, сөрөг байх үед ирж, дэмжлэг үзүүлдэг байлаа. Энэ нь тэр чигтээ Бурханы хайр гэдгийг бид хоёр мэдэж байсан тул үнэн сэтгэлээсээ Бурханд талархсан! Гэвч найман жилийн дараа бид хоёрт дахиад асуудал гарсан.

Бид хоёр эвдэрхий байшинд амьдарч байсан учраас 2020 оны 11-р сард байгаль орчны товчоо тэр байшинг нураана гээд, тэндээс нүүх гурав хоногийн хугацаа өгсөн. Би шууд л сандарч тэвдэн, “Одоо хаачдаг билээ? Гэртээ буцаад очиж болохгүй, Хятадын цагаан сар дөхөж байгаа болохоор өөр айлд байх эвгүй. Бидэнд хоног төрүүлэх газар байсангүй. Эхнэр минь хүйтэн, салхинд мэдрэмтгий, цээжний бах өвчнөөр их өвддөг. Орох оронгүй байж яаж болох билээ?” гээд, маш их санаа зовсондоо эхнэртэйгээ хамт уйлсан. Орох оронгүй байгааг маань хараад тосгоныхон биднийг шоолж, “Бурханд итгэх ийм л байгаа юм даа! Та хоёр Коммунист намын эсрэг явсан, одоо бүр орох орон ч үгүй боллоо. Хохь чинь!” гэсэн. Тэр шүтлэггүй хүмүүсийн тохуурхал, доромжлолтой тулгараад би би Коммунист Намын ёрын мууг бүр ч их ойлгосон! Коммунист нам худал ярьж, эгэл олныг төөрөлдүүлэн, өөрсөдтэй нь хамт Бурханыг эсэргүүцэхэд хүргэж байна. Би Коммунист Намыг голдоо ортол үзэн ядсан. Сүүлд нь би Бурханы үгээс энийг уншсан юм: “Агуу улаан лууны газар нутагт Өөрийн ажлыг явуулах нь Бурханд асар хэцүү байдаг боловч ийм бэрхшээлээр дамжуулан Бурхан Өөрийн ажлын нэг үе шатыг хэрэгжүүлж, Өөрийн мэргэн ухаан, гайхалтай үйл хэргийг харуулдгийн дээр энэ бүлэг хүнийг бүрэн төгс болгохын тулд энэхүү боломжийг ашигладаг. Хүмүүсийн амссан зовлон, тэдний хэв чанар болон энэ бузар газар нутаг дахь хүмүүсийн бүх сатанлаг зан чанарын улмаас Бурхан ариусгалт, байлдан дагуулалтын ажлаа явуулдаг, ингэснээр Тэр үүнээс алдар сууг олж, Өөрийнх нь үйл хэргийг гэрчилдэг хүмүүсийг олж авч болох юм. Энэ бүлэг хүмүүсийн төлөө Бурханы гаргасан бүх золиосны утга учир бүхэлдээ ийм билээ. Өөрөөр хэлбэл, Бурхан Өөрийг нь эсэргүүцдэг хүмүүсээр л дамжуулан байлдан дагуулах ажлыг хийдэг. Ингэж байж л Бурханы агуу хүч чадлыг харуулж чадна. Өөрөөр хэлбэл, бохир газар нутагт байгаа хүмүүс л Бурханы алдрыг өвлөн авбал зохих бөгөөд энэ л Бурханы агуу хүч чадлыг тодотгож чадна. Иймээс бохир заваан газар нутгаас, бохир заваан газар амьдардаг хүмүүсээс Бурханы алдрыг олж авдаг. Бурханы хүсэл ийм билээ” (Үг. I Боть: Бурханы илрэлт ба ажил. Бурханы ажил хүний төсөөлдөг шиг энгийн үү?). Бурханы үгийг тунгаан бодоод би ойлгосон, Бурхан бидний итгэл, хайрыг төгс болгохын тулд энэ дарлал, энэ бэрхшээлийг бидэнд тохиолдохыг зөвшөөрдөг, ингэснээр бид Коммунист Намын ёрын муу, Бурханы эсрэг мөн чанарыг тодорхой харж, дараа нь чин сэтгэлээсээ тэднийг хаяж, голж, тэр нөхцөл байдлыг даван туулахын тулд Бурханд найдахад бэлэн болно.

Тэр мөчид би охиныхоо гэрт очих талаар бодсон тул охин руугаа залгалаа. Санаанд оромгүй нь, охин маань хүйтнээр “Та хоёрт хүү бий, та хоёрыг асрах ээлж минь биш!” гэсэн. Хүү, бэр хоёр маань ажлаар гадагш их явдаг, гэр нь эзгүй байдаг учраас очоод гэрийг нь сахиж тусалж болох юм гэж бодоод би утасдаж, бид хоёр буцаж очоод, гэр орны ажилд тусалж байя гэж хэлсэн. Гэвч бэр маань: “Та хоёрыг итгэгч байхаа больсон гэж хэлэх хүртэл би гэрийнхээ түлхүүрийг өгөхгүй. Болиогүй бол та хоёр манай босгыг давахгүй шүү!” гэх юм гэж хэн мэдэх билээ дээ. Тэр нь Коммунист Нам ах, эгч нарыг “Гурван Мэдүүлэгт” гарын үсэг зуруулахаар хүчилдэгтэй яг адилхан байсан. Би Бурханы үгийг бодлоо: “Хүмүүс дээр Бурханы хийдэг ажлын алхам бүрд, гаднаа энэ нь хүмүүсийн хоорондын харилцаа мэт, хүний зохицуулалт, хүний хөндлөнгийн оролцооноос үүдэлтэй мэт харагддаг. Гэвч нүднээс далдуур, ажлын алхам бүр, тохиолдож буй юм бүхэн нь Бурханы өмнө Сатаны тавьсан бооцоо бөгөөд Бурханд гэрчлэл хийхдээ бат зогсохыг хүмүүсээс шаарддаг” (Үг. I Боть: Бурханы илрэлт ба ажил. Бурханыг хайрлах нь л үнэхээр Бурханд итгэж буй хэрэг). Бэр маань биднийг дарлаж, Бурханаас урва гэж хэлж байгаа мэт харагдаж байсан ч үнэн хэрэгтээ энэ нь Сатаны сорилт байсан, бид заль мэхэнд нь автаж болохгүй байлаа! Бурханы өөр үг санаанд орж ирсэн: “Итгэгчид, үл итгэгчид нь хоорондоо таарамжгүй; харин ч нэг нэгнийхээ эсрэг байдаг” (Үг. I Боть: Бурханы илрэлт ба ажил. Бурхан хүн хоёр амралтад хамт орох болно). Бурханы үгийн гэгээрэл, удирдамжийн ачаар би итгэгчид, шүтлэггүй хүмүүс бол өөр төрлийн хүмүүс гэдгийг ойлгосон. Миний хүүхдүүд шүтлэггүй хүмүүс учраас эд баялаг, ажил мэргэжил, сайхан ирээдүй, сайхан амьдралын төлөө ажиллаж, бие махбодын тав тухыг эрэлхийлдэг шүтлэггүй хүмүүсийн замаар явдаг. Бид хоёр итгэгч учраас үнэн, амийг эрэлхийлж, авралын замаар явж байгаа. Бид өөр өөр замаар явдаг, бидний төгсгөл ялгаатай. Бурханд итгэж, дуулгавартай байдаг хүмүүс л сайхан төгсгөл, хүрэх газартай болно. Манай хүүхдүүд Бурханд итгэдэггүй, бүр Бурханыг эсэргүүцдэг учраас эцэст нь Бурханд шийтгүүлнэ! Хүмүүсийн хувь заяа, төгсгөлийг Бурхан хариуцдаг. Манай хүүхдүүд бүр өөрсдийгөө ч хариуцаж чадахгүй байхад би үргэлж тэдэнд найдахыг хүсдэг байсан. Ингэх нь тэнэг хэрэг биш үү? Тэгээд би тэр хоёрт ширүүхнээр, шударгаар “Би энэ итгэлийн замаар явахаар бүрмөсөн шийдсэн. Тэгснээс гуйлга гуйж, гудамжинд тэнүүчилж явахыг илүүд үзнэ. Эцсээ хүртэл Бурханыг дагана!” гэж хэлсэн. Бурханы бидэнд бүрдүүлж өгсөн орчинд захирагдаж, даван туулахад бэлэн болмогц гэв гэнэт охин маань залгаж, биднийг өөртэй нь хамт байж болно гэлээ. Бурхан бидэнд гарах гарц нээж өгч байгаа нь энэ гэдгийг би мэдсэн тул Бурханд ахин дахин талархсан юм!

Охиныхоо гэрт бид хоёр ерөнхийдөө гэр орны ойр зуур ажил хийгээд, тэгээд завтай үедээ Бурханы үгийг уншиж, цуглаанд явдаг байлаа. Гэхдээ тэнд амьдрах нь эцсийн эцэст урт хугацааны төлөвлөгөө байгаагүй. Эхнэр бид хоёр хоосон газар олж, улаан буудай борлуулж олсон 5,000 гаруй юаниараа хоёр энгийн байшин барьж, охиныхоо гэрээс нүүсэн. Тэр цагаас хойш хүүхдүүдийнхээ эрхшээлд байхаа больсон. Бид хоёр хэвийн байдлаар Бурханы үгийг идэж ууж, цугларч, үүргээ гүйцэтгээд, надад маш эрх чөлөөтэй, тайван санагдсан.

Тэр туршлагаар бид хоёр бага зэрэг бие махбодын зовлон туулсан хэдий ч Коммунист Намын ёрын муу, Бурханыг эсэргүүцдэг мөн чанарыг ялган таньж, хүүхдүүдийнхээ Бурханыг эсэргүүцдэг мөн чанарыг ч бас харсан. Бурхан бол бидний цор ганц түшиг, цор ганц аврал. Хүнд бэрх нөхцөл байдалд зөв сонголт хийх боломж олгосон Бурханы үгийн удирдамжид талархаж байна.