Ли Мин’ай бол эх газрын Хятад дахь Христэд итгэгч билээ. Тэрээр хадам эцэг эхээ хүндэлдэг, нөхөртөө тусалдаг, хүүхдээ хүмүүжүүлдэг үнэнч шударга зантай эмэгтэй бөгөөд аз жаргалтай, эвтэй найртай гэр бүлтэй. Хятад улсад шашингүйн үзэл ноёлдог учраас, Хятадын Коммунист засгийн газар Бурханд итгэдэг хүмүүсийг зэрлэгээр баривчилж, хяхан хавчдаг юм. 2006 онд Ли Мин’ай Бурханд итгэдэгийнхээ улмаас баривчлагдаж, торгуулж байжээ. Ли Мин’ай гэртээ эргэж ирсний дараа, Хятадын Коммунист цагдаа үргэлж түүнийг болон гэр бүлийг нь айлган сүрдүүлж, Ли Мин’айг Бурханд итгэхийг нь болиулахаар хичээж байв. Нэгэн өдөр, Ли Мин’айг цуглаан зохион байгуулж гэртээ байхгүй байх зуурт, түүнийг нэгэн мэдээлэгч мэдээлнэ. Цагдаа нар түүнийг баривчлахаар Ли Мин’айн гэрт очно. Тэр гэрээсээ явахаас өөр аргагүйд хүрч, түүнээс хойш Ли Мин’айн газраас газарт нуугдан, гэрээсээ зугтан амьдрах амьдрал нь эхэлжээ. Хятадын Коммунист цагдаа түүнийг ингээд ч зүгээр орхисонгүй, гэрийг нь байнга харуулдан ажигласаар, түүнийг баривчлах боломжийг хүлээсээр байх болно. Нэгэн орой, Ли Мин’ай гэр бүлтэйгээ уулзахаар гэртээ очих боловч, цагдаа түүнийг баривчлахаар тэр даруй яаравчлан ирнэ. Азаар түүнд нэгэн хүн анхааруулсанаар, Ли Мин’ай аюулаас зугтаж чаджээ. Гурван жилийн дараа, Ли Мин’ай гэрээсээ хол газарт өөрийн итгэл бишрэлийг дадлагажуулж өөрийн үүргийг гүйцэтгэж байх зуур, түүнийг Хятадын Коммунист цагдаа дагаж, баривчлан авна. Хятадын Коммунист цагдаа Ли Мин’айг хэрцгийгээр эрүүдэн шүүж, тарчилгаж, түүнийг урхидахын тулд гэр бүлийг нь хүртэл ашиглана. Хүүхдийнх нь сургуульд сурах эрхийг хасах, ирээдүйд төрийн байгууллагад ажиллах боломжийг нь хаах болно зэргээр түүнийг айлган сүрдүүлж, хүүхдээр нь дамжуулан түүний Бурханд итгэх итгэлийг болилулахыг оролдож, чуулган дахь удирдагчдаасаа урвахыг шаардан, чуулганы санхүүгийн талаар олж мэдэхийг оролджээ. Энэ хугацаанд, Ли Мин’ай Бурханд залбиран, Бурханд итгэлээ тавьдаг. Бурханы үгнээс тэр гэгээрэл хийгээд удирдамж олж авна. Тэр Хятадын Коммунист цагдаагийн эрүү шүүлт, харгислалыг тэсвэрлэн давж, Сатаны заль мэхийг танин мэдэж, Бурханаас урвахгүй байхаар шийднэ. Тэр Бурханы төлөөх гэрчлэлд бат зогсчээ. Хятадын Коммунист цагдаагийн явуулсан байцаалт амжилтгүй болсоноор, тэд уурсан бухимдана. Тэд бүх хүнд харуулахын тулд Ли Мин’айд хоригдлын хувцас өмсгөн тосгон дахь гэр лүү нь явна. Тэд түүнийг ичээхийн тулд үүнийг хийх бөгөөд дараа нь гэр бүлийн гишүүдээр нь түүнийг Бурханаас урваж, чуулганаасаа урвахыг ятгуулахаар оролддог. Хятадын Коммунистууд түүний Бурханд итгэх итгэлийг үгүй хийхийн тулд гэр бүлийг нь яаж ашиглаж байгааг хараад Ли Мин’ай хамгийн ихээр хилэгнэнэ. Шударга ёсны төлөөх зэвүүцлээр сэтгэл нь дүүрсэн Ли Мин’ай Хятадын Коммунист засгийн газар хэрхэн Христэд итгэгчдийг баривчлан, хяхан хавчиж байгаа тухай муу муухай бодит байдлыг ууртайгаар илчилдэг. Христэд итгэгчдийн гэр бүлийнхний хувьд жинхэнэ сүйрүүлэгч нь Хятадын Коммунист засгийн газар бөгөөд энэ нь хүмүүст төрөл бүрийн гамшгийг авчирдаг гол гэмт хэрэгтэн гэдгийг тэр өгүүлдэг. Ингэснээр тэр Хятадын Коммунистуудад бүрэн гүйцэд агаад ичгүүртэй ялагдлыг хүлээлгэжээ.