Сенен, Энэтхэг

Тухайн үед пасторыг тэгж хэлэхэд би маш их дарамт мэдэрсэн. Сүмийн Дээд Зөвлөл намайг байцаах юм бол дайрч давшилсан бүлэг хүмүүстэй тулгараад тэднийг сөрж чадна гэж үү? Төгс Хүчит Бурханд итгэнэ гэж зүтгэвэл намайг сургуулиас хөөх болов уу? Бусад бүх итгэгчээс намайг гол гэж шаардах болов уу? Ингэж бодоод би маш их санаа зовсон учир Бурханд чимээгүйхэн залбирч, намайг залж чиглүүлээч гэж Бурханаас гуйгаад, гэрчлэлдээ бат зогсмоор байна гэсэн.

Залбирсныхаа дараа би Бурханы үгээс ахиад хоёр хэсгийг уншсан. “Та нар цаг ямагт сэргэг байж, хүлээх ёстой бөгөөд Миний өмнө илүү их залбирах ёстой. Сатаны янз бүрийн явуулга, башир заль мэхийг олж харж, сүнсийг таньж мэдэн, хүмүүсийг мэдэж, бүх төрлийн хүмүүс, үйл явдал, юмсыг ялган таних чадвартай байх ёстой” (Үг. I Боть: Бурханы илрэлт ба ажил. Христийн эхэн үеийн айлдварууд, 17-р бүлэг). “Миний талаар хүмүүсийн зүрх сэтгэлдээ тээдэг мэдлэгийг Сатан байнга ховх сорж, бас байнга шүдээ ярзайлган, хумсаа сарвайлгаж, сүүлчийн амь тэмцсэн тулаандаа ордог. Энэ мөчид та нар түүний зальжин ов мэхэнд олзлогдохыг хүсэж байна уу? Та нар Миний ажлын сүүлийн үе шат дуусах энэ мөчид өөрийнхөө амийг таслахыг хүсэж байна уу?” (Үг. I Боть: Бурханы илрэлт ба ажил. Бүх орчлон ертөнцөд хандсан Бурханы айлдварууд, 6-р бүлэг). Надад тохиолдож байгаа энэ бүх зүйл Сатаны заль мэх байсныг би Бурханы үгээс ойлгосон. Сатан Бурханыг дагахад минь саад болж, үймүүлэхийг хүсэж. Миний биеийн хэмжээ жаахан, багахан үнэнийг мэддэг байсан ч би Бурханд найдан бат зогсож, Сатаныг шившиглэхэд бэлэн байлаа. Иймээс би тэдэнд “Би цуглаанд оролцохоо болихгүй. Төгс Хүчит Бурханыг үргэлжлүүлэн дагана” гэсэн. Пасторын үгэнд ороогүй болохоор аав, ээж хоёр маш их уурлаж, аав над руу ширтээд, “Яаж үгүй гэж хэлж зүрхэлж байна аа? Пасторыг явахаас өмнө Төгс Хүчит Бурханд итгэхээ болино гэж амлах хэрэгтэй!” гэж хашхирсан. Пастор намайг дахиад л сүрдүүлж, долоо хоногийн дотор цуглаанд оролцохоо болихгүй бол Дээд Зөвлөлд аваачиж байцаана гэсэн шүү. Гэхдээ миний сонголт зөв гэдгийг мэдэж байсан болохоор би харамсаагүй. Эцсийн өдрүүд дэх Төгс Хүчит Бурханы ажлыг хүлээн авахаасаа өмнө би Бурханд итгэдэг байсан ч тэнгэрийн хаанчлалд орох шаардлагыг ойлгоогүй байсан. Заримдаа оюун санаа минь уран сэтгэмжээр дүүрч, заримдаа, үргэлж нүгэл үйлдээд, тэнгэрийн хаанчлалд орж чадах эсэхээ мэдэхгүй байсан болохоор маш их будилдаг байсан. Одоо би эцэст нь ойлгосон. Төгс Хүчит Бурханы шүүлтийн ажил л бидний нүгэлт уг чанарыг шийдвэрлэж чадна, тэр үед л бид нүглээс аврагдаж, аврал хүртэж, Бурханы хаанчлалд орж чадна. Төгс Хүчит Бурханы үг л надад энэ ёрын муу ертөнцийг тодорхой харуулж, хүн төрөлхтнийг завхруулахдаа Сатан яаж ертөнцийн гүн ухааныг ашигладгийг ойлгуулсан. Хэрвээ би Төгс Хүчит Бурханы үгийг уншаагүй бол бүх насаараа дэлхий ертөнцийн сатанлаг гүн ухааныг дагаж, Сатаны завхралаас яаж мултрахаа огт мэдэхгүй байх байсан. Иймээс тэд надад яаж ч саад болсон, Төгс Хүчит Бурханыг дагахаа хэзээ ч больж болохгүй байлаа. Дараа нь, пастор болих бодолгүй байгааг минь хараад уурлаад яваад өгсөн. Аав, ээж хоёр ч бас пасторыг үл хэрэгссэнд минь маш их уурлаж, надад хандан ууртайгаар “Чи пасторыг үгүйсгэж, чуулганы хориглосон зүйлийг хийж зүрхэлнэ гэнэ ээ. Заншил ёсоор чи тосгоноос хөөгдөх ёстой. Тосгоныхон чамайг голох юм бол ирээдүйд сертификат авах хэрэгтэй болоход чинь тосгоны дарга гарын үсэг зурж өгөхгүй. Чамд ажил ч олдохгүй. Энэ үр дагаврыг бодож үзсэн үү? Тэгвэл чи хаачих юм бэ? Чи ердөө оюутан. Орох оронгүй, ажиллаж ч чадахгүй. Яаж амьдрах юм бэ?” гэсэн. Аав бас, над шиг хүүтэйдээ ичиж байна гээд, намайг өөрсдөд нь маш их гутамшиг авчирлаа, цаашид хүү нь биш гэсэн. Би амьдралдаа анх удаа аавын ингэж загнахыг сонссон юм. Аав бүр намайг хүүгээ биш гэсэн. Аав, ээжийгээ ийм зүйл хэлсэнд итгэж ч чадаагүй. Би маш их гунигласандаа юу ч хэлээгүй. Аав минь цааш үргэлжлүүлэн, “Би дахиад хэлье, хэрвээ чи Төгс Хүчит Бурханд итгэсээр байх юм бол чамайг өсгөхөд зарцуулсан бүх мөнгийг минь буцааж төлөөрэй” гэсэн. Тэр үед би маш их доромжлуулаад их гунигласан. Аав, ээж минь өмнө нь надад сайн ханддаг байсан. Арван хүүхдийнхээ дундаас надад хамгийн хайртай, хамгийн өндөр хүлээлт тавьдаг, ийм хатуу үг хэзээ ч хэлж байгаагүй, тэгтэл одоо тэр хоёрын хандлага бүрэн өөрчлөгдсөн байлаа. Би аав, ээжийнхээ сайхан сэтгэлийг санаж, тэдэнтэй асуудалд орохыг хүсээгүй. Маш сул дорой санагдаад, юу хийхээ мэдээгүй болохоор Бурханд залбирч, энэ орчин нөхцөлтэй нүүр тулахад минь залж чиглүүлээч гэж гуйсан. Сүүлд нь би Төгс Хүчит Бурханы үгийн нэг хэсгийг бодсон юм. “Чи үнэний төлөө зовлон зүдүүр туулах ёстой, үнэний төлөө өөрийгөө зориулах ёстой, үнэний төлөө доромжлол амсах ёстой, илүү их үнэнийг олж авахын тулд илүү их зовлон амсах ёстой. Энэ нь чиний хийх ёстой зүйл юм. Амар амгалан гэр бүлийн амьдралын төлөө чи үнэнийг хаях ёсгүй ба түр зуурын таашаалын төлөө өөрийн амьдралын нэр хүнд, ёс жудгийг алдах ёсгүй. Чи сайн сайхан, үзэсгэлэнтэй бүхнийг эрэлхийлж, илүү утга учиртай амьдралын замыг эрэлхийлэх ёстой. Хэрвээ чи энгийн дорд амьдралаар амьдардаг ба ямар ч зорилгыг эрэлхийлдэггүй бол амьдралаа дэмий үрж байгаа хэрэг биш гэж үү? Чи тийм амьдралаас юу олж авч чадах юм бэ? Чи нэг үнэний төлөө бие махбодын бүх таашаалыг орхих ёстой ба багахан таашаалын төлөө бүх үнэнийг хаях ёсгүй. Иймэрхүү хүмүүст ямар ч ёс жудаг, нэр хүнд байдаггүй; тэдний оршин тогтнолд ямар ч утга учир байдаггүй!” (Үг. I Боть: Бурханы илрэлт ба ажил. Петрийн туршлага: гэсгээлт, шүүлтийн талаарх түүний мэдлэг). Бурханы үг намайг зоригжуулж, би үнэний төлөө зовох ёстойгоо ойлгосон. Гэр бүлийнхэн маань намайг эсэргүүцэж, пастор надад саад болж, тосгоныхон намайг шүүхэд би зовж, бага зэрэг сул дорой байсан хэдий ч тэд юу ч хэлсэн, Төгс Хүчит Бурханыг дагахаа больж чадаагүй. Бурханы үгийг уншиж, цуглаанд оролцоод би олон үнэнийг ойлгож, Төгс Хүчит Бурхан бол эргэн ирсэн Эзэн Есүс, эцсийн өдрүүдийн Христ гэж зүрх сэтгэлдээ аль хэдийн тогтоосон тул цуглаанд оролцохоо больж чадаагүй. Цуглаанд оролцохоо боливол нөхцөл байдал намжина гэдгийг би мэдэж байсан. Гэр бүлийнхэн маань намайг эсэргүүцэхээ больж, надад урьдынх шигээ хандаж, ахиж хэн ч намайг дооглохгүй, гэхдээ би үнэнийг олж авч, Бурханаар авруулах боломжоо алдана. Гэр бүлийнхэн минь зөвшөөрөөгүйгээс болоод үнэнийг орхиж болохгүй, Бурханаас урваж болохгүй гэж би өөртөө хэлсэн. Төгс Хүчит Бурханы үг бол үнэн. Сатан хүн төрөлхтнийг яаж завхруулдгийг Төгс Хүчит Бурхан л хэлж өгч чадна, нүглээс ангижирч, Бурханаар авруулах замыг зөвхөн Тэр л бидэнд зааж өгсөн. Өнөөдөр үнэний төлөө зовж чадаж байгаа минь үнэ цэнтэй. Тиймээс би, гэр бүлийнхнийхээ хязгаарлалтад цаашид автахгүй, тэд миний сургалтын төлбөрийг төлөхөө больсон ч, намайг тосгоноос хөөж, амьдрал хэцүү болсон ч Бурханд итгэж, үнэнийг эрэлхийлэхээ болихгүй гэж шийдсэн.

Гэхдээ дараагийн долоо хоногт нь пастор хоёр хамтран зүтгэгчээ орой болгон манайх руу явуулж, тэд цуглаанд оролцохыг минь болиулахын тулд өдөр бүр өнөөх л үгээ давтаж байсан. Гэхдээ тэднийг юу ч гэсэн бай, би цуглаанд явсаар л байлаа. Тэр өдрүүдэд би байнга Бурханд залбирч, зүрх сэтгэлийг минь тайван байлгаж, энэ үймээнээс хол байлгаач гэж гуйж байсан юм. Хожим нь, энэ асуудлыг олон хүн мэдвэл гэр бүлийнхэн минь гутамшиг болно гэж айсандаа авга ах шинэ стратеги хэлэлцэхээр пастор дээр очжээ. Тэд намайг Библи сайн мэддэг шашин судлалын доктор зэрэгтэй шашин судлаач дээр аваачсан. Надтай уулзсаныхаа дараа тэр шашин судлаач намайг байцааж, “Чи яагаад Төгс Хүчит Бурханд итгэдэг юм бэ? Төгс Хүчит Бурхан зүгээр л эгэл хүн гэдгийг чи ухаарч байна уу? Яагаад хүнд итгэх ёстой юм бэ?” гэхэд нь би: “Төгс Хүчит Бурхан бол бие махбодтой болсон Бурхан. Эгэл жирийн хүн шиг харагддаг ч дотроо Бурханы Сүнстэй, Тэр бол бие махбодтой болсон Бурханы Сүнс, хэвийн хүн чанартайгаар зогсохгүй, бас бүрэн бурханлаг чанартай. Яг л Эзэн Есүс шиг; гаднаа Эзэн Есүс жирийн хүн байсан ч үнэндээ бие махбодтой болсон хүний Хүү, Бурхан Өөрөө байсан. Үнэнийг илэрхийлж, хүн төрөлхтнийг золих, аврах ажлыг хийж чадсан. Төгс Хүчит Бурхан эцсийн өдрүүдэд ирж, Бурханы зургаан мянган жилийн удирдлагын төлөвлөгөө, бие махбодтой болохын нууц, хүмүүсийг ариусгаж, аврахын тулд Бурхан эцсийн өдрүүдэд шүүлтийн ажил хийдэг тухай олон үнэнийг илэрхийлж, үнэний янз бүрийн нууцыг илчилж, хүмүүс нүгэл үйлддэгийн уг шалтгааныг ч бас илчилсэн. Эгэл жирийн хүн ийм их үнэнийг илэрхийлж чадна гэж бодож байна уу? Энэ дэлхийн ямар ч агуу, алдартай хүн энэ үнэнийг илэрхийлж чадахгүй. Бурхан Өөрөө л энэ үнэнийг илэрхийлж чадна. Өөр хэн ч биш, Бурхан л хийж чадна. Төгс Хүчит Бурханы илэрхийлсэн бүх үнэн Тэр бол бие махбодтой болсон Бурхан, Бурхан Өөрөө гэдгийг нь нотлоход хангалттай” гэсэн. Намайг ингэж хэлсний дараа шашин судлалын доктор яриа таслаад, “Ингэж хэлэх чинь буруу. Бурханы бүх үг Библид байдаг, Библийн гадна ямар ч шинэ үг байж болохгүй. Төгс Хүчит Бурханы энэ үг Бурханы шинэ үг байж таарахгүй” гэсэн. Би түүнийг няцааж, “Танд библийн үндэслэл байна уу? Эзэн Есүсийн үгэнд нотолгоо байна уу? Эзэн Есүс хэлэхдээ ‘Та нарт хэлэх зүйл Надад олон байгаа боловч та нар одоо тэдгээрийг дааж чадахгүй. Гэхдээ үнэний Сүнс болох Тэр ирэх үедээ та нарыг бүх үнэн рүү удирдана’ (Иохан 16:12–13). Эцсийн өдрүүдийн Хурга хуйлмал номыг нээнэ гэж Библи зөгнөдөг. Бурхан эцсийн өдрүүдэд эргэж ирэхдээ үг хэлнэ гэдгийг энэ бүхэн харуулж байна. Таны хэлснээр Бурхан Библийн гадна ямар ч шинэ үг хэлдэггүй бол Эзэний эргэн ирэлтийн бүх үг, ажлыг үгүйсгэж байгаа хэрэг биш үү?” гэсэн. Тухайн үед тэр огт сонсоогүй. Төгс Хүчит Бурханыг яллах хэдэн юм хэлээд, Зүүний Аянгыг сонсохоо боль гэж ахин дахин шаардсан. Дараа нь өөрийнх нь шашин судлалын зэрэг дэв хэчнээн сүрлэг болох, Эзэний төлөө номлохын тулд хэр их зовсон гэх мэтээ гайхуулж эхлэн, намайг Библи ойлгоход хэтэрхий залуу болохоор өөрийг нь сонсох ёстой гээд, Төгс Хүчит Бурханы Чуулганы хүмүүстэй уулзахаа боль гэсэн. Авга ах хажуугаас “Бид шашны хүрээнийхний ялладаг зүйлд итгэх ёсгүй, энэ шашин судлаач библийн мэдлэгээрээ алдартай, энэ хүнтэй ярилцах боломжтой байгаа чинь азтай хэрэг. Чамайг энэ хүний үгэнд ороод, цуглаанд явахаа болино гэж найдаж байна” гэсэн. Би тэдэнд, “Өмнө нь би нүгэлд амьдрах талаар будилж, хүмүүс нүглээс ангирч чаддаггүйн шалтгааныг олж чадаагүй. Энэ нь бидний доторх нүгэлт уг чанараас болж байгаа гэдгийг Төгс Хүчит Бурханы үгийг уншаад л ойлгосон. Хэрвээ нүгэлт уг чанараа арилгахгүй бол бид нүглийн хүлээсээс хэзээ ч ангижрахгүй” гэсэн. Бас би тэдэнд бие махбодтой болохын үнэний талаар гэрчилсэн. Намайг тэгж хэлсний дараа шашин судлаач, миний хуваалцсан зүйлээс урам зориг авлаа, үнэхээр сайн юм, ирээдүйд энэ талаар ярилцах боломж олдоно гэж найдаж байна гэсэн ч Төгс Хүчит Бурханыг хүлээн авах ёсгүй гэж зүтгэсэн. Хэдийгээр тэр шашин судлаач Библийг сайн мэддэг, шашин судлалын өндөр мэдлэгтэй, нэр хүнд сайтай байсан ч бодит байдал дээр сүнсээрээ ядуу, ямар ч үнэнийг ойлгодоггүй байсан. Бас маш их биеэ тоож, үнэнийг хүлээн аваагүй, эцсийн өдрүүд дэх Бурханы ажлыг судлахаар сонирхоогүй. Эзэн Есүсийг эсэргүүцсэн фарисайчуудын яг адилаар эцсийн өдрүүд дэх Төгс Хүчит Бурханы ажлыг буруушаасаар байсан. Тэр яриа Төгс Хүчит Бурханыг дагах шийдвэрийг минь өөрчлөөгүй, харин ч эсрэгээрээ, шашны ертөнцийн энэ пастор, шашин судлаачийг надад таниулж, би тэднийг хүндэлж, бишрэхээ больсон юм. Энэ хугацаанд цуглаанд оролцож, Бурханы үгийг уншаад би шашны ертөнцийн эдгээр төөрөгдлийг бага зэрэг ялган таньж, Төгс Хүчит Бурханы үг бол үнэн, Төгс Хүчит Бурхан бол цорын ганц жинхэнэ Бурханы илрэл гэдгийг бүр ч тодорхой мэдсэн дээ. Сүүлд нь, нэг цуглаан дээр би саяхны нөхцөлийнхөө талаар ах эгч нартайгаа ярилцаж, ах эгч нар надад Бурханы зарим үгийг хуваалцсан нь энэ сүнслэг тулаан дахь хуурамч хоньчид, антихристүүдийг надад бага зэрэг ойлгуулсан. Эзэн Есүс ингэж хэлсэн: “Хоёр нүүрт хуулийн багш нар, фарисайчууд та нар золгүй еэ! Яагаад гэвэл та нар хүмүүсээс тэнгэрийн хаанчлалыг хааж, өөрсдөө орохгүй бөгөөд орж буй хүмүүсийг ч бас оруулдаггүй” (Матай 23:13). “Хоёр нүүрт хуулийн багш нар, фарисайчууд та нар золгүй еэ! Та нар тэнгис далай болон газар нутгийг тойрч, ганц хүнийг сүсэгтнээ болгохын тулд уруу татдаг. Түүнийг сүсэгтэн болоход та нар түүнийг өөрсдөөсөө хоёр дахин дор тамын хүү болгодог” (Матай 23:15). Бурханы үгийг уншиж, тэдний нөхөрлөлийг сонсоод сэтгэл хавьгүй цэлмэж, шашны ертөнцийн энэ пастор, удирдагч нар яг л Эзэн Есүсийн ялласан фарисайчууд шиг болохыг би харсан. Тэд Төгс Хүчит Бурханы эцсийн өдрүүдийн ажлыг эсэргүүцэж, яллаад, Бурханы дуу хоолойг сонсож, Эзэнийг угтан авахад нь хүмүүст саад болохоор бүхнийг хийсэн. Тэд бол хүмүүсийг Бурханы хаанчлалд ороход саад болдог бул хар чулуу. Тэд маш өөдгүй болохоороо өөрсдөө ордоггүйгээр үл барам бусдыг ч оруулдаггүй. Төгс Хүчит Бурхан ингэж хэлсэн байдаг: “Том сүмд Библи уншиж, үүнийг бүхэл өдөржингөө цээжээр уншдаг хүмүүс байдаг атал тэдний дундаас нэг нь ч Бурханы ажлын зорилгыг ойлгодоггүй. Тэдний дундаас нэг нь ч Бурханыг мэдэж чаддаггүй; тэдний дундаас бүр нэг ч хүн Бурханы хүсэлд нийцэж чаддаггүй. Тэд бүгдээрээ үнэ цэнгүй, өөдгүй хүмүүс бөгөөд Бурханд зааж сургахын тулд дор бүрнээ өндөрт зогсдог. Тэд Бурханы далбааг намируулдаг атлаа Түүнийг дур зоргоороо эсэргүүцдэг. Бурханд итгэдэг гэх атлаа тэд хүний махыг идэж, цусыг уусаар байдаг. Ийм хүмүүс бүгд хүний сүнсийг залгидаг диаволууд, зөв замд орохоор хичээж буй хүмүүст зориуд саад учруулдаг толгойлогч чөтгөрүүд, мөн Бурханыг эрж хайдаг хүмүүст садаа болдог бул хар чулуу билээ. Тэд ‘эрүүл чийрэг бие махбодтой’ харагдаж болох ч Бурханыг эсэргүүцэхэд хүмүүсийг хөтөлдөг антихристүүдээс цаашгүй гэдгийг дагагчид нь яаж мэдэх юм бэ? Хүний сүнсийг залгидаг амьд диаволууд гэдгийг дагагчид нь яаж мэдэх юм бэ?” (Үг. I Боть: Бурханы илрэлт ба ажил. Бурханыг мэддэггүй бүх хүн бол Бурханыг эсэргүүцдэг хүмүүс юм). “Урсгал болгоны удирдагчдыг харцгаа—тэд бүгд биеэ тоож, өөрсдийгөө зөвтгөдөг бөгөөд Библийг агуулгаас нь гажуудуулж, өөрсдийн үзэл, төсөөллөөр тайлбарладаг. Ажлаа хийхдээ тэд бүгд билиг авьяас, эрдэм мэдлэгт найддаг. Хэрэв тэд юу ч номлож чаддаггүй байсан бол хүмүүс тэднийг дагана гэж үү? Эцсийн эцэст тэд жаахан мэдлэгтэй бөгөөд зарим нэг хоосон сургаалын тухай номлож чаддаг, эсвэл бусдыг хэрхэн өөрийн талд оруулах, заль мэх хэрхэн ашиглахаа мэддэг. Тэд эдгээрийг ашиглан хүмүүсийг мэхэлж, өөрсдийнхөө өмнө авчирдаг. Тэр хүмүүс Бурханд нэр төдий итгэдэг боловч бодит байдал дээр удирдагчдаа дагадаг. Үнэн замыг номлож байгаа хүнтэй таарах үедээ зарим нь: ‘Бид итгэлийнхээ талаар удирдагчтайгаа зөвлөлдөх ёстой’ гэцгээдэг. Бурханд итгэж, үнэн замыг хүлээн авахад нь тэдэнд бусдын зөвшилцөл, зөвшөөрөл мөн л хэрэгтэй байдаг—энэ нь асуудал бус уу? Тэгвэл тэрхүү удирдагчид юу болсон бэ? Фарисайчууд, хуурамч хоньчид, антихристүүд, мөн үнэн замыг хүлээн авахад нь хүмүүсийг бүдрээх бул хар чулуу болсон бус уу? Ийм хүмүүс нь Паултай адил төрлийнх юм” (Эцсийн өдрүүдийн Христийн яриа номын “Үнэний эрэл хайгуул л Бурханд итгэх жинхэнэ итгэл юм”). Бурхан шашны удирдагчдын үнэнийг үзэн ядаж, Бурханыг эсэргүүцдэг мөн чанарыг тодорхой илчилсэн. Төгс Хүчит Бурхан гарч ирээд, маш их үнэнийг илэрхийлсэн ч тэд огт эрж хайгаагүй. Бурханы дуу хоолойг сонсохын оронд тэд бурхангүй үзэлт нам болох ХКН-ын үгийг сонсож, Төгс Хүчит Бурханы ажлыг яллаж, итгэгчдийг мэхлэн Бурханы дуу хоолойг сонсож, угтан авахад маань саад болохын тулд төөрөгдөл тараадаг. Энэ нь аврагдаж, тэнгэрийн хаанчлалд орох боломжийг маань сүйтгэж байна. Хэдийгээр энэ пастор, удирдагч нар чуулганы хүмүүст Библийг үргэлж тайлбарладаг ч Бурхан, Бурханы ажлын талаар өчүүхэн төдий ч мэдлэггүй. Тэд бас Бурханаас эмээдэггүй, мөн чанар нь фарисайчуудынхтай адилхан. Тэд бүгд үнэнийг үзэн ядаж, Бурханыг эсэргүүцдэг антихристүүд. Тэгээд би Иудейн шашны итгэгчид шашны удирдагчдыг сохроор шүтэж, үр дүнд нь, фарисайчуудыг даган Эзэн Есүсийг эсэргүүцээд, Бурханы авралыг алдсаныг санасан юм. Аав, ээж минь ч бас пастор, ахлагчдыг шүтэж, Эзэнд олон жил итгэсэн хэдий ч зүрх сэтгэлд нь Бурханы орон зай байгаагүй. Тэд үнэнийг ойлгоогүй, ялган таних чадваргүй байсан. Пастор, ахлагчдыг дуулгавартай дагадаг хүмүүс Эзэнд дуулгавартай байж, Эзэнийг дагаж байгаа хэрэг гэж бодоод, пастор, ахлагчид юу ч хэлсэн, аав ээж минь сонсдог байсан. Эзэнийг угтан авах мэтийн чухал асуудал дээр тэд ялган танилгүй, пасторыг сохроор сонссон. Гэхдээ, Төгс Хүчит Бурханы үгийн талаар гэрчлэхэд минь тэд огт сонсоогүй, Төгс Хүчит Бурханыг яллахын тулд пастор, шашин судлаачийн үгийг давтаж, тэр ч бүү хэл, “Энэ үнэн зам байлаа ч пастор хүлээн авахгүй л бол бид хүлээн авахгүй” гэсэн. Аав, ээж минь үнэхээр өрөвдөлтэйг би харсан. Тэд яаж Эзэнд итгэсэн байх юм бэ? Зүгээр л пастор, ахлагчдад итгэж байсан биш үү? Би аав, ээждээ: “Хэрвээ та хоёр Эзэн Есүсийг ажиллахаар гарч ирсэн Нигүүлслийн эрин үед төрсөн бол урьдын Иудейн шашны итгэгчидтэй адилхан, Эзэн Есүсийг эсэргүүцэж, яллахад нь фарисайчуудыг дагах байсан, яагаад гэвэл, та хоёр пасторын л үгэнд ордог, пастор, ахлагчид ямар нэг зүйлийг хуурамч гэж яллавал та хоёр ч тэгнэ, харин өөрсдөө үнэн замыг огт судалдаггүй, Бурханы дуу хоолойг сонсохоор эрж хайдаг ч үгүй. Энэ чинь фарисайчуудыг дагаж, Эзэн Есүсийг эсэргүүцсэн хүмүүстэй адилхан биш үү? Ингээд та хоёр сайн үр дүнд хүрэх үү?” гэсэн. Би аав, ээжийгээ бага зэрэг ялган таньж, сэтгэл хөдлөлдөө автахаа больсон болохоор Бурханы төлөө гэрчлэлд зогсохоор шийдсэн юм.

Тэр хугацаанд би юу ч хийсэн, эцэг эх маань намайг ажиглаад, гэрээсээ цуглаанд тайван оролцож чадаагүй. Тухайн үед би цуглаан хийхээр тосгоны захын ойролцоох ойн бяцхан чөлөөнд шөнө сэмхэн очих ёстой болсон. Тэнд шумуул, шавж ихтэй, би шумуулд маш их хазуулаад, тухтай суух газар ч олж чаддаггүй, заримдаа шөнө дүлээр ч ой модонд байж байдаг байсан. Цуглаанд явснаа аав, ээждээ мэдэгдэхгүйн тулд гэр лүүгээ сэмхэн ороод унтаж, шөнө сайн унтаж дээ гэж бодогдуулахын тулд өглөө тэр хоёроос эрт босож, өдөр нь аав ээждээ туслахаар ихэвчлэн талбай руу явах ёстой болдог байлаа. Хэсэг хугацааны дараа би ядарч, нойрмоглох болж, үнэхээр туйлдаад, бага зэрэг сул дорой санагдаж эхлэн, тэр өдрүүд хэзээ дуусахыг мэдэхгүй байсан. Заримдаа бүр, аав, ээжийнхээ үгэнд ороод, цуглаанд явахаа боливол ингэтлээ их зовохгүй, хөршүүд ч намайг дооглохгүй, ажил хайхад минь ч нөлөөлөхгүй гэж бодогдсон. Ингэж бодоод бага зэрэг ганхсан. Гэхдээ, цуглаан бүр дээр зарим үнэнийг ойлгож чаддагаа бодоход, тэр нь миний урьд нь хэзээ ч сонсож байгаагүй үнэн болохоор би тэрийг орхих дургүй байсан. Тэр хугацаанд надад асар их урам зориг өгсөн Бурханы үгийн нэг магтан дуу байсан, би тэрийг олон удаа сонссон. “Эцсийн өдрүүдийн ажилд биднээс туйлын их итгэл, хайр шаардагддаг. Бид болгоомжгүй байвал бүдрэх боломжтой, учир нь ажлын энэ үе шат өмнөх алхмуудаас өөр: Бурханы төгс болгож буй зүйл нь нүдэнд үзэгдэхгүй, гарт баригдахгүй, хүн төрөлхтний итгэл юм. Бурханы хийдэг зүйл бол үгийг итгэл, хайр, амь болгон хувиргах явдал. Хүмүүс олон зуун цэвэршүүлэлт туулаад, Иовоос илүү итгэл эзэмшдэг цэгт хүрэх ёстой. Тэд Бурханыг хэзээ ч орхилгүйгээр асар их зовлон, элдэв янзын тамлалтыг тэсвэрлэх ёстой. Тэд үхэн үхтлээ дуулгавартай байж, Бурханд асар их итгэх үед Бурханы ажлын энэ үе шат гүйцэлддэг” (Хургыг дагаж шинэ дуу дуулъя номын “Бурханы төгс болгодог зүйл бол итгэл”). Энэ дуунаас би, гай зовлонгийн үед миний махбод сул дорой, өрөвдөлтэй болж болох ч тэр үед махан биеийг хаяж сурах ёстойгоо ойлгосон. Хэрвээ би махан биеэ дагавал Бурханы сэтгэлийг хангаж чадахгүй, бас Бурханд итгэх итгэлээ алдана. Цуглаан болгон аминд минь ашиг тустай, миний олж авсан үнэн бол үнэлж баршгүй эрдэнэс гэдгийг би маш сайн мэдэж байсан. Хэдийгээр ой модон дунд шөнө орой цуглаан хийхэд бие махбодын хувьд зүдэргээтэй, хэцүү байсан ч энэ нь бас, үнэний төлөө зовж чадах, жинхэнэ итгэлтэй эсэхийг минь харах гэсэн надад зориулсан туршилт байлаа. Аав, ээж хоёр минь надаас дэлхий ертөнцөд алдар нэр, эд баялаг хөөцөлдөж, сайн ажилтай болж, гэр бүлээ сайхан амьдруулж, бахархлыг нь төрүүлээсэй гэж хүсэж байсан. Тэд надаас ингэж хүсэж, ийм хүлээлт тавьж байсан ч би аав, ээжийнхээ үгэнд орж, цуглаанд явахаа боливол эдгээр зүйлийг туулах албагүй болох ч үнэнийг олж авахгүй, яг л урьдынх шигээ, ямар ч утга учиргүй өөрийгөө зугаацуулж, махан биеийн таашаал хөөцөлдөхөд л анхаарах байсан. Би Бурханы эцсийн өдрүүдийн ажлыг хүлээн авч, ийм их үнэний хангалтыг эдэлж чадаж байгаа нь намайг гэх хамгийн агуу ерөөл. Миний туулсан багахан зовлон үнэнийг ойлгохын хажууд юу ч биш, бүгд утга учиртай байсан. Ингэж бодоод махан биеийн таашаалыг орхиход бэлэн болж, гэр бүлийнхэн маань намайг юу гэхийг тоогоогүй. Энэ бэрхшээлийг давахдаа Бурханд түшиглэж болно гэж найдсан.

Сүүлд нь, Төгс Хүчит Бурханы үгийг уншаад байр байдал минь аажмаар сайжирч, яваандаа би, ийм хэцүү орчин нөхцөлд л Бурханы хүслийг илүү их эрж хайж, Бурханд жинхэнэ итгэлтэй болж чадна гэдгийг ойлгоод, үүнийхээ төлөө Бурханд маш их талархсан! Дараа нь би ой модон дахь цуглаандаа явсаар байсан. Гэхдээ нэг удаа намайг цуглаанд байхад хэн олж мэдээд, аав ээжид хэлснийг бүү мэд. Маргааш нь өглөөний цайн дээр ээж надад “Би чамайг тэр шашин судлаачтай уулзсаныхаа дараа цуглаанд явахаа больсон гэж бодсон. Шөнөөр ой руу цуглаанд явж байгааг чинь мэдээгүй. Чи айхгүй байна уу?” гээд, ингэж хэлэнгээ уйлж эхэлсэн. Тэр үед ээж миний өмнө уйлахыг би анх удаа л харж, юу гэхээ мэдээгүй, нүдэнд нулимс цийлгэнэсэн. Би Төгс Хүчит Бурханыг дагахаа больж болохгүйг мэдэж байсан ч аав, ээжийгээ гомдоохыг хүсээгүй. Яг л онцгой тулаан шиг санагдсан. Сүүлд нь би Төгс Хүчит Бурханы үгийн нэг хэсгийг бодсон юм. “Бурхан Өөрийн ажлыг хийж, Бурхан нэг хүнийг халамжилж, энэ хүнээ шинжилдэг ба тэр зуур Сатан Түүний алхам бүрийг тувт салахгүй мөрддөг. Бурхан хэнийг л ивээнэ Сатан араас нь мөшгөж, мөн л ажигладаг. Хэрвээ Бурхан энэ хүнийг хүсвэл, Сатан Бурханд болохоор чадлаараа хичээж, Бурханы хийдэг ажлыг уруу татаж, үймүүлж, сүйрүүлэхээр янз бүрийн хорон муу заль мэх ашиглан далд зорилгодоо хүрэхийн төлөө чадах бүхнээ хийнэ. Энэ зорилго нь юу вэ? Бурхан хэнийг ч олж авахыг тэр хүсдэггүй; Бурханы хүсдэг бүх хүнийг тэр өөртөө авахыг хүсдэг, тэднийг эзэмдэж, хянаж, удирдахыг хүсдэг ба ингэснээр тэд түүнийг шүтэж, муу үйл үйлдэхэд нь түүнтэй нэгдэх юм. Энэ нь Сатаны хорлонтой сэдэл биш гэж үү?… Бурхантай дайсагнаж, Түүний араас мөшгөхдөө Сатаны зорилго бол Бурханы хийхийг хүсдэг бүх ажлыг нурааж, Бурханы олж авахыг хүсдэг хүмүүсийг эзэмдэж, хянах, Бурханы олж авахыг хүсдэг хүмүүсийг бүрмөсөн устгах явдал юм. Хэрвээ тэднийг устгахгүй бол тэд Сатаны эзэмшилд орж, түүгээр ашиглуулдаг—энэ бол түүний зорилго” (Үг. II Боть: Бурханыг мэдэх тухай. Цор ганц Бурхан Өөрөө IV). Бурханы үгийг тунгаан бодоод би ойлгосон. Бурхан хүмүүсийг аврахаар ажилладаг, харин Сатан Бурханд саад болж, хүмүүс Бурханыг дагаж, Бурханы авралыг хүлээн авахыг болиулахаар хамаг чадлаараа оролддог. Иовын эхнэр Бурханыг орхиулахаар Иовыг уруу татсаныг би санасан. Энэ нь Сатаны заль мэх байсан юм. Энэ хугацаанд найзууд минь намайг үймүүлж, пастор, гэр бүлийнхэн ч бас Бурханд итгэхийг минь болиулахаар надад саад хийж, сүрдүүлсэн нь бүгд Сатаны уруу таталт байлаа. Манай гэр бүлийнхэн намайг тосгоноос хөөгдөж, очих газаргүй болно гэхээс айж байна гэсэн, ээж бас миний төлөө санаа зовж байна гэсэн. Ээжийн санаа зовж байх шиг сонсогдсон ч үнэндээ Бурханыг дагахад минь саад хийхээр Сатан гэр бүлийнхнийг минь ашиглаж байсан. Сатан албан хүчээр намайг болиулаад, пасторыг үргэлжлүүлэн дагаж, шашинд үлдэж, Бурханы авралыг алдаасай гэж хүссэн. Би Сатаны заль мэхэнд автаж болохгүй байлаа. Дараа нь би цуглаанд оролцож, Төгс Хүчит Бурханы үгийг уншсаар байсан. Ирэх өдрүүдэд Сатаны олон уруу таталттай нүүр тулсаар, олон бүтэлгүйтэл амсаж магадгүй ч Төгс Хүчит Бурханы үг бол үнэн гэдгийг би зүрх сэтгэлдээ мэдэж байсан юм. Төгс Хүчит Бурханы үгийг уншиж, Бурханы ажлыг туулж, үнэнийг олж авч чадаж байгаа нь миний хувьд гүн гүнзгий утга учиртай. Би хэчнээн их зовсон ч, энэ нь үнэ цэнтэй!