Өдөр тутмын Бурханы үг | “Та нар бүгд маш жудаггүй!” | Эшлэл 342

Би та нарын дунд байж, хэд хэдэн хавар, намрын турш та нартай харилцсан; Би та нарын дунд удаан хугацаанд амьдарч, та нартай хамт амьдарсан. Та нарын жигшүүртэй зан авирын хэр их нь яг Миний нүдний өмнүүр бултсан бэ? Та нарын үнэн сэтгэлийн үг Миний чихэнд тасралтгүй цуурайтаж байна; та нарын сая сая хүсэл эрмэлзэл Миний тахилын ширээн дээр тавигдсан—бүр тоолохын ч аргагүй дэндүү олон. Гэсэн ч та нарын зориулалт болон зарлагадсан зүйл өчүүхэн төдий ч байдаггүй. Миний тахилын ширээн дээр та нар жаахан ч болов чин сэтгэл тавьдаггүй. Надад итгэх итгэлийн чинь үр жимс хаана байна вэ? Та нар Надаас эцэс төгсгөлгүй нигүүлсэл хүлээн авч, тэнгэрийн эцэс төгсгөлгүй нууцуудыг харсан; тэр ч байтугай Би та нарт тэнгэрийн гал дөлийг харуулсан боловч та нарыг шатаах сэтгэл Надад байгаагүй. Гэсэн ч хариуд нь та нар Надад хэр ихийг өгсөн бэ? Надад хэр ихийг өгөхөд бэлэн байна вэ? Миний чамд өгсөн хоолыг гартаа бариад чи эргэж, үүнийгээ Надад өргөдөг, тэр ч бүү хэл шаргуу ажлынхаа хөлсөнд олсон зүйл чинь энэ бөгөөд байгаа бүхнээ Надад өргөн барьж байна гэж ч хэлдэг. Надад өгч буй “хувь нэмэр” чинь бүгд Миний тахилын ширээнээс хулгайлагдсан зүйл гэдгийг чи яаж мэдэхгүй байх юм бэ? Түүнчлэн, одоо үүнийг Надад өргөн барьж байгаа чинь Намайг мэхэлж байгаа хэрэг бус уу? Өнөөдөр Би, шаргуу ажлынхаа хариуд чиний олж, Надад өргөн барьсан зүйлийг биш, харин Өөрийн тахилын ширээн дээрх бүх тахилыг эдэлдэг гэдгийг чи яаж мэдэхгүй байх юм бэ? Та нар үнэндээ ийм маягаар Намайг хуурч зүрхэлдэг тул Би яаж та нарыг өршөөж чадах юм бэ? Би үүнийг цаашид яаж тэвчиж чадах юм бэ? Би бүхнийг та нарт өгсөн. Би та нарт бүхнийг нээж, хэрэгцээг чинь хангаж, нүдийг чинь нээсэн атал та нар Намайг ийм маягаар мэхэлж, мөс чанараа үл ойшоодог. Би амь биеэ үл хайрлан бүх зүйлийг та нарт хайрласан болохоор хэдий та нар зовдог ч тэнгэрээс Миний авчирсан бүхнийг Надаас мөн л олж авсан. Гэсэн ч та нарт ямар ч зориулалт байхгүй бөгөөд өчүүхэн жаахан хувь нэмэр оруулсан ч гэсэн дараа нь та нар Надтай “тооцоо хийхээр” оролддог. Чиний хувь нэмэр юу ч үгүйтэй адил биш гэж үү? Надад өгсөн зүйл чинь элсний ширхэг төдий боловч Надаас гуйсан зүйл чинь нэг тонн алт юм. Чи зүгээр л бодлогогүй байгаа бус уу? Би та нарын дунд ажилладаг. Өөр нэмэлт тахил байтугай, Надад өгөх ёстой аравны нэгийн ул мөр ч огт байдаггүй. Үүнээс гадна, үнэн сүсэгт хүмүүсийн өргөсөн аравны нэгийг ч хорон муу нэгэн булаан авдаг. Та нар бүгд Надаас холдон тараагүй гэж үү? Та нар бүгд Надтай дайсагнадаггүй гэж үү? Та нар бүгд Миний тахилын ширээг сүйтгэж байгаа биш үү? Ийм хүмүүс яаж Миний нүдэнд эрдэнэс шиг харагдаж чадах юм бэ? Тэд Миний үзэн яддаг гахай, нохой биш гэж үү? Та нарын муу үйлийг Би яаж эрдэнэс гэж хэлж чадах юм бэ? Миний ажил үнэндээ хэний төлөө хийгддэг вэ? Өөрийн эрх мэдлийг илчлэхийн тулд та нарыг бүгдийг нь цохин унагах л зорилготой байдаг юм гэж үү? Та нарын амьдрал бүгд Надаас гарах ганцхан үгэн дээр тогтдоггүй гэж үү? Яагаад Би та нарт зааварлахын тулд үгийг л ашиглаад, та нарыг аль болох хурдан цохин унагаахын тулд үгийг бодит баримт болгон хувиргахгүй байгаа юм бэ? Миний үг болон ажлын зорилго ердөө хүн төрөлхтнийг цохин унагаахын төлөө байдаг уу? Би гэмгүй хүнийг ялгаварлахгүйгээр хөнөөдөг Бурхан гэж үү? Яг одоо хүний амьдралын зөв замыг эрж хайхын тулд та нарын хэчнээн нь бүхий л оршихуйгаараа Миний өмнө ирж байна вэ? Миний өмнө та нарын бие л байдаг; зүрх сэтгэл чинь мөн л эрх дураараа, Надаас холын холд байдаг. Миний ажил үнэндээ юу болохыг мэддэггүй учраас та нарын зарим нь Намайг орхин одож, өөрсдийгөө Надаас холдуулж, ямар ч гэсгээлт, шүүлт байдаггүй диваажинд амьдрахаар найддаг. Энэ нь хүмүүсийн зүрх сэтгэлдээ хүсдэг зүйл биш гэж үү? Би мэдээж чамайг албадахаар оролдоогүй. Ямар замаар явах чинь чиний өөрийн сонголт. Өнөөдрийн зам нь шүүлт, хараал дагалддаг зам боловч та нарт Миний хайрласан бүхэн—шүүлт ч бай, эсвэл гэсгээлт ч бай хамаагүй, Миний өгч чадах хамгийн сайхан бэлэг бөгөөд та нарт яаралтай хэрэгтэй бүх зүйл юм гэдгийг та нар бүгд мэдэх ёстой.

“Та нар бүгд маш жудаггүй!”-ээс эш татав

Чи Бурханд хариуд нь юу өгсөн бэ

I

Бурхан та нарын дунд олон хавар, намрыг үдсэн. Та нартай хамт Тэр удаан амьдарсан. Хэр их олиггүй үйл чинь Түүний өмнүүр бултсан бэ? Чин сэтгэлийн үг чинь Бурханы чихэнд цуурайтдаг. Тоолохын аргагүй сая сая хүсэл чинь Түүний тахилын ширээн дээр тавигддаг. Гэвч Түүний тахилын ширээн дээр чи өчүүхэн ч чин сэтгэл, зориулалтаа тавьдаггүй. Итгэлийн үр жимс чинь хаана байна вэ? Чи Бурханаас хязгааргүй нигүүлсэл хүлээн авч, тэнгэрийн нууцуудыг нь харсан. Бурхан чамд тэнгэрийн гал дөлийг харуулсан ч чамайг шатаах зүрх сэтгэл байгаагүй. Хариуд нь чи Бурханд хэр ихийг өгсөн бэ? Хэр ихийг дуртайяа өгсөн бэ?

II

Бурханы өгсөн хоолыг бариад чи Түүнд өргөдөг, энэ бол шаргуу ажлын чинь шагнал, байгаа бүхнээ чи Түүнд өгсөн гэдэг. Бурханд өгч буй бүхэн, хувь нэмэр чинь Түүний тахилын ширээнээс хулгайлсан зүйл чинь гэдгийг чи яаж мэдэхгүй байх юм бэ? Одоо чи тэдгээрийг Бурханд өгдөг. Чи Түүнийг мэхлээгүй гэж үү? Шаргуу ажлаараа олоод чиний өгсөн зүйлийг биш, Тэр Өөрийн тахилын ширээн дээрхийг эдэлдэг. Чи Бурханаас хязгааргүй нигүүлсэл хүлээн авч, тэнгэрийн нууцуудыг нь харсан. Бурхан чамд тэнгэрийн гал дөлийг харуулсан ч чамайг шатаах зүрх сэтгэл байгаагүй. Хариуд нь чи Бурханд хэр ихийг өгсөн бэ? Хэр ихийг дуртайяа өгсөн бэ?

III

Чи Бурханыг хуурч зүрхэлдэг, тэгвэл Тэр яаж чамайг өршөөж чадах вэ? Цаашид Бурхан яаж үүнийг тэвчих вэ? Тэр чамд бүх зүйлийг өгсөн. Тэр чамд бүх зүйлийг нээсэн. Хэрэгтэй бүхнээр чинь хангаж, нүдийг чинь нээж өгсөн. Гэвч чи мөс чанараа үл ойшоон Түүнийг хуурдаг. Чи Бурханаас хязгааргүй нигүүлсэл хүлээн авч, тэнгэрийн нууцуудыг нь харсан. Бурхан чамд тэнгэрийн гал дөлийг харуулсан ч чамайг шатаах зүрх сэтгэл байгаагүй. Хариуд нь чи Бурханд хэр ихийг өгсөн бэ? хэр ихийг дуртайяа өгсөн бэ? Чи Бурханд хариуд нь юу өгсөн бэ?

“Хургыг дагаж шинэ дуу дуулъя” номоос

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих

Холбогдох контент