I

Хүрэх газар, хувь заяа чинь та нарт маш чухал—асар их ач холбогдолтой. Аливааг маш анхааралтай хийхгүй бол хүрэх газаргүй болж, хувь заяагаа сүйрүүлсэн байх болно гэж та нар боддог. Гэхдээ, гагцхүү хүрэх газрынхаа төлөө хүчин чармайлтаа зарцуулдаг хүмүүс хий дэмий хүчин чармайлт гаргаж байгаа хэрэг гэж та нар ер нь бодож байв уу? Ийм хүчин чармайлт жинхэнэ биш—худал хуурмаг, хууран мэхлэлт юм. Хэрвээ тийм бол, хүрэх газрынхаа төлөө л хичээл чармайлтаа зарлагаддаг хүмүүс эцсийн ялагдлынхаа ирмэгт байна, учир нь хүний Бурханд итгэх итгэл хууран мэхлэлтээс болж бүтэлгүйтдэг билээ. Надад зусардах, долигонох юм уу Надад урам зоригтой хандахад Би дургүй. Үнэнч шударга хүмүүс Миний үнэн болон хүлээлттэй нүүр тулахад Би дуртай. Хүмүүс Миний зүрх сэтгэлийг дээд зэргээр харгалзан үзэж, Миний төлөө бүхнийг зарлагадаж ч чадах үед Би бүр их дуртай. Ийм маягаар л Миний зүрх сэтгэл тайтгарах боломжтой.

II

Зүрх сэтгэлдээ Би, эерэг агаад дээш тэмүүлдэг аливаа сэтгэлийг шархлуулахыг хүсдэггүй, үүргээ үнэнчээр биелүүлж байгаа хэн нэгний урам зоригийг мохоохыг бүр ч хүсдэггүй. Гэсэн хэдий ч, та нарын хангалтгүй байдал, зүрх сэтгэлийн чинь гүнд оршдог бузар сүнсийг дор бүрд чинь Би сануулах учиртай. Та нар Миний үгтэй тулгараад чин сэтгэлээ зориулж чадна гэж найдсандаа л Би үүнийг хийдэг, учир нь Надад хандах хүмүүсийн хууран мэхлэлтийг Би хамгийн их зэвүүцдэг билээ. Миний ажлын сүүлийн үе шатанд та нар хамгийн шилдэг гүйцэтгэлээ өгч чадна, сэтгэл хоёрдолгүй, үнэн сэтгэлээсээ өөрсдийгөө зориулна гэж л Би найддаг. Мэдээж, та нар бүгд сайхан хүрэх газартай байна гэж ч Би найддаг. Гэсэн хэдий ч, та нар Надад цорын ганц, эцсийн үнэнч байдлаа өргөх хамгийн сайн шийдвэрээ гарга гэсэн шаардлага Надад байсаар байгаа.

“Үг. I Боть: Бурханы илрэлт ба ажил. Хүрэх газрын тухай”-аас