Гэм буруу нь хүнийг там руу хөтөлнө

Би та нарт олон анхааруулга өгч, та нарыг байлдан дагуулахын тулд олон үнэнийг хайрласан. Өнөөдөр та нарт өмнөхөөсөө илүү сайжирч, хүн ямар байх ёстой тухай олон зарчмыг ойлгож, итгэлтэй хүмүүст байх ёстой эрүүл ухаанаас тун ихийг эзэмшдэг. Энэ нь та нарын олон жилийн туршид олж авсан зүйл юм. Би та нарын амжилтыг үгүйсгэдэггүй боловч энэ олон жил Миний эсрэг тоо томшгүй олон удаа дуулгаваргүй байж, тэрсэлснийг чинь ч бас үгүйсгэдэггүй гэдгээ шулуухан хэлэх ёстой, учир нь та нарын дунд ариун хүн нэг ч байхгүй, та нар бүгд ялгаагүй Сатаны завхруулсан хүмүүс бөгөөд Христийн дайснууд билээ. Өнөөг хүртэлх та нарын гэм буруу болон дуулгаваргүй байдал тоо томшгүй их, иймээс Би та нарын өмнө үгээ байнга давтдагт бараг л гайхах зүйлгүй. Би та нартай хамт ингэж амьдармааргүй байгаа ч ирээдүй болон хүрэх газрын чинь төлөө, өмнө нь хэлсэн зүйлээ энд дахин нэг тайлбарлая. Та нар Надад хүлээцтэй хандаж, үүнээс ч илүүтэйгээр хэлсэн үг бүхэнд минь итгэж, үгийн минь гүнзгий утга санааг дүгнэж чадна гэж Би найдаж байна. Хэлдэг зүйлд минь бүү эргэлз, эсвэл бүр Миний үгийг битгий хүссэнээрээ аваад дураараа хая, ингэх нь Надад тэвчихийн аргагүй санагддаг. Миний үгийг битгий шүүмжил, эдгээрийг хөнгөн хуумгай авч үзэж, эсвэл Би та нарыг үргэлж уруу татаж байна гэж битгий ярь, та нарт хэлсэн зүйлд минь үнэн зөв байдал дутагддаг гэж бүр ч битгий хэл. Эдгээр зүйл Надад тэвчихийн аргагүй санагддаг. Та нар Надад болон Миний хэлдэг зүйлд ингэж сэжиглэн хандаж, Миний үгийг хэзээ ч ойлголгүй, Намайг үл тоодог учраас Би та бүхэнд нухацтайгаар хэлье: Миний хэлдэг зүйлийг гүн ухаантай бүү холбо; зальт этгээдийн худал үгтэй бүү нийлүүл. Үүнээс ч илүүтэйгээр Миний үгэнд үзэн ядалтаар бүү хариул. Магадгүй ирээдүйд хэн ч та нарт Миний хэлж байгаа зүйлийг хэлж өгч чадахгүй, та нартай ингэж өр зөөлнөөр ярилцахгүй, тэр ч байтугай та нарт эдгээр зүйлийг нэгд нэггүй тэвчээртэйгээр тайлбарлахгүй. Харин та нар сайхан цагаа дурсах юм уу чангаар эхэр татан уйлж, өвчиндөө ёолж айсуй өдөр хоногуудыг өнгөрөөнө, эсвэл та нар үнэн ба амийн өчүүхэн төдий ч хангалтгүйгээр харанхуй шөнүүдийг аргацааж, эсвэл зүгээр л ямар ч найдваргүйгээр хүлээх юм уу эрүүл ухаанаа алдталаа гашуунаар харамсах болно… Эдгээр боломжит хувилбараас та нарын дундах хэн ч бараг зайлсхийх аргагүй юм. Учир нь та нарын нэг нь ч суугаад, Бурханыг үнэхээр шүтэн мөргөдөггүй; та нар садар самуун, муу ёрын ертөнцөд автаж, амь, үнэнтэй ямар ч хамаагүй, үнэндээ эдгээрийн эсрэг байдаг маш олон зүйлийг өөрсдийн итгэл, сүнс, сэтгэл, биед хольдог. Иймээс Би та нарыг гэрлийн зам руу хүргэж чадна гэж найдаж байна. Та нар өөрсдийгөө халамжилж, өөрсдөдөө санаа тавих чадвартай болж, ааш авир, гэм буруугаа үл хайхрангаа хүрэх газартаа хэт их ач холбогдол өгөхгүй байж чадна гэдэг нь Миний цорын ганц найдвар юм.

Бурханд удаан хугацаанд итгэсэн хүмүүс гайхалтай сайхан хүрэх газартай болно гэж найдаж, Бурханд итгэдэг бүх хүн зол завшаан гэнэт тохионо гэж найддаг бөгөөд нэг л мэдэхэд тэнгэрт хаа нэгтээ амар амгалан сууж байна гэж бүгд найддаг. Гэхдээ сайхан бодолтой энэ хүмүүс, тэнгэрээс унаж ирэх тийм сайн зол завшааныг хүлээн авах юм уу тэнгэр дэх суудалд суухад тэнцэх эсэхээ хэзээ ч мэдээгүй гэж Би хэлдэг. Та нар одоо өөрсдийгөө сайн мэддэг атлаа эцсийн өдрүүдийн гай гамшиг болон муу хүмүүсийг шийтгэдэг Төгс Хүчитийн гараас зугтаж чадна гэж найдсаар байгаа. Сайхан мөрөөдөлтэй байж, аливааг өөрсдийнхөөрөө байлгахыг хүсэх нь ганц нэг хүний гайхалтай санаа биш, харин Сатаны завхруулсан бүх хүний нийтлэг онцлог юм шиг санагддаг. Тэгсэн ч гэсэн Би та нарын хэрээс хэтэрсэн их хүсэл болон ерөөл олж авах эрмэлзлийг эцэс болгомоор байна. Та нарын гэм буруу тоо томшгүй, дуулгаваргүй байсан баримтууд ч тоймгүй олноос гадна үргэлж нэмэгдэж байхад ирээдүйн талаарх сайхан төлөвлөгөө чинь үүнтэй яаж тохирох юм бэ? Чи хүссэнээрээ явж, биеэ барилгүйгээр алдаа гаргасан хэвээр үлддэг атлаа мөрөөдөл чинь биелээсэй гэж хүссээр байгаа бол гүн нойрссоор байж, хэзээ ч бүү сэр гэж Би чамайг шавдуулна, учир нь чинийх хий хоосон мөрөөдөл бөгөөд зөвт Бурханы өмнө Тэр чамайг онцлон үзэхгүй. Хэрвээ чи мөрөөдөл чинь биелээсэй гэж л хүсдэг бол хэзээ ч бүү мөрөөд, харин үнэн болон баримттай мөнхөд нүүр тул. Энэ л чамайг аврах цорын ганц зам юм. Энэхүү арга барилын тодорхой алхмууд нь юу вэ?

Нэгдүгээрт, бүх гэм буруугаа шинжилж, үнэнтэй нийцдэггүй бүх ааш авир, бодлоо шинжил.

Энэ нь та нарын амархан хийж чадах зүйл бөгөөд бодож сэтгэдэг хүмүүс үүнийг хийж чадна гэж Би итгэж байна. Гэвч, гэм буруу болон үнэн гэж юу гэсэн үг болохыг огт мэддэггүй хүмүүс үүнд хамаарахгүй, учир нь тэд үндсэндээ бодож сэтгэдэг хүмүүс биш юм. Би Бурханаар хүлээн зөвшөөрөгдсөн, үнэнч, захиргааны зарлигийг ноцтой зөрчөөгүй, өөрсдийн гэм бурууг амархан олж мэддэг хүмүүстэй ярьж байна. Та нараас Миний шаарддаг энэ зүйл амархан хэдий ч энэ нь та нараас Миний шаарддаг цорын ганц зүйл биш. Ямартай ч, энэ шаардлагыг та нар нууцаар шоолохгүй, түүнчлэн дорд үзэж, хөнгөн хуумгай хандахгүй гэж Би найдаж байна. Үүнд нухацтай ханд, хайхрамжгүй бүү бай.

Хоёрдугаарт, гэм буруу болон дуулгаваргүй байдал бүрдээ холбогдох үнэнийг эрж хайж, энэ үнэнийг ашиглан тэдгээрийг шийдвэрлэ, дараа нь гэм буруутай үйл хэрэг болон дуулгаваргүй бодлоо үнэний хэрэгжүүлэлтээр орлуул.

Гуравдугаарт, үргэлж сүйхээтэй, овжин байдаг хүн биш, үнэнч хүн бай. (Энд Би та нараас үнэнч хүн байгаач гэж дахин хүсэж байна.)

Энэ гурван зүйлийг бүгдийг нь биелүүлж чадвал чи мөрөөдөл нь биелж, сайн зол завшаан хүртдэг хувьтай хүн юм. Та нар энэ гурван таагүй хүсэлтэд нухацтай хандах юм уу хариуцлагагүй хандах байх. Аль нь ч бай, Миний зорилго бол та нарын мөрөөдлийг биелүүлж, туйлын зорилгыг хэрэгжүүлэхийн төлөө болохоос та нараар даажигнаж, тоглоом наргиан хийх явдал биш юм.

Миний шаардлагууд энгийн байж болох ч та нарт хэлж байгаа зүйл минь нэг дээр нэгийг нэмээд хоёр гэдэг шиг тийм ч энгийн биш. Хэрвээ та нар энэ тухай хамаагүй ярьж, хий дэмий ихэрхүү үг чалчихаас өөрийг хийдэггүй бол хүсэл, төлөвлөгөө чинь үүрд хий хоосон байх болно. Олон жилийн турш зовж, харуулах юу ч үгүйгээр шаргуу ажилласан та нарыг Би өрөвдөхгүй. Эсрэгээрээ, Миний шаардлагад нийцээгүй хүмүүсийг Би өрөвдөх нь байтугай шагнал биш, шийтгэлээ хүртээнэ. Та нар олон жилийн турш дагалдагч байснаараа ямартай ч шаргуу ажилласан тул аль ч тохиолдолд үйлчлэл үзүүлэгч байсныхаа төлөө Бурханы гэрээс аяга будаа хүртэж чадна гэж төсөөлж байж магадгүй. Та нар одоог хүртэл үргэлж ямар нэг зүйлийг ашиглаж, хариуд нь өөрийгөө ашиглуулахгүй байх зарчмыг эрэлхийлсээр ирсэн учраас дийлэнх олонх чинь ингэж боддог гэж Би хэлнэ. Иймээс Би та нарт тун нухацтайгаар хэлж байна: Шаргуу ажил чинь хэр гавьяатайг, чадал чансаа чинь хэр сүрхийг, Намайг хэр ойр дагадаг, хэр их нэр цуутайг чинь, эсвэл хандлага чинь хэр сайжирсныг Би хайхардаггүй; иймээс Миний шаардсан зүйлийг хийгээгүй л бол чи Миний магтаалыг хэзээ ч хүртэж чадахгүй. Энэ бүх санаа, тооцооллоо аль болох эртхэн болиод Миний шаардлагад нухацтай хандаж эхэл. Эс бөгөөс, Би ажлаа дуусгахын тулд бүх хүнийг үнс нурам болгож, сайндаа л Өөрийн олон жилийн ажил, зовлон шаналлыг талаар болгоно, учир нь Би Өөрийн дайснууд болон Сатаны үлгэр дуурайлаар муу муухай ханхлуулсан хүмүүсийг Өөрийн хаанчлалд, дараагийн эрин үед аваачиж чадахгүй билээ.

Надад маш олон хүсэл бий. Та нар биеэ зүй зохистой, хүмүүжилтэй байдлаар авч явж, үүргээ биелүүлэхдээ үнэнч байж, үнэн болон хүн чанартай байж, бүх зүйлийг орхиод Бурханы төлөө амиа өгч чаддаг байгаасай гэх зэргийг Би хүсдэг. Энэ бүх итгэл найдвар нь та нарын дутагдал, завхрал, дуулгаваргүй байдлаас үүддэг. Та нартай ярьсан яриа болгон минь анхаарлыг чинь татахуйц байгаагүй бол магадгүй Би цаашид үг хэлэхээ больж л чадна. Гэхдээ та нар үүний үр дүнг ойлгож байгаа. Би хэзээ ч амардаггүй, иймээс үг хэлэхгүй бол Би хүмүүсийн харах ямар нэг зүйлийг хийнэ. Би хэн нэгний хэлийг өмхийрүүлж, мөчлөн үхүүлж, эсвэл хүмүүсийг сэтгэцийн эмгэгтэй болгож, олон арга замаар үзэшгүй муухай харагдуулж чадна. Бас Би өөрсдөд нь зориулж тусгайлан нэрсэн тарчлаанаа хүмүүст амсуулж чадна. Ингэснээр Надад баяртай, тун аз жаргалтай, ихэд тааламжтай санагдана. Өмнө нь үргэлж “Сайныг дагавал сарны гэрэл, мууг дагавал могойн хорлол” гэж хэлдэг байсан, тэгвэл одоо яагаад болохгүй гэж? Хэрвээ чи Намайг эсэргүүцэж, Надад шүүмжлэлтэй хандмаар байвал Би амыг чинь өмхийрүүлж, үүндээ эцэс төгсгөлгүйгээр баясна. Учир нь эцсийн эцэст, чиний хийсэн зүйл үнэн биш, мөн амьтай бүр ч хамаагүй, харин Миний хийдэг бүхэн бол үнэн; Миний бүх үйлдэл ажлын минь зарчим болон Миний тогтоосон захиргааны зарлигтай хамаатай байдаг. Тиймээс дор бүрнээ зарим нэг сайн чанар хуримтлуулж, ийм их мууг хийдгээ больж, завтай цагтаа Миний шаардлагуудыг анхаарахыг Би та нараас шаардаж байна. Тэгвэл Би баярлана. Хэрвээ та нар махан биедээ зориулдаг хичээл зүтгэлийнхээ мянганы нэгийг үнэнд нэмэрлэдэг (эсвэл хандивладаг) байсан бол байнгын гэм буруутай, өмхийрсөн амтай байхгүй байх байсан гэдгийг Би хэлэх байна. Энэ нь илэрхий биш гэж үү?

Гэм буруу чинь хэдий чинээ их байна, сайн хүрэх газар олж авах боломж чинь төдий чинээ бага байдаг. Харин эсрэгээрээ, гэм буруу чинь хэдий чинээ бага байна, Бурханаар магтуулах боломж чинь төдий чинээ их байна. Надаар уучлуулах боломжгүй болтлоо гэм буруу чинь ихэссэн бол уучлагдах боломжоо чи бүрмөсөн алдсан байх болно. Тэр тохиолдолд, хүрэх газар чинь дээр биш, харин доор байна. Хэрвээ Надад итгэхгүй байгаа бол чи зориг гаргаад, бурууг үйлд, тэгээд юунд хүрэхээ хар. Хэрвээ чи үнэнийг хэрэгжүүлдэг, хичээнгүй хүн бол гарцаагүй гэм буруугаа уучлуулах боломжтой бөгөөд дуулгаваргүй байдлын чинь хэмжээ улам бүр багассаар байх болно. Хэрвээ чи үнэнийг хэрэгжүүлэхийг хүсдэггүй хүн бол Бурханы өмнөх гэм буруу чинь гарцаагүй ихсэж, дуулгаваргүй байдлын чинь хэмжээ хязгаартаа тултлаа улам бүр нэмэгдэх бөгөөд тэр нь бүрэн мөхөх цаг үе чинь байх болно. Тэр үед ерөөл хүртэх гэсэн таатай мөрөөдөл чинь сүйрнэ. Өөрийн гэм бурууг томоогүй, тэнэг хүний алдаа гэж бүү үз, мөн дорд хэв чанар чинь боломж олгоогүй болохоор үнэнийг хэрэгжүүлж чадаагүй гэх шалтаг бүү тооч, түүнчлэн үйлдсэн гэм буруугаа юм мэдэхгүй хүний үйлдэл гэж бүү үз. Хэрвээ чи өөрийгөө уучилж, өр зөөлөн хандахдаа сайн бол Би чамайг үнэнийг хэзээ ч олж авахгүй хулчгар гэж хэлэх бөгөөд гэм буруу чинь чамайг зовоохоо хэзээ ч болихгүй, харин чамайг үнэний шаардлагад хэзээ ч нийцүүлэлгүй, үүрд Сатаны үнэнч хамтрагч болгоно. Чамд өгөх Миний зөвлөгөө мөн л энэ: Өөрийнхөө хүрэх газарт анхаараад нуугдмал гэм буруугаа бүү орхигдуул; өөрийн гэм бурууг ноцтойгоор авч үз, хүрэх газартаа санаа зовсноосоо болоод бүх гэм буруугаа бүү орхигдуул.

Одоо үед гай гамшиг ойр ойрхон тохиолдож, Эзэн эргэн ирэх тухай зөгнөлүүд үндсэндээ биелсэн. Бид Эзэнийг хэрхэн угтан авч болох вэ?
Холбоо барих
Messenger дээр бидэнтэй холбоо барих