Бүх үнэнийг эрэлхийлэгчдийг бидэнтэй холбогдохыг урьж байна.

Христийн шүүлтийг туулсан тухай гэрчлэлүүд

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Биеэ тоосон занг засах арга зам бий

Шиаучэнь   Жэнжоу хот, Хэнань муж

Бие тоох зан бол намайг сүйрүүлэх дутагдал минь. Би үргэлж өөрийгөө бусад хүмүүсээс илүү гэж бодон бие тоосон зан чанараа байнга гаргадаг байлаа. Ялангуяа өгүүлэл өөрчлөх эсвэл хамтрагчтайгаа ажлын талаар ярилцах үедээ үргэлж л гөжүүдэлж, бусдын үзэл бодлыг хүлээцтэй сонсоно гэж байдаггүй байв. Би хамтрагч нартайгаа эв найртай ажиллах чадваргүйгээс ажилд байнга асуудал гардаг байв. Ах эгч нар маань энэ асуудлыг олон удаа надад сөхөж, мөн би Бурхан хүмүүсийн бие тоосон чанарыг илчилдэг тухай тогтмол уншдаг байлаа. Гэхдээ би өөрийн уг чанар болон мөн чанарыг жинхэнэ утгаар ойлгоогүй, мөн үнэнхүү үзэн ядаж чадаагүй байсан учраас тийм орчин нөхцөлтэй тулгарах бүрт хяналтаа алддаг байв. Дараа нь надад маш гутамшигтай санагддаг ч аль хэдийнэ болоод өнгөрсөн учраас миний хийж чадах зүйл ердөө үүнийг ойлгох гэж хичээх байлаа. Энэ зүйл дахин дахин тохиолдож байлаа. Үүнээс болж надад маш ичгэвтэр, арчаагүй санагдах болов.

Нэгэн удаа би сүнслэг сүсэг бишрэл үйлдэж байхдаа Бурханы дараах үгийг олж харав: “Чи өөрийн уг чанараа хэрхэн өөрчлөх вэ? Юуны түрүүнд, чи өөрийн уг чанараа мэдэх ёстой бөгөөд бас Бурханы хүсэл болон үгийг хоёуланг нь ойлгосон байх ёстой. За тэгвэл чи буруу үйлдэл үйлдэхээс зайлсхийж, үнэнд нийцүүлсэн үйлдэл гаргах хамгийн сайн боломжийг хэрхэн бий болгох вэ? Хэрвээ чи өөрчлөгдөхийг хүсэж байгаа бол үүнийг нарийвчлан бодсон байх ёстой. Чиний өөрийн уг чанар эвдэрсэн учир энэ нь хэр зэрэг завхралыг бий болгодог, үүнийг хянан захирахын тулд ямар үйлдэл гаргах, ямар арга барилын сонгон авах, яаж хэрэгжүүлбэл үүнийг тогтоон барих боломжтой зэрэг нь их чухал. … Линь Цзэсий тун амархан уурладаг байсан. Өөрийнхөө энэ сул талаас болоод тэрээр “Уураа хазаарла” гэсэн уриаг өрөөндөө хадсан байлаа. Энэ бол тухайн хүний арга барил боловч үнэндээ үр дүнтэй. Тухайн хүн болгонд өөрийн гэсэн дагадаг зарчим байдаг, тиймээс чи ч гэсэн өөрийн уг чанартаа тохируулсан зарчим бас тавих хэрэгтэй. Эдгээр зарчим нь зайлшгүй хэрэгтэй бөгөөд тэдэнгүйгээр байж чадахгүй. Энэ нь Бурханд итгэх чиний уриа мөн биеэ авч явах байдал чинь байх хэрэгтэй” (Христийн ярианы тэмдэглэл номын “Уг чанараа шийдвэрлэж, Үнэнийг хэрэгжүүлье”-ээс). Бурханы үг надад тэр даруй явж болох замыг минь зааж өгсөн. Би ийнхүү ойлгож авсан: Тэрслүү зан чанарыг өөрчлөхийн тулд би нэг талаас хүний ялзарсан уг чанарыг илчлэх тухай Бурханы үгийг байнга идэж уух ёстой, нөгөө талаас өөрийн уг чанарыг хянах уриан дээр төвлөрөх, ингэснээр өөрийн уг чанарын илрэлийг ухамсартайгаар хянаж, үнэнийг хэрэгжүүлэхээр өөрөөсөө татгалзаж чадна. Тиймээс би өөрийн бие тоосон чанар, өөрийгөө зөвтгөх зан, хамтрагчдынхаа үзэл бодлыг сонсох дургүй зэрэг ялзралынхаа шинж чанарт нийцүүлээд ийм уриа гаргасан: “Атгын чинээ баасанд жаахан өмхий үнэрээс өөр юу ч үгүй.” Би хамтрагч нартайгаа ямар нэг асуудлаар ярилцах болгондоо эхлээд энэ уриаг ашиглан миний мөн чанар бол баас, бие махбодиас минь тэр чигтээ өмхий үнэр үнэртэнэ гэж өөртөө хатуугаар сануулдаг байлаа. Мөн биеэ тоосон байдал, аминч зангаас минь болж ажилд ямар олон асуудал учирч байсныг санаж, биеэ тоох зүйл ердөө ч байгаагүй болохыг өөртөө сануулдаг байв. Ийм байдлаар байнга миний туйлын зөв гэсэн байдлыг болиулж, мөн өчүүхэн ч гэсэн зүрх сэтгэлээ хайж, өөрийгөө даруу болгож, бусдыг үзэл бодлыг сонсох хүслийг надад өгч байлаа. Заримдаа би бусдын үзлийг эсэргүүцэхийг хүссэн хэвээр байсан ч уриагаа бодох даруйдаа ухамсартайгаар өөрийгөө орхиж, эв найртай уялдаатай байх үнэнийг хэрэгжүүлдэг байв.

Гайхалтай нь хэсэг хугацааны дараа би өөрийгөө даруу болгосноор Ариун Сүнсний гэгээрэл, гэрэлтүүлгийг хамтрагчдынхаа ярианаас хүлээн авч, үнэнийг хүлээн авахдаа гаргаж байсан зарим утгагүй зүйлсээ ойлгож буйгаа олж мэдэв. Түүнчлэн би бусдын хүч чадлыг олж харан, тэдгээрийг ашиглаж өөрийгөө бүтэн болгохыг хүсэх болсон. Би бүх зүйлээр бусдаас дээгүүр гэж бодохоо больж, их зан гаргасан толгойгоо бас буулгав. Өөрөөсөө урвах нь өмнөх шиг тийм шаналгаатай санагдсангүй, өөрийгөө даруу болгож, хамтрагч нарынхаа үзэл бодлыг даруухнаар сонсох нь маш сайхан болохыг, энэ нь зөвхөн өөрийн амьдралыг сайжруулах ашиг тустай байгаад зогсохгүй нэг нэгнийхээ дутагдалтай талыг нөхөж, хамтдаа нэг мэт болсноор ажлын үр дүнгээ сайжруулж байгааг би зүрх сэтгэлээсээ мэдрэв.

Энэ туршлагаар дамжуулан би үнэнийг хэрэгжүүлэхийн сайхныг амталж, уриа бий болгосноор өөрийн зан чанарын илчлэлтийг ухамсартайгаар хянаж, зөвхөн өөрийн гэм бурууг багасгах бус түүнчлэн үнэнийг ойлгох илүү олон боломжийг олж авахаа ойлгосон. Түүнчлэн би өнгөрсөнд илчилж байсан биеэ тоосон чанар минь ямар муухай, гутамшигтай болохыг ухаарсан. Эдгээр зүйлийг мэдэхэд минь намайг хөтөлсөн Бурханд талархаж байна. Одооноос эхлэн би өөрийн янз бүрийн зан чанартаа тохирсон уриануудыг гаргаж, өөрийгөө хязгаарлах болно, ингэснээр би үнэнийг хэрэгжүүлж чадна. Би өөрийн уг чанарын голыг танихын тулд Бурханы үгийг байнга унших болно, ингэснээр би өөрийгөө жинхэнэ утгаар үзэн ядаж, Бурханыг хангалуун байлгахын тулд аль болох хурдан өөрийн ялзралаас салах болно.

Тайлбар:

a. Линь Зэшу нь (1785.08.30 – 1850.11.22) Хятадын эрдэмтэн, Чин гүрний түшмэл байсан.

Өмнөх:Ариун Сүнс зарчмын дагуу ажилладаг

Дараах:Худал хуурмагийн ард юу байдаг вэ

Танд таалагдаж магадгүй