Робинсон , Венесуэл

2019 оны сүүлчээр нэг хамаатан маань эцсийн өдрүүд дэх Төгс Хүчит Бурханы сайн мэдээг надад номлосон юм. Би Төгс Хүчит Бурханы үг эрх мэдэлтэй, үнэн гэдгийг харж, Бурханы дуу хоолой мөн гэдгийг нь мэдэрсэн тул Бурханы шинэ ажлыг баяртайгаар хүлээн авч, Бурханы үгийг өдөр бүр уншиж, нэг ч цуглаан таслахыг хүсдэггүй байлаа. Заримдаа миний байсан газарт интернэт юм уу тог цахилгааны асуудал гарч, онлайн цуглаанд оролцож чаддаггүй байснаас би маш их бухимддаг байсан ч дараа нь цуглааны агуулгыг хурдхан уншаад, Бурханы үгийн талаарх ойлголтоо бүлэг рүү илгээж, ах, эгч нартай ярилцан, үүргээ чадлаараа гүйцэтгэдэг байсан юм.

Хэсэг хугацааны дараа би чуулганы удирдагчаар сонгогдлоо. Эхэндээ чуулганы ажлын хариуцлагыг хоёр өөр удирдагчтай хуваалцдаг байсан учраас тийм ч хэцүү, дарамттай санагдаагүй. Төд удалгүй би хэд хэдэн чуулганы ажлыг хариуцахаар сонгогдож, эхэндээ энэ үүргийг гүйцэтгэхийг хүсээгүй. Яагаад гэвэл, би удирдагчаар удаан дадлагажаагүй, надад олон дутагдал, ойлгоогүй зүйл байсаар байгаа гэж санагдсан болохоор тэр үүргийг сайн гүйцэтгэхгүй байх гэж их санаа зовсон. Дараа нь би Бурханы үгийг уншсан. “Ноа цөөн хэдэн үг л сонссон бөгөөд тухайн үед Бурхан олон үг илэрхийлээгүй тул Ноа олон үнэнийг ойлгоогүй байсанд эргэлзэх юмгүй. Тэрээр орчин үеийн шинжлэх ухаан, орчин цагийн эрдэм мэдлэгийг ойлгодог байгаагүй. Ноа дэндүү эгэл жирийн хүн, хүн төрөлхтний онцгойрох юмгүй нэг гишүүн байсан юм. Гэхдээ нэг талаар Ноа хэнтэй ч адилгүй байсан: Тэр Бурханы үгийг сонсохоо мэддэг, Бурханы үгийг хэрхэн дагаж, баримтлахаа мэддэг, хүний байр суурь юу болохыг мэддэг, мөн Бурханы үгэнд үнэхээр итгэж, дуулгавартай дагаж чаддаг байсан—тэгээд л тэр. Ноад Бурханы даалгасан бүхнийг гүйцэлдүүлэх боломж олгоход эдгээр цөөн хэдэн энгийн зарчим хангалттай байсан, Ноа үүнд ердөө хэдхэн сар, хэдэн жил, хэдэн арван жил ч биш, зуу гаруй жилийн турш тууштай явсан. Энэ тоо гайхмаар биш байна уу? Ноагаас өөр хэн үүнийг хийж чадах байсан бэ? (Хэн ч чадахгүй.) Яагаад тэр вэ? Зарим хүн үүнийг үнэнийг ойлгоогүйгээс үүдэлтэй гэдэг—гэхдээ энэ нь баримттай нийцдэггүй. Ноа хичнээн үнэнийг ойлгосон бэ? Ноа яагаад энэ бүхнийг хийж чадсан бэ? Өнөөгийн итгэгчид Бурханы олон үгийг уншсан, зарим үнэнийг ойлгодог—тэгвэл тэд яагаад үүнийг хийж чаддаггүй юм бэ? Бусад нь үүнийг хүмүүсийн завхарсан зан чанараас болсон гэдэг—гэхдээ Ноа завхарсан зан чанартай байгаагүй гэж үү? Ноа үүнийг хийж чадсан байхад өнөөгийн хүмүүс яагаад чаддаггүй юм бэ? (Яагаад гэвэл, өнөөгийн хүмүүс Бурханы үгэнд итгэдэггүй, Бурханы үгийг үнэн гэж үздэггүй, бас үнэн гэж баримталдаггүй.) Тэд яагаад Бурханы үгийг үнэн гэж үзэж чаддаггүй юм бэ? Тэд яагаад Бурханы үгийг баримталж чаддаггүй юм бэ? (Тэд Бурханаас эмээдэггүй.) Тэгвэл хүмүүс үнэний талаар ямар ч ойлголтгүй, олон үнэнийг сонсоогүй байх үед Бурханаас эмээх сэтгэл яаж төрдөг вэ? Хүмүүсийн хүн чанарт бүхнээс эрхэм нандин хоёр зүйл байх ёстой: Эхнийх нь мөс чанар, харин хоёр дахь нь хэвийн хүн чанарын эрүүл ухаан юм. Хэвийн хүн чанарын мөс чанар, эрүүл ухаантай байх нь хүн байх наад захын стандарт мөн. Энэ нь хүнийг хэмжих наад захын, хамгийн үндсэн стандарт юм. Гэхдээ, өнөөгийн хүмүүст энэ нь байхгүй байгаа учир хэчнээн олон үнэнийг сонсож, ойлголоо ч тэд Бурханаас эмээж чадахгүй. Тэгвэл Ноатай харьцуулахад өнөөгийн хүмүүсийн мөн чанар юугаараа ялгаатай вэ? (Тэд ямар ч хүн чанаргүй.) Тэгвэл хүн чанаргүй байхын мөн чанар юу вэ? (Адгуус, чөтгөрүүд.) ‘Адгуус, чөтгөрүүд’ гэдэг жаахан эвгүй сонсогдож байгаа ч баримттай нийцдэг; арай эвтэйхнээр хэлбэл тэд хүн чанаргүй. Хүн чанар, эрүүл ухаангүй хүмүүс бол хүн биш, бүр адгууснаас ч дор. Бурханы үгийг сонсохдоо ой тойндоо хадгалж чадсан учраас Ноа Бурханы даалгаврыг гүйцэлдүүлж чадсан юм. Түүний хувьд Бурханы даалгавар насан туршийнх нь ажил байсан, түүний итгэл гуйвшгүй, түүний хүсэл зуун жилийн турш өөрчлөгдөөгүй. Учир нь тэр Бурханаас эмээдэг зүрх сэтгэлтэй байсан, жинхэнэ хүн байсан бөгөөд тэр туйлын эрүүл ухаантай байсан болохоор Бурхан бүхээг барих ажлыг түүнд даалгасан юм. Ноа шиг эрүүл ухаантай хүмүүс маш ховор, өөр тийм хүн олоход маш хэцүү” (Үг. III Боть: Антихристүүдийг илчлэх нь. 2 дахь сэдэвчилсэн хэлэлцүүлэг: Ноа, Абрахам нар хэрхэн Бурханы үгийг сонсож, Түүнийг дуулгавартай дагасан тухай (I хэсэг)). Ноа гүн гүнзгий сургаал огт сонсоогүй, олон үнэнийг ойлгоогүй ч Бурханаас эмээж, дуулгавартай дагадаг зүрх сэтгэлтэй байсан. Бурхан Ноад хүн төрөлхтнийг үерээр устгах гэж байгаагаа хэлээд, өөрийг нь бүхээг барих хэрэгтэй гэхэд Ноа тээнэгэлзэлгүйгээр хүлээн авсан. Бүхээг барихад мод огтолж, нарийн хэмжилт хийх шаардлагатай учраас өөрт нь Бурханы өгсөн даалгавар амархан биш гэдгийг Ноа мэдэж байсан, хэдий тэр төсөл асар том, хэцүү байсан ч Ноа ухарч няцаагүй, учир нь энэ бол өөрт нь Бурханы даалгасан даалгавар гэдгийг Ноа мэдэж байсан. Бурханы үгийг тунгаан бодоод, Ноагийн хүн чанар, эрүүл ухаан надад байхгүйг би ухаарсан. Удирдагч надад хэд хэдэн чуулганы ажлыг хариуцуулахад би Бурханд итгээгүй, өөрийнхөө ур чадварт л найдаж, ажиллах чадвар минь хязгаарлагдмал, чуулганы удирдагчаар удаан дадлагажаагүй, олон дутагдалтай гэж санагдаад, сайн хийхгүй байх гэж санаа зовсондоо энэ үүргийг хүлээн авахыг хүсээгүй. Би Бурханд Ноа шиг итгээгүй, Бурханаас эмээж, дуулгавартай дагах зүрх сэтгэл ч надад байгаагүй, Ноад байсан шиг хүн чанар, эрүүл ухаан бүр ч байгаагүй. Энийг ухаараад би санаа зовохоо больж, Ноа үүргээ хүлээн авсан шиг дуулгавартай байж, энэ үүргийг хүлээн авахыг хүссэн.

Гэсэн ч ажлаа хийж эхлэхдээ би шинэ асуудалтай тулгарч, маш их ажил хийх ёстойгоо олж мэдсэн. Жишээлбэл, би чуулган доторх ах, эгч нарын байр байдлыг ойлгож авч, цуглаанд хэвийн оролцдоггүй хүмүүсийг дэмжиж, үүргийнх нь бэрхшээлийг мэдэж авч, бэрхшээлийг нь шийдвэрлэхийн тулд нөхөрлөж, үүргээ гүйцэтгэж сурахад нь хүмүүст туслах ёстой гэх мэт энэ бүх хариуцлагыг үүрэх ёстой болсон юм. Ийм асуудалтай тулгарах үедээ би хаанаас эхлэхээ мэдэхгүй, энэ ажлыг яаж сайн хийхээ мэдэхгүй, маш их стресстсэн. Эдгээр бэрхшээл намайг сөрөг болгож, би туршлагагүй, маш их бэрхшээлтэй тулгарч байгаа учраас энэ үүрэгт тохирохгүй юм шиг санагдаж байгаагаа удирдагчид хэлэхийг л хүссэн. Сүүлд нь удирдагч миний байдлыг олж мэдээд, надад туслахаар Бурханы үгийн нэг хэсгийг над руу илгээж, би Бурханы энэ үгийг уншсан. “Бурхан израильчуудыг Египетээс удирдан гаргуулахаар Мосег илгээх үед Бурхан өөрт нь ийм даалгавар өгсөнд Мосе ямар хариу үйлдэл үзүүлсэн бэ? (Тэр өөрийгөө уран цэцэн яриатай биш, харин удаан хэл яриатай гэж хэлсэн.) Тэр бага зэрэг болгоомжилж, уран цэцэн яриатай биш, харин удаан хэл яриатай гэж хэлсэн ч Бурханы даалгаврыг эсэргүүцсэн үү? Үүнд яаж хандсан бэ? Тэр нүүрээрээ газар унан мөргөсөн. Нүүрээрээ газар унан мөргөнө гэдэг нь юу гэсэн үг вэ? Дуулгавартай дагаж, хүлээн авсан гэсэн үг. Мосе өөрийнхөө дур сонирхлыг үл хайхран Бурханы өмнө бүх биеэрээ газар унан мөргөж, өөрийнхөө ямар ч бэрхшээлийг дурдаагүй. Бурхан өөрөөр нь юу ч хийлгэсэн бай, тэрийг нь даруй хийдэг байсан. Юу ч хийж чадахгүй гэдгээ мэдэрч байхдаа ч гэсэн тэр яагаад Бурханы даалгаврыг хүлээн авч чадсан бэ? Учир нь түүний дотор жинхэнэ итгэл байсан. Тэрээр бүх зүйл, хэрэг явдлыг Бурхан захирдаг талаар бага зэрэг туршлагатай байсан бөгөөд дөчин жилийн туршлагаараа Бурханы дээд эрх төгс хүчтэйг мэдэж авсан юм. Иймээс тэр Бурханы даалгаврыг дуртайяа хүлээн авч, нэг ч үг хэлэлгүйгээр өөрт нь Бурханы даалгасан зүйлийг хийхээр явсан. Явсан гэдэг нь юу гэсэн үг вэ? Тэрээр Бурханд үнэхээр итгэж, найдаж, үнэхээр дуулгавартай байсан гэсэн үг юм. Тэрээр хулчийгаагүй, өөрийнхөө сонголтыг хийх юм уу татгалзахаар оролдоогүй; харин ч бүрэн итгэлтэй байж, өөрт нь өгсөн Бурханы даалгаврыг гүйцэтгэхээр итгэл дүүрэн явсан. ‘Бурхан ийм даалгавар өгсөн бол бүгд Бурханы хэлснээр биелнэ. Бурхан надад израильчуудыг Египетээс гарга гэж хэлсэн учраас би явна. Энэ нь Бурханы даалгасан зүйл тул Бурхан ажиллана, Бурхан надад хүч чадал өгнө. Би зөвхөн хамтран ажиллах хэрэгтэй’ гэж тэр итгэсэн. Мосе ийм ойлголттой байсан… Тухайн үеийн орчин нөхцөл израильчуудад ч, Мосед ч тааламжтай биш байлаа. Хүний нүдээр, израильчуудыг Египетээс удирдан гаргана гэдэг нь ер боломжгүй ажил байсан, учир нь Египет Улаан Тэнгисээр тусгаарлагдсан, тэрийг гатална гэдэг нь мөн л өөр нэг сорилт байв. Мосе энэ даалгаврыг биелүүлэх нь хэчнээн хэцүү болохыг үнэхээр мэдээгүй гэж үү? Тэр зүрх сэтгэлдээ үүнийг мэдэж байсан мөртөө зүгээр л өөрийгөө удаан хэл яриатай, өөрийнх нь үгийг хэн ч анхаарахгүй гэж хэлсэн юм. Тэр зүрх сэтгэлдээ Бурханы даалгавраас татгалзаагүй. Бурхан Мосед израильчуудыг удирдан Египетээс гарга гэж хэлэхэд тэр нүүрээрээ газар унан мөргөж, хүлээн авсан. Мосе яагаад бэрхшээлийг дурдаагүй вэ? Цөлд дөчин жилийг өнгөрүүлснийхээ дараа тэр хүний ертөнцийн аюул заналыг, Египетэд юм яаж хөгжсөнийг, эсвэл израильчуудын тухайн үеийн зовлонг мэдээгүй юм гэж үү? Тэр эдгээр зүйлийг тодорхой харж чадаагүй гэж үү? Ийм юм болсон уу? Мэдээж үгүй. Мосе ухаантай, мэргэн хүн байлаа. Тэрээр энэ бүх зүйлийг мэдэж байсан, хүний ертөнцөөс тэдгээрийг харж, туулж, мэдэрсэн бөгөөд хэзээ ч мартаагүй. Мосе тэр бүх зүйлийг дэндүү сайн мэддэг байлаа. Тэгвэл Бурханы өөрт нь өгсөн даалгавар хэчнээн хэцүү болохыг мэдэж байсан уу? (Тэгсэн.) Хэрвээ мэдэж байсан бол яаж тэр даалгаврыг хүлээн авч чадсан юм бэ? Тэрээр итгэлтэй байсан. Насан туршийн туршлагаараа Бурханы төгс хүчинд итгэсэн тул тэрээр Бурханы энэ даалгаврыг итгэлээр дүүрэн зүрх сэтгэлээр, өчүүхэн төдий ч эргэлзэлгүйгээр хүлээн авсан… Надад хэл дээ, цөлд дөчин жил байхдаа Мосе Бурханы хувьд юу ч хэцүү биш бөгөөд хүн Бурханы гарт байдаг гэдгийг мэдэрч чадсан уу? Маш их мэдэрсэн—тэр нь түүний хамгийн бодитой туршлага байв. Цөлд дөчин жил амьдрах хугацаанд амь насанд нь заналхийлсэн аюул маш их байсан бөгөөд амьд үлдэх эсэхээ тэр мэдээгүй. Тэр өдөр бүр амьд үлдэхийг хичээн, Бурханы хамгаалалтыг гуйн залбирчээ. Тэр нь түүний цорын ганц хүсэл байв. Тэрхүү дөчин жилийн хугацаанд Мосе Бурханы дээд эрх, хамгаалалтыг хамгийн гүн гүнзгий туулж мэдэрсэн юм. Хожим нь Бурханы даалгаврыг хүлээн авч байхдаа, Бурханы хувьд хэцүү зүйл гэж үгүй; Бурхан хийж чадна гэж хэлбэл гарцаагүй чадна; Бурхан надад ийм даалгавар өгсөн юм чинь үүнийгээ заавал биелүүлнэ—хэн нэгэн хүн биш, Бурхан үүнийг хийнэ гэсэн мэдрэмж түүнд анх төрсөн байж таарна. Хүн үйлдэл хийхээсээ өмнө урьдчилан төлөвлөгөө гаргаж, бэлтгэл хийх ёстой. Тэрээр эхлээд бэлтгэл ажил хийх ёстой. Бурхан үйлдэхээсээ өмнө эдгээр зүйлийг хийх ёстой юу? Тэгэх шаардлагагүй. Хэчнээн нөлөөтэй, чадварлаг, чадалтай, догшин ширүүн байлаа ч бүтээгдсэн зүйл болгон Бурханы гарт байдаг. Мосе ийм итгэлтэй, мэдлэгтэй, туршлагатай байсан тул зүрх сэтгэлд нь өчүүхэн ч болов эргэлзээ, айдас байгаагүй. Тийм болохоор Бурханд итгэх итгэл нь тун бодитой, цэвэр байсан юм. Түүнийг итгэлээр дүүрэн байсан гэж хэлж болно” (Үг. III Боть: Эцсийн өдрүүдийн Христийн яриа. Жинхэнэ дуулгавартай байдал л жинхэнэ итгэлд хүргэдэг). Бурханы үгийг уншаад би Бурханд найддаггүй, Бурханд огт итгэдэггүй хулчгар хүн гэдгээ ухаарсан. Бурхан израильчуудыг боолчлолоос нь ангижруулахаар Египетээс удирдан гаргахын тулд Мосег дуудсан. Мосед Фараоны эсрэг тэмцэх арми байгаагүй, энэ даалгаврыг гүйцэлдүүлэхэд маш хэцүү байсан ч Мосе Бурханы үгийг дуулгавартай дагаж чадсан, Бурхан Өөрийн ард түмнийг биечлэн удирдаж Египетээс гаргана гэж итгэсэн. Өөрийгөө дахиад бодоод үзэхэд өөрийнхөө хийж чадахгүй маш их ажлыг харсан болохоор би энэ үүргийг хойш тавихыг хүссэн, учир нь би маш их дарамтад орж, энэ үүрэг надад ачаа болж байгаа юм шиг, гүйцэлдүүлж чадахгүй юм шиг санагдсан. Би Бурханд найдаагүй, Бурханд огт итгээгүй. Зүгээр л өөрийнхөө хязгаарлагдмал ур чадварт итгэж, ажлаа сайн хийж чадаж байгаа минь миний хэв чанар, туршлагатай холбоотой гэж бодоод, ажлыг бүгдийг нь Бурхан хийдэг, бид зүгээр л туслах дүрд тоглодог гэдэгт итгээгүй, үнэхээр биеэ тоож байж. Би тэр үүргийг гүйцэтгэж чадсан нь Бурханы зөвшөөрөлтэй байсан. Бурхан бүхнийг захирч, зохицуулдаг. Харин би бодитоор хамтран ажиллах итгэлтэй байх ёстой. Одоогоос эхлээд би энэ үүргийг голж болохгүй. Бурханд найдаж, Бурхан руу харж байгаа цагт намайг залж чиглүүлж, надад тусалж, бүх төрлийн бэрхшээл дундаас үнэнийг олж мэдэж, янз бүрийн зарчмыг ухаарах боломж олгоно гэж би бодсон. Энэ үүргийг гүйцэтгэсэн нь итгэлгүй гэдгийг минь илчилж, дутагдлыг минь нөхөж, илүү олон нөхцөл байдлыг туулж, үнэнийг ойлгох боломж олгосон. Энэ бол Бурханы ерөөл.

Венесуэлд ус, цахилгаан, интернэт, эдийн засгийн асуудлууд байдаг, заримдаа бид гэр бүлээ тэжээхийн тулд ердийнхөөсөө илүү шаргуу ажиллах ёстой болдог. Аав бид хоёр өглөө бүр 3 цагт загасчлахаар явж, өдрийн гурав, дөрвөн цаг хүртэл харьж ирдэггүй. Би өдөржингөө далайд хөвөөд маш их ядардаг байсан ч гэртээ хариад амрахыг хүсдэггүй байсан, учир нь үүргээ гүйцэтгэхдээ хийж чадаагүй маш олон зүйл байсаар байсан болохоор би үүргээ зохих ёсоор гүйцэтгэж чаддаг болохын тулд судалж, өөрийгөө зэвсэглэж, дутагдлаа нөхөхөд илүү их цаг зарцуулах шаардлагатай байсан. Би үүргээ сайн гүйцэтгэхгүй бол Бурханы урмыг хугалах байсан. Нигүүлслийн эрин үеийн ариун хүмүүсийн тухай бодоход тэд Эзэн Есүсийг дагаж, сайн мэдээ түгээж, үүргээ гүйцэтгэж, олон бэрхшээл, аюулыг туулж, асар их зовсон. Миний өчүүхэн зовлонг яаж харьцуулж болох билээ дээ? Тиймээс өдөр бүр гэртээ хариад би юун түрүүнд утсаа шүүрэн авч, ямар ажил, даалгавар байгааг хардаг байсан. Бас ах, эгч нарт мессеж илгээж, ямар нэг бэрхшээл тулгарч байгаа эсэхийг нь асууж, үүргээ яаж биелүүлэхээ мэдэхгүй хүн байгаа бол түүнд тусалж, үүргээ гүйцэтгэж байхдаа юу сурснаа ярьж өгдөг байсан. Би үүргээ гүйцэтгэхдээ Бурханд найдаж сурч эхлэн, ах, эгч нарыгаа бэрхшээл туулах үед, намайг залж чиглүүлж, тэдэнд туслах Бурханы үгийг олох боломж олгооч гэж Бурханд залбирдаг байсан. Бурханы үгийг хуваалцаж, өөрийнхөө туршлага, ойлголтыг нөхөрлөсний дараа тэдний байдал бага зэрэг өөрчлөгдөж, ах, эгч нарт туслах явцдаа би ч бас ашиг тус хүртэж, үнэний талаарх ойлголт минь урьдынхаасаа илүү тодорхой болсон. Үүнийг туулаад би ямар ч бэрхшээл тулгарсан Бурханд үнэхээр найдаж байгаа цагт Бурхан биднийг үргэлж залж чиглүүлнэ гэдгийг харж, өдөр бүр бэрхшээл тулгарч байсан ч анхных шигээ сул дорой байхаа больсон. Гэвч төд удалгүй өөр нэг том асуудалтай тулгарлаа.

Миний байсан газрын интернэт муу байснаас ах эгч нартайгаа тогтмол цуглаан хийж, ярилцах аргагүй, үүргээ гүйцэтгэх ч аргагүй боллоо. Энэ асуудал надаас давсан гэдгийг мэдэж байсан учраас би удаан хугацааны турш Бурханд залбирч, үүгээр дамжуулан намайг залж чиглүүлэхийг гуйсан. Залбирсныхаа дараа би аажмаар тайвшраад, Бурханы энэ үгийг уншсан юм: “Хамгийн хэцүү үедээ, Бурханыг мэдэрч чадахгүй байх үедээ, хамгийн их шаналж, хамгийн их ганцаардах үедээ, Бурханаас хол байна гэдгээ мэдрэх үедээ чинийх заавал хийх ёстой ганц зүйл юу вэ? Бурханыг дуудах явдал юм. Чи Бурханыг дуудах үедээ хүчтэй болно; Бурханыг дуудах үедээ чи Бурхан оршин байдгийг мэдэрч чадна; Бурханыг дуудах үедээ чи Бурханы захиралтыг мэдэрч чадна; Бурханыг дуудаж, Бурханд залбирч, амиа Түүний гарт даатгах үедээ чи Бурхан хажууд чинь байгааг, чамайг орхиогүй гэдгийг нь мэдэрч чадна. Бурхан чамайг орхиогүйг мэдрэх үедээ, Бурхан хажууд чинь байгааг үнэхээр мэдэрч чадах үедээ итгэл чинь ямархуу байдаг вэ? Он цагийн урсгал үүнийг үгүй хийж чадах уу? Чадахгүй” (Үг. III Боть: Эцсийн өдрүүдийн Христийн яриа. Жинхэнэ дуулгавартай байдал л жинхэнэ итгэлд хүргэдэг). Бэрхшээлтэй тулгарах үедээ чин сэтгэлээсээ Бурханыг дуудвал чи итгэлтэй, хүч чадалтай болно. Хүмүүсийн чадвар хязгаарлагдмал. Бид харааныхаа цараанаас цаашхыг харж чадахгүй тул урд маань тулгарч байгаа бэрхшээлээс үргэлж айдаг. Бурхан бүх зүйлийг захирдаг, бид үнэн сэтгэлээсээ Бурханд найдаж байгаа цагт Бурхан биднийг замчилж, үүргээ биелүүлэхэд маань тусална. Бурханы үг надад итгэл, хүч чадал өгсөн, би үүргээ гүйцэтгэхдээ тоо томшгүй олон бэрхшээлтэй тулгараад бүдэрч болохгүй, Бурханд залбирч, Бурханд найдан, тэр бэрхшээлүүдийг даван гарч, үүргээ гүйцэтгэхдээ бүр ч шаргуу ажиллах ёстой болсон. Тиймээс би цуглаанд хэвийн оролцох боломж олгох илүү тогтвортой интернэт холболт хайн гудамжаар явж эхэлсэн. Заримдаа цуглаан зохион байгуулахдаа би оройн 8 цагийн үед гудамжинд гарч, цуглаан дууссаны дараа арав хагас юм уу арван нэгэн цагийн үед л гэртээ харьдаг байлаа. Би Маргаритагийн аюултай хэсэгт амьдарч байсан учраас харих замдаа маш их айж, хэн нэгэн утсыг минь дээрэмдэх вий гэж айдаг байсан, тэгэх юм бол би цуглаан явуулж, үүргээ гүйцэтгэж чадахгүй болох байлаа. Бас Бурханд үргэлж залбирч, бэрхшээлийг тэсвэрлэх хүч чадал өгөөч гэж Бурханаас гуйдаг байсан. Төд удалгүй би нэг мессеж хүлээн авлаа. Ах нарын нэг нь миний нөхцөл байдлыг олж мэдээд, санаачилга гарган надад мессеж бичиж, “Ах аа, яг одоо хүнд бэрх цагийг туулж, үүргээ биелүүлэхийн тулд шөнө орой гудамжаар явж байгааг чинь би мэднэ ээ. Ингэх нь туйлын аюултай. Надад унадаг дугуй байгаа, хэрэгтэй үед танд түр хэрэглүүлж болно. Тэгвэл гадагшаа гарахад чинь илүү амар болно” гэсэн. Эдгээр бэрхшээлээс би ихийг сурч, бас Бурханд найдаж сурсан. Тэгээд Бурхан бүх зүйлийг захирдаг, хүн бүрд зориулсан орчныг Бурхан зохицуулдаг гэдгийг ухаарч, туршлагынхаа явцад Бурханы үйлдлийг үнэхээр харж, Бурханд итгэх итгэл минь одоо илүү хүчтэй болсон. Бусад хүнд минийхтэй адил бэрхшээл тулгарах үед би тэдэнтэй Бурханы үгийг хуваалцаад, тэдэнд тусалж, тэднийг Бурханд итгэлтэй болгохын тулд өөрийнхөө зарим туршлагыг нөхөрлөдөг байсан.

Өдөр бүр загасчлаад харьсныхаа дараа би гэртээ байж, Бурханы үгийг уншаад, цуглааны цаг болоход сайн интернэттэй газар олохоор дугуйгаа унан гудамжаар явж, Бурханд залбирах бүрдээ үүргээ сайн биелүүлэхэд намайг замчлаач гэж залбирдаг байсан. Би хэцүү нөхцөл байдлаа хайхрахаа больж, Бурханы хүсэл, шаардлагад нийцүүлэн үүргээ сайн биелүүлэхийг л хүссэн. Би илүү их бэрхшээлтэй тулгарах ёстой болсон ч Бурханы дээд эрх, зохицуулалтыг дуулгавартай дагаж, надад Бурханы зохицуулсан орчныг туулж, Бурханы зүрх сэтгэлийг хангалуун байлгахыг эрж хайхад бэлэн байсан. Хэсэг хугацааны дараа ах, эгч нар харьцангуй тогтвортой интернэттэй, тохиромжтой байр олоход минь тусалсан. Тэнд би үүргээ илүү сайн биелүүлж чадах учраас Төгс Хүчит Бурханд маш их талархаж, Бурханы удирдамжийн дор үүрэгтээ асар их ахиц гаргасан. Хэд хоногийн өмнө удирдагч дахиад надад бүр ч их ажил хариуцуулж, улам их ачаа үүрүүлнэ, бүр олон ажил, илүү олон ах, эгчид анхаарал тавих ёстой болно гэж хэлсэн. Гэхдээ надад ямар ч санаа зовнил, гомдол байхгүй. Бурханд итгэж, найдсаар байгаа цагт Бурхан намайг замчилж, үүргээ зохих ёсоор гүйцэтгэхэд тусална.

Бурхан ингэж хэлсэн байдаг: “Чи Бурханы хүслийг хэдий чинээ анхаарна, төдий чинээ их ачаа үүрнэ, үүрдэг ачаа чинь их байх тусам, туршлага чинь төдий чинээ баялаг байна. Бурханы хүслийг анхаарах үед чинь Бурхан чамд ачаа үүрүүлж, дараа нь чамд даалгасан даалгаврынхаа талаар чамайг гэгээрүүлнэ. Бурхан чамд энэхүү ачааг өгөхөд чи Бурханы үгийг идэж, ууж байхдаа холбогдох бүх үнэнд анхаарлаа хандуулна. Хэрвээ чи ах, эгч нарынхаа амийн байр байдалтай хамаатай ачаа үүрдэг бол тэр нь Бурханаас чамд даалгасан ачаа бөгөөд чи өдөр тутмынхаа залбиралд энэхүү ачааг байнга үүрнэ. Бурханы хийдэг зүйлийг чамд үүрүүлсэн бөгөөд Бурханы хийхийг хүсдэг зүйлийг чи хийхийг хүсэж байгаа; Бурханы ачааг өөрийн мэт хүлээж авах гэдэг нь энэ юм” (Үг. I Боть: Бурханы илрэлт ба ажил. Төгс төгөлдөрт хүрэхийн тулд Бурханы хүслийг анхаар). “Олон тохиолдолд Бурханы шалгалт бол хүмүүст Түүний өгдөг ачаа юм. Чамд Бурханы хайрласан ачаа хэчнээн ч их байсан, тэр бол чиний үүрэх ёстой ачааны хүнд нь юм, учир нь Бурхан чамайг ойлгодог, үүнийг дааж чадна гэдгийг чинь мэддэг. Чамд Бурханы өгсөн ачаа биеийн чинь хэмжээ, эсвэл тэвчээрийн чинь хязгаараас хэтрэхгүй учраас чи үүнийг дааж чадна гэдэгт эргэлзэх зүйлгүй. Бурхан чамд ямар ч төрлийн ачаа, ямар ч төрлийн шалгалт өгсөн байсан, нэг зүйлийг санаж ав: Бурханы хүслийг ойлгож байна уу, үгүй юу, залбирах үед чинь Ариун Сүнс чамайг гэгээрүүлж, гэрэлтүүлж байна уу, үгүй юу, энэхүү шалгалт нь Бурхан чамайг сахилгажуулж, чамд анхааруулж байгаа хэрэг мөн үү, биш үү гэдгийг чи ойлгодоггүй байх нь хамаагүй. Чи үүргээ гүйцэтгэхээ хойшлуулаагүй, үүргээ үнэнчээр баримталж чадаж байгаа цагт Бурхан сэтгэл хангалуун байж, чи гэрчлэлдээ бат зогсох болно” (Үг. III Боть: Эцсийн өдрүүдийн Христийн яриа. Бурханы үгийг байнга уншиж, үнэнийг эргэцүүлбэл л урагшлах замтай болно). Бурханы үгийг уншаад би Бурхан бидэнд дааж давшгүй ачаа өгөхгүй, Бурхан бидний биеийн хэмжээ, юу хийж чадахыг мэднэ гэдгийг ойлгосон. Бид Бурханы хүслийг анхаарч, үүргээ гүйцэтгэхдээ илүү их ачаа үүрэхийг хүсэх тусам, туршлага маань улам баялаг болж, Бурханы талаарх ойлголт маань гүнзгийрнэ. Миний зүрх сэтгэл хөшүүн, үзэл минь олон, биеийн хэмжээ төлөвшөөгүй, Бурханд итгэх итгэлгүй гэдгээ мэдэж байгаа учраас би энэ үүргийг чин сэтгэлээсээ, дуулгавартай хүлээн авч, бэрхшээлээс үнэнийг эрж хайж, бүх зүйлийн ар дахь Бурханы хүслийг эрж хайж чаддаг байхын тулд Бурханд залбирах ёстой. Эдгээр бэрхшээлийг туулаад би хүнд бэрх цаг үед өөрийгөө болон Бурханы үйлдлийг илүү сайн мэдэж авч, Бурханд илүү итгэлтэй болж чадна гэдгээ ойлгосон. Бид энэ үүргийг дөнгөж гүйцэтгэж эхлэх үедээ Бурханд хааяахан залбирсан, Бурханы удирдамжийг эрж хайгаагүй. Үүргээ гүйцэтгэхдээ зүгээр л өөрийнхөө ур чадварт найдахаар оролдож, Бурханд огт итгээгүй. Бурханы үгийг уншиж, хүслийг нь ойлгосныхоо дараа би итгэлтэй болж, үүргээ гүйцэтгэхээр шаргуу ажиллаж, үргэлж Бурханд залбирч, Бурханд найдаж, эрж хайж, удирдагчидтай ярилцаж, үүргээ гүйцэтгэхтэй холбоотой зарчмуудыг, бас чуулганы ажлыг хийдэг зарим зам, үйл явцыг мэддэг болсон. Эдгээр зүйлийг туулаад би сөрөг байдалтай байхаа больж, Бурханы надад өгсөн хариуцлага, ачааг гүйцэлдүүлж чадахгүй гэж санагдахаа больсон. Надад өдөр бүр ямар нэг зүйл тохиолдоход үнэнийг эрж хайж, үүргээ зохих ёсоор хичээнгүйлэн гүйцэтгэж сураад, бэрхшээл тулгарах үед Бурханд залбирдаг, энэ бүх орчин нөхцөл, хүндрэл бэрхшээлийг туулахад Бурхан надад замчилж, тусалдаг. Бас миний бэрхшээл, стресс маш их гэж санагдахаа больсон шүү. Би ийм бэрхшээл туулаагүй бол Бурханы гэгээрлийг хүртэхгүй, Бурханы талаарх жинхэнэ мэдлэгтэй, итгэлтэй болохгүй, жинхэнэ туршлагатай болж бүр ч чадахгүй байсан. Тэгсэн бол би үүргээ зохих ёсоор гүйцэтгэж чадахгүй. Эдгээр нөхцөл байдлыг туулаад би, Бурхан намайг сургаж, бүр ч олон даалгавар, ачаа үүрэх боломж олгож байгааг одоо ойлгож, Төгс Хүчит Бурханд маш их талархаж байна. Өдөр тутам надад тулгардаг нөхцөл байдалд Өөрийнх нь хайр байгааг Тэр надад ухааруулдаг. Миний туулдаг зовлон ч бас Бурханы хайрын нэг хэсэг. Бурханы энэ үгийг би одоо ойлгож байна: “Чи Бурханы хүслийг хэдий чинээ анхаарна, төдий чинээ их ачаа үүрнэ, үүрдэг ачаа чинь их байх тусам, туршлага чинь төдий чинээ баялаг байна” (Үг. I Боть: Бурханы илрэлт ба ажил. Төгс төгөлдөрт хүрэхийн тулд Бурханы хүслийг анхаар). Би Бурханы хайрыг хариулахын тулд илүү их ачаа үүрэхийг хүсдэг.

Одоо Венесуэлийн эдийн засаг, төрийн үйлчилгээ, интернэтэд олон бэрхшээл байгаа. Заримдаа би стресстдэг ч Бурханд найдаж, эрж хайж, Бурханд итгэж сурсан. Би эдгээр бэрхшээлийг туулаагүй бол үүргээ гүйцэтгэхийн ач холбогдлыг, бэрхшээл дунд Бурханыг яаж эрж хайхыг ойлгохгүй байсан. Надад зориулан зохицуулсан энэ хүнд хэцүү нөхцөл байдлынх нь төлөө би Бурханд талархдаг, энэний л ачаар би ийм ашиг тус хүртэж, энэ мэдлэгт хүрэх боломжтой болсон.