Бүх үнэнийг эрэлхийлэгчдийг бидэнтэй холбогдохыг урьж байна.

Христийн шүүлтийг туулсан тухай гэрчлэлүүд

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Жинхэнэ өөрчлөлт гэж юу вэ?

Жинрү   Хэнан Муж, Нанянг Хот

Ах, эгч хоёр маань миний алдаа дутагдлыг хэлж эсвэл миний үзэл бодлыг тоохгүй байх үед их унтууцаж эсвэл өөдөөс нь мэтгэлцдэг байсан. Дараа нь харамсдаг ч гэсэн яг цагаа тулахаар энэ ялзарсан зан чанараа өөрийн эрхгүй ил гаргачихдаг байсан. Би энэ талаар бодож санаагаа зовоодог байлаа: Яагаад бусдын хэлсэн үг намайг цухалдаж уурлахад хүргэдэг юм бол? Бас яагаад Бурханы заасан замаар найман жил явчхаад би өөрчлөгдөөгүй юм бол? Миний санаа зовниж Бурханаас байнга хариулт хүсдэг байлаа.

Нэг өдөр, сүсэглэн залбирч байгаад хүний нөхөрлөлийн талаар энэ үгийг олж уншсан юм: “Хүн бүр өөрсдийнхөө их зан, биеэ тоосон байдал, худал хуурмаг, зальжин зангаа үзэн яддаг.” Ихэнх хүмүүс ямар нэг байдлаар өөрчлөгддөг; зарим төрөлхийн их зантай, биеэ тоосон, гажуу, муйхар хүмүүс маш бага өөрчлөгддөг учир зан ааш, өөрийгөө илэрхийлэх байдал нь нэг их өөрчлөгддөггүй: Тэдний бардам зан, биеэ тоосон байдал, зальжин зан нь илт харагддаг. Энэ нь тэдний туулж өнгөрүүлсэнтэй холбоотой юм. Тэд эхнээсээ эцэс хүртэл өөрсдийнхөө зан чанарыг засах гэж оролддоггүй харин бусад хүмүүсийн амийн оролт юу болж байна гэж аждаг. Ийм болохоор тэд өөрсдийгөө анзаардаггүй, зөвхөн бусдын бардам зан, биеэ тоосон байдлыг л анзаарч бусад хүмүүс л Бурханы шүүлт, гэсгээлтэд орж зэмлүүлэх хэрэгтэй гэж боддог. Тэд өөрсдийгөө Бурханыг эсэргүүцээгүй, түүний шүүлт, зэмлэл зөвхөн бусдад зориулсан гэж боддог. Бурханы үгийг ингэж ойлгох нь хачирхалтай ч тэд өөрчлөгддөггүй нь гайхаад байх зүйл биш юм (“Зан чанараа өөрчлөхийн тулд сүнслэг амьдралдаа анхаарал хандуулах хэрэгтэй” - Цуглааны Удирдагчид болон Ажилчидтай Хийсэн Христийн Ярианаас). Тэгэхэд л би өдий олон жил Бурханыг дагачхаад өөрчлөгдөөгүй байгаа шалтгаан нь би Бурханд итгэсэн боловч өөрийн зан чанараа засах гэж оролдож байгаагүй, өөрийнхөө биш бусдын амийн оролтонд л анхаарлаа хандуулж ирсэн гэдгийг ухаарсан. Энэ мөчид би өөрийн эрхгүй “ажлаа” хийгээд яаран гүйж байгаа дүр зураг минь толгойд буусан юм: Би Бурханы үгийг унд мэт ууж, хоол мэт иддэг атлаа өөртөө тусгаж авдаггүй байж. Би үргэлж бусдад зааж зөвлөж, Бурханы үгийн мөрөөр бусдыг шүүмжилдэг байсан. Уулзалт, цугларалтын үеэр бусдын асуудлыг хэлэлцэхдээ үнэн шударгаар ханддаг байсан ч хэзээ ч өөрийнхөө амийн оролтыг ямар байх ёстой талаар бодож байгаагүй. Хүн төрөлхтний бузар булайг илчилсэн Бурханы үгийг хуваалцахдаа бусад ах дүү нарынхаа жишээг сануулга болгон ашиглаж өөрөө шүүлтээс зугтдаг байсан. Би Бурханы үгийг өөрийн нөхцөл байдал, амьдралыг ойлгоход хэзээ ч тусгаж байгаагүй… Цаг хугацаа өнгөрсөөр харин миний амийн оролт яг хэвээрээ. Гэсэн хэдий ч би өөрийгөө бусдыг ойлгодог, тэдний ачааг үүрэлцэж яваа гэж бодож явсан. Ялангуяа жилийн өмнөөс манай цуглаан намайг нэг охинтой хамт ажиллаж, үүргээ хамтдаа биелүүлэх зохицуулалт хийсэн тул, би мөн л “ачаа” үүрэлцэж байгаа мэт түүний амийн оролтыг анхаарч эхэлсэн. Түүнийг биеэ тоосон, гөжүүд зан гаргахад нь Бурханы үгээр хариулах гэдэг байсан ч дотроо “Үнэхээр л биеэ тоосон хүн юм даа” гэж боддог байсан. Тэр охин ирээдүй, хувь заяандаа хэт санаа зовсоноос ч тэр үү, сөрөг зүйлсээсээ салж чадахгүй байх үед нь би идэж, уух амин чухал Бурханы үгийг олж хуваалцаж Бурхан биднийг аврахын хүсэж байгаа гэж хэлдэг байсан ч дотроо түүнд дургүй хэвээр: “Ийм бага хугацаа үлдээд байхад Бурханы ивээлийг улайран хайсаар л байх уу?” гэж бодно. Тэр охин надад дотроо нээж хүмүүст итгэхгүй байгаагаа ярихад, би үнэнч шударга хүн байх талаар ярьдаг ч дотроо төвөгшөөж “Чи ч үнэхээр асуудалтай хүн юм даа” гэж боддог. Тэр ямар нэгэн асуудалд орсон ч яагаад гэдгийг нь хэлж чадахгүй байх үед, түүнд өөрийгөө шинж, уг чанараа нягтлан шалга гэж хэлж байсан ч би Бурханы үгийг ашиглан илчлэгдсэн зүйлсээс өөрийгөө ойлгож, өөрийгөө шинжихэд анхаарал хандуулаагүй юм… Би өөрийгөө Бурханы үгээр далдалж, бусад хүмүүс л бузар булай, Бурханы шүүлтэд орж, зэмлүүлэх ёстой юм шиг бодож яваагүй гэж үү? Би бусдын амийн оролтод л анхаарлаа хандуулж өөрийгөө орхигдуулаагүй гэж үү? Энэ л үед би өөрийгөө гудамжны гуйлгачинтай адил ямар ядуу, ядмаг байснаа ухаарч харуусалд автсан юм. Бурхан намайг удирдан залж өөрийн үгээ өгсөн юм:

“Хүмүүс иймэрхүү зүйл хэлдэг: Хэтийн төлвөө хойш тавь, илүү бодитой бай. Ерөөгдөх бодлоосоо салахыг чи хүмүүсээс шаарддаг—тэгвэл чиний хувьд ямар вэ? Чи хүмүүсийн ерөөгдөх санаа бодлыг няцааж, өөрөө ерөөлийг эрж хайдаг уу? Бусад хүмүүс ерөөлүүд хүлээн авахыг чи зөвшөөрдөггүй боловч өөрөө тэдгээрийн талаар нууцаар боддог—тэр нь чамайг юу болгож байна вэ? Залилан мэхлэгч! Тийнхүү үйлдэх үедээ мөс чанар чинь буруушаагдахгүй байна уу? Зүрх сэтгэлд чинь өртэй мэт санагдахгүй байна уу? Чи хууран мэхлэгч биш гэж үү? Чи бусдын зүрх сэтгэл дэх үгийг ухаж гаргадаг боловч өөртөө байгаа зүйлийн талаар юу ч хэлдэггүй—чи ямар хэрэггүй хог вэ!” (Үг нь махбодоор илэрсэн номын “Дөчин хоёр дахь айлдварын тайлбар”-аас). Бурханы үг хурц үзүүртэй сэлэм мэт миний зүрхийг сүлбэж өөрөөсөө асар их ичихэд хүргэсэн. Би хийсэн бүх зүйлсээ бодож үзсэн. Бурханы илчилсэн шиг би худалч луйварчин байгаагүй гэж үү? Гаднаа Бурханд үйлчилж байгаа юм шиг боловч үнэн хэрэгтээ би өөрийн хичээл зүтгэлээрээ үүнийгээ далдалж Бурханы итгэлийг хөсөрдүүлж байж ээ. Өнгөн дээрээ би ах дүүсдээ тусалж байгаа юм шиг байсан ч үнэн хэрэгтээ тэдний сэтгэлд чухал байр суурьтай болох гэж сургаал номлол ашиглан тэдний хүндлэл, бишрэлийг хүртэх гэдэг байжээ. Би бусдад байр суурины араас бүү хөөцөлд, битгий биеэ тоо гэж сургадаг ч, өөрөө бусдыг дорд үзэж, ах дүүсийнхээ алдаа дутагдалд зөвөөр хандаж чадаагүй, тэр ч бүү хэл хэнд ч мэдэгдэхийг хүсдэггүй байж. Бусдыг хувь заяа, ирээдүйдээ удирдуулж болохгүй гэж Бурханаас ивээл хүртэх гэсэн хүслээс нь салгадаг байсан ч би өөрийнхөө ирээдүйг төлөвлөж, санаа зовдог байсан. Би голдуу хүмүүсийн илэрхийллийг ажиглаж, бусад хүмүүс намайг юу гэж бодож байгаа бол гэдэгт санаа зовниж, тэдний бусдад үл итгэсэн байдал, арга залийг хараад унтууцдаг байсан. Би бусдад өөрийгөө ойлго, дотоод сэтгэлээ ухаж өөрийнхөө дотоод мөн чанарыг нэгд нэгэнгүй уудал гэдэг байсан ч өөрийнхөө хорон муу бодлоо нууж, өөрийн үг, үйлсийг Бурханд мэдүүлдэгүй байлаа… Олон жилийн турш би үнэний тухай ярьсан боловч, амьдран харуулсан зүйл маань хоосон номлол байв. Би хүн чанарын талаар ярьсан ч, амьдран харуулсан зүйл маань ёрын муу байсан. Тиймдээ ч би өнөөдөр Бурханы дараах зүйлд хэлсэн шиг үгээр хэлэхийн аргагүй их зантай, гөжүүд, бас хүн чанар, эрүүл ухаанаа алдсан нэгэн болж хувирсан: “хоосон сургаалыг ойлгох тусмаа зан чанар нь төдий чинээ ихэрхүү болдог” (Христийн ярианы тэмдэглэл номын “Хүмүүс Бурханд хэтэрхий олон шаардлага тавьдаг”). Би сургаал, номлолыг өөрийн болгосон ч өөрийгөө ойлгох, амийн оролт хийж, үнэнийг олж мэдэх гэж хичээдэггүй байсан. Тийм болохоор ч амийн зан чанараа хэрхэн өөрчилж чадах билээ? Бурханы бодтой ажил болон үгс бидэнд хэрэгтэй бүх үнэнээр биднийг хангадаг бөгөөд Тэр биднийг тэрхүү үнэнийг ойлгоосой гэж хүсдэг. Мөн бид гэрэл гэгээрэл авчрах үүргээ биелүүлснээр өдөр тутам туршлага, оролтыг хуримтлуулж, түүгээрээ ах дүүсээ хангадаг. Гэвч би өөрийгөө зөвхөн сургаал, номлолоор л зэвсэглэж, бусдад Ариун Сүнсээр удирдуулан үнэнээр амьдрахыг сурган, сургаал номлол ярихыг миний үүрэг гэж бодож байсан ч өөрөө амийн оролт хийгээгүй юм. Үр дүнд нь би өөрийгөө хаяж өрөөлийг хохироожээ. Би бол жинхэнэ орчин үеийн Паул!

Бурхан эзэн минь, олон жил Бурханд итгэсэн ч зөвхөн ажилдаа анхаарлаа хандуулж, өөрийгөө номлол, сургаалаар зэвсэглэн, амийн оролтдоо анхаарлаа хандуулахын оронд өөрийгөө гайхуулж байсан, зан чанараа өөрчилж чадаагүй алдааг минь харуулахаар гэрэлтүүлж, гэгээрүүлж өгсөнд баярлалаа. Би өөрийн хэт бардам, юу ч мэдэхгүй байгаа байдлаа үзэн яддаг, гэхдээ би үнэнийг хайрладаггүй тул, үнэнд орж, өөрчлөлтийг эрэлхийлэх олон боломжоо алджээ. Би Таны үгээр дамжуулан үнэнийг илүү сайн ойлгож, өөрийгөө илүү гүнзгий ойлгохыг эрмэлзэж, Бурханы үгийг бодитоор, хичээнгүйлэн хэрэгжүүлж, үнэнд орж, Таны ачийг хариулахын тулд бодитоор амьдран харуулахыг хүсэж байна.

Өмнөх:Эрэлхийллийн ард нуугдаж буй нууц

Дараах:Сайн гэгддэг хүний үнэн нүүр царай

Танд таалагдаж магадгүй