Төгс Хүчит Бурханы Чуулганы апп

Бурханы дуу хоолойг сонсож, Эзэн Есүсийн эргэн ирэлтийг угтан аваарай!

Бүх үнэнийг эрэлхийлэгчдийг бидэнтэй холбогдохыг урьж байна.

Цулгуй өнгө

Загвар

Үсгийн хэв

Үсгийн хэмжээ

Мөр хоорондын зай

Хуудасны өргөн

Хайлтын үр дүн 0

Ямар ч үр дүн олдсонгүй.

`

Бурханы хайр чөтгөрийн харанхуй шоронд надтай хамт байсан.

Янг И, Жиансу муж

Би бол Төгс Хүчит Бурханы Чуулганы Христэд итгэгч. Би арав гаруй жил Төгс Хүчит Бурханыг дагаж байна. Энэ хугацаанд Хятадын Коммунист Намын цагдаа нарт арван жилийн өмнө баригдаж, аймшигт зовлон шаналал туулсан минь миний хэзээ ч мартахгүй зүйл. Эргээд бодоход муу ёрын чөтгөрүүдэд тамлагдаж, нухчигдан дарлагдаж хэд хэдэн удаа үхэлд ойртон очсоныг эс тооцвол Төгс Хүчит Бурхан хүчирхэг гараа ашиглан намайг удирдаж, хамгаалж, амьдралд эсэн мэнд буцаан авчирсан .... Үүгээр дамжуулан би, Бурханы амьдралын хүч чадлын гайхамшиг, агуу байдлыг үнэхээр биеэр туулан мэдэрч, Бурханаас надад хүртээсэн амийн үнэт эд баялгийг олж авсан.

2004 оны 1 дүгээр сарын 23-ны өдөр (Хятадын шинэ оны хоёр дахь өдөр) байлаа. Би явж чуулганыхаа нэг эгчтэй уулзах хэрэгтэй байв; түүнд асуудал учирч, яаралтай туслалцаа хэрэгтэй байсан. Хол газар амьдардаг байсан болохоор би өдөртөө буцаж ирэхийн тулд өглөө эрт таксинд суух хэрэгтэй байв. Дөнгөж гэгээ тусаж байхад би гэрээсээ гарав. Гудамж цэвэрлэдэг ажилчдаас өөр хүн гадаа бараг байгаагүй. Би сэтгэл зовнингуйгаар такси хайсан боловч нэг ч такси байсангүй. Би такси хүлээхээр зогсоол явав. Нэг машин ирж явааг хараад даллаж зогсоох гээд зам дээр гартал Байгаль орчныг хамгаалах товчооны машин байж таарав. Тэд надаас яагаад далласныг асуулаа. “Уучлаарай, андуурчихлаа, такси байна гэж бодсон юм” гэж би хэлэв. “Бид чамайг хууль бус зурагт хуудас өлгөж байна гэж бодлоо” гэж тэд хариулав. “Та нар намайг харсан юм уу? Миний өлгөж байсан зурагт хуудаснууд хаана байна?” гэж би хэлсэн. Тэр гурав надад өөрийгөө хамгаалах боломж өгөлгүйгээр урагш давшлан миний цүнхийг хүчээр нэгжлээ. Тэд миний цүнхэн дэх сургаалын нэг хувь, тэмдэглэлийн дэвтэр, түрийвч, утас, гэмтэлтэй пэйжер гээд бүгдийг онгичив. Тэд сургаалын хуулбар, тэмдэглэлийн дэвтрийг нарийвчлан үзлээ. Миний цүнхэнд зурагт хуудас байхгүй байгааг хараад тэд, сургаалын хуулбарыг гартаа барьж: “Чи хууль бусаар зурагт хуудас өлгөөгүй байж болно, гэхдээ чи Төгс Хүчит Бурханд итгэдэг юм байна” гэж хэлэв. Дараа нь тэд Үндэсний аюулаас хамгаалах бригадын шашны хэлтэс рүү утасдлаа. Тун удалгүй, Үндэсний аюулаас хамгаалах бригадаас дөрвөн хүн ирсэн юм. Миний цүнхэнд байсан юмсыг хармагцаа тэд намайг Төгс Хүчит Бурханд итгэгч гэдгийг мэдсэн. Намайг юу ч хэлэх боломж олголгүйгээр тэд намайг машиндаа чихээд зугтахаас сэргийлэн хаалгыг түгжсэн.

Биднийг Олон нийтийн аюулгүй байдлын товчоон дээр очиход цагдаа намайг нэг өрөөнд оруулав. Тэдний нэг нь мэдээллийн шижим хайж миний пейжер, гар утсаар оролдоно. Тэр утсыг асаахад цэнэг маш бага байсан бөгөөд бүрмөсөн цэнэггүй болов. Тэр хэчнээн оролдсон ч утсыг маань асааж чадаагүй. Утсыг гартаа барьсан тэрээр сэтгэл түгшсэн байдалтай байв. Би ч бас гайхлаа - уг нь би утсаа өглөө цэнэглэсэн юм. Яагаад цэнэггүй болчихдог байна аа? Цагдаа миний утаснаас ах, эгч нарын тухай ямар нэгэн мэдээллийг олохоос сэргийлэн Бурхан үүнийг гайхамшигтайгаар зохицуулсныг би гэнэт ухаарав. Би бас Бурханы хэлсэн үгсийн учрыг ойлгосон: “Чи үүнд итгэх эсэхээс үл хамааран амьд эсвэл үхсэн аливаа болон бүх зүйлс нь Бурханы бодлын дагуу шилжиж, өөрчлөгдөж, шинэчлэгдэн, устаж үгүй болж байдаг. Энэ мэтээр Бурхан бүх зүйлийг захирдаг” (Үг нь махбодоор илэрсэн номын “Бурхан бол хүний амийн эх сурвалж юм”-аас). Энэ нь надад, Бурханы хэмжээлшгүй эрх мэдэл, бүх зүйлсийг зохицуулдаг талаарх үнэн зөв мэдлэгийг өгч ирээдүйд хамтарч ажиллах итгэлийг маань бэхжүүлсэн. Цүнхэнд байсан юмсыг заан цагдаа: “Эдгээр зүйлс чамайг чуулганы ердийн гишүүн биш гэдгийг тодорхой харуулж байна. Чи чухал хүн, ахлах удирдагч нарынх нь нэг байх ёстой. Бага тушаалын удирдагч нар пейжер, гар утас хэрэглэдэггүй. Миний зөв үү?” хэмээн намайг буруушаах өнгөөр асуув. “Би юу хэлж байгааг чинь ойлгохгүй байна” гэж би хариулав. “Чи ойлгохгүй дүр үзүүлж байна!” гэж тэр хашхиран хэлээд намайг явган суугаад ярихыг тушаасан. Хэлснийг нь биелүүлэхгүй болохыг хараад тэд намайг тойрон цохиж өшиглөж эхэлсэн нь намайг бараг алахаар байлаа. Миний нүүр цус болж хавдан бүх бие маань тэсэхийн аргагүй өвдөж би шалан дээр ухаан балартан унав. Миний уур хүрч, тэдэнтэй маргалдаж: Би ямар буруу зүйл хийсэн юм бэ? Яагаад та нар намайг ингэж зодож байгаа юм гэж шалтгаан хэлэхийг хүссэн ч надад тэдэнтэй учир шалтгаан ярих арга зам байсангүй, учир нь ХКН-ын засгийн газар учир шалтгаан ярьдаггүй. Би яахаа мэдэхгүй самгардаж байсан ч тэдний зодуурт бууж өгөхийг хүсээгүй. Би гайхаж төөрөлдөн байхдаа яах вэ гэж гэнэт бодлоо, ХКН-ын засгийн газрын эдгээр муу ёрын ажилтнууд үнэхээр утга учиргүй инээд хүрмээр байсан, ямар ч шалтгаан тайлбарласан надад үг хэлэхийг зөвшөөрөхгүй байсан тул би тэдэнд юу ч хэлэх хэрэггүй байсан юм. Би дуугүй байсан нь дээр байлаа, тийм байдлаар би тэдэнд ямар ч хэрэггүй байх болно. Ингэж бодоод би тэдний хэлж байгаа зүйлд анхаарахаа больсон.

Энэ арга нь надад нөлөөлөхгүй байгааг хараад тэр муу ёрын цагдаа нар уурсан улам илүү зэрлэг догшин болсон: Гэм хүлээлгэхийн тулд тэд тамлаж эхэлсэн. Тэд намайг шалан дээр эрэг боолтоор тогтоосон төмөр сандлаас суух ч, зогсох ч боломжгүй байдлаар гавлав. Тэдний нэг нь миний гавлагдаагүй гарыг сандал дээр тавьж гутлаараа гишгэчин гарын маань ар талыг хөх няц болох үед болив; нөгөө нэг нь миний хөлийн хуруунуудыг арьсан гутлаараа няц гишгэсэн. Зөвхөн тэгэхэд л би хурууны өвчин шууд зүрхэнд маань тусахыг биеэр туулан мэдэрсэн. Түүний дараа, 6, 7 цагдаа надад ээлжлэн хүч хэрэглэсэн. Тэдний нэг нь миний мөчнүүдэд хамаг хүчээ төвлөрүүлж маш хүчтэй цохисон бөгөөд сарын дараа ч би гараа нугалж чадахгүй хэвээр байсан. Өөр нэг нь миний үснээс зуурч толгойг маань хажуу тийш сэгсчин дараа нь гэдрэг татаж дээш харуулаад: “Тэнгэр рүү хар, Бурхан байгаа эсэхийг хар!” гэж хэрцгийгээр хэлсэн юм. Тэд шөнө болтол үргэлжлүүлсэн. Тэд надаас юу ч олохгүйгээ ойлгоод бас Хятадын шинэ жил болж байсан тул хорих анги руу намайг илгээсэн.

Хорих ангид намайг ирэхэд харгалзагч нэг эмэгтэй хоригдолд миний бүх хувцсыг тайлаад хогийн саванд хаяхыг тушаалаа. Дараа нь тэд надад хиртэй, жигшмээр муухай үнэртэй шоронгийн хувцас өмсүүлэв. Харгалзагч намайг камерт оруулаад бусад хоригдлуудад: “Тэр зорилготойгоор бусдын гэр бүлийг үймүүлсэн. Тэр олон гэр бүлийг сүйрүүлсэн. Тэр бол худалч, үнэнч шударга хүмүүсийг хуурдаг, олон нийтийн дүрэм журмыг зөрчдөг….” гэж хэлсэн. “Тэр яагаад гэнэн хонгор мэт харагдаад байна” гэж хоригдлуудын нэг нь асуухад харгалзагч: “Тэр ял авахаас зайлсхийж жүжиг тоглож байгаа юм. Та нараас хэн чинь тийм ухаантай вэ? Түүнийг маанаг гэж бодсон хүн бүхэн хамгийн тэнэг” гэж хариулав. Тиймд харгалзагчид хууртагдсан бусад хоригдлууд намайг хэтэрхий хялбархан чөлөөлөгдсөн байна, над шиг муу хүнд тохирох цорын ганц зүйл бол буудан алах тасаг гэж хэлж байлаа! Үүнийг сонсоод миний уур хүрсэн боловч надад хийж чадах зүйл юу ч байгаагүй. Миний тэвчих гэсэн оролдлого үр дүнгүй болж, тэд надад илүү их тамлал, хэрцгий авир л гаргаж байлаа. Хорих төвд харгалзагч нар хоригдлуудаар дараах дүрмийг өдөр бүр уншуулдаг байсан: “Хэргээ хүлээж хуулинд захирагд. Бусдыг хэрэг хийхэд өдөөн хатгаж болохгүй. Бүлэг үүсгэж болохгүй. Тэмцэл тулаан хийж болохгүй. Бусдыг дээрэлхэж болохгүй. Бусдыг худал яллаж болохгүй. Бусдын хоол хүнс, эд зүйлийг авч болохгүй. Бусдыг хуурч мэхэлж болохгүй. Шоронд бусдад дээрэлхэх явдлын эсрэг арга хэмжээ авах хэрэгтэй. Дүрмийг ямар нэгэн байдлаар зөрчсөн тухайд нэн даруй хянагч эсвэл байцаагч нарт мэдэгдэнэ. Чи бодит баримтыг нуун далдалж эсвэл дүрэм журмыг зөрчсөн хоригдлуудыг хамгаалах оролдлого хийх ёсгүй, бас хяналт хүмүүнлэг байх ёстой. …” Бодит байдал дээр бол харгалзагч нар надаар өдөр бүр тохуурхаж, тарчилган тамлахад бусад хоригдлуудыг хөхиүлэн дэмждэг байсан: 8 эсвэл 9 хэмийн хүйтэнд тэд гутлыг маань норгоно; нууцаар миний хоолонд ус хийнэ; оройд намайг унтаж байхад миний даавуун дотортой хүрмийг шалба норгоно; тэд намайг бие засах суултуурын хажууд унтуулж,, шөнөөр хөнжлийг маань хуулж хаяна, унтуулахгүйн тулд үснээс зулгаана; жигнэсэн боовыг маань булаана; бие засах өрөөг хүчээр цэвэрлүүлнэ, өөрсдийнхөө эмний үлдэгдлийг ам руу чихнэ, тэд надад амрах боломж өгдөггүй байлаа…. Хэрвээ би тэдний хэлснийг хийхгүй бол бүлэглэн зодно, тийм үед хянагч, байцаагч нар харагдахгүй алга болно эсвэл юу ч хараагүй мэт дүр үзүүлнэ; заримдаа тэд нуугдаад, хардаг байсан. Хэрвээ хоригдлууд намайг тамлан зовоохгүй хэдэн өдөр өнгөрвөл хянагч, байцаагч нар тэдэнд: “Tэр тэнэг янхан сүүлийн хэдэн өдөрт ухаан суучихжээ дээ, тийм үү? Энэ хооронд та нар их зөөлөрчихжээ. Тэр тэнэг янханд ухаан суулгасан хүнд чөлөө олгоно” гэж хэлнэ. Харгалзагч нарын харгис тамлал, тэднийг үзэн ядах сэтгэлээр намайг дүүргэж байлаа. Өнөөдөр, би үүнийг нүдээрээ харж, биеэрээ туулан мэдрээгүй бол өгөөмөр сэтгэл, ёс суртахуунаар дүүрэн хэмээн бусдын таамагладаг ХКН-ын Засгийн газрыг ийм харанхуй, зүрх алдмаар, аймшигтай байж чадна гэдэгт итгэхгүй—хуурамч, хоёр нүүртэйг нь буюу үнэн нүүр царайг нь хэзээ ч харахгүй байх байсан. “Хүмүүст үйлчилж, соёлжиж иргэншсэн нийгмийг байгуулах” тухай тэдний яриа хүмүүсийг мэхэлж, дэгээдэхийн тулд байдаг, тэдгээр нь өөрсдийгөө гоёчлох, хүртэх гавьяагүй нэр хүндэд хүргэх заль мэх, арга хэрэгсэл байсан. Тэр үед би Бурханы үгийг бодов: “Тэгвэл, бие махбодтой болсон Бурхан бүрмөсөн нуугдмал хэвээр үлддэгт гайхах зүйл бага юм: Өршөөлгүй, догшин хэрцгий чөтгөрүүдтэй ийм харанхуй нийгэмд, нүд ирмэхийн төдийд хүн алдаг диаволын хаан, хайр татам, эелдэг зөөлөн, мөн ариун Бурханы оршин тогтнолыг хэрхэн тэвчиж чадах юм бэ? Энэ нь Бурханы ирэлтийг хэрхэн магтан сайшааж, баясах юм бэ? Тэдгээр боолууд! Тэд сайхан сэтгэлийг үзэн ядалтаар хариулдаг, тэд аль хэдийн Бурханыг басамжилж, Бурхантай зүй бусаар харьцдаг, тэд туйлын харгис хэрцгий бөгөөд Бурханд өчүүхэн төдий ч анхаарал хандуулдаггүй, тэд тонуул дээрэм хийдэг, аль хэдийн мөс чанараа алдсан, сайхан сэтгэлийн ул мөр ч байдаггүй ба тэд гэм зэмгүй хүмүүсийг ухамсаргүй байдалд уруу татдаг. Эртний өвөг дээдэс үү? Хайртай удирдагчид уу? Тэд бүгд Бурханыг эсэргүүцдэг! Тэдний хөндлөнгийн оролцоо нь тэнгэрийн доорх бүхнийг түнэр харанхуй болон эмх замбараагүй байдалд аваачсан! Шашны эрх чөлөө юу? Иргэдийн хууль ёсны эрх, ашиг уу? Тэдгээр нь бүгд нүглээ нуух заль мэх юм” (Үг нь махбодоор илэрсэн номын “Ажил ба оролт (8)”-оос). Бурханы үгийг бодит байдалтай харьцуулаад би ХКН-ын харанхуй, муу ёрын, чөтгөрийн шинж чанарыг маш тодорхой харсан. Тэд харанхуй дүрэм журмаа байлгах гэж өөрийн хүмүүсээсээ салахгүй зуурч, тэднийг мэхлэн төөрөгдүүлэхийн төлөө юунд ч саатдаггүй байсан. Өнгөн талдаа энэ журам нь шашны эрх чөлөөг хангах зорилготой боловч нууцхандаа Бурханд итгэдэг хүмүүсийг баривчилж, хавчин шахаж, мөшгиж алж хяддаг. Тэр ч байтугай тэднийг бүгдийг үхэлд хүргэхийг оролддог. Чөтгөр ямар их зальтай, бурангуй бүдүүлэг, тэрслүү юм бэ! Эрх чөлөө хаана байна аа? Хүний эрх хаана байна? Эдгээр нь бүгд хүмүүсийг залилан мэхлэх арга заль биш гэж үү? Энэ харанхуй дүрэм журмын дор амьдраад хүмүүс хүсэл найдвар, гэрлийг харж чадах уу? Тэд хэрхэн Бурханд итгэх, үнэний мөрийг хөөх эрх чөлөөтэй байж чадах вэ? Зөвхөн тэгэхэд л би, энэ дарамт хавчлага, зовлон шаналлыг надад ирэхийг Бурхан зөвшөөрсөн болохыг, ХКН-ын Засгийн газрын жигшүүртэй, харгис хэрцгийг нь, үнэнд өширхөн Бурханд дайсагнадаг чөтгөрийн шинж чанарыг нь надад харуулахын тулд Бурхан үүнийг ашигласан, мууг шийтгэж, сайныг өмгөөлж, шударгыг дэмждэг хэмээн засгийн газраас хүчтэй дэмжин, магтан сурталчилдаг ардын цагдаа бол тэдний хичээнгүйлэн хүмүүжүүлсэн хүн төрхтэй, араатны зүрх сэтгэлтэй, нүд ирмэх зуур бусдыг алж хөнөөдөг зандалчдын бүлэг, хань хамсаатан нь болохыг ухаарсан. Бурханы ажлыг хулгайлж, устгах гэж, Бурханыг үгүйсгэн, урван тэрслэх үйлдлийг надаар хийлгэх гэж хүчлэн эзэрхийлэн түрэмгийлэгч хүч чадалд нь бууж өгөхийн төлөө тэд намайг тамлан, сүйрүүлэхийн тулд юунд ч саатаагүй—гэхдээ намайг хэдийчинээ ихээр тамлан зовооно төдийчинээ ихээр би тэдний чөтгөрийн царайг тодорхой харж, зүрх сэтгэлийнхээ гүнээс үзэн ядаж, үгүйсгэж байсан бөгөөд энэ нь намайг үнэхээр Бурханыг хүсэн тэмүүлж, Бурханд итгэхэд хүргэсэн. Түүнээс ч илүү нь юу вэ гэвэл, хамгаалагч нарын тамлалаас болоод Бурханы хайрладаг зүйлсийг хайрлах, Бурханы үзэн яддаг зүйлсийг үзэн ядах нь юу гэсэн үг болохыг, Сатанаас нүүр буруулж Бурхан руу эргэх нь юу гэсэн үг болохыг, хэрций байх гэж юу болохыг, харанхуйн хүчнүүд гэж юу болохыг мөн цаашлаад жигшүүртэй, хуурамч, заль мэхтэй байх гэдэг нь юу гэсэн үг болохыг өөрийн эрхгүй ойлгосон. Энэ орчныг биеэрээ туулан мэдрэх, зөвийг буруугаас ялгаж хэлж, би дагавал зохих амьдралын зөв замыг олж харах боломжийг олгосны төлөө би Бурханд талархалтай байсан. Сатанд удаан хугацаагаар хууртагдсан миний зүрх сэтгэл эцэст нь Бурханы хайраар сэрсэн. Энэ зовлон, сорилтыг биеэрээ туулан мэдрэх аз завшаантай байх нь маш их утга учиртай болохыг бас надад үнэхээр онцгой ивээл үзүүлсэн гэдгийг би мэдэрсэн.

Бүхий л зүйлсийг хийж оролдсоныхоо дараа тэр муу ёрын цагдаа өөр төлөвлөгөө сэдлээ: Намайг илчлэхийн тулд намайг хэн гэдгийг мэддэг Гурван-Өөрөө сүмийн нэг пасторыг тэд олжээ. Тэр эмэгтэй намайг Төгс Хүчит Бурханд итгэдэг, нэг удаа түүнд сайн мэдээ түгээх гэж оролдсон, гэхдээ тэр өөрөө эсэргүүцсэн гэж хэлсэн байв. Тэр бас намайг Бурханаас нүүр буруулуулахыг оролдсон. Сайн мэдээ түгээж байсан олон ах, эгч нарын талаар мэдээлсэн энэ муу ёрын үйлчлэгчийг хараад бас түүний амнаас гарсан Бурханыг гүтгэн гүжирдэж, доромжилсон тэр бүх хорон санаат үгсийг сонсоод миний сэтгэл уур хилэнгээр дүүрсэн. Тэр яагаад ийм ухамсаргүйгээр Бурханд дайсагнадаг болохыг нь асууж би түүн рүү хашгичихыг хүссэн. Тэр яахаараа Бурханы нигүүлслийг маш ихээр эдэлсэн атлаа Бурханы сонгосон хүмүүсийг хавчин шахагч муу ёрын чөтгөрүүдийн хүчинтэй нэгдчихдэг байна аа? Зүрх сэтгэл минь үгээр өгүүлэхийн аргагүй гуниж, шаналж байлаа. Би бас харуусал, өрийг маш их мэдэрсэн; өнгөрсөн хугацаанд үнэний мөрийг хөөхийг оролдоогүй, Бурханы нигүүлсэл, ивээлийг гэнэн хонгор хүүхэд адил таашаан баясахаас өөр юуг ч мэдэж аваагүй, бидний авралын төлөө Бурханы тэвчин туулсан зовлон шаналал, доромжлолын талаар огтхон ч бодоогүй байсандаа өөрийгөө үнэхээр үзэн ядсан. Энэ бохир заваан, ялзарсан улс оронд ажиллах нь Бурханд ямар их бэрхшээлтэй байсныг, Бурханы амссан зовлон шаналал ямар их байсныг би одоо л энэ хорон санаатнуудын оромжинд байхдаа мэдэрч байна! Үнэхээр, хүнийг гэх Бурханы хайр маш их зовлон шаналлыг тээж явдаг. Тэр, хүний урван тэрслэлтийг тэсэн тэвчихтэй зэрэгцүүлэн хүн төрөлхтнийг аврах ажлыг хийдэг. Хүний урван тэрслэлт нь Түүнд зовлон шаналал, сэтгэлийн шархаас өөр юу ч авчирдаггүй. Бурхан нэгэнтээ: “Ердөө нэгхэн шөнийн хооронд тэд инээмсэглэсэн, “сайхан сэтгэлтэй” хүн байснаа муухай царайтай, хэрцгий алуурчин болж, өчигдрийн өглөгийн эзэнтэйгээ ямар ч шалтаг, шалтгаангүйгээр гэнэт мөнхийн дайсан мэт харьцдаг.” (Үг нь махбодоор илэрсэн номын “Бурханы ажил ба хүний хэрэгжүүлэлт”-ээс) гэж хэлсэнд гайхах зүйлгүй. Өнөөдөр хэдийгээр чөтгөрийн дарамтад орсон ч, юу ч тохиолдсон би Бурханаас урван тэрслэхгүй. Миний амссан зовлон хэчнээн их байсан ч хамаагүй өөрийн арьсаа хамгаалахын тулд би Иуда болохгүй, Бурханд зовлон шаналал, уй гуниг авчрах шалтгаан болохгүй. Шашны бүлгийн энэ пастор намайг худалдсаны үр дагавраар цагдаа нар тамлалаа нэмэгдүүлсэн. Харин тэр, нэг талд зогсоод “Чи сайныг муугаас ялгаж мэдэхгүй байна. Чи үүнийг хүртэх учиртай! Чи миний сайхан сэтгэлд талархахгүй байна. Чи үхтэлээ тамлуулах нь зохистой!” гэж хэлсэн. Энэ гутамшигтай, муу ёрын үгсийг сонсоод миний уур хүрсэн ч бас илэрхийлж боломгүй уйтгар гуниг төрөв. Би уйлахыг хүссэн ч тэгэх ёсгүй гэдгээ мэдэж байлаа. Сэтгэлдээ би нууцаар залбирсан: Өө, Бурхан минь! Та миний зүрх сэтгэлийг аваач. Би одоо Таны төлөө юу ч хийж чадахгүй боловч Сатаны өмнө бас энэ муу ёрын хүний өмнө, тэднийг үнэхээр ичээж Танд ялгуусан гэрчлэл хийхийг, үүгээр дамжуулан Таны зүрх сэтгэлийг тайтгаруулахыг хүсэж байна. Өө Бурхан минь! Та миний зүрх сэтгэлийг хамгаалж, намайг илүү хүчирхэг болгохыг би гуйж байна. Хэрэв надад нулимс байвал тэдэнд харуулахгүйн тулд нулимс нь дотогш урсаг. Үнэнийг ойлгосон учраас би аз жаргалтай байвал зохино, Таныг эсэргүүцдэг, Танаас урван тэрсэлдэг, Таны ажлыг нураадаг Сатаны шинж чанарыг ялгаж салгах, тодорхой харах чадварыг надад өгч нулимсыг маань Та арчсан учраас би аз жаргалтай байвал зохино. Цэвэршүүлэлт дунд би бас Таны ухаалаг гар хэрхэн бүх зүйлийг зохицуулдгийг харсан. Ялалт Таных болох хүртэл би Тантай үргэлжлүүлэн хамтран ажиллахыг хүсэж байна. Залбирсны дараа, Бурханд гэрчлэх гэрчлэлээ бүрэн дуусгах хүртлээ амрахгүй байх эрч хүч миний сэтгэлд бий болсон. Үүнийг Бурхан надад өгснийг, надад гайхалтай хамгаалалтыг өгч, миний сэтгэлийг ихээр хөдөлгөснийг би мэдэж байсан. Намайг Бурханаас урван тэрслэхэд хүргэхийн тулд муу ёрын цагдаа энэ хорон санаатай хүнийг ашиглахыг хүссэн боловч Бурхан нь мэргэн Бурхан учраас Бурханы сэтгэлийг ханамжтай байлгах миний шийдвэр, итгэлийг дэмжин, ялзарсан хүн төрөлхтний тэрслүү уг чанарыг надад харуулахаар эсрэг талын жишээ болгож тэр хорон санаат хүнийг ашигласан. Үүнээс гадна би Бурханы мэргэн ажлын талаар зарим мэдлэгтэй болж, Бурханы хүмүүсийг төгс болгох үйлчлэл дэх бүх зүйлийг Бурхан удирдаж, арга эвийг нь олдгийг харсан. Энэ бол Сатаныг ялахын тулд Бурхан мэргэн ухаанаа ашигладаг хөдөлшгүй бодит баримт.

Хүссэн зүйлээ надаар хэлүүлж чадахгүйгээ тэд хараад намайг Бурханы итгэгч гэдгийг батлахын тулд хаа сайгүй хүрэх гэж хүн хүч, материаллаг эд зүйл, санхүүгийн эх үүсвэр гээд хэрэгтэй бүх зардлыг гаргасан. Гурван сарын дараа тэдний шамдан хөөцөлдөж байсан зүйл юунд ч хүрээгүй. Эцэст нь тэд нуусан хөзрөө дэлгэлээ: Тэд нэгэн мастер байцаагчийг олсон. Түүн дээр ирсэн хүн бүр түүний гурван төрлийн тамлалын үзэх болдог бөгөөд гэмээ хүлээгээгүй нэг ч хүн байхгүй гэж ярьдаг. Нэг өдөр цагдаагийн 4 офицер над дээр ирээд: “Өнөөдөр бид чамайг шинэ гэр лүү чинь авч явна” гэлээ. Дараа нь тэд намайг хоригдлууд тээвэрлэдэг машин руу түлхэн оруулж, миний гарыг нуруунд гавлан толгойд юүдэн угласан. Энэ нөхцөл байдал, тэд нууцаар цаазаар авахын тулд намайг авч явж байна гэж бодоход хүргэсэн. Сэтгэлдээ би мэгдэн сандарснаас өөр юу ч хийж чадаагүй. Гэвч би дараа нь Есүст итгэдэг байхдаа дуулдаг байсан нэгэн магтан дууг саналаа: “Чуулган үүсэн байгуулагдсан эхэн үеэс л Эзэнийг дагадаг хүмүүс өндөр үнэ төлөх хэрэгтэй байсан. Хэдэн арван мянган төрөл төрөгсөд маань сайн мэдээний төлөө өөрсдийгөө золиосолсон, тийм учраас тэд мөнхийн амийг олсон. Эзэний төлөөх тарчлал, би Эзэний төлөө тамлагдаж үхэхэд бэлэн.” Тэр өдөр би: Эзэнийг дагадаг хүмүүс өндөр үнэ төлөх ёстой. Би ч бас Бурханы төлөө үхэхэд бэлтгэгдсэн хэмээх магтан дууг эцсийн дүнд нь ойлгосон. Гайхалтай нь, машинд орсны дараа тэр муу ёрын цагдаа нарын хоорондын яриаг би санаандгүй сонсов. Тэд намайг байцаахаар өөр хаа нэгтээ авч явж байгаа мэт санагдсан. Аан! Тэд намайг цаазлахаар авч яваагүй юм байна, би Бурханы төлөө үхэхэд бэлтгэж байсан! Намайг яг энэ тухай бодож байхад тодорхойгүй шалтгаанаар цагдаа нарын нэг нь толгой дахь юүдэнгийн бүчийг чангалсан. Удалгүй надад тавгүй мэдрэмж төрж, амьсгал боогдож байгаа юм шиг болов. Тэд намайг үнэхээр үхтэл маань тамлах гэж байгаа юм болов уу гэж би бодож байлаа. Тэр үед би, сайн мэдээг түгээхийн тулд Есүсийн шавь нар хэрхэн өөрсдийгөө золиосолж байсныг бодов. Би айж хулчийхгүй байлаа. Би үхсэн ч тэднээс бүчийг суллахыг гуйхгүй, ялагдлаа бүр ч хүлээхгүй. Гэхдээ би өөрийгөө хянаж чадаагүй: би муужран тэдэн дээр унасан. Болж байгаа зүйлийг хараад нөгөө цагдаа юүдэнгийн бүчийг хурдхан сулруулсан. Амаар маань хөөс сахарч эхлэн зогсолтгүй бөөлжив. Дотор гэдсээ бөөлжөөд гаргах гэж байгаа мэт мэдрэмж надад төрж байлаа. Миний толгой дүйнгэтэж, ухаан санаа хов хоосон болж, нүдээ нээж чадахгүй байсан. Би мэдээ алдсан мэт биед маань ямар ч хүч байгаагүй. Аманд маань ямар нэгэн наалдамтгай зүйл байгаа мэт санагдсан ч гаргаж чадахгүй байлаа. Би байнга сул дорой байсан бөгөөд ингэж тамлуулсныхаа дараа би хэзээ ч амьсгал хурааж мэдэхээр асуудалд байгаагаа ухаарсан. Зовлон шаналлынхаа дунд би Бурханд хандан залбирсан: “Өө Бурхан минь! Хэрвээ Та намайг Танд үхлээр гэрчлэл хийгээсэй гэж хүсэж байвал би баяртайгаар Танд захирагдаж, Таны сэтгэлийг ханамжтай байлгахын тулд үхлийг баяртайгаар ашиглах болно. Бурханы нэрээр амиа алддаг хүмүүс үхдэггүй, харин унтдаг гэдгийг би мэднэ. Та юу ч хийсэн тэр нь зөвт бөгөөд Та миний зүрх сэтгэлийг хамгаална гэдэгт би итгэж байна. Ингэснээр би Таны зохион байгуулж, зохицуулсан бүх зүйлд дуулгавартай байна.” Хэсэг хугацааны дараа машин зочид буудлын гадаа ирсэн. Тэр үед бүх бие маань сулбайж би нүдээ нээж чадахгүй байв. Тэд намайг битүүмжилсэн өрөөнд оруулсан. ХКН-ын засгийн газрын олон шадар хүмүүс намайг тойрон зогсоод ярилцаж, намайг харж байгаа нь Лю Хулан ямар байдалтай байсныг харахтай адил байна гэж хэлж байхыг нь би сонсов. Ямар мундаг нүд нээгч вэ, үнэхээр сэтгэгдэл төрмөөр юм! Тэр Лю Хуланаас ч илүү хатуу чанга хүн юм! Үүнийг сонсоод миний сэтгэл, догдлол хөөрлөөр бялхсан. Бурхан үнэхээр ялгуусан буюу Сатан Бурханы хөл доор болохыг би харсан! Надад итгэл, дуулгавартай байдлыг өгсөн Бурханд би талархаж, магтаал өргөсөн. Энэ мөчид би зовлон шаналлаа мартсан. Би Бурханыг алдаршуулан маш ихээр талархсан.

Удалгүй нөгөө яригдаад байсан “байцаалтын мэргэжилтэн” цагдаа ирсэн. Тэр орж ирэнгүүтээ: “Тэр тэнэг янхан хаана байна? Би нэг хараадахъя!” гэж хашгичсан. Тэр миний өмнө ирж, намайг барьж авав. Нүүрэн дундуур хэдэн удаа алгадаад, дараа нь цээж, нуруу руу хэд хэдэн удаа чанга цохиж арьсан гутлаа тайлж нүүрийг маань цохьсон. Түүнд ингэж зодуулаад ам юмуу гэдэснээсээ гаргаж чадахгүй байсан зүйлээ мэдрэхээ болив. Дүйрч байсан толгой зүгээр болж би нүдээ нээж чадаж байлаа. Үе мөчинд минь мэдрэмж аажмаар буцан ирж, биед маань эрч хүч эргэн орж эхлэв. Дараа нь тэр бүдүүлгээр мөрнөөс маань татаж хана руу түлхээд өөр лүү нь харж асуултанд хариулахыг тушаасан. Би түүнд ямар ч анхаарал хандуулахгүй байгааг хараад түүний уур хүрч, Бурханыг гүтгэн, гүжирдэж доромжилсноор надаас хариу үйлдэл гаргуулахыг оролдов. Тэр надаар тохуурхахын тулд хамгийн жигшүүртэй хэрэгслүүдийг ашиглаж, сүрдүүлэн ингэж хэлсэн: “Чиний махан бие, сүнс тэсвэрлэх аргагүйгээр, энгийн хүн тэсэж тэвчиж чадахгүй зовлон шаналлыг мэдрүүлэн би чамайг бодлоготойгоор тамлан зовооно. Чи үхэхийг хүсэх болно. Эцэст нь чи надаас явуулахыг гуйна. Тэр үед чи утга учиртай зүйл ярина, тэгээд хувь заяа чинь Бурханы гарт биш миний гарт байгааг хэлэх болно. Хэрвээ би хүсвэл чи шууд л үхнэ; харин би чамайг амьд байлгахыг хүсвэл чи амьд байх болно. Төгс Хүчит Бурхан чинь чамайг аварч чадахгүй, харин биднээс аврал хүсвэл л чи амьд байх болно.” Энэхүү жигшүүртэй, ичгүүргүй, үзэн ядмаар алуурчин, зэрлэг адгуус, муу ёрын чөтгөрүүдтэй тулгараад би тэдэнтэй дайтахыг үнэхээр хүссэн. Тэр үед би амьдралын туршлагын тухай нэгэн магтан дууг санасан: “Тэнгэр, газар болон тэдгээрт буй бүх зүйл Бурханаар бүтээгдсэн бөгөөд тэднийг таашаан баясах нь Бурханы хувьд жам ёсны, зүйн хэрэг билээ. Чөтгөрүүдийн хаан ичгүүргүйгээр тэдгээрийг эзэмшдэг; Сатан бол хамгийн бузар булай гэмт хэргийн буруутан; хэдэн мянган сүнслэг ах дүү нар босох ёстой” (“Гэрэлтэй замын зүг гүйх нь”, Хургыг дагаж, Шинэ дуунуудыг дуулъя). Би тэмцэн босох юу хийсэн юм бэ? Тэднийг няцаах юу ч хэлэлгүйгээр, хүссэнээрээ намайг тамлахыг нь зүгээр л зөвшөөрснөөрөө би хэтэрхий сул дорой байгаа бус уу? Зүрх сэтгэл маань уур хилэнгээр дүүрсэн. Би үүнийг агуулж чадахгүй мэт санагдав; би хашгирч, хариу тэмцэж: “Хүн хэзээ ч нохойноос өршөөл хүсэхгүй!” гэж тэдэнд тунхаглахыг хүссэн. Энэ бол шударга ёсны зүйл гэж би итгэж байсан, гэхдээ гайхалтай нь би ингэж бодох тусам дотор улам харанхуйлж байлаа. Би залбирлын үг ч олж чадахгүй, ямар нэгэн магтан дууны талаар ч бодож чадахгүй байлаа. Бодол маань бүрхэг болж юу хийхээ мэдэхгүй байсан, тэр үед би жаахан айж эхэлсэн. Би хурдхан өөрийгөө Бурханы өмнө тайвшрууллаа. Би өөрийнхөө талаар эргэцүүлж, өөрийгөө мэдэхийг оролдсон тэр үед Бурханы шүүлтийн үг надад ирсэн: “Чиний гайхан биширдэг зүйл бол Христийн даруу зан биш, … Чи Христийн хайр татам байдал эсвэл мэргэн ухааныг хайрладаггүй … ” (Үг нь махбодоор илэрсэн номын “Чи Бурханы жинхэнэ итгэгч мөн үү?”-ээс). “Өөрийнхөө хүслийг дагах нь Надтай төстэй байдлыг илчилдэг үү? Тэр нь Миний зүрх сэтгэлийг хангалуун байлгах уу? Чи Миний санаа зорилгыг чин сэтгэлээсээ дагасан нэгэн мөн үү? Чи Миний зүрх сэтгэлийг ойлгохоор үнэхээр хичээсэн нэгэн мөн үү? Чи үнэндээ өөрийгөө Миний төлөө өргөсөн үү? Чи өөрийгөө Миний төлөө үнэхээр зарцуулсан уу? Чи Миний үгийг эргэцүүлсэн үү?” (Христийн эхэн үеийн айлдварууд болон гэрчлэлүүдээс). Бурханы шүүлтийн үг бүр зүрх сэтгэлийг маань чичлэн хатгасан. Тийм ээ, би Христийг хэтэрхий жижигхэнээр харсан, тэгээд би Христийн даруу төлөв байдлыг бус хүч чадал, нөлөөг нь бахдан биширсэн. Бурханы нуугдмал ажлын мэргэн ухааныг бүр ч шагшин бахдаагүй. Бурхан Сатаныг ялахын тулд мэргэн ухаанаа ашигладаг, Тэр Сатаны үнэн нүүр царайг илчлэх, хорон муу санаатнуудыг шийтгэхээр бодит баримт цуглуулахын тулд Өөрийн даруу зангаа, нууцлаг байдлаа ашигладаг. Энэ зуур би шүдийг шүдээр, нүдийг нүдээр авах гэж байнга хичээж, сайн байх нь давуу тал болж ашиглагдана, чин сэтгэлээсээ ажилладаг хүмүүст бүх ачаа ирдэг гэж итгэн Христийн ажилтай холбоотойгоор Сатаны философид найдсан. Бид шахагдан хавчигдах үедээ, яагаад муу ёрын цагдаа нарт хүссэнээ хийхийг нь зөвшөөрөх ёстой гэж? Энэ нь, Бурханд итгэдэг олон хүмүүс дээрэлхүүлж, хавчигдан дарлуулж, хохирол хүлээнэ гэсэн үг үү? Өөрийн бардам зангийнхаа үр дүнд би даруу төлөв байдлыг тэвчихийг хүсээгүй, дээрэлхүүлэхийг, хавчигдан дарлуулахыг бүр ч хүсээгүй. Энэ нь намайг Христийн мэргэн ажлыг дорд үзэн, Христийн төлөв даруу зан, нууцлаг байдлыг нандигнан хүндэтгэхгүй байхад хүргэсэн. Ингэхийн оронд би шударга үнэн, хүчтэй зан чанар, сүр жавхлан нь тэдгээртэй дайтахад оршдог гэж итгэсэн. Намайг буруутгахын тулд Сатан намайг тэдний эсрэг тэмцэхийг минь өдөөж, Бурханд итгэдэг бодит баримтыг хүчээр хүлээн зөвшөөрүүлэхийг хүссэн гэдгийг би маш бага мэдэж байжээ. Хэрвээ би тэдгээртэй, болчимгүй зоригоор үнэхээр тэмцсэн бол тэдний зальт төлөвлөгөөний олз болох байсан бус уу? Миний тэрслүү зан байдлын дунд Бурхан надад хамгаалалтыг өгсөн, цаг үеэ олсон Түүний шүүлт ба гэсгээлтэнд би үнэхээр талархсан, тэгснээр би Сатаны залилан мэхэлсэн башир аргыг нэвтлэн харж, өөрийн доторх Сатаны хорыг таниж, Бурхан гэж юу болох, Бурханы төлөв даруу, нууцлаг амьдралын шинж чанарын талаар бага сага мэдлэгийг олж авсан. ХКН-ын чөтгөрүүд Христийг хэрхэн хавчин шахаж, мөрдөн мөшгиж, хөнөөсөн, бас бүх хүн төрөлхтөн хэрхэн Түүнийг шүүж, Түүнийг буруутгаж, Түүнийг гүжирдэн гүтгэж, Түүнийг орхисон тухай би бодов. Энэ бүхэнд Тэр авралын ажлаа хийхийн тулд энэ бүх зовлон шаналлыг тэвчиж, хэзээ ч хариу дайталгүй, хэзээ ч гомдоллохгүйгээр бүхнийг чимээгүй тэсвэрлэсэн. Бурханы зан чанар ямар эелдэг, үзэсгэлэнтэй, үнэнч шударга болохыг л би харсан! Тэгэхэд бохир заваан, ялзарсан хүн би муу ёрын чөтгөрүүдэд хавчигдан шахагдаад хариу дайтахыг хүссэн, өөрийн хүсэлдээ суурилан өөрийн шударга ёсны төлөө тэмцэхийг, өөрийн төсөөлсөн нэр хүндээ өргөхийн тулд болчимгүй зоригоо ашиглахыг хүссэн. Үүнд шударга үнэний ухамсар хаана нь байсан бэ? Үүгээр би үзэшгүй муухай сатанлаг нүүрээ харуулаагүй гэж үү? Би бардам уг чанараа илчлэн харуулаагүй гэж үү? Үнэн үүний хаана нь байсан юм бэ? Ингэж бодоод миний зүрх сэтгэл харууслаар дүүрсэн. Би Христийг дуурайхаар оюун санаандаа шийдсэн. Би энэ орчинд захирагдаж, Сатанд боломж олгохгүйгээр Бурхантай хамтран ажиллахын тулд чадах бүхнээ хийхийг хүссэн.

Mиний зүрх сэтгэл тайвширч, чөтгөрүүдтэй дайтах дараагийн тойргийг чимээгүй хүлээсэн. Би гэм хүлээхээс татгалзсанаар мэргэжилтний олон нүүрийг гаргасан. Тэр уурсан миний нэг гарыг нуруун тус газар мушгин нөгөө гарыг мөр давуулан татаад хоёр гарыг маань хамтад нь чанга гавласан. Гучин минут арай болоогүй байхад хөлсний том том дуслууд нүүрэн дээгүүр бөмбөрч би нүдээ нээх боломжгүй болов. Би түүний асуултанд хариулахгүй хэвээр байгааг хараад тэр намайг газарт унагааж нуруунд гавласан гавнаас өргөсөн. Тэр даруй миний гар хугарч байгаа мэт дуу гарсан. Маш их өвдсөнөөсөө болоод би арай ядан амьсгалж байв. Дараа нь тэр намайг хана руу шидэж, хана руу харуулан зогсоосон. Нүд хөлсөнд бүрхэгдэн бүрэлзэж байлаа. Маш их зовиуртай байснаас бүх бие маань хөлсөндөө нэвчиж гутал хүртэл шалба норсон. Би байнга сул дорой байсан бөгөөд энэ мөчид миний тамир бүр барагдсан. Би амаараа амьсгаадаж л чадаж байлаа. Тэр чөтгөр миний нэг талд зогсоод намайг ажиглаж байсан. Тэр юу харсныг мэдэхгүй, магадгүй хэрвээ би үхчихвэл түүнийг буруутгана гэж айсан байх, атга дүүрэн амны цаас шүүрч аван хөлсийг минь арчиж, дараа нь надад аяга ус өгөв. Гучин минут хүрэхгүй хугацаа өнгөрөх бүрт тэр ингэж байлаа. Тэр үед би ямар харагдаж байснаа мэдэхгүй. Би зөвхөн амаа нээн амьсгаадаж байсан учраас маш аймшигтай байсан байх гэж таамаглаж байна; хамраараа амьсгалах чадвараа алдсан мэт надад санагдаж байлаа. Уруул маш их хатаж, хагарч, зөвхөн амьсгалахын тулд би хамаг хүч чадлаа шавхаж байсан. Үхэл дахин нэг удаа хажууд ирснийг би мэдэрсэн, магадгүй энэ удаад би үнэхээр үхэх байх. Гэвч тэр үед Ариун Сүнс намайг гэгээрүүлсэн. Би Есүсийн дагалдагчдын нэг Лукийн тухай, амьдаараа дүүжлэгдэхийг биеэрээ туулсан тухайг нь саналаа. Сэтгэлдээ би аяндаа хүч чадлаа буцаан олж авч, нэг л зүйлийг өөртөө сануулан давтан хэлж байлаа: “Лук амьдаараа дүүжлэгдсэн. Би ч бас Лук байх ёстой, би Лук байх, Лук байх ёстой … Бурхан хүмүүсийг бараг амиа алдах үед нь цэвэршүүлнэ, гэхдээ би хэтэрхий сул дорой, бараг амиа алдахад хүрэх үедээ би Бурханд гэрчлэл хийх чадамжгүй бөгөөд одоо үхэлд тулж ирээд байна. Би үнэхээр үхсэн ч гэсэн Бурханы зохицуулалт, зохион байгуулалтад дуулгавартай байхыг хүсэж байна. Би Луктай адилаар үхтэлээ Бурханд үнэнч байх хүсэлтэй байна.” Өвчин тэсвэрлэшгүй болж, үхлийн ирмэг дээр очоод байх үедээ би Төгс Хүчит Бурханд итгэдэг хэд хэдэн ах, эгч нарыг барьсан гэж муу ёрын цагдаа нарын нэг нь хэлэхийг гэнэт сонссон. Сэтгэл дотроо би цочирдон балмагдсан: Хэд хэдэн ах, эгч нар тамлуулах нь. Тэд ялангуяа ах нарт хатуу ханддаг. Миний зүрх, сэтгэл санаа зовнилоор дүүрсэн. Ах, эгч нарын хэнийг нь ч би өөр шигээ зовж шаналаасай гэж хүсээгүй тул тэдний төлөө чимээгүй залбирч, тэднийг хамгаалж, Сатаны өмнө ялалтын гэрчлэл хийж, хэзээ ч Бурханаас урван тэрслэхгүй байхыг Бурханаас гуйсан. Магадгүй Ариун Сүнс сэтгэлийг минь хөдөлгөсөн байх; би зогсолтүй залбирч, залбирах тусам улам их урам зориг орж байлаа. Би өөрөө ч мэдэлгүй өвчнөө мартсан. Эдгээр нь Бурханы мэргэн зохицуулалт байсныг би бүрэн мэдэж байв; Бурхан миний сул доройг анхаарч, хамгийн зовиуртай үед намайг удирдан залж байсан. Тэр шөнө, тэр муу ёрын цагдаа надад хэрхэн хандаж байгааг би хайхрахаа больсон ба тэдний асуултад өчүүхэн төдий ч анхаарал хандуулаагүй. Болж буй зүйлийг хараад тэр муу ёрын цагдаа нударгаараа өршөөл энэрэлгүйгээр миний нүүр рүү цохиж дараа нь шанаан тус газарт үснээс зуурч хуруундаа ороогоод угзарсан. Myшгиснаас болоод чих маань хавдаж, нүүр танигдахгүй болов, намайг модны бүдүүн тайрдсаар зодсоноос хөл, шилбэ хөх эрээн болж, хөлийн хуруунуудыг модоор балбасны дараа бас л хар хөх юм болсон. Намайг зургаан цагийн туршид гавнаас дүүжилснийхээ дараа тэр муу ёрын цагдаа гавыг тайлж зүүн гарын эрхий хурууны доод талын махыг үрсэн бөгөөд ясан дээр тогтсон нимгэн арьс л үлдсэн. Гавнаас болж хоёр бугуй маань шар цэврүүгээр бүрхэгдэж, буцаад хэвэнд нь оруулах ямар ч арга байхгүй болсон. Тэр үед нэлээн чухал мэт харагдах эмэгтэй цагдаагийн офицер орж ирсэн. Намайг дээрээс доош хүртэл хараад тэдэнд ингэж хэлсэн: “Та нар үүнийг дахиад зодож болохгүй, тэр үхэх нь байна.”

Тэр цагдаа намайг зочид буудлын нэг өрөөнд цоожлов. Өрөөний хөшгийг өдрийн хорин дөрвөн цагт маш сайн хаалттай байлгадаг байв. Хаалган дээр манаж байхыг нэг хүнд даалгаж, үйлчилгээний ажилтнуудаас хэнийг ч оруулахгүй, дотор намайг тамлан бүдүүлгээр харьцаж байгааг хэнд ч харуулахгүй байсан. Тэд түр ч амсхийлгүйгээр ээлжлэн намайг байцаадаг байв. Таван өдөр, шөнө тэд намайг унтуулаагүй, надад суухыг ч, хэвтэхийг ч, цадталаа идэхийг ч зөвшөөрөөгүй. Надад зөвхөн хана налан зогсохыг л зөвшөөрсөн. Нэг өдөр албаны нэг хүн намайг байцаахаар ирэв. Өөрийг нь үл тоомсорлож байгааг хараад тэр дэлбэртлээ уурлаж намайг ширээн доогуур нистэл өшиглөсөн. Дараа нь тэр намайг татаж гаргаад завьжны булангаас цус гартал нударгалан цохьсон. Тамлалаа далдлахын тулд тэр хэн нэгнийг орохоос сэргийлэн хаалгыг хурдхан хаав. Дараа нь тэр атга дүүрэн амны цаас авч миний цусыг арчин нүүрийг усаар угаагаад шалан дээрх цусыг цэвэрлэсэн. Би битүү захтай цагаан цамцан дээрээ зориудаар цус үлдээсэн. Хэдий тийм боловч би хорих газарт эргэж ирэхэд, тэр муу ёрын цагдаа миний хувцсан дээрх цусыг намайг сэтгэцийн эмнэлэгт хэвтэж байсан үеийнх, намайг сүүлийн хэдэн өдөр тэнд байсан гэж бусад хоригдлуудад хэлэв. Миний биен дээрх шарх, цус өвчтөнүүдээс болсон бөгөөд цагдаа нар миний биед хүрээгүй гэв…. Эдгээр хэрцгий баримтууд надад, “ардын цагдаа”-ийн хэрцгий догшин авир, муу санаатай заль мэх, хүний үнэргүй байдлыг харуулсан бөгөөд тэдний гарт орсон хүмүүсийн мухардал, цөхрөлийг мэдрүүлэв. Мөн тэр үед Бурханы зөвт байдал, ариун байдал, гэрэл гэгээтэй сайн чанаруудыг гүнээ хүндэтгэхэд хүрсэн бөгөөд Бурханаас ирдэг бүхий л зүйл бол хайр, хамгаалалт, гэгээрүүлэлт, хангалт, амар тайван байдал, дэмжлэг гэдгийг мэдэрсэн. Миний зовлон шаналал хамгийн хэцүү үед хүрэх бүрт Бурхан намайг байнга гэгээрүүлэн, хөтөлж, итгэл, хүч чадлыг минь нэмэгдүүлж, үе үеийн туршид Бурханы төлөө тамлуулан тарчилсан ариун гэгээнтнүүдийн мөн чанарыг үлгэрлэн дуурайхыг зөвшөөрч, үнэний төлөө зогсох зоригийг өгсөн. Муу ёрын цагдаагийн тамлал намайг үхлийн хаалган дээр орхиход Бурхан надад бусад ах, эгч нарын баригдсан тухай мэдээг сонсгосон, үүнийг ашиглан тэдний төлөө залбирахын тулд би цааш хөдлөх, улмаар зовлон шаналлаа умартан үхлийн хавчлага дарамтыг өөрийн эрхгүй туулах боломжийг олгосон. Муу ёрынхны өөр өөр өнгө, хорон санаат Сатаны ачаар би, зөвхөн Бурхан л үнэн, зам, амь болохыг, зөвхөн Бурхан л хамгийн дээд эрх мэдэл, зөвт байдлын билэг тэмдэг, ямар нэгэн дайсагнагч хүчин болон харанхуйд дийлдэхгүй эсвэл түүний эрхэнд автахгүй байхын билэг тэмдэг гэдгийг олж харсан. Зөвхөн Бурхан бүх зүйлийг удирддаг, бүх зүйлийг зохион байгуулдаг бөгөөд Тэр Өөрийн агуу хүч чадал, мэргэн ухааныг ашиглан чөтгөрүүдийн бөөгнөрлийн бүслэлтийг ялах, махан биеийн сул дорой байдал болон үхлийн хавчлагыг даван туулахад миний алхам бүрийг удирдаж, энэ харанхуй нүхэнд цөхрөлгүй тэсэж үлдэх боломжийг олгосон. Бурханы хайр, авралын тухай бодоод би гайхамшигтайгаар урам онгод орж, Сатантай эцсээ хүртэл тэмцэхээр шийдсэн. Би шоронд үхэж мөхсөн ч Бурханы сэтгэлийг ханамжтай байлгахдаа болон өөрийн гэрчлэлдээ хатуу зогсох болно.

Нэг өдөр, урьд нь уулзаж байгаагүй олон муу ёрын цагдаа нар намайг харж, миний хэргийг хэлэлцэхээр ирсэн. Би санамсаргүйгээр шинжээчийн хэлснийг сонссон: “Би өмнөх бүх байцаалтынхаа явцад хэзээ ч тэр тэнэг янханд хандсан шигээ хатуу байж үзээгүй. Би түүнийг гавнаас нь найман цаг дүүжилсэн (үнэндээ бол зургаан цаг, гэвч дарга нь түүнийг хэрэггүй амьтан гэж хэлнэ гэхээс айхдаа тэр, дүр үзүүлэхийг хүссэн.) гэхдээ тэр гэмээ хүлээгээгүй.” Би: “Чи тэр эмэгтэйг яаж тэгж муухай зодож чадав аа? Чи зэрлэг, бүдүүлэг юм” гэж хэлэх эмэгтэй хүний дууг сонсов. Баривчлагдаж байсан хүмүүсийн дундаас хамгийн их зовж тарчилсан нь би болж таарлаа. Би яагаад тийм их зовсон юм бэ? Би бусад хүмүүсээс илүү ялзарсан байсан юм уу? Миний тарчлан зовсон нь Бурхан намайг шийтгэсэн хэрэг үү? Магадгүй надад хэтэрхий их ялзрал байсан, тэгээд би шийтгүүлэх цэгт хэдийнэ хүрчихсэн байх. Ингэж бодоод би нулимсаа барьж дийлээгүй. Би уйлах ёсгүй гэдгээ мэдэж байлаа. Би Сатанд нулимсаа харуулж болохгүй, хэрвээ би уйлбал намайг ялагдсан гэж бодно. Гэхдээ би сэтгэлдээ харуусал гунигийн мэдрэмжээ барьж дийлэлгүй нулимс маань миний хяналтаас халин урссан. Цөхрөл гутралынхаа дунд би зөвхөн Бурханд хандан хашгирсан: “Өө Бурхан минь! Тэр мөчид би маш их шаналан зовсон. Би уйлаад л баймаар байна. Намайг хамгаалаач, намайг Сатаны өмнө толгой бөхийхөөс сэргийлээч, би түүнд нулимсаа үзүүлж болохгүй. Миний байгаа төлөв байдал буруу гэдгийг би мэднэ. Би Танаас шаардаж, бас гомдол мэдүүлж байна. Та юу ч хийсэн энэ нь хамгийн сайн гэдгийг би мэднэ, гэвч миний биеийн хэмжээ хэтэрхий жижиг, миний тэрслүү зан чанар хэтэрхий их, энэ бодит байдлыг би баяртайгаар хүлээн авах чадваргүй, энэ буруу төлөв байдлаасаа гарахын тулд юу хийхээ би мэдэхгүй байна. Таны зохицуулалт, зохион байгуулалтад дуулгавартай байхыг надад зөвшөөрч, дахиад хэзээ ч Таныг буруу ойлгож, гомдоллохгүй байхын төлөө намайг удирдан чиглүүлээч.” Залбирах явцад Бурханы үгийн хэсэг ишлэл тархинд минь үерлэн буусан: “‘Чи ч бас Миний уусан гашуун аяганаас уух ёстой (үүнийг Тэр дахин амиллынхаа дараа хэлсэн), чи ч бас Миний алхсан замаар алхах ёстой, чи Миний төлөө амиа өгөх ёстой’ гэж хэлсэн юм” (Үг нь махбодоор илэрсэн номын “Петр Есүсийг хэрхэн мэдэж авсан бэ”-ээс). Миний нулимс гэнэт зогсов. Христийн зовлон шаналал ямар ч бүтээгдсэн зүйлийнхтэй харьцуулшгүй, бүтээгдсэн зүйлийн хувьд тэсэж тэсвэрлэж чадахааргүй байсан байхад бага зэргийн хүндрэлээс болж зовж шаналах нь шударга бус хэмээн би аягүйрхэж, Бурханд гомдоллож байдаг. Ухамсар, учир зүй хаана байсан бэ? Би хүн гэж хэлэгдэхэд яаж тохирох вэ? Үүний дараа би Бурханы хэлсэн зүйлийг санав: “хүний уг чанарын доторх завхралыг шалгалтуудаар дамжуулан шийдвэрлэх ёстой. Өөрийнхөө давж чаддаггүй ямар нэг талуудын хувьд, чи цэвэршүүлэгдэх ёстой—энэ бол Бурханы төлөвлөгөө. Өөрийнхөө завхралыг танин мэдэхийн тулд цэвэршүүлэгдэхийг чамаас шаардан, чамд зориулсан орчин нөхцөлийг Бурхан бүтээдэг.” (Христийн ярианы тэмдэглэл номын “Шалгалтуудын дунд Бурханыг хэрхэн хангалуун байлгах вэ”). Бурханы үгийг тунгаан бодож, өөрийнхөө тухай эргэцүүлснээр Бурханы зохицуулсан зүйл миний ялзрал, дутагдалд чиглэсэн бөгөөд миний амьдралд яг хэрэгтэй зүйл байсныг ойлгосон. Би ХКН-ын засгийн газрын улмаас маш их харалган болж, хорлогдон сэтгэл зүрх маань түүнд чиглэсэн бүрэн итгэл, найдвараар дүүрэн байсан учраас хэдийгээр би түүний зарим нэгэн буруу зүйлсийг хардаг ч энэ нь түүний тухай миний үзэл бодлыг өөрчлөөгүй байсан. Өнөөдөр Бурхан энэхүү онцгой орчныг надад зориулан бүтээснээр Бурхан ба Сатаныг ялгах, хэн намайг авардаг, хэн намайг ялзруулдаг, би хэнийг шүтэн мөргөх, хэнийг хараах хэрэгтэйг хэлж чаддаг болох боломжийг олгосон бөгөөд зөвхөн үүний тусламжтайгаар би жинхэнэ гэрлийг харж, үнэн Бурханыг олж харан улмаар гэрэл, харанхуйн ялгааг мэддэг болсон. Хэрвээ би маш их, хангалттай хатуу ширүүн бэрхшээлээс болж зовж шаналаагүй бол ХКН-ын засгийн газрын тухай миний үзэл бодол өөрчлөгдөхгүй, сэтгэлдээ би үүнээс үнэхээр татгалзан Бурхан руу үнэнээр эргэхгүй байх байсан. Энэ бэрхшээл бол миний төлөөх Бурханы хайр, Түүний намайг ивээсэн онцгой ивээл байсан. Бурханы хүслийг ойлгоод миний сэтгэл зүрх гэнэт саруул, гэгээлэг болов. Бурханы тухай миний буруу ойлголт алга болсон. Би тэр өдөр хүндрэлийг даван туулах миний оршихуйд гайхамшигтай үнэ цэнэ, утга учир байгааг мэдэрсэн!

Тэд чадах бүхнээ хийсний дараа муу ёрын цагдаа надаас юу ч олж авч чадаагүй. Эцэст нь тэд итгэлтэйгээр ингэж хэллээ: “Коммунистууд төмрөөр хийгдсэн байдаг, харин Төгс Хүчит Бурханд итгэдэг хүмүүс алмазаар хийгддэг, тэд бүх талаараа коммунистуудаас дээд түвшинд байдаг.” Эдгээр үгсийг сонсоод би сэтгэлдээ баярлан хөөрч, Бурханыг магтахгүй байж чадаагүй: Өө Бурхан минь, би Танд талархан, магтаал өргөж байна! Та төгс хүчит байдал, мэргэн ухаанаараа Сатаныг ялан дийлж, дайснуудаа бут цохьсон. Та бол хамгийн дээд эрх мэдэл, алдар цуу Танд байх болтугай! Зөвхөн энэ л мөчид би ийнхүү ойлгов: Коммунист нам ямар хэрэгтэй юм бэ? Энэ дэлхий дээрх улс төрийн бүх дэглэм ямар хэрэгтэй юм бэ? Тэнгэр, газар дээрх бүх зүйлс Бурханы ноёрхол дор ирэх ёстой. Тэдэнд сонголт байх ёсгүй, жижигхэн, утга учиргүй, эсрэг тэсрэг чөтгөр Сатаны тухай хэлээд байх юу ч байхгүй.

Нэг өдөр муу ёрын цагдаа намайг байцаахаар дахин ирэв. Энэ удаад тэд жаахан хачин байсан. Ярихдаа тэд над руу харж байсан ч надтай ярьж байгаа мэт санагдаагүй. Тэд ямар нэгэн зүйлийг хэлэлцэж байгаа юм шиг л байлаа. Өмнөхтэй адилаар энэ байцаалт бас л амжилтгүй дууссан. Дараа нь тэр муу ёрын цагдаа намайг камер руу маань авч явсан. Явах замдаа би намайг дараа сарын нэгний өдөр суллах бололтой гэж тэдний хэлэхийг гэнэт сонсов. Үүнийг сонсоод миний сэтгэл догдлол, хөөрлөөр тэсэрсэн: Би гурван өдрийн дараа суллагдана гэсэн үг! Би эцэст нь энэ чөтгөрийн тамыг орхиж чадах нь! Сэтгэл дэх баяр хөөрөө дарж, өнгөрөх мөч бүрт найдан хүлээж байлаа. Гурван өдөр гурван жил шиг л байсан. Эцэст нь, дараа сарын нэгэн боллоо! Tэр өдөр би нэрийг маань хэн нэгэн дуудахыг хүлээн хаалга руу байнга гөлрөн байлаа. Өглөө өнгөрлөө, юу ч болсонгүй. Би бүхий л итгэл найдвараа үдээс хойших үед тавьсан. Гэвч орой болоход юу ч болоогүй хэвээр байв. Оройн хоолны цаг болоход би юу ч идмээргүй байлаа. Арга барагдсан мэдрэмж надад төрж байлаа; тэр үед миний зүрх тэнгэрээс тамд унасан мэт байв. “Тэр яагаад юм идэхгүй байна?” гэж харгалзагч бусад хоригдлуудаас асуулаа. “Тэр өдөр байцаалтнаас ирснээсээ хойш нэг их идээгүй” гэж хоригдлуудын нэг нь хариулав. “Түүний толгойг нь үзээдэх, өвдсөн юм уу?” гэж харгалзагч хэллээ. Нэг хоригдол хүрч ирж, миний толгойг барьж үзэв. Тэр “маш халуун байна, халуурч байна” гэж хэллээ. Би үнэхээр халуурч байв. Өвчин гэнэт ирсэн бөгөөд маш ноцтой байлаа. Тэр үед миний хамаг тамир барагдсан. Хоёр цагийн хугацаанд халууралт улам бүр дордож байлаа. Би уйлсан! Харгалзагч болон бусад хүмүүс намайг уйлахыг харж байв. Тэд бүгд сандарсан: тэд намайг жигшмээр ширүүн тамлалтай нүүр тулаад дусал нулимс ч унагаагүй, огт ёололгүйгээр гавнаасаа зургаан цаг дүүжлүүлсэн, урхинд автаагүй, саваанаас айж сүрдээгүй нэгний байдлаар харж байлаа. Гэтэл өнөөдөр би ямар нэгэн тамлалгүйгээр уйлсан. Миний нулимс хаанаас гарсныг тэд мэдээгүй, зүгээр л намайг маш хүнд өвдсөн гэж бодсон. Яг үнэндээ Бурхан бид хоёр л шалтгааныг нь мэдэж байв. Энэ нь миний тэрслүү, дуулгаваргүй байдлаас болсон. Миний хүлээлт юунд ч хүрэлгүй, итгэл найдвар минь нурсанд би цөхөрснөөс болж тэр нулимс гарсан. Тэр бол тэрсэлсэн, гомдол дургүйцлийн нулимс байв. Тэр мөчид би Бурханыг гэрчлэх шийдвэртэй байхыг хүсэхээ больсон. Дахин ингэж шалгалтанд орох зүрх зориг ч надад байсангүй. Би шоронгийн амьдралаар хангалттай амьдарсан учраас тэр орой зовлон зүдгүүрийн нулимс унагасан, би тэдгээр чөтгөрүүдийг үзэн ядсан, түүнээс ч илүүтэйгээр энэ чөтгөрүүдийн газар байгаагаа жигшиж үзэн ядсан. Би тэнд дахиад нэг мөчийг ч өнгөрөөхийг хүсээгүй. Энэ тухай би хэчнээн их бодно, төдийчинээ сэтгэлээр унаж, гомдол дургүйцэл, харуусал, ганцаардлыг маш ихээр мэдэрсэн. Би тэнгист хаягдсан хэзээ л бол хэзээ усанд залгигдаж болох завь шиг санагдсан; мөн түүнчлэн миний эргэн тойронд байгаа хүмүүс надад уураа хэдийд ч гаргаж чадах, муу санаатай, аймшигтай болохыг мэдэрсэн. Би уйлахаа больж чадахгүй байлаа: “Өө Бурхан минь! Та намайг авраач. Би сүйрлийн ирмэг дээр байна. Би Танаас хэзээ ч, хаана ч урваж болох байсан. Та миний зүрх сэтгэлийг тогтоон барьж, Таны өмнө дахин нэг удаа ирэх боломжийг олгооч, Та намайг дахин нэг удаа өрөвдөж, Таны зохион байгуулалт, зохицуулалтыг хүлээн авахыг зөвшөөрөөч. Хэдийгээр би, Таны одоо юу хийж байгааг ойлгож чадахгүй байгаа ч Таны хийдэг бүх зүйл сайн болохыг би мэднэ. Та намайг дахин нэг удаа аварч, зүрх сэтгэлээ Тан дуу эргүүлэхийг зөвшөөрөөсэй гэж би хүсэж байна.” Залбирсныхаа дараа би айхаа больсон. Би тайвширч өөрийнхөө тухай эргэцүүлж эхэлсэн, яг тэр мөчид Бурханы шүүлт, илчлэлтийн үгс надад ирсэн: “Чи бие махбодыг хүсэж байна уу эсвэл чи үнэнийг хүсэж байна уу? Чи шүүлтийг хүсэж байна уу эсвэл тав тухыг уу? Бурханы ажлын ихийг мэдэрснээр, Бурханы ариун байдал ба зөвт байдлыг харснаар, чи хэрхэн эрж хайх ёстой вэ? Чи энэ замаар хэрхэн алхах ёстой вэ? Чи Бурханы хайрыг хэрхэн хэрэгжүүлэх ёстой вэ? Бурханы гэсгээлт, шүүлт чамд ямар нэг нөлөө үзүүлсэн үү? Чамд Бурханы гэсгээлт, шүүлтийн талаарх мэдлэг байгаа юу, үгүй юу гэдэг нь, чи хэрхэн амьдран харуулж байгаагаас, Бурханыг ямар хэмжээнд хайрлаж байгаагаас хамаарна! Чиний уруул чинь Бурханд хайртай гэж хэлдэг, гэсэн ч чиний амьдран харуулж байгаа чинь хуучин, завхарсан зан чанар байдаг; чи Бурханаас айж эмээдэггүй тэр ч байтугай чамд дотоод сэтгэл байдаггүй. Тийм хүмүүс Бурханыг хайрладаг уу? Тийм хүмүүс Бурханд үнэнч үү? Тэдгээр нь Бурханы гэсгээлт, шүүлтийг хүлээн зөвшөөрсөн хүмүүс үү? Чи Бурханыг хайрладаг ба Түүнд итгэдэг гэж хэлдэг, гэсэн ч чи өөрийн үзлээ хаяж чаддаггүй. Чиний ажилд, оролтонд, чиний ярьж байгаа үгэнд, чиний амьдралд Бурханы хайрын ямар ч илрэл байхгүй ба Бурханыг хүндлэх хүндлэл байхгүй. Энэ нь гэсгээлт, шүүлтийг олж авсан хүн үү? Ийм хүн Петр шиг байж чадах уу? … Петр шиг хүмүүс зөвхөн мэдлэгтэй мөртлөө амьдран харуулдаггүй байж болох уу?” (Үг нь махбодоор илэрсэн номын “Петрийн туршлага: гэсгээлт, шүүлтийн талаарх түүний мэдлэг”-ээс). Бурханы шүүлтийн үг бүр над дээр буруутгал зэмлэлийг овоолж, миний сул тал руу хоёр талдаа иртэй сэлэм адил довтолж байлаа: Тийм ээ, би үнэний төлөө юм бүхнийг орхиж, хүндрэл бэрхшээл нэг бүрийг давна хэмээн хэлж Бурханы өмнө ариун тангараг өргөж байсан нь олон. Харин өнөөдөр Бурхан надаас зарим зүйлийг асуух гэж бодит баримтыг ашиглах үед, Түүний сэтгэлийг ханамжтай байлгахын тулд миний зовлон шаналал Түүнд үнэхээр хэрэгтэй, үнэ төлөх хэрэгтэй болох үед би үнэнийг эсвэл амийг сонгоогүй, харин махан биений ашиг сонирхол, горьдлогоосоо болж бачимдал, зовлон зүдгүүр, санаа зовнилд мухар сохроор автсан. Тэр ч байтугай надад Бурханд итгэх өчүүхэн төдий ч итгэл байгаагүй. Ийм маягаар би хэрхэн Бурханы хүслийг хангалуун байлгаж чадах вэ? Миний амьдран гаргаж байгаа зүйлс үр жимстэй байхыг Бурхан хүссэн. Тэр цэцэг навчаар чимэглэсэн, хоосон амлалтыг хүсээгүй. Гэтэл би Бурханы өмнө мэдлэгтэй байсан ч харин бодит байдал үгүй, Бурханд хандсан үнэнч шударга зан, үнэн хайрын аль нь ч байгаагүй, дуулгавартай байдал бүр ч байгаагүй; би залилан мэхлэлт, тэрслүү, эсэргүү зангаас өөр юуг ч амьдран гаргаагүй. Үүгээрээ би Бурханаас урван тэрсэлсэн нэгэн байгаагүй гэж үү? Би Бурханы зүрх сэтгэлийг тасчин хаясан нэгэн байгаагүй гэж үү? Тэр мөчид би Эзэн Есүс баривчлагдаж, загалмайд цовдлогдсон тухай санав. Түүний нигүүлслийг таашаан баясаж байсан хүмүүс нэг нэгээрээ Түүнийг хаяж одсон. Сэтгэлдээ би харуусал, харамсалд цохигдохгүй байж чадаагүй. Би тэрслүү зангаа, хүнлэг байдал дутагдаж байгаагаа үзэн ядсан, би дахин нэг удаа босож, Бурханд өгсөн амлалтаа бодитой болгохын тулд бодитой үйлдлүүд ашиглахыг хүссэн. Би шоронд мөхсөн ч дахиад хэзээ ч Бурханы сэтгэлийг шархлуулахгүй. Миний төлөө Бурханы төлсөн цусны үнээс би хэзээ ч дахин урвахгүй. Би уйлахаа больж, сэтгэл дотроо Бурханд хандан залбирсан: “Өө Бурхан минь, Таны хүслийг ойлгохыг зөвшөөрч намайг гэгээрүүлэн, удирдан хөтөлсөнд баярлалаа. Миний биеийн хэмжээ үнэхээр жижигхэн, Таны төлөө гэх өчүүхэн ч хайр эсвэл дуулгавартай байдал надад байхгүйг би харж байна. Өө Бурхан минь, яг одоо би өөрийгөө Танд бүрэн өгөхийг хүсэж байна. Би бүхий л амьдралаа шоронд өнгөрөөсөн ч хамаагүй Сатанд хэзээ ч буулт хийхгүй. Таныг сэтгэл хангалуун байлгахын тулд бодит үйлдэл хийхийг л би хүсэж байна.

Хэсэг хугацааны намайг суллагдах гэж байгаа гэх цуу яриа гарсан. Хэдхэн өдрийн дараа суллагдана гэж хүмүүс ярьж байлаа. Өнгөрсөн удаа авсан сургамжаасаа болоод энэ удаад би бодлоготой, хүлээцтэй хандсан. Хэдийгээр би маш их догдолсон боловч хэзээ ч дахиад өөрөө сонголт хийхгүйн тулд Бурханы өмнө залбирч, эрэлхийлэхийг хүссэн. Бурханы бүх зохицуулалт, зохион байгуулалтанд дуулгавартай байлгахын тулд намайг хамгаалахыг л би Бурханаас гуйна. Хэдхэн өдрийн дараа тэрхүү цуу яриа дахиад талаар болов. Тэр ч бүү хэл тэдэнд нэр, гэрийн хаягаа хэлээгүй гэдэг шалтгаанаар намайг үхсэн ч хамаагүй шоронгоос явуулахгүй, тэгээд мөнхөд шоронд хорино гэж харгалзагч хэлэхийг сонслоо. Үүнийг сонсох нь үнэхээр хэцүү байсан боловч энэ бол миний амсах ёстой зовлон шаналал гэдгийг би мэдэж байлаа. Бурхан намайг Түүнд ийм гэрчлэл хийхийг хүссэн, мөн би Бурханд дуулгавартай байж, Бурханы хүсэлд мэхийх хүсэлтэй байсан бөгөөд Бурханы гарт бүх хэрэг явдал, бүх зүйл байгаа гэдэгт итгэж байсан. Энэ бол Бурханы надад зориулсан онцгой нигүүлсэл, намайг өндөрт өргөсөн явдал байлаа. Хэдийгээр өмнө нь би шоронд үхнэ гэж хэлж байсан ч тэр нь зөвхөн миний хүсэл тэмүүлэл байсан - надад бодит байдал байгаагүй. Өнөөдөр би өөрийн бодит амьдран гаргалтаар дамжуулан гэрчлэл хийх, Бурхан миний дотроос тайвшрал олохыг хүсэж байна. Би Сатаныг жигшсэн үзэн ядалтаар дүүрч, эцсээ хүртэл Сатантай тэмцэж, шоронд мөхөхдөө жинхэнэ гэрчлэлийг үнэнээр хийх шийдвэр гаргаад байхдаа Бурханы бүхнийг чадагч, гайхалтай үйлсийг харсан. 2005 оны 12 дугаар сарын 06-ны өдөр намайг шоронгийн машинаар хорих газраас авч яваад замын хажууд орхисон. Тэр үеэс эхлээд миний шорон дахь хоёр жилийн амьдрал төгсгөл болсон юм.

Энэ аймшигтай тамлалыг биеэрээ туулан мэдрээд хэдийгээр махан бие маань зарим нэгэн хүндрэл бэрхшээлийг давж гарсан ч би зуу, мянга дахин илүү зүйлийг олж авсан: миний нүд нээгдэж, ялган таних чадвар маань хөгжсөн, ХКН-ын засгийн газар бол чөтгөр Сатаны биежилт, хүмүүсийг нүд ирмэхийн зуур алж орхидог алуурчдын бүлэглэл гэдгийг үнэнээр олж харсан, гэхдээ би Бурханы бүхнийг чадагч болохыг, Түүний мэргэн ухаан, Түүний зөвт, ариун байдлыг, Сатаны тамлалын явцад Сатаныг алхам алхмаар ялан дийлж, гэрчлэлдээ хатуу зогсох боломжийг надад олгосон Түүний анхаарал халамж, хамгаалалтыг ойлгосон. Тэр өдрөөс эхлэн би өөрийгөө Бурханд бүрэн өгөхийг хүссэн. Би Бурханыг шаргуу дагах болно, ингэснээр би Түүнд арай эрт хүрч болох юм.

Өмнөх:Харамсахааргүй өнгөрүүлсэн залуу нас

Танд таалагдаж магадгүй